Fréttir - Eyjafréttir - 31.08.2016, Side 14

Þegar eldgosið hófst á Heimaey
aðfaranótt 23. janúar 1973 var
Skákþingi Vestmannaeyja 1973
rétt að ljúka. Teflt var mánudags-
kvöldið 22. janúar í Félagsheim-
ilinu við Heiðarveg þar sem nú er
Vinaminni ný og glæsileg
félagsaðstaða eldri borgara í
Eyjum. Teflt var í 1. og 2. flokki og
var keppni í öðrum flokki þá
nýlokið. Keppendur í 1. flokki voru
tólf og þegar gosið hófst voru
fjórar skákir ótefldar úr síðustu
umferð og einnig átti eftir að klára
eina biðskák. Var það skák þeirra
Helga Ólafssonar og Andra
Hrólfssonar. Engan óraði fyrir
kvöldið fyrir gos því að sú skák
myndi loks verða kláruð 20 árum
síðar!. Helgi var kvöldið fyrir gos
kominn með 9 vinninga úr níu
skákum og þurfti aðeins hálfan
vinning úr þeim tveimur skákum
sem hann hafði ekki lokið. Össur
Kristinsson, var kominn með 9
vinninga en hafði lokið öllum
sínum skákum. Af eðlilegum
ástæðum var ekki ekki staður né
stund til að ljúka Skákþingi 1973
meðan á eldgosinu stóð. Veturinn
1974 fór starfsemi TV af stað á
nýjan leik og lítið minnst á að
klára Skákþingið 1973, enda voru
keppendur sem áttu eftir að ljúka
sínum skákum ekki allir til staðar í
Eyjum. Það átti einnig við um þá
félaga Andra og Helga. ég minnist
þess að hafa gossumarið 1973
minnst á það við Helga og Andra
sem báðir voru þá við störf í
Eyjum að klára biðskákina. En sem
betur fer varð ekkert úr því.
Haustið 1992 kom upp sú
hugmynd þegar styttast fór að 20
ár voru liðin frá upphafi eldgossins
á Heimaey að klára Skákþing
Vestmannaeyja 1973, laugardag-
inn 23. janúar 1993. Einnig var
ákveðið að halda öflugt hraðskák-
mót sama dag, gekk hvorttveggja
eftir og var teflt í fundarsal
Sparisjóðs Vestmannaeyja við
Bárustíg.
Biðskák Helga Ólafssonar og Andra
Hrólfssonar vakti mikila athygli í
fjölmiðlum og birtist biðstaðan
meðal annars í Morgunblaðinu 23.
janúar 1993. Á þessum tuttugu
árum sem liðin voru hafði Helgi
tekið stórstígum framförum og
löngu kominn í hóp sterkustu
skákmanna Íslands. Við hinir minni
spámennirnir sem áttu eftir að
tefla við hann voru í besta falli á
svipuðum slóðum og kvöldið fyrir
eldgos.
Helgi vann biðskákina við Andra
og einnig skákina við undirritað-
ann og fékk í mótslok titilinn
Skákmeistari Vestmannaeyja 1973
– þótt liðin væru 20 ár frá fyrirhug-
uðum mótslokum.
tók 20 ár að ljúka skákinni
myndin er tekin 23. janúar 1993 og sýnir Andra Hrólfsson til hægri gefast upp í biðskákinni við Helga
Ólafsson stórmeistara, en þá voru liðin 20 ár frá því skákin fór í bið. Í bakgrunni frá vinstri ámundi
Þorsteinsson , málari, Tryggvi jónason, fyrrv. form. TV, Sigurjón Þorkelsson, þáv. form. TV guðjón
Hjörleifsson, þáv. bæjarstjóri og georg Þór Kristjánsson, þáv. bæjarfulltrúi, . Í forgrunni er Arnar
Sigurmundsson en hann tefldi frestaða skák við Helga frá Skákþinginu 1973.
lokaumferðin fór fram í fundarsal Sparisjóðs Vm. við Bárustíg ljósm. Sigurgeir jónasson.
Arnar Sigurmundsson
formaður TV
4 TAflfélAg VeSTmAnnAeyjA 90 árA
Sendum Taflfélagi Vestmannaeyja
innilegar hamingjuóskir á 90 ára afmælinu
ÞEKKINGARSETUR
V E S T M A N N A E Y J A
rannsóknir - menntun - nýsköpun
Frár VE
Merki Eimskips / The Eimskip Logo
EYJABLIKK
Bergur
ögmannstofa
Vestmannaeyja
mars ehf.