Fréttir - Eyjafréttir - 31.08.2016, Blaðsíða 9
9Eyjafréttir / Miðvikudagur 31. ágúst 2016
ÓMAR GARðARSSOn
omar@eyjafrettir.is
:: Heimir Hallgrímsson þjálfari karlalandsliðsins :: ÍBV þroskar fólk upp í það að takast á
við stór verkefni ::
Var ekkert sérstakur í fótbolta
en félagið gaf mér alltaf stærri
og stærri verkefni og tækifæri
:: Bjuggu mig til sem þjálfara með því að gefa mér þessi tækifæri :: Þjálfaði samtals í 27 ár
fyrir ÍBV :: Alla flokka og bæði kyn :: Frá Shellmóti á EM í Frakklandi á tíu árum :: Næsta
takmark er HM í Rússlandi 2018 ::
Heimir Hallgrímsson, þjálfari
A-landsliðs karla og tannlæknir
hefur verið mikið í sviðsljósinu
síðustu ár sem náði hámarki
þegar hann ásamt Lars
Lagerbäck kom liðinu í átta
liða úrslit á EM í Frakklandi í
sumar. Frábær árangur sem
vakti heimsathygli og beindi
athygli erlendra fjölmiðla að
Íslandi og þar var Eyjamaður-
inn Heimir frábær fulltrúi lands
og þjóðar. Heimir lék með ÍBV
upp alla flokka og þjálfaði fyrir
félagið í 27 ár. Það er sá
grunnur sem hann byggir á
sem þjálfari í dag. Nú eru
Heimir og landsliðið að hefja
nýjan kafla þar sem heims-
meistaramótið í Rússlandi 2018
er lokatakmarkið. Um þetta og
miklu meira ræðir hann í spjalli
við Eyjafréttir.
Fyrir tíu árum síðan varstu
að þjálfa peyja á Shell-
mótinu. datt þér í hug þá,
að tíu árum síðar yrðir þú
að stýra karlalandsliði
íslands á Evrópumeistara-
móti?
„Nei,“ svarar Heimir eftir nokkra
umhugsun. „Og ef ég á að vera
alveg hreinskilinn þá var ég ekki
einu sinni að spá í hvar ég yrði
eftir tíu ár. Þá hugsaði ég að þjálfa
meistaraflokk karla hjá ÍBV væri
stærsta verkefnið á þessu sviði
sem ég gæti hugsað mér að taka að
mér. Þar var metnaðurinn á þeim
tíma og ég sá ekki heldur lengra en
að vera hér áfram sem tannlæknir.
Þá var hugurinn hjá ÍBV og ég í
leiðinni að þjálfa meistaraflokk
kvenna og líka sjötta flokk. Ég get
með hreinni samvisku sagt, að ég
var ekki að hugsa eitthvað lengra en
það,“ segir Heimir.
Allan þennan tíma ert þú að
viða að þér þekkingu í fótbolta,
sækir námskeið sem í boði voru
og varst um tíma hjá Liverpool.
fórstu eins langt og hægt er í
að afla þér þekkingar sem
knattspyrnuþjálfari?
„Ég hef alltaf viljað gera vel það
sem ég geri. Og af því að þú
byrjaðir á að nefna sjötta flokk og
fimmta flokk sem við Íris vorum að
þjálfa í fjögur ár er gaman að nefna
það hér, að kannski fyrir utan EM,
er árangur sjötta flokks ÍBV fyrir
tíu árum sá besti sem ég hef náð
sem þjálfari. Að fara með lið frá
litlum stað eins og Vestmannaeyjum
í úrslitaleik á Shellmóti í A-liðum,
B-liðum og C-liðum er eitthvað
sem mun aldrei verða leikið aftur.
Þetta lið varð Íslandsmeistari í
sjötta flokki og þessi hópur fékk
bikarinn í fimmta flokki á Akureyri
fyrir besta samanlagðan árangur í
A-, B-, C-, D- og E-liðum sem er
fáránlegt í ljósi þess að hér búa
rúmlega 4000 manns. Það var
ótrúlega góður árangur. Við lögðum
okkur líka fram um að gera eins vel
sem þjálfarar eins og við gátum,“
segir Heimir og það skilaði sér.
Meðal annars gáfu hann og Íris út
disk með tækniæfingum með
strákunum. „Það var æðislega
gaman. Við sýndum myndbandið í
Bíóinu og buðum foreldrunum upp
á popp og kók. Þannig að ég hef
alltaf haft brennandi áhuga á
þjálfun. Hafir þú ástríðu fyrir
einhverju viltu gera það eins vel og
hægt er. Ég hef alltaf viljað læra
meira og eitthvað nýtt en er ekkert
feiminn við að viðurkenna að ég
veit ekki helminginn af því sem ég
vil vita.“
Frábær árangur með
kvennaliðið
Þú nærð líka frábærum árangri
bæði með meistaraflokk karla og
kvenna ÍBV.
„Þetta byrjaði með því að ég var
með kvennaliðið í fimm ár. Við
bættum okkur á hverju ári og þetta
var mjög skemmtilegur tími.
Stjórnunin í kringum liðið varð
alltaf betri og betri, metnaður meiri
og stelpurnar bættu alltaf árangur
sinn á hverju ári. Síðasta árið sem
ég var með stelpurnar urðum við
bikarmeistarar, deildarbikarmeist-
arar og urðum svo í öðru sæti í
deildinni sem var smá svekkelsi.“
Eitt tap norður á Akureyri ef ég
man rétt réði þar miklu? „Já, tap
fyrir norðan sem var svona óvænt.
Það var í raun eini leikurinn sem
olli okkur vonbrigðum þannig að
þetta var ofsalega skemmtilegur
tími,“ segir Heimir sem tók svo við
karlaliðinu við heldur erfiðar
aðstæður sumarið 2007. Þjálfaði
hann meistaraflokk ÍBV til ársins
2012.
Fótboltinn hjá ÍBV var
gjaldþrota
„Ég kom inn í þetta í lok tímabils
en Guðlaugur Baldursson þjálfari
liðsins hætti eftir slæmt gengi. Við
féllum um haustið og þá var ekkert
annað að gera en að reyna að
leiðrétta það. Við komumst aftur
upp í efstu deild í annarri tilraun en
segja má, að þegar ÍBV féll var
liðið leikmanna- og peningalega
gjaldþrota að öllu leyti. Bæði áttum
við fáa leikmenn, engan pening og
skulduðum mikið. Það varð að
byrja á öllu frá grunni og hugsa
aðeins öðru vísi þegar farið var af
stað. Það var rosalega erfiður tími,
léleg umgjörð og allt heldur
fátæklegt,“ segir Heimir en þarna
liggur leiðin upp á við hjá ÍBV.
Leiðin liggur upp á við
„Smá saman safnast góður kjarni í
kringum liðið og eru sumir þeirra
jafnvel enn að. Það er nauðsynlegt
ef lið á að halda sjó, að það sé
stöðugleiki í því sem verið er að
gera. Það tókst og síðustu tvö árin
mín með liðið áttum við möguleika
á að verða Íslandsmeistarar í síðasta
leik. Þetta var mjög skemmtilegur
tími en ég fann að það þurfti að
gera meira til að ÍBV gæti orðið
Íslandsmeistari. Fannst mér, að
félagið væri ekki tilbúið að stíga
næsta skref. Ákvað því að hætta og
lét ráðið vita þegar tímabilið var um
það bil hálfnað. Þá fórum við að
leita að þjálfara og Maggi Gylfa tók
við. Hann náði svo þriðja sætinu
eitt ár til viðbótar. Þannig að ÍBV
var í Evrópukeppni í þrjú ár í röð.“
Fjölskyldan, Kristófer, Íris og Heimir. Hallgrímur elsti sonur þeirra
var fjarri góðu gamni. Mynd úr einkasafni.
Heimir og Lars á bekknum í leik Íslands og Ungverjalands í Marseille. Myndir: Skapti Hallgrímsson.