Fréttir - Eyjafréttir - 19.05.2016, Blaðsíða 8
8 Eyjafréttir / Fimmtudagur 19. maí 2016
Landsmót skólalúðrasveita var
haldið í Garðabæ dagana 29.
apríl til 1. maí, en landsmótið er
haldið annað hvert ár. Þar komu
saman rúmlega 500 ungir
hljóðfæraleikarar og skemmtu
sér við að spila hressilega
blásaratónlist á hljóðfæri sín.
Skólalúðrasveit Vestmannaeyja
sendi tíu fulltrúa á mótið og stóðu
þau sig öll með stakri prýði. Eyrún
Þóra, tónlistarkennari við Tónlistar-
skóla Vestmannaeyja var ein af
þeim sem fylgdi hópnum á mótið.
,,Þetta var alveg rosalega skemmti-
legt og krakkarnir stóðu sig alveg
ótrúlega vel. Krakkarnir spiluðu
með bláu sveitinni en það er sú
sveit sem er fyrir þá sem eru lengst
komnir.
Það var ótrúlega skemmtileg
upplifun fyrir þau að vera að spila
með 80 til 90 spilurum í einu, sem
öll eru langt komin, það er eitthvað
sem þau eru ekki vön, enda höfðu
þau öll orð á því á leiðinni heim að
það hafi staðið upp úr í ferðinni,“
sagði Eyrún Þóra.
Dagskrá helgarinnar var stíf en
mótið var sett seinni partinn á
föstudegi og endaði á sunnudegi
með stórum tónleikum. ,,Föstudag-
urinn og laugardagurinn fóru í
strangar æfingar en þó skelltu þau
sér í sund í millitíðinni og fóru í
ratleik.
Landsmótið endaði svo sunnudeg-
inum þar sem haldnir voru stórir
lokatónleikar þar sem allir spiluðu
saman. Ég er ótrúlega stolt af
þessum krökkum, þau eiga svo
sannarlega framtíðina fyrir sér í
tónlistinni.“
Stjórnandi skólalúðrasveitarinnar
er Jarl Sigurgeirsson og með honum
starfa þau Birgir Nilsen, trommu-
kennari, Einar Hallgrímur Jakobs-
son málmblásturskennari og Eyrún
Þóra Sigþórsdóttir tréblásturskenn-
ari. Anna Lilja Sigurðardóttir einn
af farastjórum ferðarinnar var að
vonum glöð með krakkana og sagði
nauðsynlegt fyrir þau að fá tækifæri
til að taka þátt í svona viðburðum.
,,Þetta var alveg frábært og vel að
öllu staðið. Það skiptir svo miklu
máli fyrir krakkana að fara á svona
mót og fá reynsluna að spila með
svona fjölmennum hóp. Á síðasta
ári fór sveitin í samfloti við
Skólasveit Vesturbæjar og Mið-
bæjar til Callella á Spáni á
tónlistarhátíð þar og er stefnt að því
að sveitin fari aftur á næsta ári.”
Mikið rosalega sé ég eftir því að
hafa ekki tekið betur undir og barist
meira og mótmælt eyðileggingu
miðbæjarins okkar af miklu meiri
krafti en ég gerði. Það sem blasir
við þegar maður kemur í miðbæinn
er að það er nánast búið að rífa
„öll“ eldri húsin þar, húsin sem áttu
og geymdu sögu okkar. Við áttum
að endurbyggja þessi niðurníddu
hús og þar hefði Vestmannaeyjabær
átt að koma inn í og aðstoða svo að
við Eyjamenn gætum bent á þau og
sagt söguna okkar. Og ekki tekur
betra við þegar maður lítur yfir
nýjasta „afrek“ þessara niður-
rifsafla.
Það að rífa niður hús og leyfa
byggingu verslunar á einum
fallegasta og flottasta byggingarstað
bæjarins var út í hött. Eins og spáð
var er algjört umferðaröngþveiti á
staðnum og menn leggja bílum
sínum allstaðar,við Strandveg,
Miðstræti og hirða svo bílastæðin af
Vöruvali líka eins og þar væri ekki
nægur vandi. Þarna eiga eftir að
verða slys og fleiri en eitt því
Herjólfgata og Miðstræti eru með
þrengstu götum bæjarins. Þar ríkir
umferðaröngþveiti alla daga. Lærðu
menn ekkert af Krónubílastæð-
unum, Herjólfsstæðunum og
Vilbergsstæðunum svo nokkur
dæmi séu nefnd.
Svo er það sú staðreynd að
staðsetning svona fyrirtækis skiptir
engu máli svo framarlega að þar séu
næg bílastæði og góð aðkoma fyrir
bíla og önnur ökutæki, það labbar
enginn með varninginn heim.
Þessi bygging stingur líka
verulega í stúf við sitt nánasta
umhverfi. Þessir menn með
bæjarstjórann í farabroddi hafa
verið og eru hroðalegir umhverfis-
sóðar og skilja eftir sig slóð illa
ígrundaðra verka. Það er ekki nóg
að vera alltaf að gapa í fjölmiðlum:
Við Eyjamenn, Lífið er yndislegt,
nei það þarf að hugsa líka.
Og nú dúkkar upp nýjasta
hugmynd þessa niðurrifsmanna en
hún er sú að rífa gamla Ísfélags-
húsið, já rífa Ísfélagið og til að
fegra hryllinginn þá á að byggja
þarna íbúðir fyrir fatlaða, rífa, rífa,
rífa virðist vera það eina sem
þessum niðurrifsmönnum dettur í
hug og geta sett kraft í. Ég er alls
ekki á móti því að byggðar verði
íbúðir fyrir fatlaða nema síður sé
eða að byggja íbúðir í miðbænum
en það er alls ekki sama hvað það
kostar eða á kostnað hvers, það er
búið að eyðileggja miðbæinn nóg.
Framtíð Ísfélagshússins á að vera
allt önnur og veglegri og húsið á að
fá þá virðingu sem það á skilið og
sé ég fyrir mér nánast nákvæmlega
það sama og gert var við gamla
frystihúsið í Hafnarfirði. Þar yfirtók
bærinn húsið og úthlutaði síðan
húsinu til listamanna, prjónakvenna,
hönnuða og í hendur hverskyns
listframleiðenda fyrir vinnustofur
og söluaðstöðu. Ég sé fyrir mér
vinnustofur og sölubása fjölmargra
handverkslistamanna þar sem þeir
selja sínar afurðir í nálægð
miðbæjarins og Vigtartorgsins og
lífga uppá miðbæjarlífið. Og ég
held til dæmis að það sé ekki til
flottari staður undir bakarí og
kaffihús en í Boganum.
Núverandi eigendur hússins ættu
að gefa húsið til Vestmannaeyinga
sem þakklætisvott fyrir sína
velgengni með því skilyrði að það
yrði látið standa og alls ekki rifið.
bergur m.
sigurmundsson
Hroðalegir umhverfissóðar
Kór Átthagafélags Strandamanna
heldur tónleika í Safnaðarheimili
Landakirkju laugardaginn 21. maí
kl. 17.00. Stjórnandi kórsins er
Ágota Joó og undirleikari á píanó er
Vilberg Viggósson.
Efnisskráin er einstaklega létt og
skemmtileg t.d. Riddari götunnar,
Hér stóð bær, Hagavagninn,
Mamma þarf að djamma, Blíðasti
blær og fleiri góð lög.
Kórinn hefur einu sinni áður haldið
tónleika í Vestmannaeyjum en það
var árið 2000. Sú ferð heppnaðist
mjög vel og því mikil tilhlökkun hjá
kórfélögum að syngja þar aftur.
Aðgangur er ókeypis og eru allir
hjartanlega velkomnir og vonumst
við til að sjá sem flesta.
Fréttatilkynning
Kór Átthagafélags Strandamanna
Skólalúðrasveit Vestmannaeyja stóð sig vel á Landsmóti:
Skiptir svo miklu máli fyrir
krakkana að fara á svona mót
:: Fá reynsluna að spila með svona fjölmennum hóp, sagði fararstjóri
SædÍS EVa BirGiSdÓTTir
seva@eyjafrettir.is