Fréttir - Eyjafréttir - 02.11.2016, Blaðsíða 1

Eyjafréttir
RENNIVERKSTÆÐIÐ
HÁIN
STóRSIguR SjÁlf-
STÆÐISfloKKSINS >> 2
AllT uM SAfNA-
HElgINA >> 8 >> 13
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Vestmannaeyjum 2. nóvember 2016 :: 43. árg. :: 44. tbl. :: Verð kr. 490 :: Sími 481-1300 :: www.eyjafrettir.is
Gera má ráð fyrir að Sjálfstæðis-
menn, Píratar og Vinstri grænir telji
sig sigurvegara í kosningunum á
laugardaginn. Sjálfstæðismenn héldu
sínum fjórum og bætti við sig fylgi
og Píratar og VG sem ekki komu inn
manni í kosningunum 2013 eiga nú
mann á þingi. Framsóknarmenn
misstu tvo af fjórum, Samfylkingin
hékk inni á uppbótarþingsæti og
Viðreisn sem geystist fram á sviðið í
sumar skilaði inn einum manni. Það
athyglisverða er að nú eru þrír
Eyjamenn á þingi, tveir frá Sjálf-
stæðisflokki og einn frá Pírötum.
Þingmenn Suðurkjördæmis eru, Páll
Magnússon, Ásmundur Friðriksson,
Vilhjálmur Árnason og Unnur Brá
Konráðsdóttir fyrir Sjálfstæðisflokk,
Sigurður Ingi Jóhannsson og Silja
Dögg Gunnarsdóttir fyrir Framsókn,
Ari Trausti Guðmundsson fyrir VG,
Smári MacCarthy fyrir Pírata, Jóna
Sólveig Elínardóttir fyrir Viðreisn og
Oddný Harðardóttir Samfylkingu
sem komst inn sem uppbótarmaður.
Alls voru framboðslistarnir ellefu í
Suðurkjördæmi og fimm af þeim
höfðu ekki erindi sem erfiði í
kosningunum á laugardaginn.
Í Vestmannaeyjum voru 3166
manns á kjörskrá og atkvæði greiddu
2584 eða 81,7% sem er yfir lands-
meðaltal. Er það heldur meira en í
Alþingiskosningunum 2013 þegar
kjörsókn var 81%, árið 2009 var hún
83,3% og 82,8% árið 2007.
Þegar þetta er skrifað hefur
forsetinn enn ekki gefið út hver fær
umboðið til myndunar ríkisstjórnar
en staðan er flókin með sjö flokka á
þingi. Sjálfstæðismenn eru fjölmenn-
astir með þriðjung þingmanna, 21
þingmann, VG eru með tíu, Píratar
með jafnmarga, Framsókn átta,
Viðreisn sjö, Björt framtíð fjóra og
Samfylking þrjá. Eðlilegast virðist
vera að Bjarni Benediktsson,
formaður Sjálfstæðisflokksins sem
styrkti stöðu sína og er stærstur í
öllum kjördæmunum sex fái
umboðið. En fleiri gera tilkall,
Benedikt Jóhannesson, formaður
Viðreisnar segir sjálfsagt að honum
verði falið umboðið til stjórnarmynd-
unar og Katrín Jakobsdóttir,
formaður VG hlýtur einnig að koma
til greina.
Ekki náðist í Pál Magnússon eða
Smára McCarthy en Ásmundur
Friðriksson er ánægður með
niðurstöðuna og segir erfitt að ganga
framhjá Sjálfstæðisflokknum.
„Framundan eru stjórnarmyndunar-
viðræður og með niðurstöður
kosninganna að leiðarljósi er foseta
Íslands ekki fær leið að ganga
framhjá Bjarna Benediktssyni
formanni Sjálfstæðisflokksins,
sigurvegara kosninganna. Það verður
heldur ekki gengið framhjá fram-
bjóðendum í Suðurkjördæmi þegar
kemur að útdeilingu embætta,
styrkleiki flokksins í kjördæminu
krefst þess,“ segir Ásmundur. Nánar
á bls. 2.
:: Kosningarnar á laugardaginn :: Miklar breytingar í Suðurkjördæmi ::
Páll Magnússon, Smári McCarthy, Ari
Trausti og Jóna Sólveig nýir þingmenn
:: Oddný komst inn sem uppbótarþingmaður :: Þrír Eyjamenn á þingi ::
Ómar GarðarSSon
omar@eyjafrettir.is
Fagnað á kostninganótt. Páll ásamt Ragnheiði Perlu Hjaltadóttur og Jarli Sigurgeirssyni sem voru á lista Sjálfstæðismanna í Suðurkjördæmi.