Fréttir - Eyjafréttir - 10.08.2016, Blaðsíða 1
Eyjafréttir
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Krafa um
fjölgun ferða
Hitti á
erfiðar aðstæður >> 2
enn opið
fyrir umsóKnir >> 8 >> 12
Vestmannaeyjum 10. ágúst 2016 :: 43. árg. :: 32. tbl. :: Verð kr. 490 :: Sími 481-1300 :: www.eyjafrettir.is
Eftir fyrra lundarallið í sumar leit út
fyrir að viðsnúningur gæti orðið í
viðkomu lundans í Vestmannaeyjum
eftir mörg mögur ár. Því miður hefur
dæmið snúist við og er mikið um
dauða pysju í lundabyggðunum. Lítið
er um sílisfugl og varpárangur er
kominn niður í 13% unga á egg og
framreiknuð viðkoma í 0,09 fleyga
unga á holu. Um miðjan júlí var
stefndi viðkoma í 0,4 unga á holu.
Ástandið hjá lundanum fyrir norðan
er það besta síðan lundarallið hófst
2010. Helst sætir tíðindum að
viðkoma er góð í bæði Breiðafirði og
Faxaflóa í fyrsta sinn síðan 2010.
Vísindamenn segja að veiðar á
landsvísu séu enn ósjálfbærar eftir
viðvarandi viðkomubrest frá 2003.
Þetta kemur fram á fésbókarsíðu
Náttúrustofu Suðurlands.
Erpur Snær Hansen, sviðstjóri
vistfræðirannsókna hjá Náttúrustofu
Suðurlands hefur undanfarin ár farið
fyrir hópi vísindamanna sem kannað
hafa ástand lundastofnsins allt í
kringum landið. Í ár var farið í
lundarall um miðjan júní og voru tólf
lundabyggðir umhverfis landið
skoðaðar. Var ábúð almennt nokkuð
há og í Vestmannaeyjum kviknuðu
vonir um að þar gæti stofninn verið á
uppleið á ný. Þær vonir urðu að engu
um helgina eftir skoðun á föstudag-
inn. „Við fórum aftur í rannsóknar-
holurnar okkar í Eyjum í gær og er
ástandið ekki gott,“ segir á fésbókar-
síðu Náttúrstofunnar. „Mjög lítið sást
af fugli og þeir fáu sem við sáum
voru með fjölbreytta fæðu og lítið í
samanburði við það sem við sáum
fyrir norðan og vestan.“
Fyrr í sumar var ábúðin í Eyjum
mjög há miðað við síðustu ár eða um
73% en aðeins lítill hluti virðist ætla
að koma upp unga. „Varpárangur er
kominn niður í 13% og framreiknuð
viðkoma í 0,09 fleyga unga á holu.
Um miðjan júlí var framreiknuð
viðkoma 0,4 ungar á holu. Um
100.000 pör urpu mjög seint eða eftir
miðjan júlí sem hækkuðu ábúðina
verulega. Þann 5. ágúst höfðu
hinsvegar 83% allra eggja og unga
misfarist, og mikill ungadauði átti sér
stað seinni hluta júlí og byrjum ágúst
auk þess sem egg voru yfirgefin.
Eftirlifandi pysjur eru enn hálfvaxnar
og ef þær komast á legg þá yfirgefa
þeir ekki hreiðrin líklega ekki fyrr en
í september. Við verðum bara að sjá
til hvað varpið dregst á langinn en ég
vona að mesta fækkunin sé afstaðin,
þá megum við eiga von á einhverjum
bæjarpysjum. Að lokum viljum við
ítreka að lundaveiði eru ósjálfbærar
við þessar aðstæður og vonum við að
veiðimenn í Vestmannaeyjum hvíli
háfana um aðra helgi,“ segir á síðu
Náttúrstofu Suðurlands.
Ástandið í Dyrhóley og Ingólfs-
höfða er verra en í Eyjum þar sem
allt benti til að næstum enginn ungi
kæmist á legg (viðkoma um 0,01).
Austanlands var ástandið skárra og
viðkoma um 0,14 ungar á holu í
Papey en 0,66 í Hafnarhólma,
Borgarfirði Eystra. Viðkoma á
Norðurlandi er sú hæsta frá því
mælingar hófust á landsvísu árið
2010 eða sem segir: Lundey á
Skjálfanda 0,73, Grímsey 0,64,
Drangey 0,67, Grímsey á Steingríms-
firði 0,72. Í Vigur í Ísafjarðardjúpi
var viðkoma er 0,90% sem er hæsta
mæling hérlendis og nálægt fræði-
legu hámarki. Í fyrsta sinn frá
upphafi lundarallsins var viðkoma á
vesturlandi góð, sem hefur annars
verið í takti við suðurland. Í Elliðaey
í Breiðafirði var viðkoma 0,77 og í
Akurey á Faxaflóa 0,64 og nokkuð
sást af sílisfugli.
Ómar GarðarSSon
omar@eyjafrettir.is
:: Stefnir í lélegan varpárangur hjá lundanum
Ábúðin lofaði góðu
fyrr í sumar
:: Var um 73% en aðeins lítill hluti virðist ætla að koma upp unga
:: Ástandið gott fyrir norðan, austan og vestan
M
yn
d:
Ó
sk
ar
P
ét
ur
F
ri
ðr
ik
ss
on