Fréttir - Eyjafréttir - 25.05.2016, Blaðsíða 13
13Eyjafréttir / Miðvikudagur 25. maí 2016
Ársþing
Íþróttabandalags
Vestmannaeyja
Ársþing Íþróttabandalags Vestmannaeyja
fyrir árið 2015, verður haldið í Týsheimilinu
fimmtudaginn 26. maí nk. kl. 20.00.
Dagskrá samkvæmt lögum bandalagsins og
önnur mál.
Stjórn Íþróttabandalags Vestmannaeyja
Útskrift
laugardaginn 28. maí
Framhaldsskólanum í Vestmannaeyjum verður slitið
og nemendur brautskráðir, laugardaginn 28. maí kl.
11:00 í sal skólans.
Eldri og yngri nemendur eru velkomnir ásamt öðrum
velunnurum skólans.
Framhaldsskólinn þakkar nemendum og bæjarbúum
samstarfið í vetur og sendir ykkur öllum óskir um
gleðilegt sumar.
Skólameistari
Að hjóla er góð æfing fyrir börn.
Það þjálfar vöðva barnsins,
samhæfingu handa og fóta og
jafnvægi. Börn eiga hins vegar erfitt
með að meta hraða, fjarlægð og
hvaðan hljóð berast. Þau eiga erfitt
með að setja sig í spor annarra og
átta sig á hvað ökumenn bíla
hyggjast gera. Eins eiga þau erfitt
með að sjá aðstæður í heild eða
samhengi á milli smáatriða. Ung
börn eiga sérstaklega erfitt með að
einbeita sér að mörgum atriðum í
einu.
Miðað við almennan þroska og getu
barna er barnið fyrst tilbúið til að
hjóla í umferðinni við 10-12 ára
aldur. Fram að þeim aldri er
fjarlægðarskynið ekki fullþroskað
þannig að barninu finnst hlutirnir
vera lengra í burtu en þeir í rauninni
eru. Yngri börn hafa heldur ekki
eins góða hliðarsýn og þau sem
eldri eru. Heyrn barna yngri en 8
ára er ekki fullþroskuð og geta þau
því ekki greint úr hvaða átt hljóð
kemur. Við 10 ára aldur hafa þau
náð fullum jafnvægisþroska. Það er
því fyrst við 10-12 ára aldur sem
þau hafa þroska til að meðtaka allt
sem fer fram í kringum þau þar sem
þau hjóla.
Áður en barnið fer út á nýju hjóli
þarf að velja svæði sem eru örugg
fyrir barnið að hjóla á. Gatan fyrir
framan heimilið er alls ekki rétti
staðurinn, þó að íbúðahverfið teljist
vera rólegt hverfi. Brýnið fyrir
barninu að hjóla aldrei á götunni.
Ekki er nóg að fara yfir þetta einu
sinni með barninu heldur verða
foreldrar sífellt að hafa eftirlit með
því. Tilvalið er að nota tímann til að
vera úti með barninu og fylgjast
þannig með því og leiðbeina á
jákvæðan og góðan hátt.
Æskilegt er að hjóla frekar á
gangstéttum og göngustígum en á
götum, en þar hafa gangandi vegfar-
endur forgang. Hringja skal bjöllu
tímanlega þegar komið er aftan að
gangandi fólki. Á sambyggðum
gang- og hjólastígum skal fylgja
merkingum um hvoru megin eigi að
hjóla.
Hjólreiðamaður þarf að gefa merki
um ætlun sína í umferðinni.
Aðallega er um tvenns konar
merkjagjöf. Annars vegar að rétta út
hendi til vinstri eða hægri ef
ætlunin er að beygja. Hins vegar að
setja höndina upp þegar stöðvað er.
Ætlast er til að merkið sé gefið
tímanlega og hafa báðar hendur á
stýri á meðan beygt eða stöðvað er,
svo ekki sé hætta á að hjólreiða-
maðurinn missi stjórn á hjólinu.
Áður en barninu er leyft að hjóla í
umferðinni er mikilvægt að fara vel
yfir umferðareglur hjólreiðamanna.
Hverjar eru helstu orsakir reið-
hjólaslysa hjá börnum yngri en 10
ára?
• Börn beygja skyndilega fyrir bíla.
• Börn víkja ekki fyrir bílum.
• Börn eru annars hugar.
• Börn stytta sér leið.
• Börn hjóla á rangri akrein.
• Börn fara ekki eftir umferðar-
skiltum.
• Börn hafa lélegt jafnvægi.
Heimildir: www.barn.is, www.6h.is,
www.heilsugaeslan.is , www.msb.is
f.h. Heilbrigðisstofnunar Suðurlands
Með nýrri námskrá hefur Fram-
haldsskólinn í Vestmannaeyjum
(FÍV) sett inn nýjan skylduáfanga í
nýsköpun og frumkvöðlafræði sem
kenndur var í fyrsta skipti nú á
vorönn 2016. Nemendur læra um
nýsköpun, vöruþróun og rekstur
fyrirtækja. Þau taka þátt í verk-
efninu Ungir frumkvöðlar á Íslandi,
Junior Achievement (JA). Hluti af
JA Iceland verkefninu er keppni um
bestu viðskiptahugmyndina ásamt
því að að kynna og selja nýjar vörur
sem nemarnir munu skapa í
verkefninu. Hópur frá FÍV er
kominn í úrslit í keppninni.
JA eru alþjóðleg félagasamtök sem
starfa á heimsvísu en verkefni á
vegum samtakanna snerta meira en
tíu milljónir nemenda á ári hverju í
122 löndum, þar af þrjár milljónir
nemenda í 39 Evrópulöndum.
Samtökin leitast við að undirbúa
ungt fólk fyrir framtíðina og auka
færni þeirra til atvinnuþátttöku og
atvinnusköpunar með því að stuðla
að aukinni nýsköpunar-, frum-
kvöðla- og viðskiptamenntun í
skólum. JA á Íslandi er þátttakandi í
JA á heimsvísu.
Á vorönn hafa nemendur í átta
framhaldsskólum á Íslandi framleitt
vörur og rekið smáfyrirtæki frá
grunni. FÍV er eini framhaldsskól-
inn utan höfuðborgarsvæðisins sem
tók þátt að þessu sinni.
Nemendur í FÍV hafa frá áramót-
um stofnað þrjú fyrirtæki, fengið
hugmyndir sem tengjast nýsköpun,
hannað og framleitt vörur. Þeir hafa
fundið nafn á fyrirtækið sitt, hannað
logo, selt hlutabréf til að kaupa efni
í framleiðsluna, haldið stjórnar-
fundi, gert viðskiptamódel og
viðskiptaáætlun, markaðssett vöru
sína og selt hana m.a. á vörumessu í
Smáralind þann 10. apríl síðast-
liðinn. Nemendur gerðu ítarlega
ársskýrslu um fyrirtækið sitt og
sendu í keppnina um bestu
viðskiptahugmynd framhaldsskóla-
nema. Í lok annar lokuðu þau svo
fyrirtækinu með því að klára að
borga hluthöfum til baka, greiða sér
laun og létu um leið ákveðna
prósentu af ágóðanum renna til
góðra málefna.
Smáfyrirtækið Skari frá FÍV
komst í úrslit þar sem 15 af 60
fyrirtækjum sem stofnuð voru
kepptu um bestu viðskiptahugmynd
framhaldsskólanema á Íslandi.
Starfsmenn Skara eru Alma Rós
Þórsdóttir, Andrés Egill Guðjóns-
son, Darri Viktor Gylfason, Hulda
Dís Snorradóttir og Nökkvi Snær
Óðinsson.
Þau framleiddu rúðuvökva sem
inniheldur afísunarefni sem gerir
viðskiptavinum kleift að nota hann
allan ársins hring. Vökvinn þrífur
rúðuna og eyðir frostinu á veturna. Í
úrslitum fóru nemendur okkar í
viðtal við dómnefnd og héldu síðan
kynningu um vöruna og fyrirtækið
sitt á sviði í höfuðstöðvum Arion
banka í Reykjavík. Þau stóðu sig
gríðarlega vel og þessi góða reynsla
fylgir þeim án efa áfram í námi og
út í lífið.
:: Nýsköpun og frumkvöðlafræði í FÍV
:: Nýsköpun, vöruþróun og rekstur fyrirtækja:
Skari komst í úrslit
þar sem 15 af 60
fyrirtækjum keppa
um bestu viðskipta-
hugmyndina
:: Elín Jóhannsdóttir, kennir nýsköpun
og frumkvöðlafræði
Hjólað í umferðinni
Ólöf árnadóttir
Hjúkrunarstjóri hei lsu-
gæslunnar í rangárþingi
STórgóðir og SkemmTilegir Tónleikar
- kór Átthagafélags Strandamanna var með hljómleika í Safnaðarheimili landakirkju um síðustu helgi.
Hljómleikarnir voru vel sóttir af eyjamönnum sem fylltu salinn. kórinn söng mörg létt og skemmtileg lög
og voru tvö þeirra eftir oddgeir kristjánsson, Fyrir austan mána og Villtir strengir. aðrir lagahöfundar
sem voru í söngprógraminu voru m.a. Svavar Benediktsson, rúnar gunnarsson og Björgvin Halldórsson
svo einhverjir séu nefndir. allt voru þetta lög sem gestir gátu sungið með og gerðu það óspart. Þetta
voru stórgóðir og skemmtilegir tónleikar þar sem Vilberg Viggósson sá um að spila með á píanó og
stjórnandi kórsins var Ágota Joó.
starfsmenn skara í smáralind. Alma rós, Hulda Dís, Darri Viktor,
nökkvi snær og Andrés Egill