Fréttir - Eyjafréttir - 21.09.2016, Blaðsíða 14
14 Eyjafréttir / Miðvikudagur 21. september 2016
Eyjamaðurinn Arnór Eyvar
Ólafsson segir verkfræðina alltaf
hafa heillað en þangað lá leið
hans eftir FÍV. Fljótlega eftir nám
í HÍ fékk hann vinnu hjá
fyrirtækinu Betware sem nú
heitir Novomatic Lottery
Solutions. Eftir þrjú ár í starfi er
Arnór nú fluttur til Barcelona þar
sem hann starfar á vegum
fyrirtækisins.
Hvaða nám ertu búinn með og við
hvaða skóla?
Eftir stúdentsprófið við Framhalds-
skólann í Vestmannaeyjum fór ég í
Háskóla Íslands. Þar byrjaði ég á
því að taka B.Sc. í rafmagns- og
tölvuverkfræði og í kjölfarið bætti
ég svo við mig við sama skóla B.
Sc. í tölvunarfræði.
Af hverju ákvaðstu að fara í þetta
nám? Hefur þú alltaf stefnt að því?
Ég hafði svo sem ekkert alltaf stefnt
af því að fara í rafmagns- og
tölvuverkfræði en þegar ég skoðaði
hugsanlegar námsleiðir þá heillaði
verkfræðin alltaf. Ástæðan fyrir því
er kannski sú að ég hafði alltaf
gaman af tölvum, var þokkalega
góður í stærðfræði og sá verkfræð-
ina sem ágætis leið til þess að bæta
verkvitið í gegnum eðlis- og
stærðfræði.
Hvernig líkaði þér skólinn og námið
almennt?
Almennt séð er ég nokkuð sáttur
við námið og skólann. Fyrsta árið
fannst mér gríðarlega krefjandi og
einkenndist það af löngum törnum í
Háskólabíó. Ég sá fljótlega að mig
langaði frekar í áttina að hug-
búnaðarverkfræði og tölvunarfræði
frekar en í rafmagnið. Námið varð
því náttúrulega skemmtilegra þegar
maður fór að velja sér námskeið
eftir sínum áhugasviðum síðari
misserin. Í dag held ég þó að ég
myndi frekar vilja stunda nám við
Háskólann í Reykjavík en kannski
er grasið alltaf grænna hinum megin
og allt það.
Ertu kominn með vinnu sem hæfir
þinni menntun?
Ég fékk vinnu fljótlega eftir námið
hjá fyrirtækinu Betware. Í dag
heitir það Novomatic Lottery
Solutions, ég starfa þar enn og er
gríðarlega sáttur eftir tæp þrjú ár.
Áttu þér draumastarf?
Í þessum geira yrði á einhverjum
tímapunkti gaman að stofna eða
taka þátt í spennandi „startup-i“.
Ég á samt kannski ekkert drauma-
starf en langar auðvitað að ná sem
lengst í starfi og hafa gaman að því
um leið.
Hvernig sérðu framtíðina fyrir þér?
Búa í Eyjum eða einhverstaðar
annars staðar?
Núna í september liggur leið mín til
Barcelona. Þangað er ég að flytja og
vinna fyrir Novamatic LS. Ég
reikna nú með því að flytja aftur til
Íslands á einhverjum tímapunkti en
ég hugsa að ég muni búa og starfa
á höfuðborgarsvæðinu jafnvel í
þessum hugbúnaðargeira.
:: Arnór Eyvar sáttur við að hafa valið verkfræðina ::
Er að flytja til Barcelóna
vegna vinnunnar
:: Reiknar með að enda á Íslandi og búa og starfa á höfuðborgarsvæðinu
Einar KriSTinn HELGaSon
einarkristinn@eyjafrettir.is
Það er ekki í lítið ráðist að bjóða
upp á tónleika með lögum Pink
Floyd sem í hugum margra er
ein merkasta hljómsveit allra
tíma. Það gerðu Messuguttarnir
með miklum bravör á Háaloft-
inu á laugardagskvöldið.
Frumraunin var í poppmessu í
Landakirkju og einnig komu
þeir fram í Keflavíkurkirkju á
Ljósanótt og þótti takast
frábærlega. Með þessa reynslu
mættu þeir á Háloftið þar sem
rúmlega 100 gestir voru til að
hlusta á meistaraverk Pink Floyd
þar sem The Dark Side of the
Moon var meginþema.
Pink Floyd var stofnuð í London
1965 af Syd Barrett söngvara og
gítarleikara, Nick Mason á
trommur, Roger Waters söngvara og
bassaleikara og Richard Wrighton
söngvara og hljómborðleikara.
Gítarleikarinn og söngvarinn David
Gilmour bættist í hópinn í lok árs
1967. Ári seinna hætti Syd Barrett
sem þá var djúpt sokkinn í eitur-
lyfjaneyslu. Á þessum árum var
London ótrúlegur suðupottur
tónlistar af öllu tagi og var Pink
Floyd meðal hljómsveita sem fóru
inn á nýjar brautir. Þar var Barret
foringinn á meðan hans naut við.
Náðu sveitin nokkrum vinsældum
en þeir sem eftir sátu, Mason,
Waters, Wrighton og Gilmour áttu
eftir að láta í sér heyra svo um
munaði. Þar fóru Waters og
Gilmour með ferðina.
Plötur hljómsveitarinnar, The Dark
Side of the Moon sem kom út 1973,
Wish You Were Here 1975 og The
Wall 1979 skapaði þeim nafn meðal
virtustu tónlistarmanna síðustu
aldar og eru The Dark Side of the
Moon og The Wall meðal sölu-
hæstu platna allra tíma.
Messuguttarnir eru Birgir Nielsen
á trommur, Kristinn Jónsson á
bassa, Þórir Ólafsson á Hammond,
Matthías Harðarson á hljóðgerfla og
saxófón, Helgi Tórshamar á gítar,
Sæþór Vídó á gítar og syngur
raddir, Jarl Sigurgeirsson syngur
einnig raddir og Gísli Stefánsson
leikur á gítar og syngur.
Þeir eru ekki hinir fyrstu sem
spreyta sig á lögum Pink Floyd og
hér á landi hafa Dúndurfréttir verið
fremstar í flokki við að flytja lög
Pink Floyd og fleiri meistara frá
sjöunda áratugnum. Tónlist þessa
tíma er löngu orðin sígild og yrði of
langt mál að telja upp alla þá
listamenn sem þá komu fram á
sjónarsviðið. Þetta er ekki tónlist
einnar kynslóðar sem sást á
tónleikunum þar gestir voru á öllum
aldri og flestir mættir til að hlusta.
Og þeir fengu bara þó nokkuð fyrir
sinn snúð því hljómsveitin
Messuguttarnir samanstendur af
öflugum tónlistarmönnum sem
greinilega hafa hlustað á Pink Floyd
oftar en einu sinni.
Þetta voru líka alvöru tónleikar þar
sem drengjunum óx ásmeginn eftir
því sem leið á kvöldið. Það kunnu
gestir að meta. Nú ætla ég ekki að
gera lítið úr listamönnum sem hér
tylla niður fæti og gefa okkur kost á
að upplifa það sem þeir hafa fram
að færa, alls ekki en það þarf ekki
alltaf „rándýra“ skemmtikrafta úr
Reykjavík til að eiga möguleika á
notalegri kvöldstund.
Það tókst Messuguttunum um leið
og þeir skipa sér í hóp þeirra sem
telja sér skylt að færa þessa frábæru
tónlist frá einni kynslóð til þeirra
næstu. Það skiptir líka máli, ekki
síst þegar henni er sýnd jafnmikil
virðing og kom fram hjá drengj-
unum tónvissu.
:: Messuguttarnir fóru á kostum á Háaloftinu á laugardaginn ::
Ekki á allra færi að takast á við
Pink Floyd en þeim tókst það
Ómar GarðarSSon
omar@eyjafrettir.is
Sæþór, Jarl, Gísli, Biggi, Þórir og Helgi.
Mikil og góð stemning var á tónleikunum.