Fréttir - Eyjafréttir - 01.06.2016, Blaðsíða 2
2 Bílar / / Miðvikudagur 1. júní 2016
Útgefandi: Eyjasýn ehf.
Ritstjórn: Sara Sjöfn Grettisdóttir
Uppsetning: Sæþór Vídó
Prentun: Landsprent
Strandvegi 47 | Vestmannaeyjum | Sími 481-1300
| frettir@eyjafrettir.is | www.eyjafrettir.is
Á bakvið tor færubílinn Kubb er
margt fólk en mest mæðir á
þeim tveimur, Guðna Grímssyni
ökumanni og Magnúsi Sigurðs-
syni eiganda og ökumanni. Þeir
eru báðir vélfræðingar að
mennt og kunna sitt fag svo
sannarlega. Þeir félagar hafa
báðir verið að keyra bílinn
Kubb í keppnum en um þessar
mundir keyrir Guðni bílinn og
hefur honum gengið mjög vel.
Kubbur hefur alltaf verið í topp
fimm sætunum á síðustu
mótum sem þeir hafa tekið
þátt í og nú síðast á Hellu þar
sem þeir urðu í öðru sæti.
Fyrir þá sem ekki vita þá er
torfærukeppni þannig að keppt er
í flokkum á sér útbúnum bílum,
götubílum og sér útbúnum
götubílum. Það eru bæði tíma-
brautir þar sem bílarnir keppa um
að komast leiðina á sem stystum
tíma og svo eru brautir þar sem
sett eru upp hlið þar sem farið er
yfir hóla og upp börð og brekkur
og gefin stig fyrir frammistöðu. Er
leikmanni óskiljanlegt hvernig
hægt er að komast upp erfiðustu
brekkurnar.
Fjögurra strokka vél úr Hondu
„Sérútbúni flokkurinn er stærstur
og keppir Kubbur í honum. Þar eru
í raun engar takmarkanir á því
hvernig bílarnir eru útbúnir. Þú
mætir á því sem þú smíðar en
þarft samt sem áður alltaf að fylgja
mjög ströngum öryggisreglum.
Bíllinn má vera hvernig sem er í
laginu en það eru reglur um
ákveðna þyngd á grindinni og
ökumannsbúrinu, öllum öryggis-
búnaði og búnaði sem ökumað-
urinn þarf að klæðast,“ sagði
Guðni.
„Við köllum okkur TeamKubb af
því að upphaflega var rusla Kubbur
að styrkja okkur en það er reyndar
breytt en við ákváðum að halda
nafninu.“
Kubbur er töluvert frábrugðinn
öðrum bílum en hann er með
fjögurra strokka vél úr Hondu
Accord. „Allir aðrir eru með
ameríska V8 vélar en við erum með
stóra túrbínu sem blæs upp aflið.
Við setjum smá nítro með og
náum þannig einhverjum 600
hestöflum út úr vélinni sem er 190
hestöfl. Þar með er bíllinn sá
léttasti, er 1050 kg en bílarnir eru
venjulega allt upp í 1800 kg.“
Kubbur er eini torfærubíllinn frá
Vestmannaeyjum og eru hinir
aðallega af landsbyggðinni einnig.
„Þess vegna er enn hægt að kalla
þetta landsbyggðasport,“ sagði
Guðni.
Ekki fer mikið fyrir þessu sporti í
fjölmiðlum en Guðni segir að mikill
áhugi sé á því hjá hinum Norður-
landaþjóðunum. „Eins og á
keppnum hérna heima eru um níu
youtube rásir þar sem hægt er að
fylgjast með mótunum.“
Áhuginn og skemmtunin sem
fylgir þessu drífur menn áfram
Keppt hefur verið í torfæru í um 40
ár og hefur verið keppt í þessu
sporti lengi á Íslandi. „Það kom
reyndar lægð í þetta á tímabili en
núna er allt komið af stað á ný.
Sem dæmi má nefna að í fyrsta
skipti fer hópur frá Íslandi til að
keppa í Bandaríkjunum í haust og
þar á meðal „Team Kubbur“. Þeir
fara með um 25 manna hóp héðan
frá Eyjum.“
Ekki sinna þeir félagar sportinu
fyrir peningana því verðlaunin fyrir
að vinna keppni sem þessa er
yfirleitt bikar. Þannig að áhuginn
og skemmtunin sem fylgir þessu
drífur menn áfram. Kostnaðinn við
sportið borga þeir að mestu úr
eigin vasa en eru með hina ýmsu
styrktaraðila sem styðja þétt við
bakið á þeim. „Við förum líka aðrar
leiðir við að finna það sem okkur
vantar, við tökum aldrei dýrasta
hlutinn úr hillunni, reynum að fá
vörur sem ódýrastar og flytjum
nær allt sem við notum inn sjálfir.
Dýrasti einstaki hluturinn í bílnum
kostaði 200.000 kr. og er það auka
mótor. Þó við förum þessa leið þá
erum við samt að keppa í toppsæt-
unum.“
Aðspurður segir Guðni að það
séu meira og minna bara karlmenn
í þessu sporti. „Það var ein kona að
keyra á síðasta móti sem við
kepptu á og lenti hún í þriðja sæti
á mótinu og stóð sig því mjög vel.
En á bakvið okkur eru samt okkar
konur sem styðja okkur og værum
við ekki að þessu nema vegna
þeirra því það fer mikill tími í þetta.
Enda stílum við inná þetta sem
fjölskyldusport þar sem allir eru
með og eftir keppnir höldum við
grillveilsu með fjölskyldum okkar
og höfum það gott.“
Sindri Georgsson er bílaáhuga-
maður mikill og hefur frá unga
aldri verið að brasa við bíla. Hann
er ekki bara áhugamaður um bíla í
frítíma sínum því hann vinnur í
Bragganum við að laga bíla alla
daga.
Eins og mörg okkar myndum við
áhugamálin okkar eða það sem
grípur augað og þar eru bíla-
áhugamenn engin undantekning.
Sindri hefur verið að taka myndir í
rúm tíu ár og þá aðallega af bílum
sem hann gera virkilega vel. Hann
á heiðurinn af myndunum á
forsíðu blaðsins og einnig
myndunum hér á síðunni.
Faratækin sem eru mynduð eru frá
vinum og kunningjum aðalega í
Vestmannaeyjum, einnig hefur
Sindri myndað torfærubílinn Kubb
og aðstoðar í því liði.
Torfæran :: Kubbur í flokki sérútbúinna :: Í toppsætunum:
Þú mætir á því sem þú smíðar
:: Þarft samt sem áður alltaf að fylgja mjög ströngum öryggisreglum :: Áhuginn og skemmtunin drífandi
Sara Sjöfn Gret tiSdót tir
sarasjofn@eyjafrett ir. is
Team Kubbur - mynd: Sindri Georgsson
Kubbur á flugi - mynd: Sindri Georgsson
Vinnur við
bíla og
myndar þá
Bílar