Fréttir - Eyjafréttir - 19.05.2016, Blaðsíða 2
2 Eyjafréttir / Fimmtudagur 19. maí 2016
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
blaðamenn: Sædís Eva Birgisdóttir - seva@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur Tómas Sigfússon
- gudmundur@eyjafrettir.is
Ábyrgðarmaður: Ómar Garðarsson.
Prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Booking Westmann Islands er
athyglisverðasti upplýsingavefur
sem ferðamönnum sem ætla til
Vestmannaeyja stendur til boða. Þar
er að finna upplýsingar um hótel og
aðra gistingu, veitingastaði og
afþreyingu af öllu tagi sem boðið er
upp á. Það eru hjónin Gunnar Ingi
Gíslason og Auður Ásgeirsdóttir
sem hafa verið að dunda sér við að
koma upp Heimasíðunni booking-
westmanislands.is þar sem myndir
Gunnars Inga skipa stórt hlutverk.
Þetta litla hobbý þeirra hefur vaxið
og nú eru þau byrjuð að skipuleggja
móttöku á ferðamönnum, bæði í
samstarfi við önnur fyrirtæki í
ferðaþjónustu í Vestmannaeyjum og
sjálf eru þau byrjuð að bjóða upp á
gönguferðir um Heimaey sem njóta
vaxandi vinsælda.
Fyrir nokkrum árum byrjaði
Gunnar Ingi, sem er kokkur á sjó að
aðalstarfi, að taka ljósmyndir og
vakti strax athygli. Hefur hann verið
óþreytandi að taka myndir af
landslagi þar sem Heimaey er
vettvangurinn, af mannamótum og
því sem fyrir augu ber á sjónum.
Hann hefur komið sér upp góðum
tækjum, verið duglegur að afla sér
menntunar í ljósmyndun og hefur
náð að þróa sinn eigin stíl í vinnslu
mynda.
Þarna sáu Auður og Gunnar Ingi
möguleika á að koma sér upp
ferðasíðu á ensku með myndirnar
að vopni. Og það hefur tekist og nú
er þar að finna flest það sem er í
boði í Vestmannaeyjum ásamt
upplýsingum um Vestmannaeyjar
og sögu þeirra. Boðið er upp á
gönguferðir, útsýnisferðir, fugla-
skoðun siglingu með Rib Safari og
Viking Tour svo eitthvað sé nefnt.
Auður heldur úti bloggi á síðunni
þar sem hún lýsir eigin upplifun af
því að fara út að borða í Vestmanna-
eyjum og öðru sem einkennir
Eyjarnar. Á heimasíðunni er hægt
að bóka gistingu, ferðir, skoðunar-
ferðir og fylgja verðin.
„Þetta hefur gengið alveg ótrúlega
vel og er miklu skemmtilegra en við
áttum von á,“ sögðu Auður og
Gunnar Ingi. „Þetta hefur undið upp
á sig og við erum að taka á móti
hópum og skipleggjum ferðina frá
upphafi til enda, pöntum far í
Herjólf og tökum svo mið af því
hvað fólk vill gera. Þá er dagskráin
klár þegar fólkið kemur og tíminn
nýtist til fulls. Átta skólar hafa haft
samband og fengið okkur til að
skipuleggja ferðir fyrir sig. Ef fólk
vill fara í siglingu, útsýnis- eða
gönguferðir og hefur ákveðnar óskir
um mat getum við bjargað því.
Þetta hafa skólarnir kunnað að meta
og erum við að þróa þessa þjónustu
enn frekar,“ sagði Auður.
„Endilega kíkið á síðuna okkar og
bloggið og ef þið eruð með
hugmyndir um afþreyingu erum við
opin fyrir öllu. Líka ef þið vitið af
fólki á leið til Eyja, endilega bendið
á okkur, við erum tilbúin hvenær
sem er,“ sagði Gunnar Ingi.
Auðun og Gunnar Ingi með
túristahóp við skúr Ribsafari.
Booking Westmann Islands :: Upplýsingavefur fyrir ferðamenn:
Litla hobbýið hefur vaxið og er orðið
alvöru fyrirtæki í ferðaþjónustu
:: Skipuleggja móttöku á ferðamönnum þar sem allt er með í pakkanum
Ómar GarðarSSon
omar@eyjafrettir.is
„Ég hef ekki verið að máta mig í
slíka stöðu og lít ekki endilega á
það sem skref upp á við að fara frá
því að vera bæjarstjóri í Vestmanna-
eyjum yfir í þingsetu. Mér líkar
afar vel í því sem ég er að gera og
tek alvarlega því sterka umboði sem
mér og félögum mínum á lista
Sjálfstæðismanna var veitt í
seinustu kosningum,“ sagði Elliði
Vignisson, bæjarstjóri þegar hann
var spurður hvort hann hefði hug á
að sækjast eftir sæti á lista Sjálf-
stæðismanna komandi alþingis-
kosningum.
Hann segir verkefnin hér í Eyjum
stór, mikilvæg og aðkallandi. „Við
stöndum enn á ný frammi fyrir
breytingum sem við verðum að laga
okkur að ef ekki á illa að fara.
Tæknivæðing í sjávarútvegi mun
fækka störfum á þeim vettvangi um
hundruði á næstu árum. Sveitar-
félagið hvorki má né ætlar að skila
auðu í þeirri umræðu og þeim
verkefnum. Þá erum við að ráðast í
miklar framkvæmdir á vettvangi
bæði aldraðra og fatlaðra auk þess
sem við erum að innleiða gríðar-
mikla þjónustuaukningu til handa
börnum og barnafjölskyldum. Í
pípunum er uppbygging á háskóla-
námi, uppbygging sjávar- og
þekkingarklasa, framkvæmdir á
vetvangi ferðaþjónustu og margt
fleira.“
Elliði vill samt ekki útiloka neitt og
bendir á að hann sé ekki ómissandi
fyrir Vestmanneyjar þótt Vest-
mannaeyjar séu ómissandi fyrir
hann. „Það veit enginn æfina sína
fyrr en öll er og það er ekki í eðli
mínu að útloka neitt. Sjálfstæðis-
flokkurinn mælist ekki sterkur í
Suðurkjördæmi og nýlegar
mælingar gefa jafnvel til kynna að
hann tapi helmingi þingmanna
sinna og fái eingöngu tvo í stað
þeirra fjögurra sem við eigum núna.
Það er staða sem ég hugsa til með
ónotum,“ segir Elliði og bendir á
kjördæmaþingið um helgina.
„Þar komum við Sjálfstæðismenn
saman og ráðum ráðum okkar. Eftir
það fara línur að skýrast og ég efast
ekki um að listi okkar verður
sterkur hvaða leið sem við svo sem
förum við að koma honum saman
og hvaða einstaklingar veljast
tímabundið til þeirra stóru starfa
sem framboði fylgir.“
Alþingiskosningarnar 2016 :: Elliði undir feldi:
Ekki endilega skref upp á við
frá því að vera bæjarstjóri
:: Það veit enginn æfina sína fyrr en öll er :: Það er ekki í eðli mínu að útloka neitt
Ómar GarðarSSon
omar@eyjafrettir.is
Á föstudagskvöldið hélt útgerðar-
félagið Bergur-Huginn upp
glæsilega árshátíð á Einsa Kalda í
tilefni af 44 ára afmæli félagsins.
Milli 80 og 90 manns mættu og sáu
þeir Leó Snær Sveinsson og
Bjartmar Guðlaugsson um að halda
fjörinu uppi fram eftir nóttu. Á
myndinni eru Valgeir Yngvi
Valgeirsson, Hilmar Jón Stefánsson,
Donna Ýr Kristinsdóttir og Valtýr
Auðbergsson, en þeir róa á
Vestmannaey VE 444 sem er í eigu
félagsins.
Bergur-Huginn:
Fagnað 44 ára
afmæli félagsins