Fréttir - Eyjafréttir - 21.09.2016, Blaðsíða 2

2 Eyjafréttir / Miðvikudagur 21. september 2016
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
blaðamenn:
Einar Kristinn Helgason - einarkristinn@eyjafrettir.is
Sara Sjöfn Grettisdóttir - sarasjofn@eyjafrettir.is
Guðmundur Tómas Sigfússon - gudmundur@eyjafrettir.is
ábyrgðarmaður: Ómar Garðarsson.
Prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
„Vegna tilboðanna í nýja
Vestmannaeyjaferju sem opnuð
voru í síðustu viku vil ég benda
á samþykkt bæjarstjórnar frá því
í janúar sl. þar sem segir að
siglingar í Landeyjahöfn séu
þjóðvegurinn til Eyja. Einkafram-
kvæmdir í vegakerfinu hafi
eingöngu verið farnar þegar val
er um aðra leið,“ segir Stefán
Jónasson, oddviti E-listans í
bæjarstjórn og nefnir í því
sambandi jarðgöngin undir
Hvalfjörð.
„Það er eðlileg og sanngjörn krafa
að þjóðvegurinn til Eyja gegni
sömu lögmálum. Bæjarstjórn hefur
eindregið lagst gegn því að ferjan
verði í einkaeigu og það var ítrekað
á fundi hennar í janúar,“ bætir hann
við.
Í fyrrnefndri samþykkt bæjar-
stjórnar er lagst eindregið gegn því
að samið verði um rekstur ferjunnar
til lengri tíma en þriggja til fimm
ára í senn og þá með skýrum og
virkum uppsagnarákvæðum.
Þá var gerð sú krafa að gjaldtaka í
Herjólf taki mið af því að um er að
ræða þjóðveginn til Eyja. Þannig
ætti eingöngu að greiða fyrir bíl
sambærilegt verð og kostar að aka
þessa leið. Ekki eigi að rukka
sérstaklega fyrir farþega í bílunum
og fargjaldi fyrir aðra farþega verði
stillt í hóf.
„Ég hef ekki breytt um skoðun frá
því í janúar sem er að skipið eigi að
vera eign hins opinbera og að
reksturinn verði í höndum Vega-
gerðarinnar. Það er verið að tala
um að þetta kosti svo og svo mikið
en allar framkvæmdir í samgöngum
kosta sitt. Vil ég í því sambandi
benda á tengingu frá Þingvallavegi
yfir í Borgarfjörð. Alls um 60 km
vegur sem á að kosta 2,5 til 3
milljarða króna og gert er ráð fyrir
að 115 bílar fari um veginn að
meðaltali á dag. Það þarf ekki að
borga krónu fyrir þessa 115 bíla á
meðan það kostar okkur stórpening
að fara á milli lands og Eyja,“ segir
Stefán.
Hann segir að ekki séu öll
vandamál að baki með nýrri ferju.
„Það er ljóst að frátafir verða áfram
en vonandi ekki eins og við
þekkjum í dag. Á meðan verið er að
vinna að endurbótum á Landeyja-
höfn verðum við að hafa gamla
Herjólf hér áfram í að minnsta kosti
tvö ár. Annað kemur ekki til greina
í mínum huga,“ sagði Stefán að
lokum.
:: Stefán Jónasson oddviti E-listans ::Þetta er þjóðvegurinn okkar ::
Einkaframkvæmd kemur
ekki til greina
:: Verðum við að hafa gamla Herjólf hér áfram í að minnsta kosti tvö ár ::
„Í þessum tilboðum felast nátt-
úrulega nokkur tíðindi. Fyrir það
fyrsta vekur athygli að almennt sagt
eru tilboðin umtalsvert lægri en
búist var við og þau lægstu verulega
undir áætluðum kostnaði. Nú er
sem sagt góður kostur fyrir ríkið að
láta slag standa og klára þetta. Í
öðru lagi þá kemur nú í ljós það
sem ég og félagar mínir í bæjarstórn
höfum margítrekað bent á, að það
er og verður ætíð hagstæðast að
ríkið eigi ferjuna,“ sagði Elliði
Vignisson, bæjarstjóri.
„Ég tel því langlíklegast að
niðurstaðan verði að semja um
smíði á ferjunni sérstaklega en ekki
að blanda því saman við reksturinn.
Í þriðja lagi þá eru það öflug
fyrirtæki sem standa að tilboðunum.
Ég hef lítillega kynnt mér þessi
fyrirtæki og tilboð þeirra. Án þess
að geta fullyrt neitt þá tel ég
líklegast að fyrsti kostur verði að
taka upp samræður við Fiskestrand
sem er gríðarlega öflugt norskt
fyrirtæki sem smíðað hefur
fjölmargar ferjur og önnur sjóför
sem reynst hafa vel við erfiðar
aðstæður. Það er því fátt því til
fyrirstöðu að hægt verði að klára
þennan hluta verkefnisins núna á
næstu dögum.“
Elliði sagði það gríðalega
mikilvægt að Vestmannaeyjar sem
samfélag fái nú tækifæri til að horfa
til framtíðar. „Þetta ástand síðan
2010 er búið að vera erfitt og
vonbrigðin mikil. Við vitum nú
sem er að þessi nýja ferja mun ekki
leysa öll vandamál sem við
stöndum frammi fyrir. Ferjan er til
að mynda talvert minni en við
myndum vilja. Stærri ferja myndi
hinsvegar þýða meiri frátafir og það
viljum við ekki. Við viljum fyrst og
fremst að samgöngur við Vest-
mannaeyjar verði sem mest í
gegnum Landeyjahöfn. Við í
bæjarstjórn höfum talið að
eðlilegast væri að leysa þennan
vanda með því að vera með tvö skip
af svipaðri stærð og ef til vill mætti
nýta núverandi skip til móts við hið
nýja yfir sumartímann eða skipta á
því og öðru minna og heppilegra
sem gæti sett undir lekann þegar
vandinn er mestur.“
Elliði sagði að vitað væri að áfram
verða frátafir. „Við höfum orðað
það svo að nýtt skip sé nauðsynleg
en ekki nægjanleg forsenda þess að
ná tökum á verkefninu. Auðvitað
þarf að halda áfram að þróa
Landeyjahöfn eins og allar aðrar
hafnir við strendur landsins. Þær
breytingar eru hinsvegar því miður
langt því frá að vera í hendi og enn
hef ég ekki fengið að sjá neina
verkfræðilega lausn sem leysa
myndi vanda Landeyjahafnar.
Við hér heima skellum oft fram
frösum eins og það þurfi „bara“
þetta eða „bara“ hitt. Bara að færa
garðana utar, bara að byggja aðra
garða utan um þessa eða bara
eitthvað annað. Þegar til kastanna
kemur er það samt verkfræðin sem
ræður og á meðan verkfræðilegar
lausnir liggja ekki fyrir verður ekki
ráðist í framkvæmdir. Það kann því
vel að vera að til að koma hreyfingu
á þessi mál verðum við heimamenn
að skoða slíkt,“ sagði Elliði sem
telur einnig að út af borðinu standi
enn að bæta ástandið til 2018 þegar
nýja ferjan kemur.
„Það er til að mynda fráleitt að
rukka okkur meira fyrir siglingu til
Þorlákshafnar sem er bæði erfiðari
og verri kostur fyrir alla. Sá
kostnaður á ekki að falla á farþega.
Ég myndi einnig vilja sjá ríkið gera
alvöru úr því að tryggja samgöngur
um Landeyjahöfn þegar Herjólfur
tekur upp fastar siglingar í Þorláks-
höfn. Jafnvel að boðnar yrðu út
ferþegasiglingar á minna, hrað-
skreiðara og grunnristara skipi sem
gæti betur siglt eftir veðri, sjólagi
og sjávarföllum. Slíkt skip gæti þá
haldið uppi þjónustu svipaðri því og
gert var með flugi á Bakkaflugvöll
með mjög góðum árangri. Gleym-
um því ekki að það fóru hátt í
30.000 manns um Bakkaflugvöll,
og það var áður en allur þessi
vöxtur varð í ferðaþjónustu.
Eftirspurnin eftir styttri ferðatíma
milli lands og Eyja er því til staðar.“
Að lokum sagði Elliði það
lykilatriðið fyrir Eyjamenn að slíðra
ekki sverðin í baráttu fyrir betri
samgöngum heldur að sameinast í
baráttunni. „Beinum sverðum
okkur að þeim sem ábyrgðina bera
en ekki að hvert öðru. Staðreyndin
er sú að það er hægt að gera
langtum betur en gert hefur verið.
Ábyrgðin á því liggur hinsvegar
ekki hjá okkur heimamönnum. Við
verðum líka að gefa okkur tíma inn
á milli til að fagna því sem vel er
gert og virða þann vilja sem þó er
til staðar. Hið nýja skip er klárlega
áfangasigur en meira þarf til.
Sameinumst nú í baráttunni fyrir
betri samgöngum og þar með betri
byggð.“
:: Elliði Vignisson bæjarstjóri :: Tilboðin lægri en búist var við ::
Krafan að samgöngur við Vestmannaeyjar
verði sem mest í gegnum Landeyjahöfn
:: Eðlilegt að vera með tvö skip af svipaðri stærð :: Má nýta núverandi skip til móts við hið
nýja yfir sumartímann ::
Ómar GarðarSSon
omar@eyjafrettir.is
Innsiglingin í Vestmannaeyjahöfn er ein sú öruggasta á landinu en það sama verður ekki sagt um
Landeyjahöfn.