Fréttir - Eyjafréttir - 31.08.2016, Side 8
8 Eyjafréttir / Miðvikudagur 31. ágúst 2016
1. Það er algjört forgangsmál að tryggja eðlilegar samgöngur
milli lands og Eyja. Eina raunhæfa lausnin eru jarðgöng milli
lands og Eyja og það hefur verið unnið markvisst í þeim
efnum án þess að það hafi farið hátt, en innan tíðar munu
koma fram mjög jákvæðar upplýsingar um þann möguleika.
Í millitíðinni verður væntanlega boðin út smíði á skipi sem
hefur verið ótrúlega lengi í burðarliðnum og flestir vita að það
mun ekki leysa samgönguvandann við Eyjar. Stjórnvöld hafa
ekki haft döngun í sér til þess að hugsa stórt og af metnaði.
Það tekur 6 ár að gera göngin og þau eru magnað viðskipta-
tækifæri. Í millitíðinni þarf að treysta á siglingar og opna nýja
möguleika í þeim efnum. Þar hafa athafnamenn í Eyjum
ákveðnar hugmyndir og til þess þarf að opna leiðir og afnema
einangrun og einokun Landeyjahafnar og tryggja jafnræði í
þátttöku ríkissjóðs. Úrlausn í þessum efnum þolir enga bið, en
menn verða að þora.
2. Það er mjög mikilvægt að Flugfélag Íslands hefji á ný
áætlunarflug til Eyja, því þar liggja miklir möguleikar í
tengingu við ferðaþjónustuna heima og heiman.
3. Það þarf að koma á aftur sjúkraflugþjónustu með vél
staðsettri í Eyjum. Ríkisstjórn Jóhönnu og Steingríms sveik
sjúkraflugið frá Eyjum.
4. Styrkja þarf sjúkrahúsið í Eyjum með föstum stöðum
svæfingalæknis og skurðlæknis auk annars sem eðlilegt telst.
5. Ljúka þarf greinargerðum um stórskipahöfn í Eyjum,
rannsóknum er lokið, en síðasta vinstri stjórn einangraði lausn
á málinu í samgöngunefnd þótt meirihluti væri í nefndinni
fyrir málinu. Þeir hleyptu málinu ekki til atkvæðagreiðslu á
þinginu.
6. Tryggja þarf skattfríðindi sjómanna vegna vinnu fjarri heim-
ilis, en sjómenn eru núna eina stéttin í landinu sem nýtur ekki
slíkra fríðinda sem er fáránlegt.
7.Ýmis gæluverkefni mætti nefna, menningarhús á gamla
Heimatorgi við gömlu Rafstöðina, ljúka steypu höggmyndar af
Ása í Bæ, stofna tónlistarakademíu Eyjanna því hvergi á
landinu er annað eins úrval af söngvurum og lagasmiðum,
opna safn með myndum Sigurgeirs Jónassonar og opna safn
með teikningum Sigmund. Þetta eru verðmæti sem mega ekki
liggja í skúffum.
8. Efla og styrkja nýsköpun og fullvinnslu sjávarafurða á
heimaslóð.
9. Það á við um Eyjar eins og önnur byggðarlög á landinu að
höfuðkapp verður að leggja á að styrkja stjórn efnahagsmála,
metnað og framsækni, bæta verður kjör eldri borgara og
öryrkja svo mannsæmandi sé.
10. Í einu og öllu þarf að verja stíl og stefnu Vestmannaeyja,
sérstöðuna og rótgróna þætti í menningu Vestmannaeyja.
Árni Johnsen er einn af reyndustu
núlifandi alþingismönnum og
afköst hans á liðlega 20 ára
þingsetu eru einsdæmi. Fáir ef
nokkur þingmaður Íslandssögunnar
hefur mælt fyrir fleiri málum og
hann hefur náð mun fleiri málum í
gegn en flestir. Í mörgum stór-
málum á landsmælikvarða hefur
hann verið frumkvöðull, en sérsvið
hans hefur verið Vestmannaeyjar.
Hér birtast 33 helstu verkefnin sem
hann var með á sinni könnu tengd
Eyjum og fylgdi fastar á eftir til
árangurs en allir aðrir en hann lagði
alla tíð áherslu á að eiga sæti í
fjárlaganefnd og samgöngunefnd
þar sem hann var formaður um
skeið og það hefur aldeilis skilað
sér til Eyjanna.
1. Allt vegakerfi Eyjanna utan
þröngra bæjarmarka var malbikað
20 árum á undan áætlun vegna
fylgni Árna.
2. Baráttan fyrir nýjum Herjólfi var
harðsækin og Árni var harðfylginn í
útvegun fjármagns fyrir móttöku-
svæði Herjólfs.
3. Árni beitti sér fyrir fjármagni í
uppbyggingu golfvallarins.
4. Um helming kostnaðar við
björgunarskipið Þór var aflað frá
fjárlaganefnd þar sem Árni átti sæti
um 15 ára skeið.
5. Stafkirkjan á Skansinum var
hugmynd Árna sem hann fylgdi í
höfn.
6. Stytting Hörgaeyrargarðsins
bætti innsiglinguna, en hugmyndin
um súluvita Gríms Marinós var
Árna.
7. Árni fylgdi fast eftir endurbygg-
ingu Sjúkrahússins, fjáröflun var
torsótt en tókst.
8. Eftir gos heimtu Eyjamenn aftur
annað prestsembættið sem var tekið
af þeim. Árni gaf ekki tommu eftir.
9. Fármagn í uppbyggingu
Týsheimilisins og Þórsheimilisins
kom úr Íþróttasjóði. Árni fylgdi því
eftir.
10. Árni var aðalbaráttumaður fyrir
byggingu nýju flugstöðvarinnar.
Hann sat lengi í Flugráði.
11. Þegar loka átti fyrir allt
næturflug til Eyja náði Árni því í
gegn að leiðarljós voru sett á
Blátind, Klif, Heimaklett, Eldfell og
Helgafell og Vestmannaeyjaflug-
völlur varð sólarhrings þjónustu-
völlur.
12. Ákveðið var í Flugráði að
tillögu Árna að byggja tækja-
geymslu vallarins.
13. Árni kom byggingu Bakkaflug-
vallar í framkvæmd.
14. Rannsóknasetur Háskóla
Íslands í Vestmannaeyjum, fyrsta
fræðaseturs landsins var hugmynd
og verk Árna, en það varð fyrir-
mynd fræðasetra landsins.
15. Þegar Árni tók sæti í fjárlaga-
nefnd hafði Náttúrugripasafnið
fengið 50 þúsund á ári, en það
hækkaði snarlega í 3 milljónir
króna.
16. Bygging verkmenntaálmu
Framhaldsskólans og fjáröflun
kostaði mikla baráttu okkar manns.
17. Árni var einn aðalfrumkvöðull-
inn fyrir endurnýjun þyrluflotans
með kaupum á Puma þyrlum.
18. Árni sýndi mikil klókindi og
fylgni við smíði nýja lóðsins.
19. Árni var formaður nefndar um
uppbyggingu útivistarsvæðisins í
Herjólfsdal.
20. Frumkvæðið að verkefni 25
skandinavískra steinhöggvara,
Hraun og menn kom frá Árna.
21. Bygging Kleifabryggjunnar var
harðsótt mál í samgöngunefnd, en
þar sat Árni í nokkur kjörtímabil.
22. Málefni Byggðasafns Vest-
mannaeyja komust á réttan kjöl
fyrir áeggjan Árna, en hallað hafði
á Eyjamenn í þeim efnum.
23. Brimbrjóturinn á Eiðinu gekk
eftir vegna baráttu Árna. Hann
hefur bjargað miklum verðmætum.
24. Það tók langan tíma og
eftirfylgni að ná stórátaki í
uppbyggingu Vestmannaeyjahafnar,
700 milljóna króna átak.
25. Eitt fyrsta mál Árna á þingi var
tillaga um endurmenntun fisk-
vinnslufólks og hefur það skilað
miklum árangri og hlunnindum.
26. Árni náði í gegn staðsetningu
útibúss Hafró í Vestmannaeyjum að
ósk Hafsteins Guðfinnssonar.
27. Flugráð og fjárlaganefnd ásamt
samgöngunefnd samþykktu tillögu
Árna um endurbyggingu vallarins
og malbikun.
28. Árni hratt af stað og stýrði
útgáfu á öllum lögum og verkum
Oddgeirs Kristjánssonar með
afkomendum hans.
29. Árni gaf út tvo geisladiska með
öllum lögum og textum Ása í Bæ.
30. Árni og pabbi hans Bjarnhéðinn
Elíasson skipstjóri og útgerðarmað-
ur gáfu kirkjuskipið Áróru í
Landakirkju.
31. Hugmyndin af byggingu
Herjólfsbæjar, en hann ásamt
Halldóri Sveinssyni og Gunnlaugi
Grettissyni stóðu að framkvæmd-
inni.
32. Árni gaf út tvo geisladiska með
liðlega 40 sjómannalögum, mörgum
kunnum Eyjalögum.
33. Landeyjahöfn var fylgt eftir af
Árna frá A-Ö, enda hans hugmynd-
hann hefði jarðgöng milli lands og
Eyja í forgang.
Margt fleira mætti nefna.
Kynning :: Árni Johnsen í prókjöri Sjálfstæðisflokksins 10. september :: Eyjamenn, takið
þátt, sækjum rétt okkar :: Verkin tala :: Ótrúleg afköst Árna í þágu Eyjanna ::
Það borgar sig að kjósa svona
mann, sagði Einar í Betel
10 brýnustu forgangsmál Eyjanna
í næstu þinglotu að mati Árna
ÓMAR GARðARSSOn
omar@eyjafrettir.is
Stafkirkjan á Skansinum var ein margra hugmynda Árna sem hann fylgdi í höfn.