Fréttir - Eyjafréttir - 05.10.2016, Blaðsíða 2

2 Eyjafréttir / Miðvikudagur 5. október 2016
Útgefandi: Eyjasýn ehf. 480278-0549.
Ritstjóri: Ómar Garðarsson - omar@eyjafrettir.is.
Blaðamenn:
Einar Kristinn Helgason - einarkristinn@eyjafrettir.is
Sara Sjöfn Grettisdóttir - sarasjofn@eyjafrettir.is
Guðmundur Tómas Sigfússon - gudmundur@eyjafrettir.is
Ábyrgðarmaður: Ómar Garðarsson.
Prentvinna: Landsprent ehf.
Ljósmyndir: Óskar Pétur Friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
ÆTLAR ÞÚ, AÐ STANDA VÖRÐ UM
ÍSLENSKA ÞJÓÐARHAGSMUNI,
Í KOMANDI ALÞINGISKOSNINGUM
Íslenska
Þjóðfylkingin
ÞAÐ GERUM VIÐ X-E
ÍSLENSKA ÞJÓÐFYLKINGIN.
SÍMI 789-6223
GUÐMUNDUR KARL ÞORLEIFSSON.
Mikil uppsveifla hefur átt sér
stað í íslenskum sjávarútvegi
sem sást vel á Íslensku sjávarút-
vegssýningunni sem haldin var í
Laugardalshöllinni í síðustu
viku.
Verslunin Eyjavík, sem selur
margvíslegan búnað fyrir sjómenn,
var meðal fyrirtækja á sýningunni.
Gréta Hólmfríður Grétarsdóttir var
mjög ánægð með sýninguna og
sagði hana vel heppnaða. „Þarna
fengu minni fyrirtæki að kynna sig
og komust færri að en vildu,“ sagði
Gréta.
Íslendingar stóðu fyrir sýningunni
í fyrsta skipti sem henni fannst vera
stór plús. „Á svona sýningu hitti ég
rétta fólkið sem eru sjómenn og
þetta skilar sér vel eftir á, vonandi
er þetta komið til að vera því það
var rosalega vel að þessu staðið,“
sagði Gréta.
Nemendur úr haftengdri nýsköpun
voru meðal sýningargesta í ár. Þau
voru öll sammála um að þetta hafi
verið skemmtilegt, viðburðaríkt og
fræðandi. Það sem kom þeim
skemmtilega á óvart var hversu
mikið fyrirtæki nýta sér reynslu
sjómanna við nýsköpun, sem dæmi
þá er Birgir Þór Sverrisson
skipstjóri að vinna við að þróa hlera
með fyrirtæki sem var að kynna á
sýningunni.
Vinnslustöðin styrkti nemendurna í
þessari ferð og Eimskip bauð þeim í
Herjólf. Nemendurnir fóru alla
dagana í vísindaferðir, en þau
heimsóttu Marel, Hampiðjuna, SFS
og einnig sóttu þau málþing hjá
Arion banka.
Sara SjöFn GrETTiSdÓTTir
sarasjofn@eyjafrettir.is
Bjart framundan í íslenskum sjávarútvegi
Íslandsbanki hélt boð í Eld-
heimum síðastliðinn miðviku-
dag fyrir viðskiptavini sem
kallaðist konur í atvinnulífinu.
Þórdís Úlfarsdóttir, útibússtjóri í
Vestmannaeyjum stjórnaði
dagskránni. Hún benti á að
mikið hefði verið rætt og ritað
um tengslanet og gildi þess.
Þessi stund væri meðal annars
hugsuð til þess að efla tengslin
með spjalli í bland við fræðslu
og skemmtun. Hvort framhald
yrði á og konur í atvinnulífinu í
Eyjum myndur hittast til dæmis
einu sinni til tvisvar á ári yrði
tíminn og áhugi að leiða í ljós.
Sérstakir gestir voru Birna Einars-
dóttir, bankastjóri og Una Steins-
dóttir, framkvæmdastjóri Viðskipta-
bankasviðs Íslandsbanka.
Þórdís nefndi að Það hefði þótti
fréttnæmt í upphafi árs 2015 að átta
konur hefðu verið ráðnar í áhrifa-
stöður í samfélaginu í Eyjum á
rúmu ári. Voru þessar konur að
bætast við þær sem fyrir voru í
ábyrgðarstöðum hjá einkafyrir-
tækjum og hinu opinbera í bænum.
Hún sagði einnig frá því að hún
hefði nýverið verið spurð hvernig
væri að vera aðkomukona í Eyjum.
Þá rifjaðist upp setning sem ein
mæt Eyjakona sagði við hana
fljótlega eftir að hún byrjaði í
bankanum. Þú ert ekki aðkomukona
þú ert tengdadóttir Eyjanna. Þótti
henni afskaplega vænt um þessi orð
og ákveðin viðurkenning í þeim
fólgin.
Birna tók því næst til máls og
nefndi að það klikkaði ekki að
þegar hún kæmi til Vestmannaeyja
þá væri blíða, en líka að það væri
sennilega bara flogið í blíðu. Birna
talaði um að útlitið væri bjart og
mikilvægt væri að horfa fram á
veginn en samt sem áður muna
hvaðan við komum.
Birna hefur Undanfarin ár verið
óeigingjörn við að miðla reynslu
sinni til bæði karla og kvenna sem
vilja láta til sín taka í viðskiptum
eða annars staðar í samfélaginu.
Sérstaka áherslu hefur hún lagt á
starfsþróun kvenna innan Íslands-
banka.
Nefndi Birna að tilgangur boðsins
væri að ýta undir tengslamyndum
kvenna sem skiptir svo mikli máli.
Jafnrétti kynjanna er mjög
mikilvægur þáttur í starfsemi
Íslandsbanka sem og það verkefni
að útrýma kynbundnum launamun.
Næst var komið að þætti Unu.
Una stýrir fjölmennasta sviði
íslandsbanka, viðskiptabankasvið-
inu og hefur stýrt því frá árinu
2008. Á sviðinu starfa um 400
starfsmenn sem vinna í útibúum og
þjónustu við einstaklinga og lítil og
meðalstór fyrirtæki.
Una talaði um ljónin í veginum
sem oft væru maður sjálfur. Fyrir
ári síðan hélt hún ræðu á ráðstefnu
á vegum ungra athafnakvenna undir
yfirskriftinni Ljónin í veginum.
Una sagði líka frá ræðu sem gamall
kennari hennar, Sigríður Dúna
Kristmundsdóttir hélt eitt sinn, þar
talaði hún um að fjórða gosið væri
að fara af stað í jafnréttisbaráttu
kvenna og tengdi Una ráðstefnu
ungra athafnakvenna við það, en
700 konur mættu á þá ráðstefnu.
Una hvatti eldri konur til að sjá
tækifæri í þeim yngri og minnti þær
á að þær eru fyrirmyndir fyrir þær.
Eins hvatti hún þær yngri til að sjá
fyrirmyndirnar sem framar þeim
væru. Una sagði að með jákvæðni,
ástríðu, einlægni og húmor kæmist
maður langt og endaði ræðu sína
með að vitna í Steve Jobs heitinn:
„Be hungry, stay foolish.“
Boðið var upp á léttar veitingar frá
Einsa Kalda og undileik frá Þóri
Ólafssyni. Endaði dagskráin á
leynigestum eins og Þórdís kallaði
þá. Karlakór Vestmannaeyja kom
og tók nokkur lög við mjög góðar
undirtektir viðstaddra.
:: Íslandsbanki hélt boð fyrir konur í atvinnulífinu ::
Fjórða gosið að fara af stað í
jafnréttisbaráttu kvenna
:: Verða að forðast ljónin á veginum sem eru oft konurnar sjálfar ::
Sara SjöFn GrETTiSdÓTTir
sarasjofn@eyjafrettir.is
Ásta María, Erla, Unnur og Sigga létu sig ekki vanta.
Sigga, Erna, Anna, Una og Þórdís á góðu spjalli.