Fréttir - Eyjafréttir - 02.11.2016, Blaðsíða 8

8 Eyjafréttir / Miðvikudagur 2. nóvember 2016
:: Sannkallað rithöfundaþing á Safnahelgi ::
Það eiga örugglega margir eftir
að leggja leið sína í Safnahúsið
eftir hádegið á laugardaginn þar
sem rithöfundarnir Stefán Máni,
Orri Harðarson og Bjartmar
Guðlaugsson kynna og lesa úr
bókum sem þeir eru að gefa út
um þessar mundir. Á sunnudag-
inn fjallar Illugi Jökulsson síðan
um vísindamanninn Charcot og
Pourquoi-pas slysið við Álftanes
á Mýrum árið 1936 sem er
viðfangsefni nýjustu bókar hans.
Það er bókaforlagið Sögur útgáfa
sem kemur með höfunda sína til
Vestmanneyja á Safnahelgina.
Sögur fagna 11 ára afmæli sínu á
þessu ári. Fyrir framkvæmdastjóra
forlagsins, Tómas Hermannsson, er
einkar mikils virði að komast út í
Eyjar með bækur sínar og höfunda
því hann er, eins og margir vita,
sonarsonur Árna úr Eyjum sem allir
Eyjamenn þekkja. „Ef ég finn að
Eyjamenn hafa áhuga á því sem við
erum að gera og eru sáttir við
bækurnar sem við gefum út, þá
nægir það mér,“ segir Tómas. „En
þetta eru reyndar svo flottar bækur
sem við erum með að ég veit að þær
munu falla í kramið, það er bara
engin spurning.“
Bjartmar
Eyjamaðurinn Bjartmar Guðlaugs-
son er einn vinsælasti tónlistar-
maður Íslands. Hann kom fram á
sjónarsviðið á sínum tíma sem
höfundur léttra og skemmtilegra
trúbadúr-laga eins og Súrmjólk í
hádeginu eða Sumarliði er fullur
(Fúll á móti) og einstakur húmor
hefur reyndar alltaf einkennt lögin
hans, góðlátlegur en skarpur um
leið.
Síðustu áratugina hefur Bjartmar
sungið sig lengra inn að hjartarótum
þjóðarinnar og er þá skemmst að
minnast þegar Þannig týnist tíminn
var valið besta dægurlag Íslands
árið 2014. Þetta lag sýnir Bjartmar
sem fullþroska listamann sem talar
beint við þjóðarsálina og hið
mannlega í okkur öllum.
Eins og margir vita er Bjartmar
líka frábær myndlistarmaður og í
bókinni hans, Þannig týnist tíminn
segir meðal annars frá listnámi hans
í æsku, auk uppeldis hans á
Fáskrúðsfirði og síðar í Vestmanna-
eyjum. Bókin er full af hlýju og
húmor og ógleymanlegum karakt-
erum.
Illugi
Illugi Jökulsson varð ýmsum
kunnur fyrir að rífast um pólitík í
útvarpspistlum og seinna blaða-
greinum og bloggpistlum, en hann
fullyrðir að skemmtilegast af öllu sé
þó að skrifa og flytja allskonar
sögulegt efni fyrir almenning. Hann
hefur í bráðum 30 ár, með hléum
haldið úti útvarpsþáttunum Frjálsar
hendur í Ríkisútvarpinu, sem fjalla
fyrst og fremst um söguleg efni, og
hann hefur skrifað óteljandi blaða-
og netgreinar um bæði íslenska og
erlenda sögu.
Einnig hefur hann gefið út fjölda
bóka um þess konar efni. Undan-
farin ár hefur hann gefið út árlega
bækur í flokknum Háski í hafi þar
sem fjallað er um sjóslys og
sjóhernað við Ísland á 20. öld.
Óhætt er að segja að bækurnar hafi
mælst vel fyrir, enda er fáum betur
gefið að matreiða söguleg efni á
læsilegan og lipurlegan hátt fyrir
almenning.
Orri
Orri Harðarson hóf feril sinn sem
tónlistarmaður og árið 1993 fékk
hann Íslensku tónlistarverðlaunin
sem nýliði ársins fyrir plötu sína
Drög að heimkomu. Frábærir
hæfileikar hans sem óvenju
djúpskreiðs dægurtónlistarmanns
birtust einna skýrast með plötunni
Stóri draumurinn 1995 en hún varð
í öðru sæti á lista DV yfir plötur
ársins, en það voru helstu tónlistar-
gagnrýnendur landsins sem völdu
listann.
Verkefni Orra við tónlist eru ófá,
ýmist í eigin nafni eða við að
aðstoða aðra sem upptökustjóri,
útsetjari eða hljóðfæraleikari. En
tónlistin ein nægði Orra ekki til
lengdar. Hann lét fyrst að sér kveða
sem rithöfundur þegar hann skrifaði
Alkasamfélagið, sem fjallar um
viðbrögð við alkóhólisma, og 2014
kom hann með fyrstu skáldsögu
sína. Það var Stundarfró og er óhætt
að segja að sjaldgæft er að fyrsta
skáldsaga höfundar fái jafn mikið
lof.
Hún var tilnefnd til Menningar-
verðlauna DV sem skáldverk ársins,
ritdómarar jusu hans lofi og
lesendur lásu hana upp til agna. Nú
tveimur árum síðar koma Endur-
fundir sem staðfesta að Orri
Harðarson er kominn til að vera
sem rithöfundur. Bókin er leiftrandi
skemmtileg og vel skrifuð en einnig
hrífandi lýsing á manni sem reynir
að fóta sig í lífinu.
Sefán Máni
Stefán Máni birtist eins og
þrumufleygur á íslenskum bók-
menntahimni árið 2004 þegar hann
gaf út bókina Svartur á leik. Það var
raunar fimmta skáldsaga hans en
hinar fjórar höfðu þegar vakið
heilmikla athygli og aðdáun meðal
bókaunnenda. En með Svartur á
leik kvaddi hann sér ærlega hljóðs
sem óvæginn og harðsoðinn
spennubókahöfundur, en þó með
sterkum sálfræðilegum og sam-
félagslegum grunni. Í bókinni voru
saklausir lesendur kynntir fyrir
hörðum veruleika íslenskra
undirheima sem þeir vissu fæstir af
áður. Stefán Máni hefur síðan
haldið sig á svipuðum slóðum og
vaxið með hverri bók. Hver gat lagt
frá sér Skipið, Feigð, Húsið eða
Nautið, svo einhverjar bóka hans
séu nefndar? Frægð hans hefur líka
borist til útlanda, hann hefur verið
gefinn út í átta löndum og fengið
spennubókaverðlaun í Frakklandi.
Svarti galdur er nýjasta bók Stefáns
Mána, hún er nánast hættulega
spennandi.
Stefán Máni, Orri Harðar,
Bjartmar og Illugi Jökulsson
:: Hugleikur með myndlistarsýn-
ingu á Safnahelgi ::
Kynnir nýútkomna bók
sína ,,Where´s God”
Föstudaginn næstkomandi, 4.
nóvember, mun Hugleikur Dagsson
opna sýningu í Einarsstofu,
Safnahúsi Vestmannaeyja klukkan
18:00.
Sýningin er haldin í tilefni af
útgáfu bókarinnar ,,Where´s God”
sem er nýjasta teikniverk Hugleiks
Dagssonar. Hér sameinar hann
áhuga sinn á Valla úr ,, Hvar er
Valli?“ bókunum og vangaveltur
sínar um tilveru Guðs. Hér getur
lesandinn sjálfur spreytt sig á
þessari leit sem svo margir
spekingar og fræðingar hafa lagt í.
Hvar er Guð eiginlega? Seg þú mér!
Orri Harðarson Bjartmar Guðlaugsson Illugi Jökulsson
Stjórn Alzheimer stuðningsfélags í
Vestmannaeyjaeyjum óskar í bréfi
til fjölskyldu- og tómstundaráðs
eftir upplýsingum varðandi
nýbyggingu við Hraunbúðir. Um
fyrirkomulag teikninga og hvaða
hugmyndafræði er áætluð til að
bæta lífsgæði og tryggja velferð
einstaklinga sem nýta munu
væntanlega byggingu. Einnig er
óskað eftir upplýsingum um hvort
leitað hafi verið eftir ráðgjöf frá
fagaðilum með sérþekkingu á
hjúkrun fólks með Alzheimer og
skyldra sjúkdóma.
Bréfið var tekið fyrir á síðasta
fundi og svari ráðsins segir að
varðandi hönnun og teikningu
viðbyggingar við Hraunbúðir sé
stuðst við byggingareglugerðir og
viðmiðanir frá landlækni um stærð
og gerð rýma á hjúkrunarheimilum.
Stækkunin er til að mæta skorti á
herbergjum fyrir þær heimildir sem
Hraunbúðir hefur til inntöku.
Hraunbúðir hefur í dag heimild fyrir
37 rýmum, 29 hjúkrunarrými og 8
dvalarrými). Herbergjafjöldinn á
Hraunbúðum er í dag 33 og fara í
37 auk viðbótar setustofu þegar
núverandi stækkun líkur.
Þar verður hægt að að sinna fólki
með Alzheimer og skyldra sjúk-
dóma sem þurfa meiri umönnun og
öryggi. Vestmannaeyjabær mun
leita eftir ráðgjöf til m.a. Alzhei-
mersamtakanna við hönnun rýma
og fyrirkomulag á þjónustunni.
Deildarstjóri málefna aldraðra hefur
þegar haft samband við formann
Alzheimersamtaka sem mun koma
til Vestmannaeyja í nóvember til að
gefa góð ráð.
Skipaður verður vinnuhópur hjá
Vestmannaeyjabæ sem mun setja
upp gæðastaðla varðandi umönnun
og framkvæmd þjónustu Hraunbúða
fyrir alla heimilismenn, þar með
talið fólk með Alzheimer og skylda
sjúkdóma.
Óska eftir upplýsingum
varðandi nýbyggingu
við Hraunbúðir