Fréttir - Eyjafréttir - 15.06.2016, Page 12

12 Eyjafréttir / Miðvikudagur 15. júní 2016
Hefur friðlýsingin í för með sér
að ekki megi lengur halda
flugeldasýningu á þrettándanum
og þjóðhátíðinni?
Nei, hún gerir það ekki. Fyrir
friðlýsinguna hafa verið í gildi frá
1994 svokölluð villidýralög sem
fjalla um umgengni við fuglabjörg,
t.d. hvað varðar að ekki megi skjóta
fugl í björgum o.s.frv. Ekki er verið
með friðlýsingunni að ganga lengra
en villidýralögin sem eru nú þegar í
gildi.
Af hverju þá að friðlýsa ef við
höfum hvort eð er þessi
villidýralög?
Eins og segir í hvítbók Náttúru-
verndar: Forsenda fyrir friðlýsingu
búsvæða er að miklu skipti frá
vísindalegu, náttúrufræðilegu eða
öðru menningarlegu sjónarmiði að
þessum þáttum lífríkisins sé ekki
raskað, fækkað eða útrýmt.
Með friðlýsingu er náttúra, sem
mikilvægt er að varðveita vegna
landslags, lífríkis eða sérstæðra
jarðmyndana, tekin frá og henni
hlíft til framtíðar. Með friðun
tryggjum við rétt okkar og komandi
kynslóða til að njóta ósnortinnar
náttúru.
Í Vestmannaeyjum er stærsta
sjósvölubyggð í Evrópu og er
stærsta varpið í Elliðaey en einnig
er varp í Bjarnarey, Smáeyjum,
Álsey, Brandi, Hellisey og Suðurey.
Eini varpstaður skrofu á Íslandi er í
Vestmannaeyjum og er þekkt varp
tegundarinnar m.a. í Ystakletti á
Heimaey, Elliðaey, Bjarnarey, Álsey
og Suðurey. Í Vestmannaeyjum er
varpstaður nær allra stormsvala
landsins og þar er varpstaður um
þriðjungs lundastofnsins á Íslandi.
Markmið friðlýsingarinnar er að
stuðla að varðveislu og viðhaldi
náttúrulegs ástands búsvæða
fjölmargra fuglategunda. Einnig er
með friðlýsingunni tryggt aðgengi
almennings að landsvæðinu til
náttúruskoðunar og fræðslu.
Ennfremur er markmið friðlýsingar-
innar að tryggja möguleika á
rannsóknum og vöktun á lífríki
svæðisins með áherslu á búsvæði
fugla. Með friðlýsingunni er einnig
verið að fylgja eftir alþjóðlegum
samningum um náttúruvernd sem
Ísland er aðili að.
Með friðlýsingunni er einmitt
verið að viðurkenna þá miklu
sérstöðu sem fuglategundir og
fuglabjörg Vestmannaeyja sannar-
lega hafa og Vestmannaeyingar eru
stoltir af. Friðlýst búsvæði fugla
hafa einnig mikið aðdráttarafl hvað
varðar ferðamenn, fuglaskoðunar-
fólk og vísindamenn.
Má þá aldrei veiða aftur
lunda eða fara í egg?
Umhverfis- og skipulagsráð
Vestmannaeyjabæjar mun áfram
gefa út hvort og hversu lengi veiði
verður leyfð en undanfarin ár hefur
lundaveiði einungis verið heimil í
nokkra daga á ári og hefur jafnan
engin lundaveiði að neinu marki
verið stunduð þrátt fyrir þessa
heimild og ber það vitnisburð um
þá virðingu sem bjargveiðimenn
bera fyrir lundastofninum. Pysju-
tímabil undanfarins árs gefur tilefni
til bjartsýni og óskandi er að
áframhald verði á þeirri þróun.
Eggjataka er heimil áfram svo lengi
sem hún er sjálfbær.
Mun Vestmannaeyjabær bera
kostnað af friðlýsingunni?
Vinna og kynning á friðlýsingu
búsvæða sjófugla í Vestmanna-
eyjum hófst af alvöru árið 2007 og
var þá kynnt fyrir bjargveiðifélagi,
bændasamtökum, náttúruverndar-
samtökum og ferðamálasamtökum
Vestmannaeyja ásamt Háskólanum,
fulltrúa frá Hafrannsóknarstofnun,
Náttúrustofu Suðurlands og
umhverfis- og framkvæmdasviði og
umhverfis- og skipulagsráði
Vestmannaeyja. Í kjölfarið fór af
stað mikil vinna og nokkur sátt var
orðin um málið þar til að Vest-
mannaeyjabær setti málið í biðstöðu
þar sem ekki væri tryggt fjármagn
frá umhverfisráðuneyti til eftirlits
og vöktunar búsvæðisins. Hins
vegar er í dag starfsmaður Um-
hverfisstofnunar kominn í fullt starf
í Vestmannaeyjum ásamt því að
Vestmannaeyjabær brýtur í blað í
sögu friðlýsinga hvað varðar tvennt,
þ.e. að friðlýsingunni mun fylgja
fjármagn til að tryggja eftirlit og
vöktun og mun formaður ráðgef-
andi hóps Umhverfisstofnunar
varðandi friðlýsinguna í fyrsta
skipti vera fulltrúi frá sveitar-
félaginu en ekki Umhverfisstofnun.
Hversu langur aðdragandi
er að þessari ákvörðun?
Slík ákvörðun er að sjálfsögðu ekki
tekin léttvægt og á hún sér langan
aðdraganda og líklega hafa fá mál
hjá Vestmannaeyjabæ haft jafn
langa málsmeðferð. Friðlýsingin
var fyrst kynnt eins og áður hefur
verið greint frá 2007 og unnið hefur
verið jafnt og þétt að málinu síðan.
Hins vegar var svo málið tekið aftur
upp á 2973. fundi bæjarráðs þ. 5.
febrúar 2014 þar sem óskað var
eftir því að áfram yrði haldið þar
sem frá var horfið varðandi vinnu
við friðlýsingu búsvæða fyrir fugla
í Vestmannaeyjum.
Á 216. fundi umhverfis- og
skipulagsráðs í desember 2014 var
málið afgreitt og kom eftirfarandi
fram: ,,Fyrir liggur erindi frá
undirbúningshópi að friðlýsingu
fyrir búsvæði sjófugla í Vestmanna-
eyjum skv. lögum um náttúruvernd.
Afrakstur þeirrar vinnu sem farið
var í, liggur nú fyrir en markmið
hennar er meðal annars að varðveita
og viðhalda náttúrulegu ástandi
alþjóðlega mikilvægra fuglabyggða
og vernda búsvæði lunda, skrofu,
stormsvölu, sjósvölu, súlu, ritu,
fýls, langvíu og álku. Þá er
markmið friðlýsingarinnar að
tryggja rannsóknir, fræðslu og
vöktun á lífríkis svæðisins með
áherslu á búsvæði og afkomu
sjófugla.”
Umhverfis-og skipulagsráð hefur
kynnt sér störf undirbúningshópsins
og gerir ekki athugasemdir fyrir sitt
leyti að friðlýsingin taki gildi. Þá
vill ráðið taka fram að ofangreind
vinna hefur ekki áhrif á lundaveiðar
eins og þær eru stundaðar í dag.
Ráðið leggur áherslu á að forræði
yfir nytjum sé áfram á hendi
Vestmannaeyjabæjar sem land-
eiganda. Fundargerð ráðsins var svo
staðfest á 1493. fundi bæjarstjórnar
þann 22. desember 2014.
Þá fjallaði stjórn
Náttúrustofu
Suðurlands einnig
lítillega um málið í
lok árs 2014 þar sem
fjárhagsáætlun var
lögð fram og rædd.
Fjárhagsáætlunin var
samþykkt og í
fundargerð tekið
fram að ánægjulegt
væri að sjá að
sértekjur aukast á
árinu, m.a . vegna
efnavöktunar og fyrirhugaðrar
friðlýsingar.
Að lokum fjallaði bæjarstjórn um
málið á 1511. fundi sínum þann 28.
apríl síðastliðinn þar sem málið var
á dagskrá. Þar sem mannabreytingar
höfðu verið í bæjarstjórn frá
áðurnefndum fundargerðum þótti
bæjarfulltrúum eðlilegt að málið
fengi lengri umfjöllun til að
bæjarfulltrúar gætu kynnt sér efni
friðlýsingarinnar betur og því var
málinu frestað og óskað eftir fundi
með fulltrúum frá umhverfisráðu-
neytinu.
Sá fundur átti sér stað í maí þessa
árs. Í kjölfarið þótti eðlilegt að taka
ákvörðun um málið og þar sem
umhverfis- og skipulagsráð hafði

áður fjallað um friðlýsinguna og
efni hennar óbreytt var næsta
eðlilega skref að bæjarstjórn tæki
ákvörðun sem hún hefur og gert.
Er friðlýsingin komin
til að vera um aldur og ævi?
Svo vitnað sé í orð Jakobs Björns-
sonar fyrrverandi orkumálastjóra:
Ýmsir skilja það svo að friðlýsing
gildi um aldur og ævi. Það er
auðvitað misskilningur. Friðlýsing
gildir meðan hún er ekki numin úr
gildi, eða henni breytt. Öllum
lögum er hægt að breyta eða nema
þau úr gildi. Friðlýsingarlögum sem
öðrum. Þau eru ekki gagnslaus fyrir
þá sök. Friðlýsing gefur ráðrúm til
að undirbúa framkvæmdir vel og
kemur í veg fyrir að í þær sé ráðist í
fljótræði.
Erum við að afsala okkur
fuglabjörgunum og úteyjunum
okkar til skrifstofublóka á
höfuðborgarsvæðinu?
Að sjálfsögðu ekki, Vestmanna-
eyjabær eru og verða landeigendur
fuglabjarga og úteyja og hafa

skipulagsvaldið áfram. Hins vegar
munu allar framkvæmdir sem hafa
áhrif á friðlýst búsvæði fugla þurfa
að fara í gegnum ráðgjafarhóp
umhverfisstofnunar þar sem
Vestmannaeyjabær hefur 2 fulltrúa
og sinnir formennsku og hlunn-
indahafar hafa 1 fulltrúa. Hins vegar
í þau skipti þegar sveitarfélög hafa
óskað eftir endurskoðunum á
mörkum frið-
lýsinga eða
ákvæðum þá hafa
þau verið uppfyllt
að ósk sveitar-
félaga.
Skv. fyrrverandi
forstjóra nátt-
úruverndar
ríkisins og
núverandi
landgræðslustjóra
Árna Bragasyni er
algengasti
misskilningurinn varðandi frið-
lýsingar sá að verið sé að taka öll
völd af fólki og að verið sé að færa
forræði svæða af heimamönnum
Vestmannaeyingar hafa staðið sig
vel í að vernda náttúruna enda fá
sveitarfélög sem eiga jafnmikið
undir sjálfri náttúrunni. Með því
skrefi sem stigið var á síðasta
bæjarstjórnarfundi er sveitarfélagið
að gefa sitt leyfi til þeirrar stjórn-
valdsákvörðunar sem friðlýsingin
er. Með því að samþykkja frið-
lýsinguna er einfaldlega verið að
viðurkenna sérstöðu fuglabjarganna
og vernda hana formlega, líkt og
gert hefur verið óformlega alla tíð
áður, til að komandi kynslóðir geti
notið hennar áfram um ókomin ár.
OPIN ÆFING
fyrir 5. 6. og 7. fl okk
Meistarafl okkur karla ætlar að halda opna æfi ngu fyrir yngri iðkendur
félagsins 5. 6. og 7. fl okkur karla og kvenna. Æfi ngin er föstudaginn
17. júní klukkan 11.00 á Hásteinsvellinum ef veður leyfi r.
föstudaginn 17. júní kl.11.00 á Hásteinsvelli
Æfi ngin er í boði helstu styrktaraðila félagsins:
Merkið í fjórlit (CMYK) / The logo in CMYK
Fyrir dagblöð, tímarit, bæklinga og alla aðra fjórlita
(CMYK) prentun.
For newsprint, magazines, flyers and all other 4-color
(CMYK) printing.
100+47+0+0
0+0+0+30
0+0+0+50
Nokkrar algengar spurningar og
svör vegna ákvörðunar bæjar-
stjórnar um friðlýsingu búsvæða
sjófugla í Vestmannaeyjum
Vestmannaeyjabær eru og verða landeig-
endur fuglabjarga og úteyja og hafa skipu-
lagsvaldið áfram. Hins vegar munu allar
framkvæmdir sem hafa áhrif á friðlýst
búsvæði fugla þurfa að fara í gegnum
ráðgjafarhóp umhverfisstofnunar þar sem
Vestmannaeyjabær hefur 2 fulltrúa og þar á
formennsku.
”
hildur Sólveig
Sigurðardóttir
bæjarful ltrúi d-l ista
páll marvin Jónsson
bæjarful ltrúi d-l ista
trausti hjaltason
bæjarful ltrúi d-l ista
auður Ósk
vilhjálmsdóttir
bæjarful ltrúi E-l ista
M
yn
d:
S
ig
fú
s
G
un
na
r
G
uð
m
un
ds
so
n
M
yn
d:
S
ig
fú
s
G
un
na
r
G
uð
m
un
ds
so
n
M
yn
d:
Ó
sk
ar
P
ét
ur
F
ri
ðr
ik
ss
on