Fréttir - Eyjafréttir - 02.11.2016, Blaðsíða 2

2 Eyjafréttir / Miðvikudagur 2. nóvember 2016
Útgefandi: Eyjasýn ehf. 480278-0549.
Ritstjóri: Ómar Garðarsson - omar@eyjafrettir.is.
Blaðamenn:
Einar Kristinn Helgason - einarkristinn@eyjafrettir.is
Sara Sjöfn Grettisdóttir - sarasjofn@eyjafrettir.is
Guðmundur Tómas Sigfússon - gudmundur@eyjafrettir.is
Ábyrgðarmaður: Ómar Garðarsson.
Prentvinna: Landsprent ehf.
ljósmyndir: Óskar Pétur Friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
„Um helgina vann Sjálfstæðis-
flokkurinn stóran sigur í kosn-
ingunum ef tekið er mið af þeim
skoðanakönnunum sem ekki
spáðu flokknum svo vel. Það
athyglisverðasta við sigurinn er
að flokkurinn sigrar í öllum
kjördæmum landsins og á því 1.
þingmann í hverju kjördæmi.
Það er afdráttarlaus niðurstaða
og við tökum mark á því þegar
þjóðin hefur talað,“ sagði
Ásmundur Friðriksson þegar
hann var spurður út í úrslit
kosninganna á laugardaginn.
Hann sagði sigur flokksins í
Suðurkjördæmi vera einstaklega
glæsilegan og komi í framhaldi af
fjölmennasta prófkjöri Sjálfstæðis-
flokksins á landinu þar sem 4015
konur og karlar völdu listanum
forystusveit. „Það er líka
athyglisvert við prófkjörið að við
Páll Magnússon fengum flest
atkvæði ef tekin eru öll prófkjörin
og raðað eftir fjölda atkvæða í sæti.
Það er líka mikið styrkleikamerki
og afdráttarlaus niðurstaða
Sjálfstæðismanna í Suðurkjördæmi
og þátttakan og úrslitin ákveðinn
vilji fólksins eins og í kosningunum
um helgina. Við virðum lýðræðis-
legar niðurstöður kosninga.“
Ásmundur sagði að í kosningunum
um síðustu helgi hafi Sjálfstæðis-
flokkurinn í Suðurkjördæmi sýnt
allar sínar bestu hliðar eins og hann
þekki þær eftir að hafa tekið þátt í
kosningabaráttu flokksins frá árinu
1978. „Ef ég man svo langt aftur?
Gamlir kosningasmalar komu og
buðu aðstoð og það munar um
hvern mann og konu þegar úrslitin
ráðast af síðasta atkvæðinu sem sett
er í kjörkassann. Það þekkjum við
sem aldrei gefumst upp.
Ég fann stemninguna fram á
síðustu mínútu og ég naut þess að
félagar mínir í Eyjum, í Hveragerði,
Selfossi og víðar hringdu fram á
síðustu stundu til að biðja mig að
hringja í fólk sem enn átti eftir að
fara á kjörstað. Krafturinn og
samheldnin skilaði sér í glæsilegri
niðurstöðu.“
Ásmundur sagði samstöðu
frambjóðenda líka eitt atriðið sem
vert sé að minnast á. „Við öll í
fyrstu átta sætunum vorum óskipt í
heimsóknum og vinnu um allt
kjördæmið síðustu tvær vikurnar og
síðustu vikuna gerðum við ekkert
annað en að sinna skyldum okkar,
hitta fólk, heimsækja fyrirtæki og
leggja okkur fram um að vera
heildstæður og samtaka listi. Það
tókst og það verður að þakka þeim
sérstaklega sem skipuðu sæti fimm
til átta hvað þau lögðu mikið á sig í
vinnu og kostnaði síðustu vikuna
fyrir kjördag. Svona samtaka lið
með allt baklandið á bak við okkur
nær árangri.
Það er mörgum að þakka um allt
kjördæmið en kosningastjórinn
Margrét Rós Ingólfsdóttir fær
sérstakar þakkir fyrir dugnað,
yfirsýn og faglegt skipulag.“
Ásmundur segir að framundan séu
stjórnarmyndunarviðræður og með
niðurstöður kosninganna að
leiðarljósi sé foseta Íslands ekki fær
leið að ganga framhjá Bjarna
Benediktssyni formanni Sjálf-
stæðisflokksins, sigurvegara
kosninganna. „Það verður heldur
ekki gengið framhjá fram-
bjóðendum í Suðurkjördæmi þegar
kemur að útdeilingu embætta,
styrkleiki flokksins í kjördæminu
krefst þess,“ sagði Ásmundur
Friðriksson og bað fyrir þakklæti til
allra sem lögðu flokknum lið í
kosningunum.
:: Ásmundur Friðriksson, annar á lista Sjálfstæðisflokks ánægður með útkomu flokksins ::
Stórsigur Sjálfstæðisflokksins
og sjálfsagt að hann fái um-
boð til stjórnarmyndunar
:: Krafturinn og samheldnin skilaði sér í glæsilegri niðurstöðu ::
Myndir frá kosningadegi
Páll Magnússon með fjölskyldunni, sonurinn Páll, Páll,
Hildur og Edda Sif.
Tveir gamalreyndir á vinstrikantinum. Ragnar og Einar.
Esther, Sigurhanna og Ingunn.
Alfreð og Guðrún á kjörstað.
Guðrún og Jóna á kosningavöku Sjálfstæðismanna.
Sindri og Sæfinna mætt á kjörstað.
Kátt á hjalla í kostningakaffi Vinstri grænna.
Ágúst Sölvi, Hreggviður, Einar Fidda, Guðrún og Jóhanna.
Þær stóðu vaktina á kjörstað. Helga Sigrún, Esther og
Fjóla Margrét.
Margt var um manninn í kosningakaffi Sjálfstæðismanna
á Einsa Kalda.