Fréttir - Eyjafréttir - 06.04.2016, Side 14
14 Eyjafréttir / Miðvikudagur 6. apríl 2016
Skynsamlegur rekstur
Mikil áhersla hefur verið lögð á
skynsamlegan rekstur undanfarin ár,
með það að leiðarljósi að greiða
niður lán, hagræða í rekstri og
þannig skapa svigrúm til að auka
þjónustu án þess að leggja frekari
álögur á bæjarbúa. Nú hefur því
skapast svigrúm til að ráðast í
aðgerðir með áherslu á börn og
barnafjölskyldur.
Fleiri leikskólapláss
Bæjarstjórn ákvað á síðasta fundi
sínum að grípa til þeirra aðgerða að
bæta tafarlaust við 15-20 nýjum
plássum á leikskóla bæjarins.
Vestmannaeyjabær hefur nýlega
ráðist í aðgerðir til að mæta þeim
vanda sem uppi var í daggæslu-
málum m.a. með opnun daggæslu-
úrræðis á Strönd. Einnig var gripið
til þess ráðs að veita styrki til
dagforeldra ásamt stuðningi með
námskeiðahaldi og aðstoð frá
fræðsluskrifstofu. Þær aðgerðir
slógu tímabundið á vandann en ljóst
er að nauðsynlegt er að finna lausn
til lengri tíma litið. Með inntöku
nýrra barna á leikskóla ættu elstu
börnin sem í dag nýta þjónustu
dagforeldra að verða boðin
leikskólapláss og því skapast
svigrúm hjá dagforeldrum að taka á
móti nýjum börnum.
Ný leikskóladeild
Eftir sem áður liggur fyrir að það
úrræði að bæta við nýjum plássum á
leikskólana dugar ekki nema fram
að næstu áramótum, þá fer á ný að
safnast upp biðlisti ef ekkert verður
að gert. Þess vegna þarf að opna
nýja leikskóladeild um næstu ára-
mót. Með rekstri hennar vill bæjar-
stjórn stefna að því að inntaka barna
á leikskóla verði oftar en nú er.
Þjónusta dagforeldra niður-
greidd frá 9 mánaða aldri
Biðlistar hafa verið hjá dagfor-
eldrum undanfarna mánuði. Ljóst er
að inntaka fleiri barna á leikskóla
þýðir að einhver pláss munu losna
hjá dagforeldrum strax við þær
aðgerðir. Eftirspurn eftir dagfor-
eldrum ætti að aukast ef boðið er
uppá niðurgreiðslur fyrr. Aðgerðir í
leikskólamálum hanga því saman
við þá ákvörðun að þjónusta
dagforeldra verði niðurgreidd frá 9
mánaða aldri í stað 12 mánaða frá
1. maí n.k.
Heimagreiðslur
Illu heilli hefur myndast óþægilegt
þjónustubil á milli fæðingarorlofs
ríkisins og þjónustu sveitarfélaga.
Þetta bil hefur að hluta til verið
brúað með þjónustu dagmæðra sem
síðan er niðurgreidd af sveitar-
félaginu. Það er mat bæjarstjórnar
að það eigi að vera val foreldra
hvort þeir velja heldur að þiggja
heimagreiðslur eða nota niður-
greidda þjónustu dagmæðra. Þess
vegna mun sveitarfélagið frá og
með 1. maí nk. taka upp heima-
greiðslur frá 9 mánaða aldri og til
þess tíma þar sem barnið hefur
leikskólagöngu. Þetta val mun
væntanlega þýða að einhverjir
foreldrar munu notfæra sér
heimagreiðslur ef ekki er hægt að fá
pláss hjá dagforeldri eða ef valið er
að vera lengur heima með barninu.
Það mun væntanlega létta á
biðlistum dagforeldra.
Sókn
Á meðan ríkið dregur lappirnar í
ákvarðanatöku varðandi samgöngur
og skurðstofuvakt er enn mikil-
vægara að samfélagið blási til
sóknar hvað innri þætti varðar og
búi til eins ákjósanlegar aðstæður
og mögulegt er til að láta fjölskyld-
unni líða vel í Vestmanneyjum.
Tækifærin eru óendanleg þar sem
fólki líður vel.
Fræðsluráð mun á næstu vikum
vinna að því að tryggja að ofan-
greint nái fram að ganga á farsælan
hátt.
Á Heimaey eru fjórar baðstrandir
frá náttúrunnar hendi, innst í
Klaufinni skammt frá Vilhjálmsvík,
í Stafnsnesi vestan við Blátind, í
Klettsvíkinni og Undir Löngu. Fyrir
margt löngu var Klaufin notuð
nokkuð á sólardögum þegar Logar
tóku þar lotur en það er svolítið mál
að fara þangað með börn. Annars-
staðar er aðgengið flóknara.
Perla ,,baðstrandanna” í Vestmanna-
eyjum er Langan, einstakt svæði,
náttúruparadís í einfaldleika sínum,
faðmur á móti suðri með kyrrð,
hlýju og stemmningu sem er
sjaldgæf og engin höfn í Evrópu
getur státað af slíkri aðstöðu fyrir
fólk innan hafnar. Fyrir um það bil
50 árum hafði Langan verið mikið
notuð af fjölskyldum í Eyjum. Það
var áður en sverar skolpleiðslur
voru leiddar í höfnina frá bæ og
vinnslustöðvum. Nú fer ekkert
skolp í höfnina lengur. Þá var nóg
til af árabátum í Vestmannaeyjahöfn
og ekkert tiltökumál að skreppa
Undir Löngu og þá var öll aðstaða
til tómstundalífs í bænum miklu
fátæklegri en nú er.
Það hefur verið á kosningaloforða-
lista bæjarstjórnar í mörg ár að bæta
aðgengið Undir Löngu. Fjórir
möguleikar eru helstir í þeim
efnum:
1. Að byggja göngubrú í berginu
sunnan og austan í Neðri Kleifum,
um það bil 85 metra langa. Slíkt var
gert þegar nyrðri hafnargarðurinn,
Hörgaeyrargarðurinn, var byggður á
þriðja áratug síðustu aldar, en þá
var brúin, sem enn má sjá leifar af í
berginu, notuð til efnisflutninga við
byggingu hafnargarðsins.
Neðri Kleifar í Heimakletti eru með
undurfagra bergmyndun, skútaberg
sem eru ekkert annað en náttúrleg
listaverk. Mörgum þykir ástæða til
þess að vernda slíkt og því myndi
göngubrú um tveggja metra breið
með um meters háu grindverki
skerða hreinleika Kleifabergsins, en
þó er ekki ástæða til þess að útiloka
neitt í þeim efnum til þess að opna
fólki leiðina að þessu náttúrundri.
Að eiga Lönguna og nýta hana ekki
fyrir útilíf íbúa Vestmannaeyja er
eins og að eiga forláta djásn lokað
ofan í skúffu og enginn fær að sjá
eða verðmæti sem eru falin í stað
þess að nýta þau til góðra verka og
gera samfélagið skemmtilegra,
fjölbreyttara og manneskjulegra.
Það myndi kosta a.m.k. 40 milljónir
króna að byggja 85 metra göngubrú
utan í Kleifabergið með tilheyrandi
kröfum og slík brú yrði ekki allra.
Þó er rétt að minnast orða Högnu
Sigurðardóttur arkitekts úr Eyjum,
sem sagði að ef nauðsyn væri að
ganga á einfaldleika náttúrunnar til
þess að þjóna eðlilega nýtingar-
möguleika, þá væri best að gera það
án hiks, gera það smekklegt og
sýnilegt. Þannig yrði göngubrú
væntanlega.
2. Hægt er gera fyllingu með
Kleifaberginu frá Kleifabryggju um
15 metra breiða nær 100 metra
langa, en þá væri Langan orðin eins
og hluti af bryggjusvæðinu og það
slógu menn algjörlega út af borðinu
á sínum tima þegar hugmyndir voru
að lengja Kleifabryggju alveg að
hafnargarðinum. Slík fylling gengi
ekki eins langt og þegar mönnum
datt í hug að slátra Löngunni með
bryggju fyrir framan, en aðgengið
yrði mjög auðvelt. Hundruð þúsund
rúmetra af efni þyrfti í slíka fyllingu
og hún myndi sökkva síðasta
skerjagarðinum sem enn er til í
Vestmannaeyjahöfn. Kostnaðartölur
þekki ég ekki.
3. Það er auðvitað hægt að komast
Undir Löngu á háfjöru en það gera
ekki nema þjálfaðir menn og það er
langsótt í dag að ætla að nota gömlu
aðferðina með árabátum, eða
gúmmíbátum. Það yrði væntanlega
alltof dýr útgerð. Einn vinur minn,
sem klöngrast stundum Undir
Löngu sagði að það væri löngu
tímabært að gera gott aðgengi fyrir
fólk að Löngunni, en hann tímdi því
eiginlega ekki vegna þess að hann
vildi hafa Lönguna fyrir sjálfan sig
einan. Getur þú verið þekktur fyrir
þessa hugsun, spurði ég ?
4. Lítil jarðgöng undir miðjar
Kleifarnar er möguleiki sem eyðir
nánast öllu er lítur að sjómengun
og náttúruvernd, en myndu
jafnframt gera best og auðveldast
aðgengi að Löngunni fyrir alla.
Áhugahópur sem hefur verið að
skoða þessa möguleika hefur fengið
fast verð hjá reyndustu verktökum í
gerða slíkra ganga, en það hefur
komið mörgum á óvart að talan er
ekki hærri en 17 milljónir króna.
Verktími væri 4-6 vikur. Nokkur
fyrirtæki hafa þegar lofað að styrkja
verkefnið verulega. Göngin myndu
opnast bak við stóru Ísfélags
„frystikistuna“ á Eiðinu, nánast eins
og lítill skúti inn í bergið. Göngin
yrðu eingöngu fyrir gangandi
umferð, um 4 metra breið og 4
metrar á hæð eins og stór bílskúrs-
hurð. Göngin yrðu um 65 metrar á
lengd, rúmlega tvisvar sinnum
lengri en Landakirkja sem er 25
metra löng. Reiknað er með í
jarvinnunni að í miðjum göngunum
undir Neðri Kleifum yrði 60-80 m2
rými fyrir uppákomur eins og
tónleika, fundi, ferðamenn eða
annað í einstöku umhverfi og
mönnum hefur dottið í hug að fá
listamanninn Ólaf Elíasson til þess
að lýsa göngin. Bestu hugmyndina
ennþá höfum við heyrt frá bæjar-
stjóranum okkar að leiða heitt vatn í
gegnum göngin og gera heita potta í
fjöruborðinu. Það væri náttúrlega
stórkostlegt og engin sjómengun.
Hvaða bæjarbúi myndi ekki vilja
skjótast Undir Löngu með fjöl-
skyldu eða gestum og taka heitt bað
í pottum eða bregða sér í sjóinn
stundarkorn.
Það er von okkar að fólk sjái hvað
bætt aðgengi að Löngunni er fyrst
og fremst stórkostleg hlunnindi
fyrir Eyjamenn og bráðskemmtileg
og það er auðvitað veðrið sem
skammtar umferðina þangað þannig
að hætta á ofnotkun er engin. Með
gerð lítilla jarðganga fyrir gangandi
umferð erum við líka að vernda
Lönguna og Löngusvæðið vonandi
um alla framtíð.
Það er mikilvægt að sem flestir taki
þátt í kosningu íbúakönnunar um
aðgengi að Löngu sem bæjarstjórn
efnir til dagana 11. og 12. apríl n.k.
Hægt er að kjósa á skrifstofu
Umhverfis- og framkvæmdaráðs
Skildingavegi 5 báða dagana kl.
9-12 eða rafrænt í tölvu en það
getur tekið eina viku að fá svokall-
aðan íslykil til þess að kjósa
rafrænt. Þessi kosning er auglýst af
bæjaryfirvöldum í a.m.k. Fréttum
og þar er greint frá aðferðinni við
að kjósa rafrænt. Mikilvægt er að
sem flestir taki þátt í kosningunni
sem gefur vísbendingu um vilja
fólks og þótt aðferðin sé svolítið
óvenjuleg og þunglamaleg er
mikilvægt upp á marktæka
niðurstöðu að sem flestir taki þátt.
Valkostirnir eru fyrir hendi, leysum
málið og opnum faðm Löngunnar
fyrir bæjarbúa. Þetta er bara ein
lundaholan af lengri gerð.
trausti hjaltason
Formaður fræðsluráðs
og bæjarful ltrúi.
árni johnsen
Bætt þjónusta við barnafjölskyldur
Sendibíllinn á myndinni sýnir hvar göngugöngin undir Neðri Kleifar yrðu staðsett á Eiðinu og stærð bílsins er ámóta og gangaopið sjálft yrði.
Opið yrði í rauninni eins og dropi í „hafi“ Heimakletts. Ljósmynd: Óskar Pétur.
Opnum faðm Löngunnar
fyrir bæjarbúa
:: Lítil göngugöng undir Kleifar besta náttúruverndin :: Takið þátt í íbúakosningu 11. og 12. apríl