Fréttir - Eyjafréttir - 21.12.2016, Blaðsíða 2
2 Eyjafréttir / Miðvikudagur 21. desember 2016
Útgefandi: Eyjasýn ehf. 480278-0549.
ritstjóri: Ómar Garðarsson - omar@eyjafrettir.is.
Blaðamenn:
Einar Kristinn Helgason - einarkristinn@eyjafrettir.is
Sara Sjöfn Grettisdóttir - sarasjofn@eyjafrettir.is
ábyrgðarmaður: Ómar Garðarsson.
Prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
„Í stað þess að gefa viðskiptavinum
okkar dagatöl fyrir árið 2017
ákváðum við að verja andvirði þess
kostnaðar til að styrkja gott málefni
í okkar heimabyggð. Fyrir valinu
varð Krabbavörn Vestmannaeyja,“
sagði Þórdís Úlfarsdóttir, útibús-
stjóri Íslandsbanka í Vestmanna-
eyjum en afhendingin fór fram í
síðustu viku.
Starfsemi Krabbavarnar Vest-
mannaeyja á rætur að rekja allt til
ársins 1949. Tilgangur félagsins er
að styrkja og styðja þá sem glíma
við krabbamein eða þetta verkefni
sem sumir fá eins og þær segja hjá
Krabbavörn Vestmannaeyja.
„Guðrún okkar Gísladóttir afhenti
Sigurbjörgu Óskarsdóttur, varafor-
manni Krabbavarnar Vestmanna-
eyja, styrkinn fyrir hönd Íslands-
banka,“ sagði Þórdís.
Jólin hafa alltaf verið uppáhalds
hátíðin mín. Það er einhver ákveðin
stemning sem fylgir jólunum og þá
ekki eingöngu heima fyrir heldur
einnig í samfélaginu. Verslanirnar
loka snemma og það færist friður
yfir bæi og ból. Þessi hátíðarbragur
er ekki síður sýnilegur þegar maður
býr fyrir utan höfuðborgina en í
minni bæjarkjörnum er líkt og
hátíðin svífi yfir vötnunum og hvert
sem maður lítur má sjá börn og
fullorðið fólk bera með sér
jólaandann.
Ég varð sannarlega vör við þessa
tilfinningu þegar ég bjó í Vest-
mannaeyjum og var í óða önn að
undirbúa jólin í hvíta húsinu mínu
við Kirkjubæjarbrautina. Bærinn
var orðinn skreyttur og fallegur og
eftir því sem líða tók á aðfangadag-
inn þá fækkaði bílunum því hátíðin
var senn að ganga í garð og
fjölskyldurnar voru í óða önn að
elda, pakka inn og hagræða
jólaskrautinu.
Við höfðum skreytt töluvert þetta
árið og þótt við værum bara fjögur í
kotinu, ef smáhundarnir eru
meðtaldir, þá var þetta unaðslegur
tími. Ég eldaði hamborgarhrygg og
húsbóndinn sá um að búa til
brúnaðar kartöflur. Eldhúsið okkar í
Eyjum var lagt með viðarpanel og
því ofsalega notalegt og ekki síst
þegar búið var að fá matarlyktina í
húsið og skreyta króka og kima
með jólakrúsídúllum.
Við klæddum okkur upp og
hundarnir fengu hvor sitt skraut-
hálsbandið. Svo þegar klukkan
hringdi inn jólin settumst við til
borðs og gæddum okkur á krás-
unum sem útbúnar höfðu verið af
mikilli alúð. Ekki voru ferfætling-
arnir skildir út undan því þeir fengu
eins mikið kjöt og þeir gátu í sig
látið og enduðu afvelta hvor í sínu
stigaþrepinu. Þegar mesta seddan
hafði rjátlast af okkur tóku
pakkarnir við og við skiptumst á að
opna gjafirnar fram á kvöld. Þetta
var góður tími, við höfðum það gott
og okkur leið vel.
Jólin eru yndisleg. Það eru
forréttindi að fá að halda þau í
faðmi fjölskyldunnar hvort sem hún
er stór eða smá. Þessar notalegu
samverustundir eru ómetanlegar og
gefa okkur kraft til að að komast í
gegnum mesta skammdegið og
vetrarkuldann. Jólin eru tími til að
að vera saman, til að fyrirgefa og
sýna hvort öðru hlýju og væntum-
þykju. Ég óska þess að þið eigið
gleðileg jól og góðar stundir með
ykkar nánustu yfir hátíðirnar.
Hildur Sif Thorarensen rifjar upp
jólin í Eyjum:
Jólin eru tími
til að að vera
saman
:: Til að fyrirgefa og sýna hvort
öðru hlýju og væntumþykju
Hildur Sif Thorarensen.
Íslandsbanki gaf
andvirði dagatala
til Krabbavarnar
Í allt útskrifuðust 22 nemar frá
Framhaldsskólanum á laugardag-
inn, 20 stúdentar og tveir sjúkra-
liðar. Bestum heildarárangri á
stúdentsprófi náði Ásgeir Elíasson
með meðaleinkunnina 8.79 og
næstur var Gabríel Sighvatsson með
8,77. Fengu þeir viðurkenningar
fyrir góðan námsárangur. Ásgeir
og Júlíana Sveinsdóttir fengu
silfurmerki Íþróttaakademíu ÍBV.
Bestum árangri í hjúkrunargreinum
náði Steiney Arna Gísladóttir. Fyrir
félagsstörf fengu Friðrik Magnús-
son og Karl Leó Sigurþórsson
viðurkenningar sem Drífandi
stéttarfélag gaf. Og fyrir mjög
góðan árangur í íslensku fékk
Gabríel gjöf sem Penninn Ey-
mundsson gaf.
Framhaldsskólinn hefur þá
útskrifað 978 stúdenta og 58
sjúkraliða. Stærsti hópurinn var
vorið 1997 en þá útskrifuðust 27
stúdentar og tíu með önnur lokapróf
framhaldsskóla.
Útskrift hjá FÍV:
Ásgeir Elíasson
dúxaði og Gabríel
Sighvatsson semidúx
Útskriftarhópur FÍV haustið 2016.
Matthías Ragnarsson hélt ræðu fyrir hönd stúdenta.