Fréttir - Eyjafréttir - 25.05.2016, Blaðsíða 2
2 Eyjafréttir / Miðvikudagur 25. maí 2016
útgefandi: Eyjasýn ehf. 480278-0549.
ritstjóri: ómar garðarsson - omar@eyjafrettir.is.
Blaðamenn: Sædís Eva Birgisdóttir - seva@eyjafrettir.is
Sara Sjöfn grettisdóttir - sarasjofn@eyjafrettir.is
íþróttir: guðmundur tómas Sigfússon
- gudmundur@eyjafrettir.is
ábyrgðarmaður: ómar garðarsson.
Prentvinna: Landsprent ehf.
ljósmyndir: óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Tvær ungar konur slösuðust og
önnur alvarlega í bátsferð á
vegum ferðaþjónustufyrirtækis-
ins Ribsafari í Vestmannaeyjum
miðvikudaginn 11. maí sl.
Konurnar voru hér í starfs-
mannaferð á vegum Bláa
lónsins þar sem bátsferð með
Ribsafari var einn dagskrárliður
ferðarinnar.
Tæplega 100 manns voru í ferðinni
og var farið út á öllum bátum
fyrirtækisins. Í einni bátsferðinni
kom högg á bátinn sem varð til þess
að tvær ungar stúlkur slösuðust.
Voru stúlkurnar í kjölfarið fluttar á
Heilbrigðistofnun Suðurlands í
eftirlit.
Í fyrstu leit út fyrir að þær hefðu
einungis tognað í baki og voru
útskrifaðar af Heilbrigðisstofnun
Suðurlands í Vestmannaeyjum.
Seinna kom í ljós að stúlkurnar
hefðu orðið fyrir alvarlegum
meiðslum og hryggbrotnað. Gekkst
önnur þeirra undir aðgerð á
Landspítalnum.
Í kjölfarið var málið tilkynnt til
lögreglu. Málið er litið mjög
alvarlegum augum hjá Ribsafari
ehf. sem harma að atburður líkt og
þessi hafi gerst. „Áður en farið er í
allar ferðir eru aðstæður metnar út
frá veðri og ölduhæð. Þennan
ákveðna dag höfðum við farið
fjölda ferða,“ sagði Aníta Óðins-
dóttir talsmaður Ribsafari ehf.,
þegar Eyjafréttir náðu tali af henni
um málið.
„Rib safari hefur um árabil boðið
upp á skemmtiferðir umhverfis
Eyjarnar og fara mörg þúsund
manns í ferðir á vegum Ribsafari
ehf. á ári hverju. Fyrir liggur að
málið er nú til rannsóknar hjá
lögreglu og ef í ljós kemur að
öryggisferlum Ribsafari ehf. er
ábótavant mun félagið gera
viðeigandi ráðstafanir til að forða
frekara tjóni,” segir Aníta að lokum.
Rannsókn málsins
stendur yfir
Að sögn Páleyjar Borgþórsdóttur,
lögreglustjóra var slysið tilkynnt til
lögreglu af starfsmönnum Ribsafari,
það skráð og rannsókn hafin á því.
,,Við rannsókn þessara mála er
upplýsinga aflað um hvað gerðist,
af hverju, hvar, hverja það varðaði
og hvaða afleiðingar það hafði.
Skýrslur eru teknar af skipstjóra,
tjónþola, helstu vitnum og upp-
lýsinga aflað um veður og sjólag.
Það fer ávallt eftir atvikum í hverju
máli fyrir sig hversu ítarleg
rannsókn fer fram, en í alvarlegri
slysum er rannsóknin ítarlegri.
Málið var tilkynnt til okkar
mánudaginn 17. maí sl. og stendur
rannsókn á því nú yfir og verið er
að afla gagna. Þegar rannsókninni
er lokið fær rannsóknarnefnd
samgönguslysa afrit af gögnum
málsins,” sagði Páley.
Á fundi Kjördæmisráðs sjálf-
stæðisfélaganna í Suðurkjör-
dæmi á Hellu á sunnudaginn
var samþykkt nánast einróma
að fara prófkjörsleiðina. Þar
með er slagurinn hafinn fyrir
alþingiskosningarnar sem
áætlað er að verði í haust.
„Ekki var annað að heyra á
núverandi þingmönnum en að þeir
myndu allir óska eftir áframhald-
andi þingsæti. Nýlegar kannanir
benda þó til að staða okkar í
kjördæminu sé ekki nægilega sterk
til að við Sjálfstæðismenn getum
gengið að fjórum mönnum sem
öruggum. Miðað við niðurbrot á
könnun frá því í apíl þá mælist
Sjálfstæðisflokkurin ekki með nema
24,64% atkvæða ef gengið yrði til
kosninga núna og því ekki ólíklegt
að þeir sem neðar eru á lista kunni
að vilja færa sig ofar,“ sagði Elliði
Vignisson, bæjarstjóri eftir fundinn.
„Ég geri mér ekki alveg grein fyrir
því hversu mikið framboð verður af
fólki í prófkjör hjá okkur Sjálf-
stæðismönnum í kjördæminu. Svo
kann jafnvel að vera að eftirspurn
eftir frambjóðendum verði meiri en
framboð. Ég hef að minnsta kosti
ekki enn haft fregnir af neinum
öðrum frambjóðendum en sitjandi
þingmönnum. Stefnt er að því að
prófkörið verði í lok ágústs eða
byrjun september og ætli það megi
ekki búast við því að nýir fram-
bjóðendur geri upp hug sinn að
afloknum forsetakosningum í
júnílok.“
Hvað hann sjálfan varðar sagði
Elliði það rétt að hann finni fyrir
mikilli hvatningu og hafi hann
fengið áskoranir víða að um að taka
þátt í prófkjörinu. „Þótt sannarlega
sé þetta háværara nú en fyrir
seinustu alþingiskosningar þá
hvorki hef ég né mun ég byggja
ákvarðanir mínar á slíku eingöngu.
Um leið og það væri hrokafullt að
taka ekki alvarlega sterkum
áskorunum um að takast á við
mikilvæg trúnaðarstörf þá hef ég
skyldum að gegna hér heima bæði
gagnvart fjölskyldunni og þeim
verkum sem ég vinn sem bæjar-
fulltrúi og bæjarstjóri. Ég ætla því
bara að vera sultuslakur fram á
sumar, hlusta eftir stöðunni í
kjördæminu og fara yfir mín mál
hér heima – bæði persónuleg og þau
sem snúa að þeim mikilvægu
verkum sem við í bæjarstjórn erum
nú að vinna að,“ sagði Elliði.
:: Tvær konur slösuðust alvarlega í siglingu með Ribsafari:
Reyna eins og hægt er að
hafa öryggið í fyrirrúmi
:: Það segir talsmaður fyrirtækisins :: Lögreglan rannsakar slysið :: Rannsóknarnefnd
samgönguslysa fær málið afhent
SædíS EVa BirgiSdóttir
seva@eyjafrettir.is
Sjálfstæðismenn í Suðurkjördæmi ákváðu prófkjör
:: Núverandi þingmenn vilja halda áfram:
Verð sultuslakur
fram á sumar og
hlusta eftir stöðunni
:: Fer yfir mín mál hér heima :: Bæði persónuleg og
mikilvæg verk sem við í bæjarstjórn erum nú að
vinna að, segir Elliði bæjarstjóri
ómar garðarSSon
omar@eyjafrettir.is
Elliði Vignisson, bæjarstjóri.
Davíð Oddsson heimsótti Vestmannaeyjar á mánudaginn og er hann
annar í röð frambjóðenda til embættis forseta íslands til að líta hér við.
Eftir að hafa eytt deginum í að heimsækja fyrirtæki og stofnanir var
Davíð með fund í Alþýðuhúsinu þar sem um 80 manns voru mætt til að
hlýða á það sem hann hefur fram að færa.
Á síðasta fundi umhverfis- og
skipulagsráðs var rætt um áætlanir
eigenda Strandvegs 26, Ísfélags-
hússins að rífa húsið. Eigandi er
Ísfélag Vestmannaeyja. Kom fram á
fundinum að Vestmannaeyjabær
hefur rætt við stjórnendur fyrir-
tækisins um hvort mögulegt sé að
halda hluta af húsinu enda gegni
það mikilvægu hlutverki í ásýnd
miðbæjarins. Eigendur telja að
húsið sé of illa farið til slíkt sé
raunhæfur kostur.
Skipulagsfulltrúi fór yfir ákvæði
byggingareits í deiliskipulagi, þar
sem grunnhugmyndin er að
viðhalda að mestu leyti núverandi
útlínum byggingarinnar en nýta inn-
svæðið undir bílastæði.
Ráðið taldi brýnt að bygginga-
reiturinn verði nýttur sem allra fyrst
og hvetur til þess að leitað verði
eftir samstarfi við áhugasama aðila
um að fara í sameiginlega þróun
fasteignar á reitnum sem verður til
þegar húsið víkur. Í því samhengi
beri að skoða sérstaklega hvort að
hluti af byggingareitnum geti nýst
undir íbúðir sem nú er stefnt að því
að byggja fyrir fatlaða og ráð er
gert fyrir í fjárhagsáætlun fyrir
yfirstandandi ár.
Ráðið beindi því til þeirra sem um
málið koma til með að fjalla að
áhersla verði lögð á að viðhalda
þeim kennileitum sem hvað mest
eru áberandi á byggingareitnum. Er
þá sérstaklega vísað til bogans sem
snýr að Strandvegi, auk þess sem
leitast verði við að húsið nýtist til
að efla enn frekar þann sterka
miðbæ sem byggður hefur verið
upp á undanförnum árum.
:: Umhverfis- og skipulagsráðs:
Ísfélagshúsið illa
farið og verður rifið
ómar garðarSSon
omar@eyjafrettir.is