Fréttir - Eyjafréttir - 25.05.2016, Blaðsíða 12

12 Eyjafréttir / Miðvikudagur 25. maí 2016
Það var ekki margt á tónleikum
Birgis Nielsen á Háaloftinu á
föstudagskvöldið sem var liður í
Óskarshátíðinni, djasshátíð sem
haldin er til heiðurs Óskari
Þórarinssyni á Háeyri sem var
mikill djassunnandi. Birgir mætti
með öfluga sveit sem í voru
Haukur Gröndal á baritonsaxófón,
Steinar Sigurðarson tenórsaxófón
og bróðir hans Snorri Sigurðarson á
trompett. Á bassa Stuðmaðurinn
Tómas Tómasson, á gítar Ásgeir
Ásgeirsson og á píanó Stefán Íkorni
Gunnlaugsson. Þeir fluttu m.a. lög
af plötu Birgis, Svartur 2 sem hann
gaf út á síðasta ári.
Það var engu líkara en lítil aðsókn
efldi hljómsveitina til dáða og þeir
sem mættu voru ákveðnir í að njóta
stundarinnar. Úr varð ein allsherjar
tónlistarveisla þar sem Birgir fór
fremstur meðal jafningja á
trommunum, leiddi hljómsveitina af
krafti og elju þess sem er ákveðinn í
að láta ekki þá sem heima sátu
draga úr sér kjarkinn.
Já, þetta var tónlistarupplifun eins
og þær gerast bestar. Svartur 2 er
góð plata og vel upp byggð en það
jafnast ekkert á við að fá tónlistina
beint í æð. Og það þegar þvílíkir
snillingar eru á ferð sem efldust
með hverju laginu. Gáfu allt sem
þeir áttu í tónlistina og eftir sátu
gestirnir fáu og reyndu af öllum
mætti að koma til skila aðdáun sinni
á því sem þarna var boðið upp á,
sem var mikið veisluborð í tónlist.
Hreint yndi fyrir þá sem aðhyllast
fönkaðan djass af bestu gerð.
Rúsínan í pylsuendanum var svo
þegar faðir Birgis, Þór Nielsen
gítarleikari og söngvari steig á svið
og söng með þeim Jamboleia sem
Fats Domino gerði vinsælt um
miðja síðustu öld. Skemmtilegur
endir á frábærum tónleikum.
Ég held ég mæli fyrir munn allra
sem þarna voru þegar ég segi,
TAKK.
Það var heldur fleira á tónleikum
Pálma Gunnarssonar og hans
manna í hljómsveitinni Tusk sem í
eru Kjartan Valdemarsson píanó-
leikari, Birgir Baldursson trommari
og Edvard Lárusson gítarleikari.
Gestir voru Ari Bragi Kárason hinn
frábæri trompettleikari og Sunna
Guðlaugsdóttir söngkona sem fékk
svo sannarlega tækifæri til að sýna
hvað í henni býr.
Þessir tónleikar voru ekki síðri en
meira út í hreinan djass þar sem
hugsunin var á anda Skyttanna hans
Dumas, einn fyrir alla og allir fyrir
einn. Tusk er hljómsveit sem Pálmi
hefur haldið saman en þeir eyða
ekki miklu tíma í æfingar. Koma
saman, telja í og undrið gerist. Og
það gerðist svo sannarlega á
laugardagskvöldið þar sem
hljómsveitin fór á kostum og náði
upp stemningu í hæstu hæðir.
Dagskráin samanstóð af þekktum
slögurum djasssögunnar sem runnu
ljúft í gegn. Sunna söng fjögur lög
og var gaman að heyra hana takast á
við djass með tónlistarmönnum í
fremstu röð. Og hún stóðst raunina
og gott betur.
Djass er dásamlegt tónlistarform
en hólfin eru mörg og gestir á
Háaloftinu fengu sitt lítið af hverju
en þarna voru á ferð tónlistamenn
sem ekki þurfa að sanna sig með
hávaða og látum. Þó flutningurinn
væri lágstemmdur var krafturinn og
ástríðan til staðar. Ekki linntu þeir
látum fyrr en klukkan hálf eitt og
höfðu þá spilað í tvo og hálfan tíma
með stuttu hléi.
Og setan á Háaloftinu var hverra
mínútu virði. Það sýndu þakklátir
gestir sem kunnu að meta það sem
fram var borið.
Þetta er annað árið sem Óskarshá-
tíðin er haldin og vonandi verður
framhald á þó aðsókn hefði að
ósekju mátt vera meiri.
Óskarshátíðin :: Tvennir frábærir tónleikar:
Biggi og Pálmi buðu upp
á fjölbreytta og hressandi
tónlistarveislu
ómar garðarSSon
omar@eyjafrettir.is
Andri Hugo og Jón Helgi skemmtu sér vel.
sunna Guðlaugsdóttir söng nokkur lög með Pálma og félögum.
inga Andersen eiginkona Óskars, Margrét Boch frænka hans og rakel
dóttir ingu og Óskars.
sunna og strákarnir í tusk ásamt ingu, ekkju Óskars og rakel dóttur þeirra.
Biggi nielsen ásamt Þór, föður sínum og hljómsveit.
reggie Óðins og hljómsveit hitaði upp bæði kvöldin.