Fréttir - Eyjafréttir - 21.12.2016, Qupperneq 18

18 Eyjafréttir / Miðvikudagur 21. desember 2016
Hvað hefur þú unnið lengi í FES?
„Ég byrjaði í FES 1978 og var þá
fyrst bara á vertíðum, svo var ég eitt
ár inni í frystihúsi þegar það var
loðnustopp árið 1981, minnir mig.
Á sumrin var ég síðan í öðru.
Síðustu sex til átta árin hef ég
eingöngu unnið hérna, þannig þetta
er orðinn langur tími,“ segir Almar.

Hvað felst í þinni vinnu? „Utanum-
hald á öllu sem snertir móttöku á
uppsjávarfiski, makríl, síld og
loðnu. Ég stjórna því sem þessu
fylgir og síðan kaupum á alls kyns
aðföngum sem til þarf, sýru og þess
háttar. Þess á milli er ég í ýmsu sem
til fellur, ásamt öðrum stjórnendum
hér,“ segir Almar og bætir við að
árið 2016 hefur gengið mjög vel hjá
þeim í FES.
Það fyrsta sem kemur upp í huga
Almars þegar hann lítur til baka og
hugsar hvað hafi staðið upp úr í
gegnum árin í bræðslunni er hversu
lítil togstreita hafi verið á milli
manna. „Það hlýtur að skipta mestu
máli að ég hef ekki staðið í neinum
ágreiningi við neinn, ég hef getað
sinnt mínu starfi og ekki haft undan
neinu að kvarta og ég veit ekki til
þess að það hafi verið kvartað
undan mér. Það hlýtur að teljast gott
eftir 40 ára ferðalag með fyrir-
tækinu að hafa ekki lent í neinum
uppákomum á hvorn veginn sem
er,“ segir Almar.
Góður mórall
Mórallinn er s.s. góður hjá ykkur í
FES? „Hann er afskaplega góður.
Það hafa komið tímar þar sem þetta
var ekki nógu gott og það var bara
farið yfir það. Ef hlutunum er
stjórnað með þjösnaskap þá fylgir
mórallinn því og fer í vaskinn. Sem
betur fer hefur þetta verið gott
undanfarið því góður mórall vex
ekki á trjám. Góður mórall skilar
sér ekki bara til mannskapsins
heldur líka til fyrirtækisins, það
græða allir á því að hafa góðan
móral. Maður fær ekkert út úr
starfsfólki sem er ekki ánægt, þetta
virkar svoleiðis. Hér kom tímabil
þar sem stjórnarhættirnir leiddu af
sér ekki nógu gott ástand. Það var
góður mórall þegar ég byrjaði fyrst
þannig að maður fann muninn þegar
þetta breyttist. Núna er þetta mjög
gott, góður og samheldinn mann-
skapur, við styðjum hver við bakið
á öðrum og menn fara saman í hvað
sem upp á kemur. Ég hef nú unnið
víða og þetta er nú með því besta
sem maður þekkir,“ segir Almar.
Betri aðbúnaður
Það hefur orðið algjör kúvending á
öllum aðbúnaði í fyrirtækinu
síðustu árin segir Almar, verk-
smiðjan hefur farið úr því að vera
mjög gamaldags yfir í að vera í
fremstu röð. „Í dag er verksmiðjan
bara eins og þær gerast bestar. Árið
1998 var verksmiðjan, eins og hún
er núna, tekin í notkun en þá byrjaði
þessi nútímavæðing á henni. Þó
hafa verið gerðar ýmsar endurbætur
síðan þá.
Það er enn verið að bæta við og
verið að gera þessa verksmiðju betri
með tækjakaupum og lagfæringum.
Þetta eru mikil viðbrigði frá því
1978 en manni fannst fyrst eins og
þetta væri hálfgert brotajárn, manni
leist ekkert á þetta, bæði skítugt og
ryðgað eins og þessar gömlu
verksmiðjur voru. Aðstaðan fyrir
mennina var líka dapurleg en nú er
þetta orðið glæsilegt,“ segir Almar.
Sigurður kom sínu fram án
árekstra
„Umhverfisþátturinn er líka orðinn
allt annar í dag,“ segir Almar. „Það
er búið að vinna mikið í öllu
frárennsli og útblæstri með
hreinsistöðvum og öðru slíku. Það
er líka bara minni lykt á vinnu-
staðnum sjálfum, margar verk-
smiðjur eru komnar með afsogskerfi
og það er á dagskrá að setja svoleið-
is hér,“ segir Almar.
Að lokum minnist Almar aftur á
góðan móral í gegnum tíðina og
hvað lipurð og góðir stjórnarhættir
skipta miklu máli. „Ég hef oft talað
um það hversu góður hann Sigurður
Einarsson heitinn var í þessu, þ.e.
að koma sínum málum áleiðis án
þess að vera með þjösnaskap. Hann
hafði þann eiginleika að koma sínu
í gegn án árekstra og án þess að
hækka róminn, hann var snillingur í
þessu. Þetta er mikilsverður og
góður eiginleiki,“ segir Almar.
Ágúst Halldórsson, vélstjóri á Álsey
VE hefur verið á sjó frá átján ára
aldri, fyrst á sumrin með skóla en
eftir að hann hafði lokið sveinsprófi
í vélvirkjun fór sjómennskan í að
vera á ársgrundvelli. Líkt og aðrir
kollegar hans þá hefur Ágúst verið
á ótalmörgum skipum í gegnum
tíðina.
„Ég byrjaði sjómannsferilinn minn
á Maríu Pétursdóttur en þar var ég
heilt sumar, svo reri ég eitt sumar á
Heimaey og síðan hef ég verið
mikið um borð í Bylgju VE og
Þórunni Sveins. Síðustu ár hef ég
síðan verið á Álsey VE. Ég hef
alltaf átt voðalega erfitt með að
segja nei og hefur manni oft og
tíðum verið sjanghæjað í hina og
þessa báta þegar menn vita af mér í
landi,“ segir Ágúst sem hefur í raun
ekki hugmynd um hversu margir
bátarnir eru orðnir í dag. „Þeir eru
eitthvað á þriðja tug myndi ég halda
með afleysingum.“

Elti vinina í vélstjórann
Langaði þig alltaf að verða
vélstjóri? „Nei, það var aldrei inni í
myndinni. Það var ekki fyrr en
sumarið eftir að ég verð átján ára
sem ég skrái mig af félagsfræði-
braut og fer yfir á vélstjórnarbraut,
aðallega vegna þessa að flest allir
vinir mínir voru þar,“ segir Ágúst.
Aðspurður út í hvað heilli mest við
sjómennskuna nefnir Ágúst
veiðieðlið. „Ég ímynda mér
sjómennskuna og áhöfnina eins og
veiðihóp líkt og þá sem uppi voru
fyrir tvö hundruð þúsund árum og
fóru á loðfílaveiðar. Það verða allir
að vinna saman við að drepa
loðfílinn til að komast aftur til
fjölskyldunnar og fæða börn og
konu,“ segir Ágúst.
Er almennt góður mórall á sjónum?
„Já já, það er hann almennt. Menn
þola reyndar misjafnlega vel
andlega að vera langan tíma frá
fjölskyldu og vinum. En almennt er
hann góður,“ segir Ágúst sem segir
það ganga vel hjá sér að tvinna
saman fjölskyldulífið og sjó-
mennskuna. „Það gengur ágætlega,
krakkarnir eru vanir þessu og svo er
faðir konu minnar sjómaður svo
hún þekkir þetta vel.“
Flott ár
Hvernig finnst þér árið hafa verið
hjá ykkur á Álsey? Stendur eitthvað
upp úr? „Árið er bara búið að vera
flott. Það er búið að fiskast vel og
skipið búið að reynast vel. En það
sem stendur upp úr á árinu er þegar
stærsti hluti áhafnarinnar fór og
hjálpaði til við að draga fé í dilka
með tilheyrandi fjöri í Langanes-
byggð,“ segir Ágúst.
Nú hefur verið mikið rætt um
svokallaða uppboðsleið á kvóta,
hvað finnst þér um hana? Ágúst
segist lítið hafa pælt í henni.
„Æskuvinur minn, hann Magnús
Sigurðsson segir að hún sé algjört
rugl þannig ég verð bara að treysta
honum.“
Ekki góðir samningar
Hver er þín tilfinning gagnvart
kjarasamningi sjómanna sem nú
liggur fyrir? „Mér finnst þetta ekki
vera neitt góðir samningar. Mér
finnst að það megi alveg setja
sjómennina í flokka. Sjómaður er
ekki bara sjómaður. Það er svo
margt mismunandi í starfi okkar og
úthöldum og svo er einnig samstaða
stéttarfélaganna ömurleg.
En satt best að segja skil ég ekki
afhverju það þurfa alltaf að vera
einhverjir karlar að semja fyrir
okkur sjómenn sem eru búnir að
vera svaka naglar í borðsalnum
síðustu ár að kvarta og bölvast yfir
verði og aðbúnaði. Þeir hafa oft
enga reynslu af samningagerðum og
eru það illa skrifandi að þeir eiga í
erfiðleikum með að skrifa sitt eigið
nafn án þess að ein til tvær
stafsetningarvillur leynist í því,“
segir Ágúst.
Þetta var vandræðalegt
Í lokin féllst Ágúst á að segja eina
skemmtilega sögu af sjónum. „Það
var einn félagi minn sem fékk mig
til að leysa sig af einn karfatúr á
Múlaberginu sem fyrsti vélstjóri.
Eftir að búið var að koma aflanum
niður úr síðasta holinu segja
karlarnir við mig: „Núna kveikjum
við upp í sánanum og hendum
okkur í sánann, kemur þú með
Ágúst“.
Ég jánkaði því en ætlaði fyrst
niður í vél að lensa lestina og ganga
frá vaktinni. Þegar ég kem upp úr
vélinni og fer að græja mig í sánann
eru allir farnir inn og þar sem ég er
hálfpartinn alinn upp á sumrin úti í
Álsey var minn sánaklæðnaður ekki
sá sami og þeirra. Ég tek af mér
handklæðið, labba inn í sánann og
stend þar á adamsklæðunum einum
saman og horfi á þá alla dauðskelk-
aða á stuttbuxunum. Því næst fæ ég
mér sæti á milli fyrsta og annars
stýrimanns og hugsa: „Þetta er nú
vandræðalegt, Ágúst Halldórsson“.“
Ísfélag Vestmannaeyja 115 ára :: Ágúst Halldórsson vélstjóri á Álsey VE:
Sjómaður er ekki bara sjómaður
:: Margt ólíkt í starfi okkar og úthöldum og samstaða stéttarfélaganna
mætti vera betri
Einar KriSTinn HELGaSon
einarkristinn@eyjafrettir.is
Einar KriSTinn HELGaSon
einarkristinn@eyjafrettir.is
Ísfélag Vestmannaeyja 115 ára :: Almar Hjarðar móttökustjóri á uppsjávarfiski í FES:
Hef ekki staðið í ágreiningi við neinn
:: Hef getað sinnt mínu starfi og ekki haft undan neinu að kvarta
Ágúst ásamt unnustunni Guðbjörgu Erlu Ríkharðsdóttur og börnum.
Almar Hjarðar hefur unnið hjá Ísfélaginu síðan 1978 eða í 38 ár.