Skessuhorn - 22.02.2001, Blaðsíða 5
FIMMTUDAGUR 22. FEBRUAR 2001
5
SSESSUlKXSí’l
STURLA
Ég skal trúa ykkur fyrir því, á-
gætu Vestlendingar, að þegar
Sturla Böðvarsson alþingismað-
ur Vesturlands var gerður að
samgönguráðherra í upphafí
þessa kjörtímabils, þá þótti mér
það með öllu ástæðulaust.
Það er nefnilega svo gaman að
verða öðruhvoru hissa á ein-
hverju, láta eitthvað koma sér á
óvart. Og ég óttaðist að Sturla
Böðvarsson myndi ekki koma
mér á óvart.
Sturla hafði setið á þingi tvö
kjörtímabil og ef ég væri ekki
þeirrar einkennilegu náttúru að
nöfn alþingismanna eigi það til
að festast í hausnum á mér þótt
ég sé búinn að gleyma flestu
öðru, þá hefði ég raunar alls ekki
vitað að hann væri tdl. Ég geri
mér að vísu fulla grein fyrir því
að sjálfur er ég ekki upphaf og
endir allra hluta og það kynni vel
að hugsast að Sturla væri hinn
mætasti stjórnmálamaður, dug-
mesti þingmaður og hugsjóna-
ríkasti eldhugi án þess að ég
hefði hugmynd um það. Hann
gæti vel verið uppfullur af
spennandi hugmyndum og ó-
þrjótandi starfskröftum og ffum-
legum og mannbætandi hugsun-
um án þess að mér hefði endi-
lega orðið það ljóst þessi átta ár
sem hann hafði setið á þingi.
Þennan fyrirvara finnst mér rétt
að setja, en satt að segja efaðist
ég stórlega um það þegar hann
settist í stól samgönguráðherra
árið 1999 að eitthvað af þessu
væri raunin. Sturla virtist ein-
faldlega vera einn af þessum
grámyglulegu þingmönnum sem
ætíð fljóta með straumnum, ætíð
gera það sem þeim er sagt, ætíð
fylgja flokksaga og þurfa ekki að
láta það stangast á við þá sam-
visku sína sem þeir sverja við
upphaf þingsetu að fylgja ævin-
lega - því samviskan og flokks-
hagsmunirnir eru orðnir óað-
skiljanlegir. Menn sem rækta
garðinn sinn heima í kjördæmi
vel og vandlega en hafa annars
lítið til málanna að leggja. Og
sein fá að lokum ráðherratign af
því þeir hafa verið svo trúir og
tryggir flokksforystunni svo
lengi, af því það er „komið að“
kjördæminu þeirra í ráðherra-
spilinu, og ef þeir eru einu sinni
orðnir ráðherrar, þá geta þeir ó-
hræddir horft fram á náðuga
daga, því eins og allir vita þurfa
ráðherrar og fyrrverandi ráð-
herrar ekld að óttast um ff amtíð-
ina á Islandi á vorum dögum -
það verður séð fyrir þeim til ævi-
loka. Og ég var eiginlega viss um
það þegar Sturla Böðvarsson
væri orðinn ráðherra, þá myndi
hann haga sér nákvæmlega eins
og þessir grámyglulegu þing-
menn gera yfirleitt þegar þeir
komast í stólinn - gera það sem
þeim er sagt, fljóta með
straumnum, fylgja flokkslínunni,
og svo vel upp aldir í flokknum
og stjórnmálastarfinu að þeir
munu aldrei geta litið lífið öðr-
um augum, og þegar eitthvað ó-
vænt gerist þá líði þeim svo ó-
sköp illa ef þeir geti ekki troðið
því inní litlu hentugu flokkskoff-
ortin sem hafa fylgt þeim gegn-
um lífið - þannig að ef til að
mynda rís upp meira og núnna
sjálfsprottin hreyfing í Reykjavík
fyrir því að losna við flugvöll sem
þar hefur lengi verið eins og
opið holundarsár á besta stað í
bæjarlandinu, þá muni slíkur
stjórnmálamaður ekki hafa neina
víðsýni til að takast á við slíka
hreyfingu, hvað þá taka henni
fagnandi, og reyndar getur slíkur
stjómmálamaður alls ekki trúað
því að slík sjálfsprottin hreyfing
sé til - hún hlýtur barasta að vera
til orðin í einhverju bakherberg-
inu, runnin undan rótum ein-
hvers stjórnmálaplotts því allt
lífið er stjórnmálaplott, það
hugsar enginn sjálfstætt! - og
þess vegna mun slíkur stjóm-
málamaður láta svo um mælt
þegar hann stendur andspænis
þannig hreyfingu, þanrúg fjölda-
samtökum, sem einhver gæti til
dæmis látdð sér detta í hug að
kalla 102 Reykjavík, að þeim sé
nú áreiðanlega „fjarstýrt“ af ein-
hverjum pólitískum andstæðingi
ráðherrans. Og rembist svo eins
og rjúpan við staurinn við að
troða umræðunni í þann eina
farveg sem hann skilur, þar sem
skoðanir fara efdr flokkslínum,
fólk hlýðir því sem sagt er í bak-
herbergjum og allir gera eins og
þeim er sagt.
Stundum, góðir Vestlendingar,
kemur fólk manni á óvart.
Sturla Böðvarsson hefur ekki
komið mér á óvart.
Illugi Jökulsson
bolluveisla
Jarðarberjabollur, Rjómabollur,
Púnsbollur, Vatnsdeigsbollur,
Hunangsbollur, Berlínarbollur
^ Geirabakaríi
Borgarnesi
Útsölustaðir: 10-11 - KB Hyrnutorgi - Hyrnan
Tillaga ab breytingu á
svæbisskipulagi sveitarfélaganna
sunnan Skarbsheibar 1992-2012
Stóri-Lambhagi II
Skilmannahreppi
Hreppsnefnd Skilmannahrepps auglýsir skv. 2. mgr. 14. gr.
skipulags- og byggingarlaga nr. 73/1997 tillögu að breytingu
á svæðisskipulagi sveitarfélaganna sunnan Skarðsheiðar
1992-2012. Gerð er tillaga að breytingu 0,5 ha. lands úr
hefðbundinni landbúnaðarnotkun, í iðnaðarlóð í Stóra-
Lambhaga II.
Jafnframt er lóð Sláturfélags Suðurlands svf. í landi Stóra-
Lambhaga II, 1 ha. að stærð, færð inn á skipulagsuppdrátt.
Skilmannahreppur mun bæta það tjón sem einstakir aðilar
kunna að verða fyrir við breytinguna.
Tillagan hefur verið send aðildarsveitarfélögunum til
kynningar og umsagnar.
Tillagan verður send Skipulagsstofnun, sem gerir tillögu
til umhverfisráðherra um lokaafgreiðslu.
Þeir sem óska frekari upplýsinga um tillöguna geta snúið
sér til undirritaðs í Galtarholti eða í síma 433 8904
Oddviti Skilmanrtahrepps