Fréttir - Eyjafréttir - 06.07.2016, Blaðsíða 2

2 Eyjafréttir / Miðvikudagur 6. júlí 2016
útgefandi: Eyjasýn ehf. 480278-0549.
ritstjóri: ómar garðarsson - omar@eyjafrettir.is.
Blaðamenn: Sædís Eva Birgisdóttir - seva@eyjafrettir.is
Sara Sjöfn grettisdóttir - sarasjofn@eyjafrettir.is
íþróttir: guðmundur tómas Sigfússon
- gudmundur@eyjafrettir.is
ábyrgðarmaður: ómar garðarsson.
Prentvinna: Landsprent ehf.
ljósmyndir: óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Í kjölfar frétta af uppsögnum hjá
hsu fóru eyjafréttir á stúfana og
leituðu svara. eftirfarandi
tilkynning barst:

„Af hálfu HSU skal upplýst að frá
sameiningu heilbrigðisstofnana á
Suðurlandi á árinu 2014 hefur átt
sér stað veruleg fjölgun verkefna
hjá stofnuninni og hefur álag aukist
á öllum sviðum þjónustunnar,
einkum þó bráða- og utanspítala-
þjónustu. Fjárhagsleg staða
stofnunar er hins vegar erfið og
vantar nokkuð upp á að jafnvægi
verði náð í rekstri auk þess sem
stofnunin glímir við eldri skulda-
vanda fyrrverandi heilbrigðisstofn-
ana á Suðurlandi.
Eftir fyrsta ársfjórðungsuppgjör
HSU nú á árinu var ljóst að það
stefndi í vanda í rekstri og mikill
þrýstingur var á kostnaði við rekstur
sjúkrasviðs. Eitt af markmiðum
framkvæmdastjórnar HSU var að á
þessu ári skyldi endurskoða
skipulag þjónustu og mönnun með
því að tryggja sem besta og
öruggasta þjónustu fyrir það
fjármagn sem stofnunin fær
úthlutað. Þetta er viðvarandi
verkefni heilbrigðisstofnanna og
skylda okkar að nýta sem best það
fjármagn sem við fáum til þjónust-
unnar. Forstjóri hafði því frum-
kvæði af því eftir umtalsverða
vinnu framkvæmdastjórnar í
aprílmánuði að skila til ráðherra
tillögum að endurskipulagi og
hagræðingaraðgerðum. Þær tillögur
voru sendar til Velferðarráðu-
neytisins í lok apríl.
Í framhaldi af því og með góðu
samráði við ráðuneytið var ákveðið
af hálfu HSU að grípa til viða-
mikilla aðgerða við endurskipu-
lagningu og hagræðingu í starfsemi
stofnunarinnar. Aðgerðir þessar
tóku til fjölmargra þátta og sviða
innan stofnunarinnar og höfðu í för
með sér fækkun um 18 starfsmanna
í samtals 13,1 stöðugildi. Stór hluti
endurskipulagningarinnar er unnin
með því að leggja niður tímabundna
samninga. Af þessum 18 starfs-
mönnum má telja að 5 einstaklingar
hafi misst starf hjá HSU en 2 af
þeim þremur áttu árs biðlaun. Aðrir
starfmenn sem aðgerðirnar snertu
fengu ekki endurnýjun samninga
eða var boðin laus störf innan
stofnunarinnar. En vissulega er erfitt
þegar slíkar breytingar snerta
einstaklinga sem eru starfmenn
okkar, en við höfum reynt að milda
aðgerðirnar eftir okkar fremsta
megni.
Uppsagnirnar sem þurfti að grípa
til munu ekki hafa áhrif á klíníska
starfsemi HSU, þar sem fyrst og
fremst er um er að ræða niðurskurð
á skrifstofustörfum og stjórnenda-
störfum en ekki störfum sem snúa
beint að sjúklingum. Endurskipulag
átti sér stað á mönnun hjúkrunar-
deilda á Selfossi þar sem tvær 20
rúma deildir voru sameinaðar í eina
hjúkrunardeild sem skapar aukið
svigrúm til samvinnu. Við höfum
lagt metnað okkar í að standa vörð
um heilbrigðisþjónustuna, sem sagt
klínísku þjónustuna. Þetta hafa því
meira verið störf sem varða aðra
hluta starfseminnar eins og störf á
skrifstofu framkvæmdastjórnar.
Engin breyting verður gerð á
sjúkrahúsþjónustu hjá HSU en þó
dregið aðeins úr rúmafjölda yfir
sumarið. Fjögur sjúkrarúm eru
lokuð á Selfossi í sumar og fjögur
sjúkrarúm í Vestmannaeyjum.
Þessi hagræðing og endurskipu-
lagning á starfsemi var eins og áður
sagði unnin í samstarfi við heil-
brigðisráðuneytið, og reynt að
milda niðurskurðinn af fremsta
megni. Við höfum fengið skilning á
okkar málum hjá ráðuneytinu, sem
hefur unnið mjög vel með okkur.
Málefni stofnunarinnar eru í vinnslu
þar. Við sem stjórnendur stofnunar-
innar höfum þó látið staðar numið
núna, og í framhaldinu verði skoðað
hvernig breytingarnar sem hafa
verið gerðar muni hafa áhrif á
heildarstarfsemina. Þess ber líka að
geta að við erum með um 430
starfsmenn svo þetta er ekki stór
hluti starfsmanna þó þetta sé
vissulega erfitt fyrir þá sem verða
fyrir því. Við munum endurskoða
árangur þessara aðgerða strax nú
síðsumars og leggja svo fram
tillögur um framhaldið.
Þess bera að geta að lokum
þingmönnum voru kynntar þessar
fyrirætlanir og haldinn upplýsinga-
fundur með sveitastjórnum á
Suðurlandi 31. maí s.l. þar sem
málefni er varða tiltekt í rekstri og
skipulagsbreytingar innan HSU
voru kynntar,“ segir í tilkynningu
HSU.
Átján sagt upp hjá HSU
:: samtals 13,1 stöðugildi :: Fimm missa starfið :: aðrir fá ekki endurnýjun samnings
eða var boðið laus störf innan stofnunarinnar :: segir í tilkynningu frá hsu
„Kæru Eyjamenn!! Nú stöndum við
frammi fyrir stórum vanda sem við
getum með samtakamætti unnið
bug á. Júlíana Silfá dóttir mín
slasaði sig illa seinni partinn í dag
og er sennilega fót- og handleggs-
brotin, þó er það ekki vitað fyrir
víst því að ekki mátti mynda hana
hér í Eyjum því það er yfirvinnu-
bann hér hjá HSU þannig að engar
myndir eru teknar hér eftir kl.
14.00. Því var dóttir mín flutt til
Reykjavíkur á Landspítalann því að
þar eru teknar myndir allan
sólarhringinn. Vil ég taka fram að
geislafræðingarnir okkar standa
ekki fyrir þessu banni. Þannig að
það getur verið slæmt að slasa sig
eftir kl. 14.00,“ segir Haraldur
Þórarinsson í grein á fésbókarsíðu
sinni.
Seinna leiðréttir hann sig og segir:
„Nú hefur fólk komið að máli við
mig og leiðrétt þetta með yfirvinnu-
bannið og er ástæðan sú að ekki
hefur tekist að fá fólk til sumaraf-
leysinga á röntgendeildinni, þannig
að hún er opin til kl. 14.00 á daginn
og er bakvakt aðra hverja viku. Það
er alveg sama hvað vandamálið
heitir, það er bara alls ekki
boðlegt.“
Hjörtur Kristjánsson, fram-
kvæmdastjóri lækninga á HSU
staðfestir að ekki hafi fengist fólk
til að leysa geislafræðinga af í
sumarfríi og því ekki hægt að
manna allar vaktir. „Þetta hefur
ekkert með fjármögnun eða slíka
hluti að gera. Staðan er einfaldlega
sú að ekki hefur enn tekist að fá
afleysingu geislafræðings í
Vestmannaeyjum vegna sumarleyfa.
Hjá HSU í Vestmannaeyjum starfa
tveir geislafræðingar og þeir eru,
eins og skiljanlegt er ekki tilbúnir
til að standa bakvakt einir stanslaust
vikum saman þegar annar þeirra er í
sumarfríi. Það þýðir að það er ekki
hægt að manna allar vaktir eins og
staðan er núna. Myndrannsóknir eru
gerðar að degi til alla virka daga,“
segir Hjörtur.
Hann segir að til margra ára hafi
vakt geislafræðinga einungis náð
fram að miðnætti eins og á öðrum
heilbrigðisstofnunum á landsbyggð-
inni og því ekki verið í boði að gera
myndrannsóknir að næturlagi. „Í
mörgum tilfellum breytir það engu
um meðferð að bíða með mynd-
rannsókn til næsta morguns. Í
öðrum tilfellum er augljóst að senda
þarf sjúkling á Landspítalann og
hvort myndrannsókn fer fram í
Eyjum eða Landspítala breytir ekki
heldur meðferð. Neyðarrannsókn
þarf örsjaldan til utan dagvinnutíma
og geislafræðingar hafa sagt að þeir
muni ekki neita að aðstoða í slíkum
tilfellum á meðan þetta ástand
varir.“
Hjörtur segir þetta tímabil án
þjónustu vera lengra þá daga sem
ekki hefur tekist að manna vakt.
„Verið er reyna af fullum hug að
leysa úr þessu ástandi. M.a. er búið
að hafa samband við geislafræðinga
sem áður hafa leyst af, sendur hefur
verið tölvupóstur á alla félagsmenn
í Félagi geislafræðinga og haft
hefur verið samband við aðrar
heilbrigðisstofnanir. Góð laun fyrir
afleysingamanneskju eru í boði og
það er því ekki fyrirstaða.“
Hjörtur segir þetta ekki óskastöðu
en þetta hafi ekkert með breytingu á
skipulagi þjónustu að gera. „Eins
og áður sagði, er algerlega rangt að
yfirvinnubann eigi hlut að máli
hvað varðar truflun á vaktþjónustu
fyrir myndgreiningu,“ sagði Hjörtur
og heldur áfram.
„Ýmsar stéttir sérfræðinga á
mörgum sviðum eru fáliðaðar á
litlum stöðum á landsbyggðinni og
einn sérfræðingur til eða frá getur
skipt sköpum um hvort þjónustan er
fyrir hendi eður ei. Sem dæmi má
nefna ómskoðun á meðgöngu. Um
tíma var ekki hægt að sinna henni í
Vestmannaeyjum því enginn gat
veitt þessa þjónustu. Á tímabili
þurfti fólk því að fara til Reykja-
víkur. Nú hefur aftur ræst úr og
ómskoðanir á meðgöngu eru aftur í
boði. Það hafði heldur ekkert með
fjármögnun, yfirvinnubann eða
annað slíkt að gera, en skapaðist af
óviðráðanlegum aðstæðum.“
Hjörtur segir margt jákvætt vera
að gerast og til dæmis hafi læknum
fjölgað. „Þar hefur orðið töluverð
bragabót og nú eru þrír fastir læknar
við Heilsugæsluna í Vestmanna-
eyjum í stað eins fyrir hálfu ári
síðan. Lítið álag hefur verið á
sjúkradeildinni síðustu vikur og
laus rúm þrátt fyrir sumarlokun sem
þýðir færri sjúkrarúm á sumarleyfis-
tímanum.“
Hann segir mikilvægast að tryggja
öryggi skjólstæðinga. „Það held ég
að sé fyrir hendi hvað varðar
myndgreiningarþjónustuna. Hins
vegar er um óviðræðanlegar
aðstæður að ræða sem geta valdið
óþægindum og óhagræði fyrir fólk
og að sjálfsögðu ber að harma
slíkt,“ segir Hjörtur og hann kveðst
skilja afstöðu fólks.
„Það er skiljanlegt að fólk sé
tortryggið og túlki hluti eins og
þessa á versta veg þar sem heil-
brigðisþjónusta á landsbyggðinni
hefur átt í vök að verjast og
skerðing orðið á ýmsum þjónustu-
þáttum og þjónustustigi undanfarin
ár. Hér er sem sagt ekki um neitt
slíkt að ræða. Ekki er verið að
leggja niður eða draga úr þjónustu
sem slíkri heldur einfaldlega
tímabundið ástand vegna mönnun-
arvandamáls sem tengist skorti á
sérhæfðum starfsmanni til sumaraf-
leysinga. Verið er að leita leiða til
að lágmarka það tímabil sem þetta
ástand varir.“
Á fésbókarsíðu sinni segir Elliði
Vignisson, bæjarstjóri að hann hafi
fengið upplýsingar um stöðuna hjá
Hirti og fagnar því jákvæða sem er
að gerast á HSU í Vestmannaeyjum.
Það sé líka eðlilegt í ljósi þróunar
heilbrigðiþjónustu á landsbyggðinni
að fólki sé brugðið þegar eitthvað
ber út af. „Þrátt fyrir að staðan sé
ekki sú sem við vildum og þrátt
fyrir að við verðum aldrei sátt á
meðan hér er ekki full fæðingaþjón-
usta þá er vert að horfa til þess sem
færst hefur til betri vegar,“ segir
Elliði en ekki megi láta staðar
numið og verk að vinna.
„Nú sem fyrr er mikilvægast að
tryggja öryggi sjúklinga og annarra
skjólstæðinga heilbrigðisþjónust-
unnar. Upp geta komið óviðræðan-
legar aðstæður sem því miður valda
oft óþægindum og óhagræði fyrir
fólk og að sjálfsögðu ber að harma
slíkt. Flestum ber saman um að við
fæðingarþjónustuna liggi sársauka-
mörk heilbrigðisþjónustunnar í
Vestmannaeyjum. Þar er verk að
vinna og fráleitt að ætlast til að við
sættum okkur við núverandi
ástand.“
Þarna slær hann sama takt og
Haraldur sem segir í grein sinni:
„Við verðum að standa vörð um
sjúkrahúsið okkar svo að það geti
sinnt sínu hlutverki fullkomlega.
Við viljum öryggi til að geta búið
hér og við eigum rétt á því að hér sé
sjúkrahús sem virkar fullkomlega
en ekki að hluta.
Ef að það vantar rekstrarfé eru það
þingmennirnir okkar sem eiga að
ráða úr því og þeir eiga líka að vita
hvað er að gerast hér. En hverjir eru
nú þessir þingmenn?
Tökum saman höndum og látum í
okkur heyra áður en niðurskurður-
inn verður meiri! En akkúrat núna
er Júlíana Silfá að bíða eftir
röntgenmyndatöku, en hún er bara
að bíða eftir henni í Reykjavík en
ekki hér í Eyjum. Það þurfti
sennilega enginn að borga fyrir
sjúkraflugið eða hvað, það kostar
víst um sexhundruð þúsund og svo
sjúkrabílarnir, eða er þetta orðið
ókeypis. Stöndum saman,“ segir
Haraldur.
HSU Vm :: ekki full þjónusta á röntgendeild vegna sumarfría :: Bakvakt aðra hverja viku:
Töluverð bragabót á ýmsum svið-
um og nú eru þrír fastir læknar
:: eigum rétt á því að hér sé sjúkrahús sem virkar fullkomlega en ekki að hluta, segir faðir
konu sem þurfti að senda á Lsh til myndatöku
ómar garðarSSon
omar@eyjafrettir.is