Fréttir - Eyjafréttir - 31.08.2016, Síða 2
2 Eyjafréttir / Miðvikudagur 31. ágúst 2016
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
Blaðamenn:
Einar Kristinn Helgason - einarkristinn@eyjafrettir.is
Sara Sjöfn Grettisdóttir - sarasjofn@eyjafrettir.is
Guðmundur Tómas Sigfússon - gudmundur@eyjafrettir.is
Ábyrgðarmaður: Ómar Garðarsson.
Prentvinna: Landsprent ehf.
ljósmyndir: Óskar Pétur friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Síðastliðinn sunnudag hófst
haust- og vetrardagskrá Safna-
húss og Sagnheima, byggða-
safns með því að félagsskapur
sem kallar sig Með Eyjar í hjarta
og hjartað í Eyjum eða Eyjahjart-
að til styttingar stóð fyrir
skemmtilegri dagskrá.
Kári Bjarnason sem kynnti
dagskrána byrjaði á því að þakka
þeim Einari Gylfa Jónssyni, Þuríði
Bernódusdóttur og Atla Ásmunds-
syni hjartanlega fyrir undirbúning-
inn og kallaði þau hryggjastykkið í
hópnum sem stæði á bak við þessa
dagskrá og þær aðrar sem fram-
undan væru. Hann gaf síðan boltann
á Einar Gylfa sem sagði á skemmti-
legan og lifandi hátt frá því hvernig
Atli greifi og Kári hefðu komið að
máli við sig og fengið hann til að
koma verkefninu af stað ásamt þeim
og Þuru í Borgarhól.
Hildur Oddgeirsdóttir var fyrsti
ræðumaðurinn að þessu sinni, dóttir
Oddgeirs og Svövu. Hildur ræddi
um Heiðarveginn sinn og nánasta
umhverfi og það var unun að hlusta
á hana, því hún lýsti heimilinu sínu
á svo ljósan hátt að það var eins og
maður væri kominn með henni á
æskuheimilið. Eins og Kári sagði
eftir ræðu hennar, þá gaf hún
einstæða sýn inn í heimili sem
verður öllum Vestmannaeyingum
ávallt hugstætt. Þá dró hún ekki
síður upp ljóslifandi mynd af
nágrenni og nágrönnum.
Hafliði Kristinsson kallaði sitt
erindi Vestmannaeyjar með augum
Þykkbæings en hann er kvæntur
Eyjakonunni Steinunni Þorvalds-
dóttur, dóttur Dóru og Dalda.
Hafliði kom blaðamanni verulega á
óvart, kímin og fjörug frásögn hans
af aðkomupiltinum sem var að
koma sér í mjúkinn hjá heimasæt-
unni undir Heimakletti var einlæg
og létt.
Síðasti ræðumaðurinn að þessu
sinni var Þorsteinn Ingi Sigfússon
prófessor og forstjóri Nýsköpunar-
miðstöðvar Íslands. Hann ólst upp á
Kirkjubæjarbrautinni og sagði á
ljúfan hátt frá horfnum heimi,
vinunum sem brölluðu oft hina
ótrúlegustu hluti – frá því að stela
hjóli yfir í að reyna að stela heilum
kvenmanni. Í glugganum var svo afi
gamli, Þorsteinn Víglundsson, sem
áheyrendur fengu að kynnast með
augum barnsins.
Það var virkilega gaman að ganga
á þennan hátt til móts við bernskuna
í Eyjum, heimsækja enn á ný staði
sem komnir eru undir hraun og rifja
upp minningar frá annarri öld og að
því er virðist annarri veröld.
Eyjahjartað hittir sannarlega í mark
með því að standa fyrir dagskrám af
þessu tagi þar sem Vestmannaeying-
ar nær og fjær koma saman í
Safnahúsinu. Á næsta fundi sem
haldinn verður 9. október munu þeir
Egill Helgason, Guðmundur Andri
Thorsson og Bubbi Morthens fjalla
um veru sína í Eyjum.
:: Eyjahjartað sló fastan takt í Einarsstofu á laugardaginn ::
Gengið til móts við bernskuna í Eyjum
:: Staðir sem komnir eru undir hraun heimsóttir :: Minningar frá annarri öld og að því er
virðist annarri veröld ::
ÓMAR GARðARSSOn
omar@eyjafrettir.is
Einar Gylfi í pontu.
Fólk með hjartað á réttum stað, Einar Gylfi, Þorsteinn Ingi, Þuríður, Hildur, Hafliði og Kári.
Bragi Magnússon útskrifaðist frá
Framhaldsskólanum í Vest-
mannaeyjum og hefur stundað
nám við Háskóla Íslands síðan.
Hvaða nám ertu að klára og við
hvaða skóla?
Er að klára MSc í Byggingarverk-
fræði með áherslu á mannvirkja-
hönnun frá Háskóla Íslands.
Af hverju ákvaðstu að fara í þetta
nám? Hefur þú alltaf stefnt að því?
Ég var búinn að ákveða að ég ætlaði
að fara í verkfræði mjög snemma,
fannst það alltaf passa vel við mig
og mína kosti. Ég hef alltaf verið
mikið fyrir það að pæla í hlutunum
og skapa eitthvað nýtt. Á meðan ég
var í framhaldsskólanum vann ég í
byggingarvinnu á sumrin og þá
fann ég að byggingargeirinn
heillaði mig og eftir það stefndi ég
á námið. Á háskóladeginum eftir að
ég útskrifaðist úr framhaldsskól-
anum tók ég samt skyndiákvörðun
og skráði mig í Hátækniverkfræði í
Háskóla Reykjavíkur. Eftir fyrsta
árið þar fann ég að þetta var ekki
fyrir mig og eftir annað árið skipti
ég yfir í byggingarverkfræðina í HÍ
eins og ég hafði alltaf stefnt að.
Hvernig l íkaði þér við skólann
og námið almennt?
Verkfræðinámið í HÍ er mjög gott
og reyndar líka í HR. Í HR er maður
meira í starfsþjálfun á meðan HÍ er
fræðilegra til að byrja með. Á
seinni árunum í BS-inu og í
Masternum fer að fækka nemendum
í tímunum og þá verður kennslan
einnig áhugaverðari.
Ertu kominn með vinnu sem
hæfir þinni menntun?
Já, fyrir sumarið var mér boðin
vinna við afleysingar hjá Mannviti í
Eyjum. Vitandi það að þeir höfðu
ekki marga aðra með þessa
menntun til að fara til Eyja nýtti ég
tækifærið og sagðist vera reiðu-
búinn til að taka starfið ef ég fengi
fasta stöðu hjá þeim eftir afleysing-
arnar. Þeim leist bara vel á það og
er ég nú byrjaður að vinna hjá
mannvirkjasviði Mannvits í
Kópavogi.
Áttu þér draumstarf ?
Ég hef ekki alveg ákveðið hvort ég
vilji vera áfram í hönnuninni eða
fara meira yfir í verkefnastjórnun og
þess háttar. Ég væri mjög ánægður
ef ég gæti flutt starfið mitt sem ég
er með núna til Eyja.
Hvernig sérðu framtíðna fyrir
þér? Vi ltu búa í Eyjum eða
einhverstaðar annars staðar?
Kærastan mín, hún Ragnheiður
Perla, útskrifast næsta sumar og
eftir það ætlum við að byrja að
huga að flutningum heim. Við erum
tveir hér hjá Mannviti sem viljum
vera með starfstöð í Eyjum þó svo
að við séum mest að vinna verkefni
á fasta landinu. Yfirmaðurinn okkar
er mjög jákvæður fyrir því og
stefnum við að því að vera með
skrifstofu hjá Þekkingarsetrinu
þegar það flytur í Fiskiðjuna.
:: Bragi Magnússon stundar nám við Háskóla Íslands ::
Væri mjög ánægður ef ég gæti
flutt starfið mitt til Eyja
EinAR KRiSTinn HELGASOn
einarkristinn@eyjafrettir.is
Bragi og Ragnheiður Perla