Fréttir - Eyjafréttir - 23.11.2016, Síða 2

2 Eyjafréttir / Miðvikudagur 23. nóvember 2016
Útgefandi: Eyjasýn ehf. 480278-0549.
ritstjóri: Ómar garðarsson - omar@eyjafrettir.is.
Blaðamenn:
Einar Kristinn Helgason - einarkristinn@eyjafrettir.is
Sara Sjöfn grettisdóttir - sarasjofn@eyjafrettir.is
guðmundur tómas Sigfússon - gudmundur@eyjafrettir.is
ábyrgðarmaður: Ómar garðarsson.
prentvinna: landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Á síðasta fundi framkvæmda- og
hafnarráðs var farið yfir drög að
endurbótum á skipulagi sorpmála.
Miðast endurbætur við að á næsta
ári þurfi að fara í framkvæmdir fyrir
um 150 milljónir en það eru fyrstu
tveir áfangar í framtíðarskipan
sorpmála í Vestmannaeyjum.
Framkvæmda- og hafnarráð
samþykkti að hefjast handa og
óskaði eftir því að bæjarstjórn
Vestmannaeyja tryggi við aðra
umræðu um fjárhagsáætlun,
fjármagn fyrir fyrstu tvo áfanga að
upphæð kr 150 milljónir.
„Fyrsti áfangi miðar að því að
kaupa hakkara sem hakkar allt sorp.
Með því móti sparast pláss sem
nýtir betur flutningstæki og gefur
möguleika á hökkun allra efna, t.d. í
jarðgerð. Í öðrum áfanga er gert
ráð fyrir lagfæringum á húsnæði og
útisvæði. Húnæðið er orðið illa
farið og klæðning ónýt. Lagfæra
þarf gámasvæðið allt saman og
endurskipuleggja sem og geymslu-
svæðið austan við Sorpu,“ sagði
Ólafur Snorrason, framkvæmda-
stjóri hjá bænum.
Ómar garðarSSon
omar@eyjafrettir.is
:: Framtíðarskipan sorpmála í
Vestmannaeyjum ::
Kaupa á
hakkara
sem hakkar
allt sorp
:: Sparar pláss og nýtir betur
flutningstæki :: Endurbætur á
húsi Sorpu ::
Fyrir bæjarráði í síðustu viku lágu
fyrir upplýsingar um starfshóp sem
falið hefur verið að endurskoða
rekstrarfyrirkomulag flugvalla.
Tilgangurinn er að fara yfir kosti og
galla mismunandi rekstrarfyrir-
komulags flugvalla innanlands og
gera tillögu að fyrirkomulagi sem
eflir flugið sem samgöngumáta og
stuðlar að hagkvæmum og
skilvirkum flugsamgöngum.
Bæjarráð bendir starfshópnum á
að flugvöllurinn í Vestmannaeyjum
gegnir ólíku hlutverki í einangraðri
Eyjabyggð en í samfélögum sem
hafa vegsamband allt árið. Til að
mynda gegnir flugvöllurinn í
Vestmannaeyjum lykilhlutverki í
almannavörnum sem og hvað
öryggi í heilbrigðismálum varðar
með tilliti til sjúkraflugs. Með það í
huga samþykkir bæjarráð að skipa
þriggja manna starfshóp til að gæta
hagsmuna Vestmannaeyja í þessari
vinnu. Hópinn skipa Trausti
Hjaltason, Birna Þórsdóttir og
Auður Ósk Vilhjálmsdóttir.
:: Bæjarráð :: Endurskoða á
rekstrarfyrirkomulag flug-
valla ::
Flugvöllur-
inn hér
skiptir meira
en annars
staðar
:: Gegnir lykilhlutverki í
almannavörnum og heil-
brigðismálum ::
Um 70 manns mættu í Eldheima í
hádeginu í gær þar sem kynnt var
ný skýrsla Íslandsbanka um
íslenskan sjávarútveg. Runólfur
Geir Benediktsson, forstöðumaður
fyrirtækjasviðs bankans fór yfir
helstu atriði sem koma fram í
skýrslunni sem ekki hefur verið
kynnt áður. Að erindi hans loknu
sátu hann, Sigurgeir Brynjar
Kristgeirsson, framkvæmdastjóri
Vinnslustöðvarinnar og Stefán
Friðriksson, framkvæmdastjóri
Ísfélagsins fyrir svörum. Fundar-
stjóri var Þórdís Úlfarsdóttir, útibús-
stjóri Íslandsbanka í Vestmanna-
eyjum.
Þórdís sagði að leiðir Íslandsbanka
og Vestmannaeyja hefðu lengi legið
saman og því væri ekkert eðlilegra
en að skýrsla bankans um íslenskan
sjávarútveg væri kynnt hér. Tók hún
sem dæmi að í heild væru sjávarút-
vegsfyrirtæki um 20 prósent af
viðskiptavinum bankans en
hlutfallið væri 40 prósent í Eyjum.
Runólfur Geir tók í sama streng og
sagði að lítill áhugi væri á sjávarút-
vegi í Reykjavík og sem dæmi
nefndi hann að fleiri hefðu mætt í
Eldheima í gær en þegar fyrri
skýrslur voru kynntar í Reykjavík.
Þar væri áhuginn meiri á Airbnb
íbúðum og öðru sem viðkemur
ferðaþjónustu en því sem er að
gerast í útgerð og vinnslu.
Margt athyglisvert kemur fram í
skýrslunni eins og það hvað greinin
er að skila til samfélagsins í
gjöldum. Til dæmis nema veiði-
gjöld síðustu fjögurra ára samtals
40 milljörðum.
Í umræðum á eftir kom fram hjá
Binna og Stefáni að hvorugum lýst
á hugmyndir um frekari gjaldtöku á
sjávarútveg, sama hvort rætt sé um
uppboðs- eða fyrningarleið. Þeir
fóru yfir breytingar á mörkuðum
eftir að Rússar settu stopp á
innflutning frá Íslandi. Um
hugsanlegar afleiðingar þess að
sjómenn felli nýgerðan samning
sögðust þeir hafa heyrt af óánægju
sjómanna en slegið hefði á hana
eftir að samningurinn var kynntur
fyrir sjómönnum. En fari allt á
versta veg óttast þeir langt verkfall.
Sjá nánar á blaðsíðu 8.
Sjávarútvegsskýrsla Íslands-
banka kynnt í Eldheimum í gær
„Ég held að það leiki ekki nokkur
vafi á því að staðan er viðkvæm.
Það er mikill þungi á bak við
kröfur kennara. Vandinn er sá að
rekstur sveitarfélaga hefur verið
að þyngjast mikið á seinustu árum
og mörg þeirra nánast komin að
fótum fram í rekstrarþunga og
ráða illa við að bæta á sig auknum
rekstrarkostnaði. Það breytir því
ekki að sveitarstjórnarfólk og
fulltrúar þeirra í samninganefnd
þekkja mikilvægi starfa kennara
og vilja finna leiðir til að búa þeim
góð starfsskilyrði og laun skipta
þar miklu,“ segir Elliði Vignisson,
bæjarstjóri um stöðuna í kjaradeilu
grunnskólakennara.
Er eitthvað sem Vestmannaeyjabær
einn og sér getur gert í þessu máli?
„Vestmannaeyjabær einn og sér
semur ekki við neina starfsmenn,
það er gert á sameiginlegum vett-
vangi. Við getum hinsvegar fylgst
með og sýnt málinu skilning. Það
gerum við með allar okkar stéttir.
Án starfsmanna er Vestmanna-
eyjabær ekkert annað en tómt hús
og fallegt lógó. Við eigum allt
undir hæfu starfsfólki og það þekkir
launanefndin vel og mun því leita
allra leiða til að leiða þetta mál til
farsælla lykta,“ segir Elliði.
Sérðu fyrir þér farsæla lausn í
þessum málum? „Já, það efast ég
ekki um. Ég starfaði nú sjálfur sem
kennari í meira en áratug og er
reyndar enn skráður sem kennari í
símaskránni. Ég veit því sem er að
um leið og kennarar sem fagstétt
eru þéttur og öflugur hópur þá eru
þeir líka sanngjarnir og bera virð-
ingu fyrir umbjóðendum sínum sem
eru nemendur og foreldrar þeirra.
Ég veit líka að hjá sveitarfélögum
ríkir mikill og einlægur skilningur
á mikilvægi skólastarfs og stöðu
kennara. Með það að vopni hlýtur
maður að vera bjartsýnn á farsæla
lausn,“ segir Elliði.
:: Elliði Vignisson bæjarstjóri um launamál kennara ::
Þekkjum mikilvægi starfa kennara
og viljum finna leiðir til lausnar
:: Með það að vopni hlýtur maður að vera bjartsýnn á farsæla lausn ::