Fréttir - Eyjafréttir - 21.12.2016, Page 12
12 Eyjafréttir / Miðvikudagur 21. desember 2016
G
U
N
N
A
R
J
Ú
L
A
R
T
Ísfélagið óskar öllum Vestmannaeyingum nær og fjær
gleðilegra jóla og farsældar á nýju ári, með þökkum
fyrir samskiptin og viðskiptin í gengum árin.
Stofnað 1901
Stefán Máni sló í gegn með
bókinni Svartur á leik. Þar
kvaddi hann sér hljóðs sem
óvæginn og harðsoðinn spennu-
bókahöfundur, en þó með
sterkum sálfræðilegum og
samfélagslegum grunni. Á eftir
fylgdu Skipið, Feigð, Húsið og
Nautið, svo einhverjar bóka
hans séu nefndar. Frægð hans
hefur líka borist til útlanda, hann
hefur verið gefinn út í átta
löndum og fengið spennubóka-
verðlaun í Frakklandi. Svarti
galdur er nýjasta bók Stefáns
Mána, hún er nánast hættulega
spennandi en þar er Hörður,
rannsóknarlögreglumaður að
stíga sín fyrstu skref í lögregl-
unni. Það er Saga útgáfa sem
gefur út.
Morð
Klukkan í Dómkirkjunni er tuttugu
mínútur gengin í ellefu. Austur-
völlur er mannlaus en af og til
gengur þó einhver fram hjá
styttunni af Jóni Sigurðssyni, sem
hnarreistur fylgist með alþingishús-
inu, ýmist fólk á leið í miðbæinn
eða á heimleið þaðan. Þeir sem eru
á ferðinni eru vel klæddir og ganga
hratt, enda kalt úti. Alþingishúsið er
uppljómað, og þá sérstaklega nýja
viðbyggingin sem hefur bæði fleiri
og stærri glugga en gamla grjót-
hleðsluhúsið. Fundum er að ljúka,
og einn og einn þingmaður yfirgefur
sögufrægan vinnustaðinn. Flestir
fara beint niður í bílageymsluna og
aka burt án þess að stíga fæti
utandyra en einn og einn gengur út í
rökkrið og tekur stefnuna á
miðbæinn, ef til vill á leiðinni á
skrifstofu síns flokks eða til fundar
við vini eða samstarfsmenn á
kaffihúsi eða bar.
Í myrkrinu austan við raflýst
alþingishúsið vokir ungur karl-
maður. Hann er furðu léttklæddur
miðað við aðstæður, berhöfðaður í
fráhnepptum jakka og þunnum
rauðum bol úr gerviefni. Hann
heldur sig í skugga bak við
húshorn, tvístígur og fylgist grannt
með mannaferðum við viðbygg-
inguna. Hægri höndin hangir
máttlaus niður með síðunni en sú
vinstri er falin undir hægri boðungi
jakkans.
Dyr viðbyggingarinnar opnast og
kona á fertugsaldri gengur út á
hellulagða stéttina. Það er Ingigerð-
ur Ásmundsdóttir úr Samfylking-
unni, þingmaður Norðurlandskjör-
dæmis vestra. Hún er í
Burberry-kápu og með axlartösku.
Ungi maðurinn stígur fram úr
skugganum án þess þó að fara inn í
birtuna frá ljóskösturunum. Hann
hikar og starir á þingmanninn,
hörfar síðan til baka og tekur sér
aftur stöðu.
Klukkan hálfellefu opnast dyrnar
aftur og út gengur þingmaður úr
Reykjavíkurkjördæmi, sjálfstæðis-
maðurinn Þórólfur Hannesson.
Hann er í gallabuxum og svörtum
leðurskóm, svartri skyrtu og gráum
jakka, bindislaus. Þórólfur er með
snyrt alskegg og gleraugu, á hægri
öxlinni er bakpoki fyrir fartölvu.
Hann gengur rösklega og tekur
stefnuna á miðbæinn.
Ungi maðurinn gengur hiklaust úr
felustað sínum. Hann fetar sig
skáhallt yfir stéttina á hvítum
strigaskóm og nálgast þingmanninn
aftan frá. Göngulagið er rykkjótt og
dálítið sérstakt. Hann lyftir fótunum
örlítið of hátt, eins og hann sé í allt
of stórum skóm eða gangi á mjúku
undirlagi. Vinstri höndin kemur í
ljós undan boðungi jakkans, það
blikar á hnífsblað í ljósi kastaranna.
„Fyrirgefðu!“ segir ungi maður-
inn. Röddin er hvöss og skipandi en
líka þvoglukennd, eins og mæland-
inn hafi ekki fullt vald á tungu sinni
eða talfærum.
„Já?“ Þingmaðurinn nemur staðar
og snýr sér við til hálfs. Þá sætir
ungi maðurinn lagi; hann stígur
stórt skref áfram, beygir sig í baki
og rekur oddhvassan hníf af alefli í
kvið þingmannsins, ekki aðeins
einu sinni heldur tvisvar og að
lokum í þriðja sinn, síðan stígur
hann til baka og réttir úr sér.
Þingmaðurinn lyppast niður, hann
stynur hátt og grípur með báðum
höndum um kviðarholið. Blóðið
streymir fram, skyrtan er gegnsósa
og dökkur lífsvökvinn myndar poll
á steinhellunum. Andlit hans er
náfölt, munnurinn gapir og
gleraugun skekkjast á nefinu.
Á Austurvelli rekur kona upp óp.
Ungi maðurinn sleppir takinu á
hnífnum, sem skoppar tvisvar á
stéttinni við fætur hans, síðan
gengur hann af stað, allur stífur og
klaufalegur, og hraðar sér burt.
Fyrir ofan hann veður tungl í
skýjum.
Tungl sem er minna en einu
kvartili frá því að vera fullt.
Miðvikudagur
Klukkan er átta um morgun. Enn er
ekki orðið bjart af degi en vett-
vangur morðsins við alþingishúsið
er raflýstur frá öllum hliðum. Auk
þeirra ljóskastara sem fyrir eru á
staðnum hefur rannsóknardeildin
bætt við fjórum öflugum frístand-
andi kösturum. Umhverfis vett-
vanginn er gulur lögregluborði,
lögreglubílar með blikkljósum
standa við öll gatnamót og á annan
tug einkennisklæddra lögreglu-
manna standa vörð um svæðið,
enda veitir ekki af. Fyrstu klukku-
stundirnar var varla vinnufriður
fyrir fjölmiðlafólki og ljósmynd-
urum, og svo bættist forvitinn
Kafli úr nýjustu bók Stefáns Mána:
Svarti galdur