Fréttir - Eyjafréttir - 15.06.2016, Blaðsíða 13
13Eyjafréttir / Miðvikudagur 15. júní 2016
Nú þegar búið er að bjóða út smíði
á nýrri ferju getum við fagnað því
að loksins erum við að losna úr
þeim hjólförum sem við höfum
verið föst í frá 2008 þegar fallið var
frá smíði nýrrar Vestmannaeyja-
ferju. Það hefur verið stórmerkilegt
að sjá í umræðunni hvað fólk hefur
verið tilbúið að leggja á sig til að
ala á óeiningu hér í samfélaginu,
allt tínt til, bæði til að hræða fólk og
tefja fyrir því að ráðamenn taki
ákvarðanir. Margt af því sem sagt
hefur verið er alveg réttmætt á
meðan annað hefur verið algjör
þvæla.
Stundum held ég að menn séu að
reyna að koma höggi á það fólk
sem fer með þessi mál fara af
persónulegum ástæðum og jafnvel
upphefja sjálfa sig á kostnað
samfélagsins og verkefnisins sem
verið er að glíma við. Því sannar-
lega er það glíma að leysa þau
verkefni sem fyrir okkur liggja.
Þegar maður heyrir það að ný ferja
kosti of mikið þá getur ekki verið
annað en eitthvað sé saman við það,
aldrei hefur fólk verið að kvarta yfir
því að of vel er gert við það.
Tölum hlutina upp en ekki
niður
Ég minnist þess ekki að hafa lesið
um að Siglfirðingar hafi býsnast yfir
kosnaði við 10 milljarða króna
göng sem gerð voru til að bæta
samgöngur þeirra. Talandi um
Siglufjörð, nú í vor var athafna-
maður þaðan með erindi hér, maður
sem gert hefur kraftaverk fyrir sitt
samfélag, Róbert Guðfinnsson, hans
ráð til okkar hér í Eyjum voru
einföld, standið saman og talið
hlutina upp en ekki niður. Því miður
hefur okkur ekki borið gæfa til að
hafa þessi sjónarmið að leiðarljósi,
ef það hefði verið værum við að
taka á móti nýju skipi núna.
Ég hef verið gagnrýndur fyrir að
hafa ekki viljað frekari rannsóknir
og umsagnir óháðra aðila, var t.d
skrifuð grein um brotalamir á
störfum smíðanefndar. Um það vil
ég segja, samstarfið í smíðanefnd-
inni hefur verið mjög gott og aldrei
hafa farið fram jafnmiklar rann-
sóknir á skipi sem smíða á fyrir
Íslendinga eins og nú. Það liggja
fyrir gríðalega mikil gögn um
hönnunina og þegar er til umsögn
óháðra aðila. Þegar ég vildi ekki
fara í frekari prófanir var það önnur
spurning sem var ofar í mínum
huga, eigum við að fresta smíðinni í
eitt ár enn og skoða málið betur?
Fyrir mér var svarið einfalt við
getum ekki beðið lengur, nú er
komið nóg, við þurfum að stíga
næstu skref.
Óábyrgt kaffistofuspjall
Samgöngur skipta okkur öll miklu
og við eigum öll allt undir því að
vel takist til. Það er bæði eðlilegt
og gott að fólk hafi skoðanir og tjái
þær. Það er hinsvegar mikilvægt að
greina á milli óábyrgs kaffistofu-
spjalls og þess sem verið er að
vinna faglega. Fólk sem ber enga
ábyrgð getur sagt hvað sem er og
hefur það sannarlega verið gert.
Það eru forréttindi sem við sem
nálgumst málið frá faglegri hlið
getum ekki leyft okkur. Við getum
ekki leyft okkur að vera með
sleggjudóma. Getum ekki sagt
„það þarf bara að....“ þegar við
vitum að málið er verkfræðilega
flókið. Þess vegna er mikilvægt
fyrir þingmenn og aðra sem fjalla
um málið og bera ábyrgð að vera
vel upplýst.
Því miður sá Ásmundur Friðriks-
son þingmaður og Vestmannaeying-
ur sér ekki fært að styðja okkur í
þessu máli en þrisvar sinnum hafði
ég samband við hann og bað hann
að hitta mig til að fara yfir það sem
við í smíðanefndinni höfum verið
að glíma við, en hann mátti ekki
vera að því, líklega verið að sinna
öðrum og þarfari málum en
samgöngumálum Vestmannaeyj-
inga, enda kom það á daginn,
þingmaðurinn veit ekki einu sinni
hver ganghraði nýju ferjunnar
kemur til með að vera.
Lítil batterísferja
Það er alltaf hægt að tala hlutina
niður, að segja nýja skipið litla
batterísferju er talandi dæmi um
það. Sannleikurinn er sá að við
höfum allt að græða með hybrid
kerfi ( batteríi). Þetta er það nýjasta
og fullkomnasta aflkerfi sem völ er
á. Ástæðan fyrir því að þessi leið
var valin er að skipið verður
einfaldlega betra og hagkvæmara á
allan hátt með þeim búnaði. Við
sem berum ábyrgð erum einnig oft
spurð hvort skipið sé ekki of lítið.
Því er þá til að svara að vissulega
myndum við öll vilja að það gæti
verið stærra og borið meira bæði af
bílum og farþegum. Við sem berum
ábyrgð verðum hinsvegar að taka
alla þætti með í reikninginn og
getum ekki skilið neitt útundan,
þess vegna er skipið bara með 40%
meiri flutningsgetu á bíladekki en
núverandi ferja. Bíladekkið er
náttúrlega sá þáttur sem skiptir
okkur mestu sem búum í Eyjum og
sannarlega hefði ég viljað stækka
það enn meira.
Menn töldu það ekki lítið þegar
núverandi Herjólfur kom því þetta
er nokkurnvegin sama stækkun og
var þegar hann kom nýr, þótti
mönnum það stórt í þá daga en ekki
lítið. Við vildum að sjálfsögðu að
skipið gæti verið stærra en aðstæður
bjóða ekki upp á það hvorki í
Landeyjarhöfn né Vestmannaeyjum,
allt tal um að breyta bara aðstæðum
er mikil einföldun á mjög flóknum
hlutum. Þótt það geti verið mjög
mannalegt að hefja umræðu um
Landeyjahöfn með orðunum: „Það
þarf bara að.....“ þá höfum við í
smíðanefnd ekki frekar en aðrir
ábyrgir aðilar þau forréttindi að tala
þannig.
Ný ferja breytir engu
Stundum er því haldið fram að allir
sjómenn segi að ný ferja breyti
engu. Það er ekki rétt. Sjálfur var
ég sjómaður í 30 ár og er með rétt
til að stýra öllum þeim skipum sem
sigla um heimsins höf ef frá eru
talin herskip. Ég veit sem er eftir
langan feril til sjós að tækninni
fleygir fram þar eins og annarstaðar.
Hjá því verður þó ekki litið að
reyndir skipstjórar hafa haft sínar
efasemdir.
Ég ber virðingu fyrir öllum
skoðunum og geri ekki lítið úr
reynslu annarra. Ef til vill hefði ég
aðra skoðun en nú, ef ég hefði ekki
varið hundruðum og jafnvel
þúsundum stunda í að kynna mér
þessi mál en ég hef verið í smíða-
nefnd nýrrar Vestmannaeyjaferju í
næstum 10 ár. Það er hinsvegar svo
sem ekki flókið að sjá að þegar siglt
er um höfn byggða í sandfjöru þar
sem botninn er á mikilli hreyfingu
að djúprista skipsins sem siglir þar
um skiptir miklu máli. Jafnvel
mestu máli.
Ég veit það að þegar ég var um
borð í dýpkunarskipinu við vinnu í
Landeyjarhöfn nú í vor og samfé-
lagið alveg á hliðinni að minni
djúprista á Herjólfi hefði hjálpað
mikið til við að opna höfnina. Um
það þarf ekki að deila. Það þarf
líka að líta til þess að það er ekkert
skip á Íslandi með azipod skrúfum
eins og verður í nýju ferjunni og
skipstjórar og skipherrar hér þekkja
ekki þennan búnað og vita því
eðlilega ekkert um hvað hann getur.
Ég og Guðlaugur skipstjóri á
Herjólfi kynntumst þessum azipod
skrúfum í herminum í Danmörku
og hef ég einnig í mínu starfi stýrt
nokkrum erlendum skipum svona
útbúnum. Staðreyndin er sú að
þetta er gríðalega flottur búnaður
sem virkar. Það er einfaldlega
himinn og haf á milli gömlu
hefðbundnu skrúfunnar og þessa
nýja búnaðar. Þegar litið er til alls
þess þá er vont að fólk trúi því að
ný ferja breyti engu. Hún lagar
ekki allt en hún breytir svo
sannarlega miklu.
Hvað sem öðru líður þá fer ný
ferja loks að sigla af teikniborðinu
og því getum við öll farið að stilla
saman strengina, standa saman, þá
náum við betri árangri í að bæta
samgöngurnar, því það er enn mikið
óunnið og bætur á höfninni er það
sem við blasir. Eitt er víst að við
vitum öll hvað Landeyjarhöfn hefur
þegar gert fyrir okkur. 1 9 . j ú n í 2 0 1 6
- K v e n r é t t i n d a d a g u r i n n
Í ár fögnum við því að þennan dag eru 101 ár liðin frá
því að konur á Íslandi fengu kosningarétt.
Barátta formæðra okkar skóp okkur sem nú lifum betri
kjör og þeim til heiðurs bjóða Sagnheimar, byggðasafn
upp á kvenlega sögugöngu um safnið kl. 15.00.
Við hvetjum alla til að bera eitthvað bleikt þennan
dag og minnast þannig formæðra okkar.
Sögugangan er ókeypis og
allir hjartanlega velkomnir.
Sagnheimar, byggðasafn
Tími til að fagna
:: Eftir 30 ára sjómennsku og þúsundir vinnustunda við að kynna mér
þessi mál fullyrði ég að ný ferja breytir miklu
Safnaðarfundur Ofanleitissóknar
verður haldinn að lokinni messu
sunnudaginn 19. júní. nk, messan
hefst kl. 11.00. Efni fundarins er val
í kjörnefnd vegna komandi
prestkosninga. Allir velkomnir.
Sóknarnefnd
Fréttatilkynning:
Safnaðarfundur
Ofanleitissóknar
andrés Þ. Sigurðsson
í smíðanefnd nýrrar ferju