Fréttir - Eyjafréttir - 21.09.2016, Blaðsíða 10

10 Eyjafréttir / Miðvikudagur 21. september 2016
Helga Tryggvadóttir náms- og
starfsráðgjafi situr í fimmta sæti
lista Vinstri grænna í Suðurkjör-
dæmi fyrir komandi kosningar.
Hún hefur mikinn áhuga á
velferð allra í samfélaginu og vill
leggja sitt að mörkum. Helga
hóf störf í Framvegis, miðstöð
símenntunar í síðasta mánuði
sem náms- og starfsráðgjafi og
verkefnastjóri. Einnig er hún í
lítilli stöðu sem kennari við
námsbraut í náms- og starfsráð-
gjöf í Háskóla Íslands.
Hvað var til þess að þú ákvaðst að
gefa kost á þér?
-Ég hef alltaf verið pólitísk, haft
skoðanir á samfélaginu og viðrað
þær af og til í gegnum tíðina, án
þess þó að taka þátt í skipulögðu
stjórnmálastarfi. Þegar leitað var til
mín með að taka sæti á listanum
sagði ég strax já, held að það sé
kominn tími til að ég leggi
baráttunni fyrir betra og réttlátara
samfélagi lið á þessum vettvangi.
Hvaða málefni brenna helst á þér
og hvað er það sem þú mundir vilja
koma í gegn ef þú ferð á þing?
- Ég hef mikinn áhuga á velferð
allra í samfélaginu og snertir það
líklega alla fleti stjórnmálanna.
Velferðar-, heilbrigðis-, mennta-,
byggða-, samgöngu-, umhverfis- og
atvinnumál svo eitthvað sé nefnt,
allt blandast þetta saman og snertir
gæði lífsins hjá okkur öllum.
Það sem mér finnst mikilvægt er að
skipting gæða, þar með talið auðs,
verði réttlátari. Hvað segir að
kennari sé ekki jafn mikilvægur og
bankamaður? Eða fiskvinnslufólk
síður merkilegt en lögfræðingar eða
læknar? Í mínum huga erum við öll
jöfn og þó svo það sé kannski ekki
alltaf augljóst þá erum við öll að
leggja mikið til samfélagsins. Eða
þannig finnst mér að raunveruleik-
inn eigi að vera. Raunin er hins
vegar sú að þetta hefur heldur betur
riðlast síðustu árin þar sem okkar
minnstu bræður og systur lepja
dauðann úr skel á meðan aðrir lifa í
lúxus. Svo sem ekkert að því að
fólk lifi í vellystingum, svo lengi
sem næsti maður á skammlaust til
hnífs og skeiðar. Ég hef verið
svolítið upptekin af því að mann-
eskjan geti lifað með reisn sama í
hvaða stöðu hún er. Niðurstaðan er
því líklega sú að ef ég kæmst á þing
myndi ég berjast fyrir réttlátara
samfélagi á öllum vígstöðvum.
Í tilefni af nýju kvótaári, hver telur
þú framtíð kvótakerfisins vera?
- Óskastaðan er sú að öll þjóðin
njóti góðs af auðlindinni, að
arðurinn safnist ekki á hendur fárra.
Mér finnst ekkert réttlæti í því að
fiskurinn í sjónum verði um
ókomna tíð eign annarra en
þjóðarinnar allrar. Þeir sem sækja
fiskinn og fjárfesta eiga svo
sannarlega skilið laun fyrir sína
vinnu og áhættu, en eins og málin
hafa þróast þá tel ég ótækt hvernig
kökunni er skipt. Þær leiðir sem VG
hefur lagt til fela m.a. í sér fyrningu
aflaheimilda á löngum tíma,
sanngjarnari ráðstöfun þeirra auk
fleiri ráðstafana. Mér hugnast þessi
stefna vel þar sem markmiðin eru
þau sem ég tala um hér að ofan.
Aflamarkskerfið virðist aftur á móti
þjóna tilgangi sínum vel og vona ég
að svo verði áfram. Ég vona því að
framtíð kvótakerfisins verði í takt
við stefnu VG, en hvort það verður
á eftir að koma í ljós.
Að lokum vildi Helga hvetja fólk til
að kynna sér stefnu VG vel og
vandlega. „Þar er að finna skyn-
samar og framkvæmanlegar leiðir
að réttlátu samfélagi. Svo er
náttúrulega aðalmálið að fólk nýti
sinn lýðræðislega rétt og mæti á
kjörstað, sama hvar það stendur í
pólitíkinni,“ sagði Helga að lokum.
:: Eyjakonan Helga Tryggvadóttir í fimmta sæti hjá Vinstri grænum ::
Kominn tími til að leggja
lið baráttunni fyrir betra og
réttlátara samfélagi
:: Alltaf verið pólitísk, haft skoðanir og viðrað þær án þess að taka þátt í skipulögðu stjórn-
málastarfi ::
Sara SjöFn GrETTiSdÓTTir
sarasjofn@eyjafrettir.is
Tillaga uppstillingarnefndar
Vinstrihreyfingarinnar – græns
framboðs í Suðurkjördæmi
vegna Alþingiskosninga þann
29. október næstkomandi var
samþykkt á félagsfundi í Selinu
á Selfossi 10. september
síðastliðinn.
Framboðslistinn er þannig
skipaður:
1. Ari Trausti Guðmundsson,
jarðfræðingur, Reykjavík.
2. Heiða Guðný Ásgeirsdóttir,
sauðfjárbóndi og sveitarstjórnar-
fulltrúi, Skaftárhreppi.
3. Daníel E. Arnarsson, háskóla-
nemi, Hafnarfirði.
4. Dagný Alda Steinsdóttir,
innanhússarkitekt, Reykja-
nesbæ.
5. Helga Tryggvadóttir, náms- og
starfsráðgjafi, Vestmannaeyjum.
6. Þorvaldur Örn Árnason,
eftirlaunamaður, Reykjanesbæ.
7. Sigríður Þórunn Þorvarðardóttir,
nemi, Höfn í Hornafirði.
8. Gunnar Þórðarson, tónskáld,
Reykjavík.
9. Hildur Ágústsdóttir, kennari,
Rangárþingi eystra.
10. Gunnhildur Þórðardóttir,
myndlistarmaður, Reykjanesbæ.
11. Einar Sindri Ólafsson, háskóla
nemi, Selfossi.
12. Ida Løn, framhaldsskóla-
kennari, Ölfusi.
13. Ester Bíbí Ásgeirsdóttir,
tónlistarkona, Hafnarfirði.
14. Einar Bergmundur Arnbjörns-
son, þróunarstjóri, Ölfusi.
15. Anna Gunnarsdóttir, hjúkrunar-
fræðingur, Selfossi.
16. Jónas Höskuldsson, öryggis-
vörður, Vestmannaeyjum.
17. Steinarr Guðmundsson,
verkamaður, Höfn í Hornafirði.
18. Svanborg Jónsdóttir, dósent,
Skeiða- og Gnúpverjahreppi.
19. Björn Haraldsson, verslunar-
maður, Grindavík.
20. Guðfinnur Jakobsson, bóndi,
Skeiða- og Gnúpverjahreppi.
Helga með dætrum sínum, Kareni Rut og Rósu Sólveigu.