Fréttir - Eyjafréttir - 14.09.2016, Blaðsíða 10
10 Eyjafréttir / Miðvikudagur 14. september 2016
Gunnar Þór Geirsson er 35 ára
gamall heimilislæknir sem hefur
víða komið við á lífsleiðinni og
segir aldrei auðvelt fyrir sig að
svara þeirri spurningu hvaðan
hann er af landinu. „Faðir minn
var læknir þannig við fórum víða
á sínum tíma en ég er fæddur í
Reykjavík. Lengst af átti ég hins
vegar heima í Garðabæ. Annars
hef ég átt heima á Ísafirði og í
Trollhättan, litlum bæ í Svíþjóð.
Föðurfjölskyldan er vestan úr
Dölum og var ég lengi í sveit þar
hjá ömmu og afa á sumrin
þannig að ég hef einnig sterka
tengingu í Dalina. Móðurfjöl-
skyldan er hins vegar úr
Biskupstungunum og Flóanum
á Suðurlandinu,“ segir Gunnar
sem býr í Eyjum ásamt konu
sinni Raquel Díaz frá El Salvador
en hún vinnur í Þekkingarsetr-
inu og sér þar um markaðsstörf.
Gunnar útskrifaðist úr Fjölbrauta-
skólanum í Garðabæ og eftir það lá
leiðin í Háskóla Íslands í áfram-
haldandi nám. „Ég fór reyndar í
verkfræði fyrsta árið mitt en skipti
síðan yfir í læknisfræði og út-
skrifaðist þaðan 2008. Eftir
kandídatsárið 2009 fór ég til
Svíþjóðar þar sem ég hóf sérnám í
heimilislækningum en endaði svo á
því að klára námið hérna heima á
Íslandi núna í vor.“
Langaði alltaf einhver partur af þér
að verða læknir? „Þetta er góð
spurning. Það er náttúrulega þannig
í læknisfræðinni að margir
nemendur eiga foreldra sem voru
læknar, að minnsta kosti í mínum
bekk. Það er oft þannig að krakkar
feta í fótspor foreldra sinna, hvort
sem það eru sjómenn, kennarar eða
læknar, hvort það sé meira um þetta
í læknastéttinni er erfitt að segja,“
segir Gunnar.
En hvernig kom það til að Gunnar
ákvað að flytjast til Eyja? „Þetta
byrjaði þannig að ég var að leysa af
hérna og kunni ákaflega vel við
mig, kunni vel við að vinna hér. Svo
þegar ég var að klára mitt nám fór
ég að velta fyrir mér hvar ég ætti að
vinna í framtíðinni. Ég hafði verið
að vinna mikið í Reykjavík en alltaf
haft sterka tengingu við lands-
byggðina og finnst mér afskaplega
gott að vera úti á landi. Oft getur
starf heilsugæslulækna verið
fjölbreyttara úti á landi og þar af
leiðandi skemmtilegra að mér
finnst. Ég fór að ræða við Hjört
Kristjánsson í lok árs 2015 og þá
fór boltinn að rúlla. Hann bauð mér
að vinna hér að staðaldri og við
Raquel ákváðum bara að skella
okkur á það, prófa eitthvað nýtt.
Það hjálpaði náttúrulega til að ég
hafði verið hérna áður og svo var
einn móttökuritarinn á Heilsugæsl-
unni í Efstaleiti frá Vestmanna-
eyjum og talaði hún alltaf mjög vel
um eyjuna sína. Svo hefur maður
bara heyrt góða hluti um Vest-
mannaeyjar, opið og gott fólk og
mikið um að vera. Þegar maður
leggur þetta allt saman þá var þetta
eitthvað sem var spennandi að
prófa,“ svarar Gunnar og heldur
áfram: „Okkur hefur líkað vel
hingað til en það tekur alltaf tíma
að koma sér fyrir og komast inn í
hlutina. Við erum enn að kynnast
fólki og erum kannski ekki mikið
komin inn í félagslífið þar sem það
er búið að vera mikið að gera hjá
okkur báðum í vinnunni. Nú er að
ég held í fyrsta skiptið læknir að
taka sérnám sitt hér á Heilsugæsl-
unni og því fylgir talsverð vinna. Á
móti verður stofnunin meira
aðlaðandi vinnustaður, meira í boði.
Svo virðist alltaf vera einstaklega
gott veður hér,“ segir Gunnar og
hlær.
Sérðu fyrir þér að vera hérna næstu
árin? „Maður veit náttúrulega ekki
fyrirfram hvernig manni líkar en
við getum alveg séð það fyrir okkur,
það er engin spurning. Eftir eitt til
tvö ár tekur maður stöðuna. Þetta
fer kannski bara eftir því hvernig
maður nær að aðlagast. Nú erum
við bara búin að vera sumarið og
maður þarf að vera búinn að vera
veturinn líka til að meta stöðuna.
Veturinn er erfiðari og veðrið verra
og samgöngurnar í takt við það
þannig að þú verður eiginlega bara
að taka viðtal við mig aftur næsta
sumar. Það leiðinlegasta sem maður
gerir er að flytja þannig að maður er
ekkert æstur í að fara að flytja aftur
í bráð,“ segir Gunnar.
Er staðan á heilsugæslunni boðleg
fyrir bæjarbúa? „Eins og þetta var
fyrir minn tíma þá voru fjórir fastir
læknar hér. Þar að leiðandi er hægt
að veita betri þjónustu þar sem hver
læknir getur sinnt sínum sjúklingum
betur. Núna eru við komin með þrjá
fasta lækna en ekki í 100% stöðu.
Hjalti var hér fyrir en eins og maður
segir fullbókaður, síðan komum við
Kristina og þá höfum við náð að
dekka svona 60-70% af íbúum
Vestmannaeyja en þá náttúrulega
sitja 30-40% eftir sem er ekki nógu
góð staða en þó betri en var hér
áður. Auðvitað væri betra að hafa
einn lækni til viðbótar en það er
ekki verið að auglýsa sérstaklega
eftir slíkum. Maður otar stundum
sjálfur að kollegunum að það gæti
verið gaman að kíkja til Vestmanna-
eyja,“ svara Gunnar.
En þarf ekki að vera fæðingaþjón-
usta og þar af leiðandi svæfinga-
læknir í Vestmannaeyjum? „Það er
kannski svolítið erfitt fyrir mig að
svara þessu því þetta kemur meira
við spítalann og er ég náttúrulega
meira með heilsugæsluna. En þar
fyrir utan þá er gallinn við að hafa
svona starfsemi á litlum stað eins
og Vestmannaeyjum sá að það þarf
ákveðinn fjölda aðgerða til að halda
fólki í æfingu. Sjálfsagt væri hægt
að leysa þetta eins og hefur
stundum verið, það að svæfinga-
læknar komi hingað af Landspítal-
anum en ef við ætlum að hafa fulla
fæðingaþjónustu þá verður bara að
vera skurðlæknir og svæfingalækn-
ir. Menn verða bara að meta hvort
það sé raunhæft eða ekki. Það er
síðan annað mál að manna
stöðurnar, það er ekki nóg að þær
séu í boði. Það eru mikið af
tilfinningum í þessu en ef ég horfi
blákalt á stöðuna þá er mín
persónulega skoðun sú að ólíklegt
sé að regluleg skurðlæknaþjónusta
verði hér aftur. Það yrði þá kannski
einungis einhvern hluta mánaðarins
en það er víst ekki hægt að stjórna
því hvenær konur eiga börn eða
hvenær fólk fær botnlangakast. Það
er því lykilatriði að það séu góðar
samgöngur,“ bætir Gunnar við.
En verður þá ekki að vera sjúkra-
flugvél í Eyjum? „Nú kemur vélin
frá Akureyri og kosturinn við það er
sá að með henni geta komið
fagmenn sem eru ekki hér, t.d.
svæfingalæknir, ljósmóðir eða
fæðingalæknir. En á móti þá er
kostur við að hafa vél hérna sá að
auðvelt er að taka á loft að mér
skilst. Það eru því kostir og gallar
við báða möguleika en sjálfur hef
ég ekki samanburðinn því vélin
hefur bara verið fyrir norðan síðan
ég byrjaði. Mikilvægt væri að
þjónustan væri með sama standard
og fyrir norðan ef út í það yrði farið
að breyta um staðsetningu. En eins
og í akút tilfellum þá er engin
spurning að það væri betra að hafa
vél hérna ef upp kæmi t.d. hjarta-
áfall, heilablófall eða álíka.
Að lokum vill Gunnar bæta við að
ekki megi einblína bara á það
neikvæða því vissulega sé margt
jákvætt í gangi líka. „Starfsfólkið
hérna er alveg frábært, bæði á
spítalanum og á heilsugæslunni,
hjúkrunarfræðingar, sjúkraliðar,
geislafræðingar og fólk í afgreiðsl-
unni og matsal. Ég vil bara lýsa yfir
ánægju minni með það, ég er stoltur
af mínu fólki,“ segir Gunnar.
:: Gunnar Þór Geirsson er nýr yfirlæknir á Heilsugæslunni ::
Byrjaði í afleysingum og
líkaði vel að vinna hér
:: Oft getur starf heilsugæslulækna verið fjölbreyttara úti á landi :: Þar af leiðandi
skemmtilegra ::
Gunnar Þór Geirsson.
Einar KriSTinn HELGaSon
einarkristinn@eyjafrettir.is
SpænSka fyrir byrjendur
Vilt þú geta bjargað þér á spænsku næst þegar þú ferð í frí til Spánar? Ef svo er, þá er þetta
námskeið tilvalið fyrir þig. Námskeiðið er ætlað þeim sem hafa litla sem enga undirstöðu í spænsku.
Áhersla verður lögð á framburð, málfræði og að byggja upp orðaforða ásamt nytsamlegum orðum
og frösum sem gagnast í ferðalaginu.
Staður: Húsnæði Visku að Strandvegi 50.
kennari: Bryndís Stefánsdóttir BA í spænsku.
Tími: Samtals 40 kennslust. (26 klukkustundir)
Verð: 35.000 kr.
Stefnt er að því að hafa kennsluna síðdegis, tvisvar í viku.
Starfsmennasjóðir niðurgreiða námskeið.
ÍSlenSka fyrir úTlendinga 1 60 kennSluST. (40 klukkuST.)
Áfanginn er ætlaður byrjendum í íslensku. Lögð er áhersla á að kynna nemendum uppbyggingu
tungumálsins með hlustun, lestri, frásögn og samræðum eftir því sem orðaforðinn leyfir. Unnið er
með auðvelda texta sem tengjast daglegu lífi til að auka orðaforða nemenda og þjálfa framburð.
Lögð er áhersla á að fjölbreyttum aðferðum í tungumálakennslu skuli beitt, (sbr. námskrá íslenska
fyrir útlendinga - grunnnám, Mnr, 2008).
leiðbeinandi/instructor: Jóhanna Lilja Eiríksdóttir.
lengd/length: 60 stundir - 60 lessons.
Verð/price: 37.000 kr.
Vinsamlegast hafið samband við Visku í síma 4811950 til að fá frekari upplýsingar og til
innritunar. please contact Viska tel. 481-1950 for further information.
ÍSlenSka fyrir úTlendinga 2 60 kennSluST. (40 klukkuST.)
Áfanginn er ætlaður þeim sem hafa nokkra undirstöðu í íslensku. Haldið er áfram að vinna með
þá þætti sem tengjast daglegu lífi og starfi einstaklingsins til að auka orðaforða nemenda. Lögð
er áhersla á að nemendur geti gert sig skiljanlega í verslun, bakaríi, banka, pósthúsi og
veitingahúsi og tekið þátt í einföldum samræðum um dagleg málefni, svo sem veður og áhugamál.
Eins og áður er lögð áhersla á að kynna nemendum uppbyggingu tungumálsins með hlustun,
lestri, ritun, frásögn og samræðum. Haldið áfram að þjálfa íslensk hljóð og framburð. Fjölbreyttum
kennsluaðferðum í tungumálakennslu beitt. Leitast er við að gera verkefnin þannig úr garði að
þau reyni á hæfni nemandans við raunverulegar aðstæður.
kennari/teacher: Jóhanna lilja Eiríksdóttir.
lengd/lenght: 60 stundir.
Verð/price: 37.000.