Skessuhorn - 08.03.2001, Blaðsíða 8

8
FIMMTUDAGUR 8. MARS 2001
a&úsunui.
Ný verslun
Nú nýverið tók til starfa í
Snæfellsbæ nýtt fýrirtæki,
Tækja- og tölvubúðin. Verslun-
in er til húsa að Olafsbraut 19 í
Olafsvík og sérhæfir sig í sölu á
tölvum, rekstrarvörum og íylgi-
hlutum fyrir tölvur. Einnig sel-
ur verslunin símtæki og er með
mikið úrval af tónlistargeisla-
diskum. Eigendur Tækja- og
tölvubúðarinnar eru hjónin
Þröstur Kristófersson og Sigurbjörg
Þráinsdóttir og börn þeirra. Þau eru
bjartsýn á framtíð svona þjónustu og
telja að hún sé tímabær. Dagný
Telma Þrastardóttir segir verslunina
fara vel af stað og að mikið hafi ver-
ið að gera þessa íýrstu daga.
IH
Unnur og Sigurjón dsamt dóttur sinni í efnalaugimii Smeþvotti í Grundarfirdi.
Efnalaug á
Snæfellsnesi
I síðustu viku tók til starfa í
Grundarfirði nýtt fýrirtæki, efna-
laugin Snæþvottur. Það eru hjónin
Sigurjón Fannar Jakobsson og
Unnur Guðmundsdóttir sem eiga
þetta nýja fýrirtæki sem býður upp
á alla almenna þjónustu sem lýtur
að þvotti og hreinsun á fatnaði og
taui. Að sögn Unnar og Sigurjóns
ætla þau sjálf að starfa við fýrirtæk-
ið og veita þjónustu um allt Snæ-
fellsnes. Allur vélbúnaður fýrirtæk-
isins er nýr og fýrirtækið er byggt
upp miðað við þjónustukröfur nú-
tímans. “Við erum ánægð með þær
móttökur sem við höfum fengið og
finnum fýrir því að Snæfellingar
eru mjög að styrkjast í þeirri við-
leitni að horfa á Snæfellsnes sem
eitt þjónustu- og viðskiptasvæði”,
sagði Sigurjón.
IH
Störf hjá
Landmælingum íslands
á Akranesi
Eftirtalin störf eru laus til umsóknar hjá Landmælingum Islands
og er leitað eftir duglegum og samviskusömum einstaklingum
sem tilbúnir eru til að takast á við krefjandi verkefni. Æskilegt
er að umsækjendur séu búsettir á Akranesi eða í nágrenni.
Landmælingar - verkefnisstjórn
I starfinu felst umsjón landmælinga og vinna við uppbyggingu þeirrar
starfsemi hjá Landmælingum Islands, meðal annars í samvinnu við
ýmsar stofnanir.
Ábyrgðar- og starfssvið:
- Áætlanagerð og umsjón með mælingaverkefnum
- Fagleg ábyrgð á verkefnum við landmælingar
- Úrvinnsla GPS-mælinga
- Úrvinnsla hallamælinga
- Vinna við uppbyggingu gagnagrunna á sviði
landmælinga og miðlun upplýsinga
Menntunar- og hæfniskröfur:
- Háskólamenntun á sviði raunvísinda
- Frumkvæði og sjálfstæði í vinnubrögðum
- Reynsla af landmælingum og úrvinnslu mælingagagna
- Góð tölvuþekking
- Góð enskukunnátta
Nánari upplýsingar veitir Þórarinn Sigurðsson
(thorarinn@lmi.is)
Símavörður
Ábyrgðar- og starfssvið
- Símavarsla og ritvinnsla
- Almenn skrifstofustörf
- Skráning í upplýsingakerfi stofnunarinnar
Menntunar- og hæfniskröfur:
- Stúdentspróf æskilegt
- Hæfni í ritvinnslu
- Reynsla af almennum skrifstofustörfum
- Reynsla í tölvunotkun þ.m.t. Word og Excel
- Góð ensku- og dönskukunnátta
Nánari upplýsingar veitir Jensína Valdimarsdóttir
(jensina@lmi.is)
Umsóknir er greini frá menntun og reynslu skulu berast til
Landmælinga Islands, Stillholti 16-18,300 Akranes, fyrir 23. mars nk.
Fyrirliggjandi umsóknir skulu staðfestar og merktar viðeigandi starfi.
Öllum umsóknum verður svarað þegar ákvörðun hefur verið tekin.
Laun eru samkvæmt launakerfi opinberra starfsmanna. Nánari
upplýsingar veittar í síma 430 9000.
Akurshlokkin að verða fokheld
Bygging Akurs á sex hæða fjöl-
býlishúsi á Jaðarsbökkum hefur
ekki farið framhjá neinum Skaga-
manninum, en nú er svo komið að
húsið er að verða fokhelt. Vonir
standa til að það verði tilbúið í
haust. Salan á íbúðunum í “Akurs-
blokkinni” svokölluðu hefur farið
vel af stað en enn eru margar íbúð-
ir óseldar. Síðasdiðinn sunnudag var
svo haldið opið hús í fjölbýlishúsinu
þar sem fólki gafst kostur á að skoða
sig um og mættu þar um 150 manns.
Áhuginn á þessu hæsta húsi á Akra-
nesi er því greinilega mikill.
Að sögn Soffíu Magnúsdóttur,
eiganda Fasteignamiðlunar Vestur-
lands, er útsýnið úr húsinu gott til
allra átta. “Húsið stendur á eftir-
sóttum stað á Akranesi og útsýnið
er auðvitað betra eftir því sem ofar
dregur í því. Þarna eru sex hæðir en
í húsinu er lyfta og það er því að
mínu mati góður möguleiki fýrir þá
sem eiga erfitt með að ganga stiga.”
Soffía segir að mikið sé lagt upp úr
því að hljóðeinangrunin í húsinu sé
góð. “Skipulag á hverri hæð er
þannig að sem minnst hljóð berist
milli íbúða og frá stigagangi. Að
utan er þannig gengið frá húsinu að
um lágmarks viðhald verði að
ræða.” Ibúðir er hægt að fá í tveim-
ur stærðum, 97 m2 og 127 m2 og
hverri þeirra fýlgir sér stæði í bíla-
geymslu. Auk þess eru bílastæði á
þaki bílgeymslunnar. Soffia nefhir
að verðið á íbúðunum sé mjög gott.
“Verðið hefur verið óbreytt ffá því
að íbúðirnar komu á markað á
meðan sambærilegar íbúðir hafa
hækkað um allt 2 milljónir króna.”
SÓK
'Penninn
Hugmyndin að veruleika
í síðasta tölublaði Skessuhorns var greint frá því
að Félag eldri borgara Akraness og nágrennis, FEB-
AN, væri að skoða hvort húsnæðið að Garðabraut 2,
betur. þekkt sem veitingahúsið Langisandur, gæti
hugsanlega nýst þeim sem lausn á húsnæðisvanda
þeirra og sameinað hina miklu starfsemi og félags-
starf þessa stóra hóps.
Þeir sem þekkja til félagsstarfs FEBAN sem telur á
fimmta hundrað félagsmanna þá er ljóst að þeir eru
á mörgum stöðum í bænum þ.e. fá inni hér og þar
með hina ýmsustu starfsemi sína fýrir utan einu föstu
aðstöðuna sem er í gamla gagnfræðaskólanum en
hún fullnægir ekki þeirri þörf sem er fyrir slíkt starf.
Einnig er liggur fýrir að það húsnæði mun á næst-
unni verða hugsað fýrir unglinga hér í bæ.
Mig langar að lýsa mikilli ánægju minni með að
þessi hugmynd mín skuli vera komin þetta langt og
að menn séu farnir að skoða hana af mikilli alvöru,
þá hvort húsið sé hugsanlega til þess fallið að með
einhverjum lagfæringum og ýmsu sem þyrfti að at-
huga eins og t.d. aðgengi utandyra fýrir hjólastóla og
fleira. Forsaga þessarar hugmyndar minnar er sú að
ég hafði í langan tíma verið að velta því fýrir mér
hvort ekki væri eitthvað húsnæði hér í bæ sem vert
væri að skoða með tilliti til þessarar starfsemi.
Eg var búin að velta þessu húsi nokkuð lengi í
huganum þegar ég fór síðan til Bjarnfríðar Leósdótt-
ur formanns FEBAN og spurði hana hvort þessi
hugmynd mín væri þess virði að skoða hana og hvort
hún væri til í að skoða með mér húsið með þetta í
huga. Við gerðum það ásamt fasteignasala.
Niðurstaðan var sú að á þessu stigi málsins var
þetta mál trúnaðarmál okkar Bjarnfríðar og síðan
talaði ég við minn oddvita í bæjarstjórn sem síðan
ræddi við form. bæjarráðs og næsta skref var að
stjórn FEBAN kom til fundar við bæjarráð og þar
viðraði form. bæjarráðs þessa hugmynd við stjórn
FEBAN. Það er löngu orðið ljóst að aðstaðan öll
inni á Dvalarh. Höfða er orðin of lítil fyrir starfsemi
eins og t.d. handavinnu og það væri frábært ef eitt-
hvað af þeirri starfsemi gæti hugsanlega flutt í þetta
hús. Eg sé fyrir mér að þarna yrði spilað, hægt að
funda, kannski æfa kórinn nú og hafa heitt á könn-
unni og hittast einhverja ákveðna tíma í vikunni og
spjalla. Það hefur komið fram hjá þeim sem ég hef
talað við að þegar þorrablótin eru haldin og gestum
boðið þá myndi þetta hús ekki nýtast. Þar stendur
ennþá boð Akraneskaupstaðar eins og undanfarin ár
að bjóða íþróttamiðstöðina, félaginu að kostnaðar-
lausu. Byggingafulltrúa hefur verið falið að skoða
þetta nánar og athuga hvað það er sem helst þarf að
gera og hvernig bærinn hugsanlega kæmi að því.
Sú framtíðarsýn sem ég hef sem stjórnarfomaður í
Höfða er sú að innan einhverra ára verði ráðist í
byggingafram-
kvæmdir við
Dvalarheimilið.
Hvernig sú við-
bygging verður
er ekki ljóst á
þessu stigi en öll
félagsaðstaða er
þegar orðin allt
of lítil. Einnig
er það Ijóst að
hugsanlega
verður aukið við
hjúkrunarrými,
hvort það verð-
ur 3. hæðin eða
einhver önnur
hugmynd er ekki ljóst, en í dag eru þeir sem koma
inn á Dvalarheimilið eldri og veikari en áður var.
Þjóðin er jú að eldast með betri aðbúnaði.
Eg veit ekki hvort allir gera sér grein fýrir því að í
dag eru 78 einstakl. á Dvalarheimilinu Höfða sem
skiptast í 39 einstaklinga á venjulegu vistrými og 39
einstaklinga á hjúkrunardeild auk þeirra sem eru í
dagvistun, en þeir eru í kringum 20. Þegar heimil-
ið var opnað fyrir 25 árum var þar einn einstakling-
ur í hjólastól.
Innan örstutts tíma hljóta eignaraðilar dvalar-
heimilisins, þ.e. Akraneskaupstaður með 90% og
hrepparnir hér í kring með 10% til með að þurfa að
setjast niður og skoða hvaða framtíðarsýn þeir hafa
fyrir Dvalarheimilið Höfða. Oll starfsemi þar er að
sprengja utan af sér og hjúkrunarþyngdin að aukast.
Vilja menn sjá þar meira í þá átt að heimilið verði
hjúkrunarheimili. Núna á allra síðustu dögum er
verið að auglýsa eftir hjúkrunarfræðingum í kvöld-
og helgarvaktir vegna þessa. Hvað Akraneskaupstað
varðar er nú þegar inni í þriggja ára áætlun að þessi
mál verði skoðuð mjög gaumgæfilega með tilliti til
þeirra þátta sem ég hef hér lýst.
I dag er dvalarheimilið rekið með miklum mynd-
arbrag og við erum stolt af því en þetta er spurning
inn í framtíðina sem við þurfum að vera í stakk búin
að takast á við og það fyrr en seinna.
En hvað húsnæðið á Garðabraut 2 varðar verður
það einhvers konar lausn í bili ef af verður svo félag-
ar í FEBAN geti á einhvern hátt haldið betur utan
um starfsemi sína og hlakka ég mjög til að sjá hvort
þessi hugmynd geti orðið að veruleika.
Sigríður Gróa Kristjánsdóttir,
Bæjaifulltrúi Akranesi,
Form. stjórnar Dvalarheimilisins Höfða