Fréttir - Eyjafréttir - 06.07.2016, Blaðsíða 8
8 Eyjafréttir / Miðvikudagur 6. júlí 2016
Mikið fjölmenni tók þátt í
dagskrá goslokahátíðar um
helgina og þótti hún takast vel
frá upphafi til enda. Veðrið hélst
nokkuð gott alla helgina og
skemmtu bæjarbúar og gestir
sér vel.
Dagskráin hófst á fimmtudeginum
með átaki Vestmannaeyjabæjar,
Vinnslustöðvarinnar og fleiri aðila í
uppgræðslu Eldfells. Þar mættu
bæjarbúar galvaskir og sáðu
fræjum. Virkilega þarft átak sem
nauðsynlegt er að bæjarbúar taki
þátt í og gaman að sjá þetta inn í
dagskrá goslokahátíðar. Bjartmar
Guðlaugsson opnaði myndlistarsýn-
ingu í Eldheimum í byrjun hátíðar
og Málfríður Aðalsteinsdóttir sýndi
Surtseyjarverk sín. Um kvöldið
voru svo tónleikar með Bjartmari á
kaffihúsinu í Eldheimum og einnig
tónleikar með kántrýbandinu Axel
og Co. á Háaloftinu þar sem
gríðarleg stemning var.
Fjörugur föstudagur
Á föstudagsmorguninn var Volcano
open var á sínum stað og var
þáttaka góð að vanda. Ræst var út
klukkan 10.00 og 17.00. Ísfélagið
bauð svo bæjarbúm á glæsilega
barnaskemmtun á Stakkagerðistúni
sem heppnaðist með eindæmum
vel. Þar voru meðlimir Sirkus
Ísland með atriði, Friðrik Dór tók
lagið og boðið var upp á sérfram-
leiddan goslokaís. Ísfélagið bauð
bæjarbúum einnig á barnaleikritið
Litland sem leikhópurinn Lotta
sýndi. Félagar úr Myndlistarfélagi
Vestmannaeyja sýndu verk sín í
Básum alla helgina og Jóhanna
Hermansen var með sýninguna
,,Innsýn” í Tónlistarskólanum. Logi
Jes Kristjánsson var með sýninguna
,,Upphafið, fólkið og goðin í
Eyjum” í Akóges og var að vonum
sáttur með móttökurnar. Jónína
Björk Hjörleifsdóttir og Laufey
Konný Guðjónsdóttir sýndu einnig
verk sín í Einarstofu. Berglind
Ómarsdóttir var svo með glæsilega
tískusýningu í Eldheimum, en
Berglind útskrifaðist nýverið sem
kjóla- og klæðskerameistari.
Hápunktur föstudagskvöldsins var
svo án efa tónleikarnir ,,Í skugga
meistara yrki ég ljóð” sem haldnir
voru í Höllinni. Þar voru spiluð lög
af nýútgefni plötu sem eru óútgefin
Eyjalög í flutningi Eyjamanna.
Frábærir tónleikar og það er nokkuð
ljóst að við eigum ótal mikið af
hæfileikaríku tónlistarfólki í okkar
röðum.
Föstudagskvöldið endaði svo á
Bryggjunni þar sem strákarnir í
Stuðlagabandinu héldu uppi
stemningunni langt fram eftir nóttu,
þar sem var sungið og dansað af
Eyjanna sið.
Skemmtun eins
og hún gerist best
Nóg var um að velja í dagskrá
laugardagsins. En Ingibergur
Óskarsson kynnti í Sagnheimum
verkefnið ,,Allir í bátana”. En
Ingibergur hefur síðustu ár unnið að
því að taka saman nafnalista
farþega í hverjum báti gosnóttina. Á
Nausthamarsbryggju var svo haldið
skemmtilegt bryggjuveiðimót fyrir
yngri kynslóðina og þar var
sannkölluð fjölskylduveiðistund í
frábæru veðri. Slökkvilið Vest-
mannaeyja var með opið hús, þar
sem öllum var velkomið að koma
og skoða búnað félagsins og ræða
við slökkviliðsmenn bæjarins og
Landsbankinn hélt sína árlega
fjölskylduhátíð á Bárustígnum, þar
sem mikill fjöldi mæti og gleðin var
við völd. Frábær stemmning
myndaðist í portinu hjá 900
Grillhús um miðjan dag en þar
mætti rokk karlakórinn Storm-
sveitin og gerði allt vitlaust.
Stemning var gríðaleg og má með
sanni segja að kórinn hafi staðið
fyrir sínu. Fyrirtækið Langa bauð
svo gestum og gangandi upp á
fiskisúpu unna úr þurrkuðum
afurðum fyrirtækisins sem var
virkilega skemmtilegt framtak hjá
fyrirtækinu. Í Eldheimum héldu
Andrea Gylfadóttir og Bíóbandið
skemmtilega tónleika þar sem
tónlist Stellu Hauks heitinnar var
spiluð og Taflfélagið hélt hrað-
skákmót í húsi félagsins. Laugar-
dagurinn endaði svo með hinni
árlegu skemmtun á Skipasandi þar
sem valinkunnur maður var í hverri
kró. Þetta kvöld er ætíð eitt af
skemmtilegustu kvöldum sem
haldin eru á hinni fögru Heimaey
og stóðst það allar væntingar þetta
árið. Þarna voru saman komnir
ungir sem aldnir í einum tilgangi, til
þess að skemmta sér saman. Þetta
var svo sannarlega skemmtun eins
og hún gerist best.
Þjóðarstolti skein úr hverju
andliti
Sunnudagurinn hófst svo með
göngumessu frá Landakirkju að gíg
Eldfells og að Stafkirkjunni, þar
spiluðu félagarnir í Lúðrasveit
Vestmannaeyja og kirkjukór
Landakirkju söng og boðið var upp
á kaffi í lok messu. Folfvöllurinn
við Íþróttamiðstöðina var formlega
tekinn í notkun við mikinn fögnuð
frisbígolfunnenda. Svo var komið
að því sem allir landsmenn voru
búnir að bíða eftir óþreygjufullir í
nokkra daga, leik Íslands og
Frakklands á Stade de France. Að
því tilefni stóðu Vestmannaeyjabær,
Landsbankinn og goslokanefnd
fyrir því að sýna leikinn á stórum
skjá á Stakkagerðistúni. Stemningin
á Stakkó var stórkostleg og
gríðarlegur fjöldi fólks mætti þarna
saman og hvatti okkar menn til
dáða. Þó svo að úrslitin hafi ekki
verið okkur í vil, mátti sjá þjóðar-
stoltið skína úr hverju andliti eftir
frábæran árangur okkar manna á
EM.
Frábær goslokahátíð að baki og
fær goslokanefnd stórt hrós fyrir
fjölbreytta og skemmtilega dagskrá
þetta árið. Nú er bara að bíða eftir
næstu hátíð okkar Eyjamanna sem
hefst eftir 22 daga.
Óskar Pétur fór á stúfana með
myndavélina og skjalfesti fjörið.
Goslokahátíð 2016 :: Goslokanefnd á heiður skilið :: Fjölbreytt og skemmtileg dagskrá
fyrir allan aldurshóp:
Frábær goslokahátíð
SædíS EVa BirgiSdóttir
seva@eyjafrettir.is
M
yn
di
r:
Ó
sk
ar
P
ét
ur