Fréttir - Eyjafréttir - 13.04.2016, Blaðsíða 2
2 Eyjafréttir / Miðvikudagur 13. apríl 2016
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
blaðamenn: Sædís Eva Birgisdóttir - seva@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur Tómas Sigfússon
- gudmundur@eyjafrettir.is
ábyrgðarmaður: Ómar Garðarsson.
prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Í Sagnheimum, byggðasafni hefur
skapast sú hefð að bjóða upp á
hádegisfyrirlestra yfir vetrarmán-
uðina. flestir hafa þeir þótt afar
fróðlegir og skemmtilegir og
viðfangsefnin margvísleg enda oft
og tíðum þekktir fyrirlesarar
kvaddir til. En á engan er hallað þó
fullyrt sé að heimsókn Róberts
Guðfinnssonar athafnamanns og
framkvæmdamanns á Siglufirði sé
hápunkturinn í vel heppnaðri
Súpudagskrá vetrarins. Róbert er
enginn aukvisi í veröld við-
skiptanna, var útnefndur maður
ársins í atvinnulífinu árið 2014 og
er fyrir löngu landsþekktur orðinn
fyrir uppbyggingu sína í heimabæ
sínum, Siglufirði.
fyrirlestur sinn flutti Róbert
blaðalaust og af ákefð þess sem á
hugsjónir og vill koma miklu til
leiðar. Meginhugsjón Róberts á
mikið erindi við Vestmannaeyinga:
Landsbyggðin hefur fengið ótrúleg
tækifæri upp í hendurnar við þær
breytingar sem nú ganga yfir.
Róbert tók sjálfur dæmi um
uppbyggingu ferðamennskunnar á
Siglufirði og sagði frá því hvernig á
ótrúlega skömmum tíma hótel og
ýmiss konar afþreyingaraðstaða
hefði risið upp til að mæta stigvax-
andi fjölda erlendra ferðmanna á
staðinn.
Ferðamennska aðeins hluti
tækifæranna
En sú hlið sem snýr að uppbygg-
ingu ferðamennskunnar er aðeins
hluti af þeim tækifærum sem
Róbert sér fyrir landsbyggðina alla.
Með aukinni tæknivæðingu í
hefðbundinni starfsemi á borð við
sjávarútveg verða til ný tækifæri og
hann tók dæmi af uppbyggingu
eigin líftæknifyrirtækis, GEniS,
sem vinnur að framleiðslu lyfja úr
rækjuskel. Þar starfar nú tæplega
tugur starfsmanna, flestir hámennt-
aðir á sínu sviði.
Róbert fjallaði mikið um þá
möguleika sem ný tækni færði
landsbyggðinni við uppbyggingu
starfa þar sem krafist væri mennt-
unar og sérþekkingar. Róbert er
sjálfur lifandi sönnun þess að
tækifærin eru til staðar, hann hefur
sett á fjórða milljarð í uppbyggingu
í sínum heimabæ og sú gróska sem
hann lýsti fékk blaðamann til að
hugsa hvort einnig hér mætti
kannske virkja sköpunarkraftinn.
En Róbert lagði líka mikla áherslu á
það að samstaða bæjarbúa væri
lykilatriðið – án hennar hefði fátt af
því sem gert var orðið að veruleika.
Ódrepandi bjartsýni
Og bjartsýnin verður að vera til
staðar, ódrepandi bjartsýni á
verkefnið og staðinn sem veðjað er
á. Í anda þeirrar tröllatrúar steig
fram senuþjófurinn Kristján
Óskarsson og sagði að hann væri
með lausn fyrir Landeyjahöfn.
Vonandi að svo verði sannað síðar.
Róbert endaði frábæran fyrirlestur
á því að taka nokkrar spurningar og
það var greinilegt að þéttskipaður
salurinn, en um 90 manns mættu,
hafði eigin heimavöll í huga:
Hvernig má yfirfæra hingað allt það
sem vel er verið að gera á Siglufirði
mátti lesa úr flestum spurninganna.
Róbert Guðfinnsson er að minnsta
kosti lifandi sönnun þess hvað einn
maður getur gert fyrir sitt byggðar-
lag ef saman fer kraftur athafna-
mannsins og samstaða heildarinnar.
Engir tónlistarmenn höfðu meiri
áhrif með tónlist sinni en the
Beatles frá Liverpool sem skóku
heimsbyggðina alla á árunum
1963 til 1970. Vinsældirnar voru
ævintýralegar og áhrif þeirra á líf
og hugsun unga fólksins á þessum
tíma meiri en dæmi voru til.
Áhrifin náðu til Vestmannaeyja og
gætir enn þó hálf öld sé síðan alda
Bítlanna reis hæst. Enn verður
blásið í Bítlaglæður á Háaloftinu á
föstudagskvöldið þar sem raddir
þeirra og tónlist mun hljóma
ómenguð.
„Við erum fjórir sem ætlum að
troða upp á Bítlakvöldi á Háaloft-
inu, ég Viðar togga Lennon, Biggi
nielsen MacCartney, Grétar
Eyþórs Starr og Víðir Róberts
Harris,“ sagði Viðar í samtali við
Eyjafréttir. Er hann sá eini sem
upplifði Bítlatímabilið og enn er
hann jafn einlægur aðdáandi.
„Húsið opnar klukkan níu og
tónleikarnir byrja klukkan tíu. Við
munum flytja 14 lög þar sem raddir
Bítlanna allra og undirspil verður í
aðalhlutverki. Okkar er að túlka og
skila hinum einu sönnu Bítlum til
fólksins. Við vonum að sem flestir
mæti en það kostar 3000 krónur
inn. Gaman væri að fylla salinn en
eftir hlé er spurningakeppni þar sem
sigurvegarinn fær vegleg verðlaun,“
sagði Viðar Lennon að lokum.
Það var mikið fjör í Eldborgarsal
Hörpu á föstudaginn þar sem the
Cavern Beatles tróðu upp og fluttu
gömlu góðu Bítlalögin í anda hinna
einu sönnu Bítla. Viðtökur voru
frábærar í fullu húsi og vel tekið
undir í flestum laganna.
Það var Bjarni Ólafur Guðmunds-
son, Eyjamaður sem stóð fyrir
tónleikunum og var hann ánægður
með hvernig til tókst. Óskar Pétur
ljósmyndari var á staðnum og
fangaði stemmninguna. Hákon
tristan, áttta ára sonur Bjarna átti
augnablik kvöldsins þegar hann var
kallaður upp og söng með í lagi
Pauls, Hey Jude þar sem allur
salurinn tók undir. Sannkallaður
senuþjófur.
Bítlakvöld á
Háloftinu
með hinum
einu sönnu
Ómar GarðarSSon
omar@eyjafrettir.is
Vel heppnaðir Bítlatónleikar í Hörpu:
Hákon Tristan átta
ára stal senunni
Saga og súpa athafnamanns :: Róbert Guðfinnsson í Sagnheimum:
Hefur sett á fjórða milljarð í upp-
byggingu í sínum heimabæ Siglufirði
:: Enginn aukvisi í veröld viðskiptanna og maður ársins í atvinnulífinu árið 2014
Kári BjarnaSon
frettir@eyjafrettir.is
Róbert Guðfinnsson.
Viðar Togga Lennon.
Paul og Hákon syngja Hey Jude.
The Cavern Beatles og aðstoðarmenn ásamt feðgunum Bjarna Ólafi og Hákoni Tristan.
Vel var mætt á fyrirlestur Róberts í Sagnheimum.