Fréttir - Eyjafréttir - 27.07.2016, Blaðsíða 4
4 Eyjafréttir / Miðvikudagur 27. júlí 2016
>> SmáauglýsingarEyjamaður vikunnar
Heiftin í allri umfjöllun er líka
á stigi sem ég bjóst ekki við
Páley Borgþórsdóttir, lögreglustjóri
hefur staðið í ströngu síðustu daga
og hefur verið skotspónn sumra
stærstu fjölmiðla landsins. Ástæðan
er sú ákvörðun hennar að upplýsa
ekki um kynferðisafbrot um leið og
þau koma inn á borð lögreglu. Hún
vill láta rannsóknarhagsmuni og
velferð brotaþola sitja fyrir. Páley
hefur verið sökuð um þöggun og
ýmislegt verra en hún stendur á
sínu og er tilbúin að tilkynna um
hvert mál eftir að frumrannsókn er
lokið. Það varð mikið upphlaup um
síðustu Þjóðhátíð vegna þessa en
ekkert í líkingu við það sem gerðist
núna. Þolendur kynferðisbrota hafa
stigið fram og eru sammála Páley
sem sjálf byggir á reynslu sinni sem
réttargæslumaður í átta ár. Páley er
Eyjamaður vikunnar.
Nafn: Páley Borgþórsdóttir.
Fæðingardagur: 6. febrúar 1975.
Fæðingarstaður: Vestmannaeyjar.
Fjölskylda: Eiginmaður minn er
Arnsteinn Ingi Jóhannesson og við
eigum þrjú börn: Borgþór Eydal 15
ára, Andreu Dögg 11 ára og Emblu
Sigrúnu 3 ára og allir að verða árinu
eldri í lok árs.
Skóli/vinna: Lögreglustjóri í
Vestmannaeyjum.
Áhugamál: Fjölskyldan, vinir,
samfélagsleg málefni, lestur og enn
hef ég brennandi áhuga á starfinu.
Uppáhalds matur: Humar.
Versti matur: Hákarl.
Hvaða tónlist kemur þér í gott
skap: Allskonar tónlist, með góðum
takti.
Hver er uppáhalds tónlistarmað-
urinn: Okkur Andreu Dögg finnst
Frikki Dór og Sverrir Bergmann
vera algjörlega að slá í gegn með
Þjóðhátíðarlagið.
Hvaða mann/konu úr mannkyns-
sögunni mundir þú vilja hitta:
Herborgu Jónasdóttur, langömmu
mína (móður Ragnheiðar föður-
ömmu minnar) en hún var mikill
kvenskörungur og jafnréttissinni og
háði marga baráttuna.
Fallegasti staður sem þú hefur
komið á: Vestmannaeyjar í
uppáhaldi en nýlega heimsótti ég
Azoreyjar þar sem er víða afar
fallegt.
Uppáhalds íþróttamaður og
íþróttafélag: Íslenska landsliðið í
knattspyrnu kemur fyrst upp í
hugann. Þessa dagana þykir mér
Katrín Tanja Davíðsdóttir einnig
góð fyrirmynd og að sjálfsögðu
stendur ÍBV mér næst.
Uppáhalds sjónvarpsefni:
Fjölskyldumyndir sem ég get horft
á með stelpunum mínum.
Hvað finnst þér skemmtilegast að
gera: Vera innan um gefandi,
jákvætt og skemmtilegt fólk.
Hvað finnst þér skemmtilegast að
lesa: Skemmtilegar skáldsögur sem
skilja eitthvað eftir sig, bækur sem
segja sögur margra kynslóða. Nú er
ég að lesa The five people you meet
in heaven, e. Mitch Albom og get
mælt með henni.
Kom fjölmiðlafárið þér á óvart:
Með ákvörðun minni er ég að
takmarka tilkynningar til fjölmiðla
svo eðlilega eru þeir ósáttir. Ég átti
von á umfjöllun en ekki í sama
mæli og í fyrra. Heiftin í allri
umfjöllun er líka á stigi sem ég
bjóst ekki við. Það sem kemur
kannski mest á óvart er að lykilat-
riði þessarar ákvörðunar hafi ekki
enn skilað sér til fólks, að upp-
lýsingar eru veittar skaði það ekki
rannsóknarhagsmuni. Það gildir alls
staðar, það er ekki til það embætti
sem veitir upplýsingar séu minnstu
líkur á að það skaði rannsóknar-
hagsmuni, það er alveg klárt.
Eitthvað sem gerði þig alveg mát:
Mestu vonbrigðin eru hvað
blaðamenn leyfa sér að hafa rangt
eftir, gera mér upp skoðanir, slíta
samtöl við mig úr samhengi, spyrja
spurninga og birta það svo sem svar
við annarri spurningu til dæmis.
Slíkt er útilokað að leiðrétta þegar
umræðan er á þessu stigi.
Hefur þetta bitnað á fjölskyld-
unni: Að sjálfsögðu bitnar þetta á
fjölskyldunni og það er það sem
mér finnst verst. Ég veit að þetta er
rétt ákvörðun og þess vegna er ég
tiltölulega róleg yfir þessu. Fólkinu
mínu sárnar hins vegar þessi
umræða og hefur jafnvel orðið fyrir
aðkasti vegna hennar. Maðurinn
minn hefur nú verið dreginn
rækilega niður í svaðið fyrir að vera
giftur mér, sem er auðvitað sárt að
horfa upp á.
Á að skella sér á Þjóðhátíð: Að
sjálfsögðu, tjaldundirbúningur
hafinn, búið að taka upp koffort og
bekki og byrjað að baka. Eins og
margir Eyjamenn sinni ég auðvitað
vinnu um helgina og er með
afburðalið með mér í lögreglunni.
Bið alla um að ganga hægt um
gleðinnar dyr og bera virðingu fyrir
náunganum.
Páley Borgþórsdóttir
er Eyjamaður vikunnar
Íbúð óskast
Fjögurra manna fjölskylda óskar
eftir íbúð eða húsi til leigu með
húsgögnum í 2 til 4 vikur strax eftir
Þjóðhátíð. Fjölskyldan er á milli
húsa vegna flutninga. Engin
gæludýr og greiðsla staðgreidd.
Uppl í síma 895 8582 og 659 1057.
Þjóðhátíðar-
blað Vest-
mannaeyja
2016 er komið
út, en útgáfa
blaðsins er
löngu orðin að
föstum lið í
aðdraganda
þjóðhátíðar.
Skapti Örn
Ólafsson er ritstjóri blaðsins í ár líkt
og undanfarin ár og segir hann
blaðið að venju sé stútfullt af efni
tengdu þjóðhátíð og Vestmanna-
eyjum.
Þjóðhátíðarblað Vestmannaeyja er
76 síður að stærð og hefur verið
vandað til verka hvað varðar
efnistök, ljósmyndir og útlit. Meðal
efnis í blaðinu er viðtal við
landsliðsþjálfarann og Eyjapeyjann
Heimi Hallgrímsson þar sem fjallað
er um ævintýrið í Frakklandi,
knattspyrnuna, Vestmannaeyjar og
þjóðhátíð. Bjargsigsmaðurinn
Bjartur Týr Ólafsson er tekinn tali
og rætt er við Hildi Jóhannsdóttur
sem stendur fyrir kassabílarallýi á
þjóðhátíð.
„Nokkrir drátthagir Eyjamenn
teiknuðu síðan fyrir okkur þjóðhátíð
og Sæþór Þorbjarnarson Vídó, sem
hefur skemmt þjóðhátíðargestum í
mörg ár, er í léttu þjóðhátíðarspjalli.
Eins er rætt við Halldór Gunnar
Pálsson höfund þjóðhátíðarlagsins í
ár. Síðast en ekki síst minnumst við
Sigurðar Reimarssonar, Sigga
Reim, brennukóngs með meiru sem
kvaddi okkur fyrr í sumar,“ segir
Skapti Örn og bætir við að í blaðinu
séu fjölmargar ljósmyndir Adda í
London frá fyrri þjóðhátíðum.
Í blaðinu er einnig hefðbundið efni
eins og hátíðarræða Þjóðhátíðar
2015, sem flutt var af Eddu
Andrésdóttur, fjölmiðlakonu, grein
eftir Írisi Róbertsdóttur, formanni
ÍBV – Íþróttafélags, dagskrá
hátíðarinnar í ár og texti og
gítargrip á Þjóðhátíðarlaginu í ár –
Ástin á sér stað.
Kápa Þjóðhátíðarblaðsins í ár er
sérstaklega glæsileg. „Eyjamaður-
inn Logi Jes Kristjánsson teiknaði
kápuna fyrir okkur og er óhætt að
segja að vel hafi tekist til. Um
ákveðið afturhvarf til fortíðar er að
ræða í listsköpuninni, en þjóðhátíð í
Herjólfsdal er byggð á gömlum
gildum og hefðum sem Logi Jes
túlkar snilldarlega í sannkölluðu
listaverki á kápunni,“ segir Skapti
Örn og hvetur lesendur til að rýna í
kápuna. „Mikið af smáatriðum
tengdum þjóðhátíð eru í myndinni
sem eiga eftir að koma á óvart.“
Venju samkvæmt ganga sölubörn í
hús og eins er hægt að kaupa
Þjóðhátíðarblaðið í helstu versl-
unum og sjoppum í Eyjum. Verð er
á blaðinu er 1.500 kr.
Útgefandi Þjóðhátíðarblaðs
Vestmannaeyja 2016 er ÍBV –
Íþróttafélag.
Þjóðhá-
tíðarblað
Vest-
manna-
eyja 2016
komið út
Ástin á sér stað
Capo á öðru bandi
Intro: Em C G G D
Em C
Eitthvað sérstakt á sér stað
G G D
eldar lýsa ský, ég man.
Em C
Saman göngum þennan stíg
G G D/F#
aftur enn á ný, ég man.
Cmaj7 Em
Ég klappa lófunum, ég stappa fótunum
Cmaj7 G
ég fagna því að vera til
Cmaj7 Em
ég klappa lófunum, ég stappa fótunum
G D
ég finn í hjarta ást og yl.
Em C
Ástfangin við göngum hér.
G D
Hjörtun slá í takt á ný.
Em C
Ástin býr í mér og þér.
G D
Ástin á sér stað á ný.
Em
Ástin á sér stað.
Em C
Lengi lifna minningar,
G G D
logar enn í glóð, ég finn.
Em C
Sögu vil ég segja þér
G G D/F#
sagan gerðist hér, eitt sinn.
Cmaj7 Em
Ég klappa lófunum, ég stappa fótunum
Cmaj7 G
ég fagna því að vera til
Cmaj7 Em
ég klappa lófunum, ég stappa fótunum
G D
ég finn í hjarta ást og yl.
Em C
Ástfangin við göngum hér.
G D
Hjörtun slá í takt á ný.
Em C
Ástin býr í mér og þér.
G D
Ástin á sér stað á ný.
Cmaj7
Ástin á sér stað.
Em D
Ástin á sér stað.
Cmaj7
Ástin á sér stað.
D
Hér í Herjólfsdal.
Em C
Ástfangin við göngum hér.
G D
Hjörtun slá í takt á ný.
Em C
Ástin býr í mér og þér.
G D
Ástin á sér stað á ný.
Em
Ástin á sér stað.
C G
Þjóðhátíðarlag Vestmannaeyja 2016
heitir „Ástin á sér stað“ og er samið
af Halldóri Gunnari Pálssyni. Það
eru Friðrik Dór Jónsson og Sverrir
Bergmann Magnússon sem syngja
við undirleik hljómsveitarinnar
Albatross. Textinn er eftir Magnús
Þór Sigmundsson. Þetta er ekki
fyrsta þjóðhátíðarlag þeirra
Halldórs og Magnúsar, en þeir
sömdu einnig saman lagið „Þar sem
hjartað slær“, Þjóðhátíðarlag
Vestmannaeyja árið 2012. Lagið
og textinn er innblásið af 40 ára
ástarsögu úr Eyjum og af öllum
þeim sem orðið hafa ástfangnir á
þjóðhátíð, hvort sem það er af
lífinu, fólkinu eða stemmningunni.
Ástin á sér stað í Herjólfsdal.
Hér til hliðar má sjá hljómsetningu
lagsins. Þannig að nú ættu allir að
getað sungið og spilað lagið í
tjaldinu um helgina.
Em
D/F#
C
C
G
Cmaj7