Fréttir - Eyjafréttir - 13.07.2016, Blaðsíða 2

2 Eyjafréttir / Miðvikudagur 13. júlí 2016
Útgefandi: eyjasýn ehf. 480278-0549.
ritstjóri: ómar Garðarsson - omar@eyjafrettir.is.
blaðamenn: Sædís eva Birgisdóttir - seva@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur tómas Sigfússon
- gudmundur@eyjafrettir.is
ábyrgðarmaður: ómar Garðarsson.
Prentvinna: Landsprent ehf.
ljósmyndir: óskar Pétur friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Hagnaður Vinnslustöðvarinnar
var um 10 milljónir evra eftir
skatta á árinu 2015, sem
jafngildir 1,4 milljörðum króna,
en var 7,2 milljónir evra árið
2014 eða rétt rúmur milljarður
króna. Þetta kom fram á
aðalfundi Vinnslustöðvarinnar í
Vestmannaeyjum á miðvikudag-
inn í síðustu viku. Hluthafar
Vinnslustöðvarinnar eru um 250
talsins. Í skýrslu stjórnar kom
fram að flestir hluthafanna hafi
komið að félaginu um árabil og
upplifað bæði áföll í sjávarútveg-
inum og gríðarlega erfiðleika í
rekstri fyrirtækisins undir lok
aldarinnar sem leið.
„Með útsjónarsemi hefur náðst að
byggja félagið markvisst upp og
með sameiningu við önnur fyrirtæki
hafa fleiri hluthafar bæst í hópinn. Í
þessari vegferð hefur viss varkárni
verið höfð að leiðarljósi þannig að
félagið geti tekist á við þær
niðursveiflur sem koma óhjákvæmi-
lega í sjávarútvegi. Á undanförnum
árum höfum við markað stefnu um
uppbyggingu félagsins til framtíðar
þar sem horft er til endurnýjunar
skipakosts og uppbyggingar
landvinnslu, breytts sölufyrirkomu-
lags og ýmissar stoðþjónustu, svo
fátt eitt sé nefnt,“ sagði Guðmundur
Örn Gunnarsson, stjórnarformaður
meðal annars í skýrslu stjórnar og
nefndi síðan helstu þætti uppbygg-
ingar sem hófst fyrir alvöru árið
2014 og eru fjárfestingar upp á um
sjö milljarða króna.
Ný skip og fjárfesting í landi
Byrjað var að smíða togarann Breka
VE í Kína, skipið er væntanlegt til
heimahafnar seint á árinu. Keypt
voru uppsjávarskipin Ingunn og
Faxi af HB Granda og með þeim
fylgdi 0,7% aflahlutdeild í loðnu.
Skipin komu í stað Ísleifs og Kap
og bera nöfn þeirra nú. Félagið
hefur selt þrjú skip, gamla Ísleif,
Jón Vídalín og Stíganda.
Á vor hófust framkvæmdir við
nýtt uppsjávarfrystihús. Það verður
búið blástursfrystum í stað
plötufrysta. Til mikils er vænst með
þeirri breytingu, enda eru kaup-
endur í Asíu reiðubúnir að greiða
hærra verð fyrir sjávarafurðir sem
frystar eru með blásturstækni.
Afkastagetan verður í fyrstu um
420 tonn á sólarhring.
Nýir hráefnisgeymar verða reistir
á árinu. Frystipláss verður fjórfald-
að, frystigeymslan tekur nú 4000
tonn en fer í nær 16.000 tonn eftir
stækkun. Unnið er að lokahönnun
byggingarinnar og umhverfis í góðri
samvinnu við Vestmannaeyjabæ.
Framkvæmdir hefjast þegar nýja
uppsjávarhúsið er tilbúið.
Dótturfélagið Hafnareyri var
stofnað og sameinuð í því starfsemi
Eyjaíss, Skipaafgreiðslu Vest-
mannaeyja, rekstur frystigeymsl-
unnar og hvers kyns verkleg
þjónusta, til að mynda vinna
iðnaðarmanna og verkstæða.
Hafnareyri sinnir
stoðþjónustu við
Vinnslustöðina en
þjónar jafnframt
öðrum viðskipta-
vinum.
„Ég er sann-
færður um að allar
þessar fjárfestingar
og breytingar muni
skila Vinnslu-
stöðinni enn betri
afkomu á komandi
árum. Sumir kunna
að segja að við
hefðum átt að gera
þetta fyrr, og ég
get tekið undir það
að vissu leyti, en á
undanförnum miss-
erum hefur of mikil orka starfs-
manna og stjórnarmanna farið í
annað en uppbyggingarmál, svo
sem deilumál fyrir dómstólum og
fleira,“ sagði Gunnar Örn stjórnar-
formaður.
Ingvar Eyfjörð nýr
stjórnarmaður
Ingvar Eyfjörð, eigandi og
starfsmaður Álftavíkur ehf. í
Reykjanesbæ var kjörinn í stjórn í
stað Guðmundar Kristjánssonar,
forstjóra Brims en stjórnin er
óbreytt að öðru leyti.
Kjörið var til stjórnar í tvígang á
aðalfundi VSV 6. júlí sl. þegar kom
í ljós við talningu í fyrra skiptið að
greidd atkvæði voru færri en afhent-
ir kjörseðlar. Arnar Sigurmundsson
sem var fundarstjóri á aðalfund-
inum úrskurðaði þá að atkvæða-
greiðslan skyldi endurtekin og voru
nýir atkvæðaseðlar afhentir
hluthöfum og fulltrúum þeirra á
fundinum. Þrír aðilar sáu um
talninguna og hefur svo verið til
nokkurra ára. Einn af þeim er
starfsmaður VSV, en hinir eru
endurskoðandi fyirrtækisins og sá
þriðji fulltrúi Stillu, félags í eigu
Guðmundar Kristjánssonar.
„Ástæðan fyrir því að ég úrskurð-
aði í þessa veru er að það er mjög
mikilvægt að úrslit kosninga
endurspegli vilja hluthafanna, en
við talningu kom í ljós að einn
hluthafi hafði greitt atkvæði en ekki
sett það í kassann,“ hefur Morgun-
blaðið eftir Arnari. Þegar þessi
staða kom upp við talningu var
óskað eftir úrskurði fundarstjóra um
framhaldið.
Í Morgunblaðinu er haft eftir
Guðmundi Kristjánssyni að svo
virðist sem „einhverjir hluthafar
hafi ekki kosið í
kosningu til stjórnar.
Þá hafi verið gengið
á þá og þeir spurðir
hvort þeir hefðu
ekki greitt atkvæði.
Talningu hafi þá
verið lokið og ekki
ástæða til ógild-
ingar.“
Arnar segir að
talningu atkvæða til
stjórnar og vara-
stjórnar hafi ekki
verið lokið þegar
hann úrskurðaði að
atkvæðagreiðslan
skyldi endurtekin.
Áður en til seinni
atkvæðagreiðslu
kom á fundinum kannaði fundar-
stjóri hvort allir sem tóku þátt í fyrri
atkvæðagreiðslunni væri enn á
fundinum og reyndist svo vera.
Arnar sagði að aðalfundurinn hefði
farið mjög vel fram og voru allar
atkvæðagreiðslur einróma, svo sem
ársreikningar, greiðsla arðs til
hluthafa, kosning endurskoðanda og
fleira.
Stjórn Vinnslustöðvarinnar er
þannig skipuð: Guðmundur Örn
Gunnarsson, framkvæmdastjóri
ráðgjafarfyrirtækisins Takts,
formaður; Einar Þór Sverrisson
hæstaréttarlögmaður varaformaður;
Rut Haraldsdóttir framkvæmda-
stjóri hjá Vestmannaeyjabæ; Íris
Róbertsdóttir kennari og Ingvar
Eyfjörð, eigandi Álftavíkur ehf.
Í varastjórn eru Eyjólfur Guðjóns-
son skipstjóri á Kap VE og
Guðmunda Áslaug Bjarnadóttir
fiskverkandi í Vestmannaeyjum.
Von um sættir
Í frétt um fundinn segir að tvær
fylkingar hluthafa í Vinnslustöðinni
hafi tekist á fyrir opnum tjöldum og
fyrir dómstólum undanfarin ár og
deilur um stjórnarkjörið verði að
skoðast í því ljósi. Guðmundur Örn
nefndi niðurstöður Hæstaréttar í
langvinnri þrætu um sameiningu
Ufsabergs útgerðar og Vinnslu-
stöðvarinnar. Hann vonaðist til þess
að friðsamlegra yrði í hluthafahópn-
um hér eftir en hingað til. „Það var
afar ánægjulegt er Hæstiréttur
Íslands tók af öll tvímæli um
lögmæti sameiningar Ufsabergs
útgerðar og Vinnslustöðvarinnar.
Því máli er þar með endanlega
lokið. Ég vona að það sé komið að
ákveðnum tímamótum í stjórnar-
starfinu,“ sagði Guðmundur Örn
sem leitað hefur leiða til að ná
sáttum.
„Á síðustu vikum hef ég átt gott
samtal við fulltrúa helstu eigenda
félagsins um að finna leiðir til þess
að slíðra sverðin í áralöngum
deilum þeirra um áherslur í rekstri
félagsins. Þau samtöl hafa verið til
góðs og ég vænti þess að á næsta
ári snúist stjórnarstarfið um góðar,
opinskáar, uppbyggilegar og
málefnalegar umræður um veg og
framgang Vinnslustöðvarinnar, í
stað málaferla fyrir dómstólum eða
á öðrum vettvangi.“
Guðmundur Kristjánsson sat í
fráfarandi stjórn Vinnslustöðvar-
innar með stuðningi hluthafahóps-
ins sem gjarnan er kenndur við
hann sjálfan og/eða Stillu útgerð
ehf. og KG fiskverkun ehf. Þessi
hópur bauð fram þrjá fulltrúa til
stjórnarkjörsins nú: Guðmund,
Magnús Helga Árnason lögmann og
Ingvar Eyfjörð. Ingvar náði kjöri.
Hinn hluthafahópurinn studdi aðra
stjórnarmenn til endurkjörs og þeir
hlutu allir kosningu.
VSV 70 ára
Vinnslustöðin verður sjötug milli
jóla og nýárs í vetur og fagnar
áfanganum á ýmsan hátt þegar nær
dregur sjálfu afmælinu. Meira um
það síðar. Á aðalfundinum var hins
vegar upplýst að stjórn félagsins
hefði í tilefni afmælisins samþykkt
að verja 10 milljónum króna til
fegrunar og uppgræðslu í Vest-
mannaeyjum. Þetta er táknræn
afmælisgjöf sjálfs afmælisbarnsins
til samfélags síns!
Aðalfundur VSV 2015 :: Góð afkoma og betri en árið á undan :: Fagnar 70 ára afmæli
Reynt að slíðra sverðin í
áralöngum deilum um
áherslur í rekstri félagsins
:: Stjórnarformaður væntir þess að á næsta ári snúist stjórnarstarfið um veg og framgang
Vinnslustöðvarinnar, í stað málaferla fyrir dómstólum eða á öðrum vettvangi
ómar GarðarSSon
omar@eyjafrettir.is
Framkvæmdir standa nú yfir við nýja uppsjávarvinnslu sem verður tilbúin til notkunar í sumar.
Með útsjónarsemi hefur náðst að byggja
félagið markvisst upp og með sameiningu
við önnur fyrirtæki hafa fleiri hluthafar bæst
í hópinn. Í þessari vegferð hefur viss var-
kárni verið höfð að leiðarljósi þannig að
félagið geti tekist á við þær niðursveiflur
sem koma óhjákvæmilega í sjávarútvegi. Á
undanförnum árum höfum við markað
stefnu um uppbyggingu félagsins til fram-
tíðar þar sem horft er til endurnýjunar
skipakosts og uppbyggingar landvinnslu,
breytts sölufyrirkomulags og ýmissar stoð-
þjónustu, svo fátt eitt sé nefnt.
”