Fréttir - Eyjafréttir - 31.08.2016, Blaðsíða 10

10 Eyjafréttir / Miðvikudagur 31. ágúst 2016
Eyjamenn í framvarðarsveit
KSÍ
Það var gaman að fylgjast með EM,
ekki síst að vera í Noregi þar sem
strákarnir okkar voru líka strákar
Norðmanna sem gerðu það sem þeir
gátu til að eigna sér sem mest í
velgengni Íslands. Verðskuldað að
nokkru leyti. Já, það var gaman að
vera Íslendingur í Noregi en líka
var maður stoltur af þér og hinum
Eyjamönnunum í hópnum, Jóa
Ólafs, Einari Birni, Ómari Smára
og Víði Reynis, allt menn sem ólust
upp hér í Eyjum. Mér finnst þetta
vera eitthvað sem við getum verið
svo stolt af.
„Einar er þarna vegna þess að
hann er góður kokkur, Víðir er mjög
hæfur í sínu starfi sem öryggis-
fulltrúi eins og Ómar er fær
upplýsingafulltrúi og Jói er í stjórn
KSÍ og landsliðsnefnd karla, þannig
að það er eðlilegt að þeir væru í
kringum þetta. En ég er alveg
sammála því að ÍBV getur framleitt
meira en góða knattspyrnumenn,“
segir Heimir.
Styrkurinn í sjálfboða-
liðunum
„Styrkur ÍBV liggur í öllum
sjálfboðaliðunum, öllu þessu fólki
sem er tilbúið að vinna fyrir félagið
sitt. Sjálfur var ég ekkert sérstakur í
fótbolta en félagið gaf mér alltaf
stærri og stærri verkefni og
tækifæri. Þau bjuggu mig til sem
þjálfara með því að gefa mér þessi
tækifæri. Ég þjálfaði samtals í 27 ár
fyrir félagið, mest yngri flokka og
ég er búinn að þjálfa alla flokka og
bæði kyn í Vestmannaeyjum. Af
þessu sést að ÍBV getur búið til
miklu meira en íþróttafólk. Við
erum með fólk sem stýrir stórum
viðburðum sem hefur hlotið uppeldi
innan félagsins. Þannig að ÍBV á
stóran þátt í að þroska fólk upp í
það að takast á við stór verkefni,
eins og þjóðhátíð og fleira.“
Og hér elst þú upp og það hefur
skilað sínu eins og þú segir en
einhvern tímann sagðir þú mér að
þegar þú varst peyi hafi Þórður stóri
bróðir komið heim í hádeginu og
gaf ekkert eftir í keppni við þig í
fótbolta sem endaði með því að
hann skildi þig eftir grenjandi.
„Þetta var bara pína. Hann vildi
sjálfur ekki tapa og það endaði
alltaf með því að ég fór að grenja.
Ég vann aldrei, ég man aldrei eftir
að hann hafi leyft mér að vinna og
uppeldislega er þetta ferlega rangt,“
segir Heimir og hlær. „En hefur
örugglega að einhverju leyti mótað
mann. Þannig var þetta bara en
alltaf vildi maður fara aftur á móti
Þórði.“
Hvað er þetta með Íslendinga
Ísland er Ísland og Vestmannaeyjar
eru Vestmannaeyjar. Einhvern
veginn finnst mér stundum að við
sem þjóð njótum ekki sannmælis
hjá okkur sjálfum. Við eigum
frábært listafólk og íþróttafólk og
Íslendinga sem eru að vinna á
alþjóðlegum vettvangi og starf
þeirra vekur athygli. Mér finnst að
gera mætti meira úr þessu og að við
vera vera stoltari af þessu fólki öllu
saman, bæði sem Eyjamenn og
Íslendingar því við erum að gera
það gott á svo mörgum sviðum.
Félagið okkar ÍBV er með lið í
efstu deildum karla og kvenna bæði
í handbolta og fótbolta sem er ekki
sjálfgefið.
„Ég er sammála því að við eigum
alveg ótrúlega gott íþróttafólk. Og
það er svo sérstakt, eins og
forsetinn og fleiri hafa sagt, að við
skulum eiga svona öflugar sveitir í
hópíþróttum. Sem er merkilegt því
þar skiptir fjöldinn venjulegast
máli. Þá erum við að tala um stórar
íþróttagreinar eins og körfubolta,
fótbolta og handbolta þar sem við
erum með bæði karla- og kvennalið
sem hafa verið að komast í
lokakeppni EM síðustu árin. Þetta
er allt fólk á sama aldursbili og það
er eitthvað til að vera mjög stoltur
yfir.
Ég veit að það er í gangi sálfræði-
rannsókn á því af hverju akkúrat
þessi aldurshópur á Íslandi er að ná
svona góðum árangri í hópíþróttum.
Við hljótum að vera að gera
eitthvað rétt. Við erum alltaf að leita
erlendis af einhverjum módelum og
fyrirmyndum en kannski erum við
að leita langt yfir skammt. Við erum
virkilega að gera eitthvað rétt og
við verðum að passa upp á það og
halda því áfram.“
Vestmannaeyjar eru Ísland í
skýrara ljósi
finnur þú fyrir því í samskipt-
um við blaðamenn og fólk
innan fótboltans að það sé að
spá í þessu?
„Nei. Ég held að við Íslendingar
séum lausir við það að velta okkur
upp úr því af hverju við erum góð í
einhverju. Við viljum alltaf verða
betri og leita að næstu leið til að
verða ennþá betri. Það er einkenni
okkar frekar en við séum að spá í af
hverju erum við góð. Viljum alltaf
meira sem ég held að sé að vissu
leyti jákvætt.
Þú varst að tala um Ísland og
Vestmannaeyjar áðan. Mér finnst
Vestmannaeyjar vera Ísland í
skýrara ljósi. Þú getur yfirfært allt
sem er að gerast á Íslandi yfir á
Vestmannaeyinga en það er aðeins
ýktara hér. Þá er ég að tala um
dugnað og vinnusemi en svo er það
ættjarðarástin, manni finnst allt
aðeins betra heima hjá sér. Mér
finnst krakkarnir hér vinna aðeins
meira, leggja aðeins meira á sig til
að vera í íþróttum. Þess vegna held
ég að það sé ákveðinn karakter í
okkur er umfram aðra. En þetta er
einkenni á Íslendingum almennt.“
Þá verður annað svo lítið
Það er alveg rétt og hér þurfa
krakkar í íþróttum að þvælast á
milli í allskonar veðrum yfir
vetrartímann og spjallið á eftir er
hvað hver ældi oft í Herjólfi og
þetta er ekkert mál.
„Þetta er bara hluti af því að alast
upp í Eyjum og vekur athygli. Það
voru ótrúlega margir erlendir
blaðamenn sem vildu tala við mig.
Ég sagði þeim að þeir yrðu að koma
til Vestmannaeyja og sjá hvernig
þetta er hjá okkur. Það er ótrúlega
jákvæð umfjöllun sem Eyjan okkar
fékk í fjölmiðlum, sjónvarpi og
blöðum í kringum Evrópukeppnina.
Það er alveg ómetanlegt og væri
gaman að sjá hversu oft Vestmanna-
eyjar koma upp í allri umfjöllun út
um allan heim. Það sem blaða-
mennirnir voru mest undrandi á, var
þegar þeir vissu að litlir krakkar
voru að fara spila einn fótboltaleik
uppi á landi og það tæki þá jafnvel
þriggja tíma siglingu og klukkutíma
rútuferð að komast á leikinn.
Þú þarft að vera virkilega
áhugasamur ef þú ætlar að gera
þetta aftur og aftur. Krakkar hér í
Eyjum eru jafnvel í fótbolta,
handbolta og líka kröfubolta og
þurfa að gera þetta allt árið í
allskonar veðrum. Það segir manni
að þau eru í þessu af því að þau
hafa áhuga. Það þarftu að hafa ef þú
þarft að ganga í gegnum allt þetta,“
segir Heimir.
„Þú og ég röflum yfir því að fara
til Reykjavíkur vitandi, að þurfa að
fara með skipinu í þrjá tíma í
Þorlákshöfn. Við finnum okkur
ástæðu til að kvarta yfir því en
krakkarnir gera þetta aðra hvora
viku allan uppvöxtinn. Þegar þú
getur lagt svona mikið á þig auk
þess að vera í íþróttagreininni þá
verður svo lítið mál að gera annað.
Ég held að þetta móti okkur og sé
ein af ástæðunum fyrir því að ÍBV
er í efstu deild í öllum íþróttagrein-
um. Við framleiðum kannski ekki
marga toppmenn en það er fullt af
fólki sem hefur karakterinn þó
hæfileikana skorti. Er tilbúið til að
leggja meira á sig en meðaljóninn.“
Eyjar í brennidepli erlendra
fjölmiðla
Þú nefndir fjölmiðlaumfjöl lun,
veistu eitthvað hvað hún var
miki l , hvað mikið af þessum
stóru blöðum og sjónvarps-
stöðvum sem komu hingað?
„Hingað kom fólk frá einum sjö
eða átta blöðum og tímaritum,
L'Équipe, Le Monde, France
Football, blaði frá Japan, tvö sænsk
tímarit, norsk sjónvarpsstöð og fleiri
og fleiri. Þetta var fyrir utan alla
sem tóku viðtöl við okkur í
Reykjavík og erlendis líka.
Vestmannaeyjar bar oft á góma og
myndir héðan fylgdu með þannig
Íris og Heimi á EM. Íris var fyrirliði ÍBV þegar konurnar urðu deildar- og bikarmeistarar 2004 og Heimir
var þjálfari. Saman þjálfuðu þau ÍBV yngri flokka í mörg ár.
Tekið undir í íslenska þjóðsöngnum fyrir leikinn í Nice gegn Englandi.