Fréttir - Eyjafréttir - 25.05.2016, Page 10

10 Eyjafréttir / Miðvikudagur 25. maí 2016
Síðastliðið haust hleypti mennta-
málaráðherra af stokkunum
Þjóðarátaki um læsi. Skólar um allt
land hafa tekið þessu átaki
fagnandi, meðal annarra Grunnskóli
Vestmannaeyja. Í framhaldinu hefur
samstarf Bókasafns Vestmannaeyja
og GRV aukist og er það vilji
beggja aðila að það eflist enn frekar.
Eftir áramótin fór af stað verkefni
sem Bókasafnið, Grunnskólinn,
FÍV og Rauði krossinn unnu saman.
Nemendum af erlendu bergi brotnu
var boðið upp á lestraraðstoð
þrisvar sinnum í viku á bókasafn-
inu. Foreldrar og nemendur voru
duglegir að nýta sér þennan
valmöguleika. Verkefni, spil og
föndur voru í boði milli þess sem
nemendur lásu fyrir sjálfboðaliða.
Foreldrar voru áhugasamir og oft
og mörgum sinnum sátu börn,
foreldrar, starfsfólk og sjálfboða-
liðar og spiluðu spil sem örva lestur
og orðaforða og skemmtu sér
konunglega. Þetta var virkilega
skemmtilegt verkefni og stefnt er að
því að halda áfram næsta haust.
Smærri samstarfsverkefni eru af
ýmsu tagi og sem dæmi má nefna
að kennarar hafa verið að nýta kost
bókasafnsins við þemavinnu, fengið
bókakassa til að nota í yndislestri,
nemendur 1. bekkjar taka þátt í
sumarlestrarátaki í samstarfi við
Bókasafnið og á vormánuðum unnu
nemendur 4. bekkjar verkefni sem
nú er til sýningar í Einarsstofu í
Safnahúsi. Verkefnið ber yfirskrift-
ina Uppáhaldsbókin mín og
teiknuðu krakkarnir myndir útfrá
uppáhalds bókunum sínum auk þess
sem þau skrifuðu líka hvers vegna
þær væru í uppáhaldi.
Myndirnar eru nú til sýnis, sem og
bækurnar sem krakkarnir völdu. Við
fengum líka Ljósmyndasafnið,
Skjalasafnið og Byggðasafnið í lið
með okkur og eru myndir af
skólastarfi liðinna ára dregnar fram,
leikföng frá ýmsum tímum sýnd
sem og skemmtileg námsbók frá 4.
áratugnum.
Sýningin opnaði laugardaginn 21.
maí þar sem starfsmenn Bókasafns-
ins tóku á móti þeim fáu sem komu
og er ekki hægt að neita því að
ósköp hefði verið gaman að sjá
fleiri þátttakendur, foreldra og
kennara vera við opnunina. Á
mánudeginum mættu hins vegar
flestir nemendurnir sem áttu verk á
sýningunni ásamt kennurum sínum
og var greinilegt að flestum þótti
skemmtilegt að sjá eigin verk.
Sýningin mun standa til 2. júní og
ég hvet sem flesta foreldra til að
koma og leyfa krökkunum að sýna
hvað þau hafa verið að lesa.
Ætlunin er að taka frá Einarsstofu
tvisvar til þrisvar á ári í samstarf við
Grunnskólann og vera með ýmiss
konar sýningar, m.a. er hugmyndin
að bjóða foreldrum að draga fram
uppáhalds barnabókina sína.
Þjóðarátak um læsi er rétt að
hefjast og samstarf bókasafna og
skóla getur gert gæfumuninn í
hvernig til tekst. Ég vona að sem
allra flestir taki þátt í þessu
mikilvæga og sameiginlega
verkefni – að auka lestur meðal
grunnskólabarna í Vestmanna-
eyjum.
Samtaka í átt að auknu læsi :: Athyglisverð sýning í Einarsstofu:
Fjórðu bekkingar teikna mynd
tengda Uppáhaldsbókinni
:: Skrifa líka um hvers vegna þær væru í uppáhaldi
drífa Þöll
arnardóttir
Bílaumboðið HEKLA og Bíla- og
vélaverkstæði Nethamar ehf.
hafa nýlega gert samstarfssamn-
ing. Ólafur Örn Ólafsson,
framkvæmdarstjóri þjónustu-
sviðs HEKLU, og Guðjón
Rögnvaldsson, eigandi Net-
hamars, fræddu Eyjafréttir um
hvað þetta raunverulega þýðir
fyrir Heklu og Vestmannaeyjar.

Bílaumboðið HEKLA og Nethamar
ehf í Vestmannaeyjum hafa gert
með sér samstarfssamning, en
viðskiptavinir HEKLU í Vest-
mannaeyjum fá með téðum
samstarfssamningi sterkara bakland
og betra aðgengi að þeirri sérfræði-
þekkingu sem þarf á að halda til að
þjónusta nýja bíla í dag. HEKLA
veitir þannig Nethömrum ráðgjöf í
tengslum við flóknari viðfangsefni.
„Við hjá HEKLU litum mjög
jákvæðum augum á það þegar
Nethamar sóttist eftir samstarfi enda
fyrirtækið vænlegur og traustur
kostur til samstarfs. Nú getum við í
sameiningu eflt enn frekar þau góðu
vörumerki sem HEKLA stendur
fyrir og veitt gæða þjónustu,“ segir
Ólafur Örn.

Heimabyggð sterk
Guðjón bætir við að það sé
mikilvægt fyrir HEKLU að hafa
góða samstarfsaðila í heimabyggð.
Hvort sem það sé í tengslum við
sölu nýrra bíla eða að þjónusta þau
merki sem HEKLA standi fyrir.
„Með þessu verður enn auðveldara
en áður fyrir Eyjamenn að eiga og
reka bíla frá HEKLU, því nú þurfa
þeir ekki að leita upp á land með
alla þjónustu,“ bætir Ólafur Örn
við.

Auðveldara aðgengi
Samstarfssamningurinn felur meðal
annars í sér að sýnileiki bíla frá
HEKLU í Eyjum verður enn meiri,
en það sem er mest um vert er að
íbúarnir fá betra aðgengi að
þjónustu, hvort sem um er að ræða
við kaup á nýjum bílum eða
þjónustu við eldri bíl. Þetta
auðveldar aðgengi að topp merkj-
um, gæða bílum, og minnkar
fyrirhöfnina og sparar tíma fyrir
Eyjamenn.

Styrkara samband
Samstarfið er til þess fallið að veita
enn betri þjónustu hvort sem um er
ræða í tengslum við nýja bíla eða
þjónustu við eldri bíla. HEKLA
fagnar samstarfinu við Guðjón og
félaga, segir Ólafur og á fimmtu-
daginn kemur mun verða slegið til
veislu. „Við hlökkum til að styrkja
sambandið við Eyjamenn sem hafa
verið tryggir viðskiptavinir HEKLU
og fögnum því með að bjóða til
bílasýningar, milli klukkan 12 og
19, núna á fimmtudaginn 25. maí
hjá Nethamri,“ bætir Ólafur við að
lokum.
Hekla bílaumboð og Nethamar
gera samstarfssamning
:: Óþarfi að leita upp á land með alla þjónustu :: Eyjamenn tryggir viðskiptavinir Heklu
Volkswagen e-Golf er rafmagnaður í alla staði og sameinar
40 ára reynslu Golf og nýjustu tækniframfarir. e-Golf er knúinn
áfram á 100% hreinni orku og er því laus við koltvísýringsútblástur.
Drægnin er allt að 190 km. við kjöraðstæður og átta ára ábyrgð er á
rafhlöðunni. e-Golf er einstaklega sparneytinn og eyðir aðeins
12,7 kWst á hverja 100 km.
friðbert friðbertsson, forstjóri HEkLU, ásamt Guðjóni rögnvaldssyni
frá nethamar við undirritun nýs samstarfssamning.
stoltir listamenn á sýningunni. Bogi Guðjónsson og árni Þór ingason.