Fréttir - Eyjafréttir - 23.11.2016, Blaðsíða 4
4 Eyjafréttir / Miðvikudagur 23. nóvember 2016
Er áfengi vandamál í þinni fjölskyldu?
Al-Anon
fyrir ættingja og vini alkóhólista
Fundir á þriðjudögum kl. 20.30
Byrjendafundir kl. 20.00
að Heimagötu 24
AA fundir
eru haldnir sem hér segir
að Heimagötu 24:
Mánudagur: kl.20.30
Miðvikudagur: kl.20.30
Fimmtudagur: kl.20.30
Föstudagur: kl.23.30
Laugardagur: kl.20.30 opinn fundur
Sunnudagur: kl.11.00
Athugið, allir fundir reyklausir
Móttaka nýliða hálfri klst.
fyrir hvern auglýstan fundartíma.
Ath.símatíma okkar, sem eru hvern dag,
hefjast 30 mín. fyrir ákveðinn
fundartíma og eru 2 klst. í senn.
Sími 481 1140
Matgæðingar vikunnar
Landakirkja
Fimmtudagur 24. nóvember
Kl. 20.00 Æfing Kórs Landakirkju
undir stjórn Kitty Kóvács.
Föstudagur 25. nóvember
Kl. 10.00 Foreldramorgun.
Athugið nýr tími. Allir foreldrar
velkomnir með ungviðin.
Kl. 14.30 Litlir lærisveinar.
Laugardagur 26. nóvember
Kl. 13.00 Útför Friðriks Ásmunds-
sonar.
Sunnudagur 27. nóvember
Kl. 11.00 Sunnudagaskóli með
söng, sögu og miklu fjöri, undir
dyggri stjórn sr. Viðars. Gísli sér
um músíkina.
Kl. 14.00 Guðsþjónusta í Landa-
kirkju. Sr. Viðar prédikar og kór
Landakirkju syngur undir stjórn
Kitty Kóvács
Kl. 15.25 Guðsþjónusta á Hraun-
búðum. Sr. Viðar og kórinn.
Kl. 20.00 Æskulýðsfundur hjá
ÆsLand, Æskulýðsfélagi Landa-
kirkju og KFUM og K í Vestmanna-
eyjum. Gísli og leiðtogar halda utan
um stundina.
Mánudagur 28. nóvember
Kl. 15.30 STÁ (6-8 ára) Í stuði með
Guði.
Kl. 17.00 Helgileiksæfing hjá
Kirkjustarfi fatlaðra. Síðasta æfing
fyrir helgileik.
Kl. 18.30 12 spora fundur Vina í
bata. Byrjendahópur.
Kl. 20.00 12 spora fundur Vina í
bata. Framhaldshópur.
Þriðjudagur 29. nóvember
Kl. 10.00 Kaffistofan. Létt spjall um
allt og ekkert. Allir velkomnir.
Kl. 14.00 Fermingarfræðsla.
Kl. 14.00 ETT (11-12 ára) Allir
krakkar í 6. og 7. bekk velkomnir.
Kl. 20.00 Yoga nidra kyrrðarstund í
Landakirkju undir stjórn Hafdísar
Kristjánsdóttur. Sjá fréttatilkynn-
ingu.
Kl. 20.00 Samvera Kvenfélags
Landakirkju í Safnaðarheimilinu.
Kl. 20.00 Opið hús í KFUM og K
heimilinu Vestmannabraut. Gengið
inn af Fífilgötunni.
Miðvikudagur 30. nóvember
Kl. 10.00 Bænahópurinn með
samveru í fundarherbergi Landa-
kirkju
Kl. 13.00 Fermingarfræðsla.
Kl. 14.25 Fermingarfræðsla.
Kl. 16.00 NTT (9-10 ára) Allir
krakkar í 4. og 5. bekk velkomnir.
Kl. 19.30 OA fundur í Safnaðar-
heimilinu.
Hvítasunnu-
kirkjan
Dagana 24. - 27. nóvember
Fimmtudagur kl. 20:00 Biblíu-
lestur.
Föstudagur kl. 14:00 Samvera.
Sunnudagur kl. 13:00 Samkoma,
Þóranna Sigurbergsdóttir prédikar.
Kaffi og spjall á eftir.
Allir hjartanlega velkomnir.
Kirkjur bæjarins:
Aðvent-
kirkjan
Laugardagur
Kl. 12:00 Samvera.
Allir velkomnir.
Eyjamaður vikunnar
Formlega settir í embætti
Sr. Viðar Stefánsson var síðasta
sunnudag formlega settur í embætti
prests við Vestmannaeyjaprestakall
og sr. Guðmundur Örn Jónsson í
embætti sóknarprests. Sr. Viðar er
Eyjamaður vikunnar að þessu sinni.
Nafn: Viðar Stefánsson.
Fæðingardagur: 3. október 1989.
Fæðingarstaður: Reykjavík.
Fjölskylda: Foreldrar mínir eru
Stefán Guðmundsson frá Ásum í
Gnúpverjahrepp í Árnessýslu og
Katrín Sigurðardóttir frá Húsavík.
Þau búa í Ásaskóla í Gnúpverja-
hrepp og reka minkabúið Mön en
þau eru menntuð í píanóleik og
óperusöng. Við systkinin erum alls
6 talsins og erum við í aldursröð frá
hinu elsta til hins yngsta: Halla
Steinunn, Sigurður Hallmar, Hrafn,
ég, Guðmundur og Birgir. Ég er í
sambandi með Sóleyju Lindu
Egilsdóttur sem hefur lokið B.A.-
gráðu í bókmenntafræði og lauk
nýlega námi í leikhúsleikstjórn við
University of East Anglia í Norwich
á Englandi.
Starf: Prestur í Landakirkju.
Aðaláhugamál: Það er svo margt.
Ég spila á trommur og hlusta því
mikið á tónlist. Að auki hef ég
mikinn áhuga á stjörnufræði og
tölvum.
Hvað finnst þér skemmtilegast að
gera: Allt er skemmtilegt með
Sóleyju Lindu en mér hefur þó
undanfarið þótt virkilega skemmti-
legt að læra á prestsstarfið og öllu
sem því fylgir.
Uppáhalds matur: Kjúklingur og
pasta. Ekki er verra ef því er
blandað saman.
Versti matur: Eina sem ég er ekki
sérstaklega hrifinn af er hrátt
avocado. Annars borða ég nú flest.
Uppáhalds tónlist: Undanfarið hef
ég mikið hlustað á Tower of Power
og James Brown. Louis Armstrong
klikkar ekki.
Fallegasti staður sem þú hefur
komið á: Allir staðir eru fallegir á
sinn hátt og mörgum finnst sín
heimasveit fallegust. Þó finnst mér
alltaf sérstaklega fallegt á Húsavík.
Uppáhalds íþróttamaður og
félag: Ég held með Bayern
München í þýsku deildinni.
Uppáhaldsíþróttamennirnir mínir
eru Philipp Lahm fótboltamaður og
Jón Margeir Sverrisson sundmaður.
Uppáhalds sjónvarpsefni: Frasier
er að mínu mati ein besta sjónvarps-
þáttaröð sem búin hefur verið til.
Nýlega horfði ég á þáttaröðina
Band of Brothers sem er virkilega
góð.
Hvað finnst þér skemmtilegast að
lesa: Hringadróttinssaga er alltaf
skemmtileg.
Helstu vefsíður sem þú skoðar:
Netvafrinn minn segir að það séu
Facebook og Youtube.
Hvernig er tilfinningin að vera
orðinn formlega prestur í
Vestmannaeyjum? Hún er mjög
góð. Þetta er draumur sem er orðinn
að veruleika. Hér hefur verið gaman
að starfa með góðu samstarfsfólki.
Hvernig líst þér á Vestmanna-
eyjar hingað til? Mjög vel og
eiginlega alltaf betur og betur.
Okkur Sóleyju Lindu hefur verið
vel tekið og maður finnur að
gestrisni er hér í hávegum höfð.
Hvert sem maður fer þá er maður
velkominn. Við höfum líka rætt það
okkar á milli að okkur finnst fólkið
hér mjög lífsglatt og skemmtilegt
og það gleður svo sannarlega. Við
gleðjumst hér á hverjum degi og
þessir síðustu dagar hafa verið mjög
ánægjulegir.
Viðar Stefánsson
er Eyjamaður vikunnar
Í lok sumars fékk Sigurlaug vini sína
í heimsókn frá Vancouver, Kanada
og bauð upp á humarpizzu. Þetta
var í algeru uppáhaldi hjá þeim. Þær
mæðgur gerðu þetta í sameiningu
og deila hér með okkur þessari
frábæru pizzuuppskrift.
Humarpizza
Hvítlauksolía
Hráefni:
Olía
1-2 hvítlaukur
pipar
kjöt- & grillkrydd
steinselja.
Aðferð
Fyrst gerum við hvítlauksolíu.
Gott að setja olíu í krukku með
góðu loki því olíuna er hægt að
geyma í ísskáp. Slatti af olíu, 1/2-1
hvítlaukur eftir stærð krukkunnar.
Kremur hvítlaukinn útí, setur slatta
af gróf möluðum svörtum pipar,
slatta af kjöt- og grillkryddi og
síðan slatta af steinselju, má alveg
nota þurrkaða.
Pizzadeig
(líka hægt að kaupa tilbúið)
Hráefni:
400 g hveiti
1 tsk salt
3 msk olía
3 msk bjór/pilsner
1 msk sykur
1 bréf af ger dufti.
Aðferð
Leysum gerið upp í 1 glasi af volgu
vatni. Setjum hveitið, sykurinn og
saltið í hrærivélaskál, nota Hnoðar-
ann. Bæta síðan vatninu, bjórnum
og olíunni út og hnoða deigið þar til
það er laust frá skálinni. Ef deigið
er þurrt má bæta olíu/ bjór útí þar til
skálin virðist hrein. Ef deigið er of
blautt þá bætum við hveiti útí þar til
skálin virðist hrein. Setjum deigið í
skál, látið raka tusku yfir og látið
hefast.
Humarinn er afþýddur í volgu vatni,
það þarf u.þ.b, 1 kg af frosnum
humri, tekinn úr skelinni. Humarinn
er aðeins steiktur á heitri pönnu
með hvítlauksolíunni, tekinn af
pönnu og settur til hliðar. Deigið er
flatt út á ofnplötu, hvítlauksolían
sett á, magn eftir smekk. Sett í ofn á
170 gráður, á blæstri, bakað í u.þ.b.
10 mín., tekið út og humarinn settur
yfir og e.t.v. meira af hvítlauksolí-
unni og rifinn ostur yfir. Sett aftur í
ofninn í u.þ.b. 10 mín. Þá er
humarpizzan tilbúin, mörgum finnst
gott að setja Ruccola salat yfir.
Frábært að bera fram með góðu
ísköldu hvítvíni.
Tiramizu
Uppskrift (fyrir 10-15)
Hráefni:
6 eggjarauður
1 bolli sykur (250 ml)
2 öskjur af mascarpone osti
1 3/4 bolli rjómi (óþeyttur)
1 pakki (320-350 gr) Ladyfingers
1/2 bolli espresso eða sterkt kaffi
1/4 bolli Kaluha - Sé áfengi sleppt,
bætið þá við 1/4 bolla af kaffi við í
staðinn
kakó - stráð yfir í restina.
Aðferð:
Blandið saman eggjum og sykri í
skál yfir sjóðandi vatni. Hrærið
stanslaust í blöndunni í 10 mínútur.
Þeytið upp eggjablönduna þar til
hún verður pastel-gul á litinn.
Takið mascarpone ostinn, hrærið
hann aðeins upp í öskjunum og
bætið svo útí eggin. Þeytið vel
saman.
Rjóminn er stífþeyttur og blandað
saman við ostablönduna. Athugið
að hér er þeytaranum lagt og notuð
sleif til að blanda saman.
Ladyfingers er rétt dýft ofan í kaffið
(eða kaffi + líkjör). Það þarf EKKI
að láta kökurnar blotna í gegn,
heldur bara að báðar hliðar komist í
snertingu við kaffið.
Tiramisuinu er raðað upp þannig.
Ladyfingers - Mascarponeblanda -
Ladyfingers - Mascarponeblanda.
-Látið bíða í ísskáp þar til það er
borið á borð. Rétt áður en rétturinn
er borinn á borð er kakói stráð yfir í
gegnum sigti svo að það þeki
réttinn.
Þennan rétt höfum við oft gert en fengum
hann upphaflega af http://www.ragna.is/
Við viljum skora á Hildi Sævalds-
dóttur. Við höfum 100% trú á henni,
enda ofursmörrebrödsdama hjá
Einsa Kalda.
Humarpizza og
Tiramizu í eftirrétt
Lea Oddsdóttir
og Sigurlaug Birna
eru matgæðingar vikunnar
Eyjafréttir vilja eindregið hvetja
brúðhjón til að senda inn mynd
til birtingar sem og foreldra
nýrra Eyjamanna.
Myndir og upplýsingar sendist á
frettir@eyjafrettir.is
Börn og brúðhjónLjósin tendruð
á jólatré
Föstudaginn 25. nóvember kl.
18.00 verða ljósin kveikt á
jólatrénu á Stakkagerðistúni.
Lúðrasveit Vestmannaeyja mun
leika létt jólalög, Páll Marvin
Jónsson bæjarfulltrúi mun flytja
ávarp og sr. Viðar Stefánsson
prestur Landakirkju mun flytja
hugvekju.
Leikfélag Vestmannaeyja og
jólasveinarnir færa börnum
góðgæti. Verslanir og veitingastaðir
verða opnir fram eftir með hin
ýmsu tilboð.
Ef veður verður óhagstætt verður
viðburðinum frestað og mun slík
tilkynning birtast á heimasíðu
Vestmannaeyjabæjar.
Ósáttir í
heimahúsi
Stimplar
Ýmsar gerðir og litir
Eyjafréttir
Strandvegi 47 | S. 481 1300
Lögreglan hafði í ýmsu að snúast í
liðinni viku án þess að hægt sé að
segja að alvarleg mál hafi komið
upp. Skemmtanahald helgarinnar
fór fram með ágætum og fá útköll á
skemmtistaði bæjarins.
Undir kvöld þann 18. nóvember sl.
var tilkynnt um líkamsárás í
heimahúsi en þarna höfðu tveir
menn orðið ósáttir hvor við annan
sem endaði með handalögmálum.
Ekki var um alvarlega áverka að
ræða og óljóst um málsatvik. Málið
er í rannsókn.
Einn fékk að gista fangageymslur
lögreglu um helgina en hann hafði
verið til óþurftar á einum af
öldurhúsum bæjarins sökum
ölvunar og óspekta. Viðkomandi
má búast við sekt vegna atviksins.
Alls liggja fyrir sjö kærur vegna
brota á umferðarlögum eftir vikuna
en m.a. er um að ræða vanrækslu á
að nota öryggisbelti í akstri, notkun
farsíma í akstri án handfjáls búnaðar
og ólöglega lagningu ökutækja.
Eitt umferðaróhapp var tilkynnt í
liðinni viku en um var að ræða
útafakstur bifreiðar á Höfðavegi við
Norðurgarð. Þarna hafði ökumaður
blindast sökum þess að sól er lágt á
lofti og endaði bifreiðin utan vega.
Engin slys urðu á fólki og þá varð
minniháttar tjón á bifreiðinni.