Fréttir - Eyjafréttir - 02.11.2016, Qupperneq 14
14 Eyjafréttir / Miðvikudagur 2. nóvember 2016
Hér að neðan er samantekt yfir þá
Vestmannaeyinga sem hafa verið í
framboði í Suðurkjördæmi síðustu
fimm Alþingiskosningar. Flestir
hafa verið fyrir hönd Vestmanna-
eyja en nokkrir hafa verið fyrir
önnur sveitafélög en fá að fylgja
með.
Þegar kosið var 10. maí 2003 voru
eftirfarandi í framboði:
Fyrir Framsóknarflokkinn var Eygló
Harðardóttir í fjórða sæti og Lára
Skæringsdóttir í fimmtánda sæti.
Fyrir Frjálslyndaflokkinn var Hanna
Birna Jóhannsdóttir í fjórða sæti og
Sigurður Frans Þráinsson í níunda
sæti.
Fyrir Samfylkinguna var Lúðvík
Bergvinsson í öðru sæti og Kristín
Valtýsdóttir í fimmtánda sæti.
Fyrir Sjálfstæðisflokkinn var
Guðjón Hjörleifsson í þriðja sæti og
Ingibjörg Jónsdóttir í ellefta sæti.
Fyrir Vinstri græna var Jóhanna
Njálsdóttir í sjöunda sæti og Jón S.
Traustason í sautjánda sæti.
Kjörnir Alþingismenn voru Lúðvík
Bergvinsson og Guðjón Hjörleifs-
son.
Þegar kosið var 12. maí 2007 voru
eftirfarandi í framboði:
Fyrir Samfylkinguna var Lúðvík
Bergvinsson í öðru sæti og Guðrún
Erlingsdóttir í fimmta sæti.
Fyrir Framsóknarflokkinn var Eygló
Harðardóttir í fjórða sæti og Lára
Skæringsdóttir í fimmtánda sæti.
Fyrir Sjálfstæðisflokkinn var Árni
Johnsen í öðru sæti, Guðjón
Hjörleifsson í sjöunda sæti og
Grímur Gíslason í áttunda sæti.
Fyrir Vinstri græna var Jórunn
Einarsdóttir í sjötta sæti og Aldís
Gunnarsdóttir í fjórtánda sæti.
Fyrir Frjálslyndaflokkinn var Hanna
Birna Jóhannsdóttir í þriðja sæti,
Anna Grétarsdóttir í sjöunda sæti,
Matthildur Eiríksdóttir í fimmtánda
sæti og Anna Kristín Sigurðardóttir
í nítjánda sæti.
Kjörnir Alþingismenn voru Lúðvík
Bergvinsson og Árni Johnsen.
Þegar kosið var 25. apríl 2009
voru eftirfarandi í framboði:
Fyrir Framsóknarflokkinn var Eygló
Harðardóttir í öðru sæti og Jónatan
Guðni Jónsson í sautjánda sæti.
Fyrir Sjálfstæðisflokkinn var Árni
Johnsen í öðru sæti, Íris Róberts-
dóttir í fjórða sæti og Guðjón
Hjörleifsson í sautjánda sæti.
Ásmundur Friðriksson var í þriðja
sæti listans en þá fyrir Garð.
Fyrir Samfylkinguna var Guðrún
Erlingsdóttir í fimmta sæti. Lúðvík
Bergvinsson var í tuttugasta sæti
listans en þá fyrir Reykjavík.
Fyrir Vinstri græna var Ragnar
Óskarsson í átjánda sæti. Jórunn
Einarsdóttir var í þriðja sæti listans
en þá fyrir Kópavog.
Fyrir Frjálslynda flokkinn var
Georg Eiður Arnarsson í öðru sæti,
Anna Grétarsdóttir í fjórða sæti,
Ólafur Ragnarsson í níunda sæti,
Matthildur I. Eiríksdóttir í fimm-
tánda sæti og Anna Kristín
Sigurðardóttir í átjánda sæti.
Kjörinn Alþingismaður var
Ásmundur Friðriksson.
Þegar kosið var 27. apríl 2013
voru eftirfarandi í framboði:
Fyrir Bjarta framtíð var Jóhanna Ýr
Jónsdóttir í fimmta sæti.
Fyrir Framsóknarflokkinn var
Jónatan Guðni Jónsson í áttunda
sæti.
Fyrir Sjálfstæðisflokkinn var Geir
Jón Þórisson í fimmta sæti, Trausti
Hjaltason í áttunda sæti og Árni
Johnsen í tuttugusta sæti. Ás-
mundur Friðriksson var í þriðja sæti
listans en þá fyrir Garð.
Fyrir Hægri græna var Sigursveinn
Þórðarson í fyrsta sæti, Björn
Virgill Hartmannsson í sjötta sæti
og Sigurður Gísli Þórarinsson í
níunda sæti.
Fyrir Flokk heimilanna var Guðrún
Helga Bjarnadóttir í þriðja sæti og
Örn Viðar Einarsson í sextánda
sæti.
Fyrir Pírata var Smári McCarthy í
fyrsta sæti fyrir Reykjavík.
Fyrir Vinstri græna var Jórunn
Einarsdóttir í fimmta sæti og
Jóhanna Njálsdóttir í þrettánda sæti.
Kjörinn Alþingismaður var
Ásmundur Friðriksson.
Þegar kosið var 29. október 2016
voru eftirfarandi í framboði:
Fyrir Framsóknarflokk var Lára
Skæringsdóttir í áttunda sæti.
Fyrir Sjálfstæðisflokk var Páll
Magnússon í fyrsta sæti, Jarl
Sigurgeirsson í tíunda sæti,
Ragnheiður Perla Hjaltadóttir í
sautjánda sæti, Sandra Ísleifsdóttir í
nítjánda sæti og Geir Jón Þórisson í
tuttugasta sæti. Ásmundur Friðriks-
son var í þriðja sæti listans en þá
fyrir Garð.
Fyrir Flokk fólksins var Ólafur
Ragnarsson í tíunda sæti.
Fyrir Íslensku þjóðfylkinguna var
Arna Dís Kristinsdóttir í þriðja sæti,
Sif Gylfadóttir í sjöunda sæti,
Guðjón Egilsson í níunda sæti og
Sigríður Guðný Sædal í tíunda sæti.
Fyrir Samfylkinguna var Arna Huld
Sigurðardóttir í sjöunda sæti.
Fyrir Dögun var Steinþór Ágústs-
son í níunda sæti.
Fyrir Vinstri græna var Helga
Tryggvadóttir í fimmta sæti og
Jónas Höskuldsson í sextánda sæti.
Kjörnir Alþingismenn voru Páll
Magnússon, Ásmundur Friðriksson
og Smári McCarthy.
:: Björg er þessa dagana að skrifa meistararitgerð í rekstrarverkfræði ::
Saga Huld vinkona sagði að
raunvísindadeildin væri málið
Vestmannaeyingar og þing-
mennska í gegnum árin
Einar KriSTinn HELGaSon
einarkristinn@eyjafrettir.is
Björg Brynjarsdóttir, sem er
þessa dagana að skrifa meist-
araritgerð í rekstrarverkfræði við
HR, segir hálfgerða tilviljun hafa
ráðið því að hún fór þessa leið í
námi sínu en áður hafði hún
prófað grunnnám í viðskipa-
fræði og ekki fundið sig þar.
Björg, sem kláraði grunnnám í
HÍ, segir námið þurrt til að byrja
með en batni eftir því sem líður
á. Að sama skapi segir hún ríkt
félagslíf og skemmtilegan
bekkjaranda hafa auðveldað sér
langar andvökunætur í húsa-
kynnum háskólans.
Hvaða nám ertu búinn með og við
hvaða skóla?
Ég er með BSc í iðnaðarverkfræði
frá Háskóla Íslands og er þessa
stundina að skrifa meistararitgerð-
ina mína í rekstrarverkfræði við
Háskólann í Reykjavík.
Afhverju ákvaðstu að fara í þetta
nám? Hefur þú alltaf stefnt að
því?
Það var í raun bara skyndiákvörðun
og alls ekki eitthvað sem ég hafði
alltaf stefnt að. Ég var búin með
eina önn í viðskiptafræði í HÍ og
fannst það ekki vera fyrir mig. Var
að velta því fyrir mér að skipta yfir í
hagfræði en Sögu Huld vinkonu
fannst það ekki nógu töff og sagði
að raunvísindadeildin væri málið.
Ég endaði á að hlusta á hana og fara
í iðnaðarverkfræði sem ég hafði
aldrei heyrt um áður og vissi í raun
ekkert hvað ég var að fara út í. Í dag
er ég þó sannfærð um að þetta hafi
verið rétt ákvörðun sem Saga Huld
tók (nánast) fyrir mig.
Hvernig líkaði þér skólann/
skólana og námið almennt?
Mér líkar vel við báða skólana og
námið varð áhugaverðara eftir því
sem leið á. BSc námið var mjög
þurrt fyrstu tvö árin, eins og oftast,
vinnuálagið var mikið og VR-II
(verkfræðibyggingin) var mitt
annað heimili á meðan ég var í HÍ.
Ég viðurkenni alveg að ég bölvaði
mér (og Sögu) oft fyrir að hafa
valið þetta nám. Þessi mikla viðvera
myndaði þó skemmtilega bekkjar-
stemningu og félagsskapurinn gerði
andvökunæturnar auðveldari,
nemendafélagð stóð sig frábærlega
og félagslífið var gott.
Ég ákvað að skipta yfir í HR þegar
ég fór í meistaranámið þar sem HR
bauð upp á betra úrval af fram-
haldsáföngum innan míns áhuga-
sviðs. Nemendurnir eru mun færri í
framhaldsnáminu, hvort heldur sem
er í HR eða HÍ, svo maður nær mun
betri tengingu við kennarana sem
skiptir miklu máli. HR hefur einnig
þann kost að vera í góðu samstarfi
við atvinnulífið og mér bauðst að
fara í starfsnám hjá Marel sem var
mjög góð reynsla. Heilt á litið líkar
mér mjög vel við báða skólana og
ég hvet alla, sem hafa áhuga á, að
fara í verkfræði, hún gefur manni
endalausa möguleika að námi
loknu!
Ertu komin með vinnu sem hæfir
þinni menntun?
Ég er með nokkur járn í eldinum
sem tengjast minni menntun en
ekkert sem er ,,klappað og klárt”.
Áttu þér draumstarf?
Já, ég hef áhuga á að vinna sem
ráðgjafi við rekstrar og skipulags-
mál í fyrirtækjum, akademían
heillar mig líka, væri til í að starfa
við rannsóknir samhliða rekstrar-
ráðgjöf. Á endanum langar mig svo
til að stofna eiginn rekstur, þegar ég
dett niður á réttu hugmyndina.
Hvernig sérðu framtíðna fyrir
þér? búa í Eyjum eða einhver-
staðar annars staðar?
Mér finnst ólíklegt að ég muni flytja
til Eyja, mér líkar vel við mig í
Reykjavík og sé fyrir mér meiri
möguleika þar en í Eyjum með
mína menntun.
Einar KriSTinn HELGaSon
einarkristinn@eyjafrettir.is
Björg Brynjarsdóttir
Ásmundur, Lára, Smári, Geir Jón og Páll skipuðu öll sæti á framboðslistum í kostningunum á laugardaginn.