Fréttir - Eyjafréttir - 14.09.2016, Blaðsíða 26
10 Eyjafréttir / Miðvikudagur 14. september 2016 / SJÁVARÚTVEGSBLAÐIÐ
Langa fiskþurrkun og það fyrsta
sem þú hugsar er ef til vill vond
lykt og venjulegt fiskvinnslufyrir-
tæki. Vonda lyktin er til staðar,
en aðstaða og aðbúnaðurinn er
til fyrirmyndar og betri en
þekkist í mörgum fiskvinnslu-
fyrirtækjum. Langa þurrkar
fiskafurðir fyrir Nígeríumarkað
og selur þangað aðallega í
gegnum LavaSeafood ehf.
Fyrirtækið var upphaflega
stofnað árið 2006 og hét þá
Ystiklettur. Í ársbyrjun 2011
komu nýir eigendur til skjal-
anna, gáfu fyrirtækinu nafnið
Langa ásamt því að þeir hafa
endurnýjuðu tækjakostinn og
efldu reksturinn svo um munar.
En aðstaðan fyrir starfsfólkið var
öll tekin í gegn og var tilbúin í
apríl í fyrra og verður að segjast
að vel hafi tekist til.
„Langa er eingöngu í að þurrka
fisk, þetta eru hausar, bein og
afskurðir frá Godthaab, Vinnslu-
stöðinni og Narfa ehf. ásamt því
að við kaupum frá nokkrum
fyrirtækjum annarsstaðar frá,“
sagði Víkingur Smárason
framleiðslustjóri fyrirtækisins.
Frá því að fiskurinn kemur í hús
og er sendur aftur af stað líða um
það bil tvær til þrjár vikur. „Byrjað
er á því að setja fiskinn á grindur,
þaðan fer hann inn í þurrkklefa og
þar er hann í tvo til þrjá sólahringa,
fer eftir stærðinni á fiskinum. Síðan
er hann sleginn af grindunum og
settur í eftirþurrkun og er þar í einn
til þrjá daga, fer eftir tegundum.
Fisknum er svo komið fyrir í
stærri kassa og settir í jöfnunarrými,
þar sem hann er geymdur í tíu daga
áður en honum er pakkað og þá
tekur útflutningur við. Þessa leið
fara hausarnir, beinin hins vegar og
afskurðurinn fara í færibandaklefa,
sem sagt tveggja, þriggja vikna
vinnsla,“ sagði Víkingur.
Framleitt er u.þ.b. einn til einn og
hálfur gámur á viku, hélt Víkingur
áfram „ Við getum samt framleitt
alveg þrjá gáma á viku í fullum
afköstum. Í fyrra tókum við á móti
12 þúsund tonnum, en höfum tekið
um 20% minna það sem af er þessu
ári og er ástæðan ástandið í
Nígeríu.“
Nígeríumarkaður
Langa, líkt og aðrar fiskþurrkanir,
hefur átt á brattan að sækja gagnvart
yfirvöld í Nígeríu. Þar ytra varð
efnahagslegt hrun og ný ríkisstjórn
tók skreið af lista fyrir þá sem fá
fyrirgreiðslu hjá Seðlabankanum í
Nígeríu. Því hefur reynst erfitt að
koma vörunni inn í landið, en þetta
ástand varð vegna verðlækkunar á
olíu í heiminum. „ Þeir telja að
botninum sé náð og að þetta eigi að
fara uppá við núna ,“ sagði Halla
Björk Hallgrímsdóttir mannauðs-
stjóri.
En hvað er verið að gera við
skreiðina í Nígeríu?
Skreiðin er mjög mikilvæg fæða í
Nígeríu. „Þau nota þetta mikið í
súpur sem dæmi og þá eru hausarnir
notaðir eins og við notum súpukraft
í okkar mat. Einnig fæst talsvert
prótein úr hausunum. Þegar þau
sjóða hrísgjrón setja þau sem dæmi
smá brot af beini með til að
bragðbæta, hrísgrjónin verða þá
töluvert beisk, bragð sem þarf vel
að venjast,“ segir Víkingur.
Gæðin á hausunum eru einnig ólík
og vita heimamenn alveg hvað er
góð vara og hvað er síðra. Alveg
eins og þegar við veljum okkur kjöt
úr kjötborði sem dæmi. „Þau taka
hausana og skoða augun, ef augað
er tært, gult að lit og augasteininn
svartur þá vita þau að hausinn var
nýr og ferskur þegar hann var
þurrkaður, en ef augað er grátt og
ekki eins tært eru gæðin verri og
varan ódýrari.
Aldrei liðið eins vel á
nokkrum vinnustað
Sonja Andrésdóttir matráður í
Löngu var að undirbúa hádegismat
dagsins þegar viðtalið átti sér stað.
En starfsmenn Löngu fá hafragraut
á morgnanna og heitan mat í
hádeginu, þeim að kostnaðarlausu.
Eldhúsið sem Sonja eldar við er af
bestu gerð og segist hún virkilega
ánægð í starfinu. „Mér hefur sjaldan
liðið eins vel á vinnustað, hér er allt
ekkert mál og góður andi.“
Eins og áður hefur komið fram er
lyktin af skreiðinni ekki góð og eftir
að aðstöðunni var breytt var komið
fyrir mjög öflugu loftræsikerfi
þannig lyktin er að mestu inní
vinnslunni. Starfsfólkið fær
vinnugalla sem er þveginn og
tilbúin fyrir þau á morgnana og
áður en þau fara heim komast þau í
sturtu og geta farið í sín hreinu föt.
Aðstaðan fyrir starfsfólk kom því
virkilega á óvart og ljóst er að vel
var vandað til verka við endurbætur
á húsnæðinu.
Það var ekki að ástæðulausu að
eigendur vildu gera vel við
starfsfólk sitt. „Þau eru bara svo
dugleg, vinna mikið, oft langa daga
og það er aldrei neitt mál. Þau eru
líka afar þakklát fyrir það sem þau
fá,“ sagði Halla Björk.
Vantar starfsmannastefnu í
stórum fyrirtækjum í Vest-
mannaeyjum
Það er mikill metnaður hjá
stjórnendum fyrirtækisins að hafa
aðstöðuna sem besta, sagði Halla
Björk, en hún var áður að vinna í
starfsmannamálum hjá Actavis.
„Þeir eru til að mynda mjög
þakklátir starfsfólkinu hvað það er
duglegt og öfugt, þannig verður
samvinnan góð og öllum líður vel á
vinnustaðnum.“
Inni í kjörum starfsmanna Löngu
er eins og áður sagði morgunmatur
og hádegismatur, en við vitum öll
að holl og góð fæða veitir manni
meiri orku sem skilar sér í meiri
afköstum.
„Það er oft á tíðum hreinlega lítil
sem engin starfsmannastefna í
mörgum fyrirtækjum í Vestmanna-
eyjum, það hefur verið lenska að ef
menn eru ekki sáttir þá geta þeir
bara fundið sér vinnu annarsstaðar
en þannig á þetta ekki að vera. Það
eru breyttir tímar og margar
rannsóknir hafa sýnt að fyrirtæki
gengur miklu betur ef starfsfólkið
er ánægð í vinnunni, sem verður
hagnaður fyrir alla,“ sagði Halla
Björk að lokum.
Heimsókn til Nígeríu
Forsvarsmenn Löngu ferðuðust
fyrir þremur árum til Nígeríu til að
kynna sér aðstæður og hitta
kaupendur. Það var að vonum mjög
sérstök reynsla þar sem menningar-
heimarnir eru afar ólíkir og þau
þurftu að ferðast með lífverði með
sér allt sem þau fóru.
Langa heldur sjó þrátt fyrir erfiðleika á mörkuðum í Nígeríu
Ef augað er tært, gult að lit og
augasteinninn svartur er varan góð
Starfsmannaaðstaða til fyrirmyndar – Morgunmatur og hádegismatur í boði
– Ánægt starfsfólk, meiri afköst
sara sjöFn GrEttIsdÓttIr
sarasjofn@eyjafrettir.is
Engin flutningatæki eru fyrir kaupendur og burðast þeir með poka af
skreið á bakinu en pokarnir eru um 30 kg.
Á markaði í Nígeríu þar sem skreið er meðal annars í boði.
Víkingur Smárason,
framleiðslustjóri
Halla Björk Hallgrímsdóttir
mannauðsstjóri