Fréttir - Eyjafréttir - 15.06.2016, Blaðsíða 10
10 Eyjafréttir / Miðvikudagur 15. júní 2016
Alls útskrifuðust 56 nemendur
úr 10. bekk Grunnskóla Vest-
mannaeyja sem var slitið í
síðustu viku. Skólaslitin fóru
fram í Höllinni að viðstöddum
fjölskyldum þeirra sem voru að
útskrifast. Athöfnin var hátíðleg
og skóla og nemendum til
mikils sóma. Stelpurnar hirtu öll
verðlaun og viðurkenningar en
strákarnir komust varla á blað.
Voru þær með hæstu einkunnir
og hirtu allar viðurkenningar
fyrir þematengd verkefni sem
voru lokaverkefni nemenda.
Flestar viðurkenningar fyrir
góðan námsárangur fékk Elsa
Rún Ólafsdóttir, alls fimm
verðlaun, fyrir ástundun,
stærðfræði, íslensku, dönsku og
náttúrufræði.
„Mig langar að þakka ykkur fyrir
komuna og ánægjulega samveru í
kvöld og vil nota tækifærið og
þakka ykkur foreldrar góðir fyrir
gott samstarf og skemmtilega
viðkynningu á undanförnum árum,“
sagði Sigurlás Þorleifsson,
skólastjóri í skólaslitaræðu sinni.
„Hér sláum við botninn í þessa
samkomu, mig langar að þakka
ykkur fyrir komuna og ánægjulega
samveru í kvöld og nota tækifærið
og þakka ykkur foreldrar góðir fyrir
gott samstarf og skemmtilega
viðkynningu á undanförnum árum.
Og þar með segi ég Grunnskóla
Vestmannaeyja slitið vorið 2016.“
Eva Aðalsteinsdóttir og Sigmar
Sigurðsson fluttu ávarp út-
skriftarnema og gerðu það mjög
vel. Fóru yfir árin tíu í GRV sem
þau segja góðan skóla.
Þau byrjuðu á að kynna sig og buðu
svo alla hjartanlega velkomna á
útskrift 10. bekkjar í Grunnskóla
Vestmannaeyja vorið 2016. „Í dag
eru stór tímamót í lífi okkar en við
erum loksins að útskrifast úr
grunnskóla eftir heila 10 ára
skólagöngu,“ sagði Eva. „Sumir
hafa verið alla sína skólagöngu hér
en aðrir eins og t.d. við höfum verið
í öðrum skólum. Af minni reynslu
þá er Grunnskóli Vestmannaeyja
bestur af þeim skólum sem ég hef
farið í, hér er best að vera. En það
sem að ég dái mest við árganginn
okkar er að það ríkir mikil sam-
kennd innan árgangsins.
Frá mínu sjónarhorni sé ég árgang
sem nær mjög vel saman, ég sé
engan skilinn út undan eða
útilokaðan á einn eða annan hátt.
En sumir sjá þetta kannski í allt
öðru ljósi, en ég vona ekki.“
Þá tók Sigmar við. „Þennan tíma
sem við höfum verið hér í Grunn-
skóla Vestmannaeyja höfum við
upplifað og lært margt. En í
grunnskóla höfum við flest eytt
1800 dögum af ca. 5840 dögum
sem við höfum lifað. Óskar Jósúa
kenndi okkur flestum prósentuþrí-
hyrninginn og ef hann er notaður
fær maður það út að við höfum eytt
30% úr lífi okkar í Grunnskóla.
Þegar ég hugsa til baka man ég
bara eftir því skemmtilega sem
gerðist á þessum tíu árum.. Við
munum mörg eftir leikritunum sem
Þóra Guðmunds leikstýrði snilldar-
lega. Mörg munum við eftir
ferðalaginu í sjötta bekk þegar við
fórum á Úlfljótsvatn í bongóblíðu!
Og við munum flest mjög vel eftir
hinni skemmtilegu ferð á Reyki.
Við fórum líka í dagsferð til
Reykjavíkur í níuna bekk en þá
fórum við í Vísindasmiðju HÍ sem
var svipað skemmtilegt og að detta
á smettið niður skíðabrekku en við
komum betur að því hér á eftir.
Seinna þann dag kíktum við á
Þjóðminjasafnið og síðan fórum við
í Hellisheiðarvirkjun sem er staður
fyrir vatn eða eitthvað.
Svo var það náttúrulega útskriftar-
ferðin okkar sem fór nú bara
einstaklega vel. Það stakk reyndar
ein manneskja af út í þokuna en það
er ekkert til að væla yfir.
Síðan eins og allir vita braut Arnar
á sér fótinn, kallinn var að skíða
niður eitthverja risabrekku, sem
reyndist seinna vera næst minnsta
brekkan þegar hann ákvað að það
væri fínasta hugmynd að setja á sig
skíðagleraugun á meðan hann
skíðaði niður.
Stuttu seinna var hann fluttur á
spítalann eftir skíðaslys í krakka-
brekkuni. En síðan verð ég
náttúrulega að tala um þá sem
höfðu svo stóra drauma að fara til
Danmerkur. Þrátt fyrir hversu hart
við reyndum að svindla á fyrstu
bekkingum að borga þúsund kall
fyrir „bíó“ þá náðum við samt
líklegast ekki einu sinni einn
hundraðasta af þeim 11 milljónum
sem þurfti.
Fólk hefur einnig komið og farið
og fannst okkur mikilvægt að
minna alla á hverjir og hverjar það
voru. Daníel Helgi sneri aftur til
Vestmannaeyja. Helgi Birkis sneri
aftur til Vestmannaeyja og Viktoría
flutti til Vestmannaeyja og svo
framvegis og svo framvegis.
Við sáum Óskar Jósúa koma... og
svo fara.. og svo koma aftur. Og
síðan veit ég ekkert hvar Siggi er.
En þrátt fyrir það að við munum
gleyma nemanda eða tveim þá er ég
viss um að enginn muni gleyma
pýþagóras reglunni sem mun sitja í
hjörtum okkar allra að eilífu.
Ég vil þakka fyrir fullkomna önn
án rifrilda, íkveikju, lélegra kynna,
drama og lokandi félagsmiðstöðva.
Megi ykkur öllum ganga vel í
framtíðinni, takk fyrir,“ sagði
Sigmar og fengu þau gott klapp
fyrir ræðuna og flutninginn.
Alls útskrifuðust 56 nemendur frá GRV í ár:
Stelpurnar hirtu allar viður-
kenningar sem í boði voru
Ómar GarðarSSon
omar@eyjafrettir.is
Eva og Sigmar fluttu útskriftarræðu:
Í allt 1800 dagar af
þeim 5840 dögum
sem við höfum lifað
Sigurlás Þorleifsson, skólastjóri
Grunnskóla Vestmannaeyja.
Lára Skæringsdóttir kennari, Rósa María Bjarnadóttir, Þórhildur Örlygsdóttir, Tanya Rós Jósefsdóttir,
Hafrún Dóra Hafþórsdóttir, Sigmar Snær Sigurðsson, Ingibergur Sigurbjörnsson, Birkir Snær Alfreðsson,
Baldvin Ingi Hermannsson, Eyþór Daði Kjartansson, Marcin Kazimierz, Ágúst Már Þórðarson, Kristófer
Hlöðversson, Grétar Þorgils Grétarsson, Ísabella Tórshamar, Arna Dís Halldórsdóttir, Gíslný Birta Bjarka-
dóttir og Þorbjörg Júlía Ingólfsdóttir. Á myndina vantar: Aron Frey Gerhardsson og Bjarka Frey Valgarðsson.
Efri röð: Sigurhanna Friðþórsdóttir kennari, Viktoría Dís Viktordóttir, Stella Guðlaugsdóttir, Elísa Sjöfn
Sveinsdóttir, Thelma Lind Þórarinsdóttir, Sólveig Lind Gunnarsdóttir, Daníel Helgi Guðjónsson. Daníel Már
Sigmarsson og Grétar Þór Sindrason. Neðri röð: Dagbjört Lena Sigurðardóttir, Gabríela Dögg Viktorsdóttir,
Elsa Rún Ólafsdóttir, Bergþóra Sigurðardóttir, Eva Lind Ingadóttir, Eva Aðalsteinsdóttir, Guðlaugur Gísli
Guðmundsson, Gísli Snær Guðmundsson og Daníel Scheving Pálsson. Á myndina vantar Willum Pétur
Andersen og Andra Stein Jacobsen.
Efri röð: Helgi Birkis Huginsson, Borgþór Eydal Arnsteinsson, Arnar Freyr Ísleifsson, Jóhannes Helgi Jensson,
Ívar Logi Styrmisson, Magnús Kristleifsson, Alexander Andersen. Neðri röð: Berglind Þórðardóttir kennari,
Erna Scheving Pálsdóttir, Katja Marie Helgadóttir, Birta Líf Jóhannsdóttir, Sara Renee Griffin, Selma Þöll
Guðjónsdóttir, Inga Birna Sigursteinsdóttir, Linda Petrea Georgsdóttir, Díana Hallgrímsdóttir og Kristjana
Björnsdóttir. Á myndina vantar Baldur Braga Birgisson og Sigurð Elí Bergsteinsson.
Eva Aðalsteinsdóttir og Sigmar
Sigurðsson fluttu ávarp
útskriftarnema.