Skessuhorn - 22.03.2001, Blaðsíða 4
4
FIMMTUDAGUR 22. MARS 2001
jntsaunu^
WWW.SKESSUHORN.IS
Borgarnesi: Borgarbraut 49 Sími: (Borgames og Akranes) 430 2210
Akranesi: Kirkjubraut 3 Fax: (Borgomes) 430 2201
SKRIFSTOFUR BLAÐSINS ERU OPNAR KL. 9-16 ALLA VIRKA DAGA
Útgefandi:
Ritstjóri og óbm:
Blaðamenn:
Auglýsingar:
Prófarkalestur:
Umbrot:
Prentun:
Tíðindamenn ehf 430 2210
Gísli Einarsson 892 4098
Sigrún Kristjónsd., Akranesi 862 1310
Ingi Hans Jónss., Snæfellsn. 895 681 1
Hjörtur J. Hjartarson 864 3228
Asthildur Magnúsdóttir
Guðrún Björk Friðriksdóttir
ísafoldarprentsmiðja hf
ritstjori@skessuhorn.is
sigrun@skessuhorn.is
ingihans@skessuhorn.is
hjortur@skessuhorn.is
Skessuhorn kemur út alla fimmtudaga. Skilafrestur auglýsinga er kl. 14:00 á
þriðjudögum. Auglýsendum er bent á að panta auglýsingapláss tímanlega.
■Blaðið er gefið út í 4.000 eintökum og selt til áskrifenda og í lausasölu.
Áskriftarverð er 850 krónur með vsk. á mánuði en krónur 750 sé greitt með
greiðslukorti. Verð í lausasölu er 250 kr.
430 2210
Leiðindi
Mér leiðist og það er vægast sagt frek-
ar leiðinlegt.
Auðvitað liggur beinast við að álykta
að ég geti sjálfum mér um kennt og því
ekki ástæða til að vorkenna sér. Málið er
hinsvegar ekki svo einfalt.
Eftir geigvænleg heilabrot hallast ég
að því að um skipulagðar aðgerðir sé að ræða sem beinast að
því að láta mér leiðast. Það er kannski full djúpt í árinni tekið
að kalla það einelti og í raun rangnefni. Nær væri að kalla
þessar aðgerðir vanelti því ég er skipulega afskiptur og mér
vísvitandi haldið utan við allt sem áhugavert má teljast.
Þetta hljómar máske undarlega og gæti litið út fyrir að vera
ofsóknarbrjálæði af minni hálfu. Því ætla ég að nefha dæmi:
Um síðustu helgi var ég staðráðinn í því að létta mitt geð og
forðast það með öllum tiltækum ráðum að láta mér leiðast.
Veðurspáin var góð og af umfjöllun fjölmiðla að dæma mátti
búast við viðburðarríkri helgi því vítt og breitt um landið var
búið að boða hvern stórviðburðinn á fætur öðrum. Þegar
helgin síðan gekk í garð fékk ég hinsvegar grun minn staðfest-
an á því að um samsæri væri að ræða því ekkert af allri þeirri
afþreyingu sem var í boði var mér ætlað. Til að mynda voru
flestir sveitamenn sem ekki voru sjálfir í framboði til varafor-
manns, ritara, vararitara, gjaldkera, varagjaldkera, og vara hitt
og þetta í Framsóknarflokknum að fara að kjósa allt þetta
varalið. Mér var náttúrlega ekki boðið. Allir Reykvíkingar
voru hinsvegar að kjósa um hvar eigi í fjarlægri framtíð að
geyma flugvöll sem notaður er af fiestum öðrum en þeim
sjálfum. Þangað var mér heldur ekki boðið jafhvel þótt ég hafi
haft það framyfir stóran hluta Reykvíkinga að ég hafði þó vit-
neskju um að þar væri flugvöllur. Ég fékk ekki einu sinni að
kjósa ungfrú Island punktur uss heldur var fluttur inn til þess
gamall og sjúskaður slagaragaulari frá útlöndum.
Þá var orðið fátt eftir annað en að leita á náðir sjónvarpsins.
Fyrst ég var allstaðar skilinn útundan ætlaði ég að bjarga því
sem bjargað varð af helginni með því að leggjast flatur fram-
an við sjónvarpsviðtækið og horfa á uppbyggilegt dagskrárefni
mér til gagns og gamans.
Þá kom það í ljós mér til skelfingar að umrætt samsæri um
drepa mig úr leiðindum náði alla leið inn í þessa virtu stofn-
un. Það sem mér var boðið upp á þessa dagstund var endalaus
útsending af svokallaðri Formúlu. Formúla þessi byggist á því
að dvergvaxnir karlar troða sér inn í hylki á fjórum hjólum
sem þeir kalla kappakstursbifreiðar en minna að engu öðru
leyti á slík farartæki. Síðan þeytast þeir hring eftir hring eftir
hring eftir hring þangað til þeir verða bensínlausir eða dekk-
in eru orðin slitin. Þá fara þeir á bensínstöð eða dekkjaverk-
stæði og halda síðan áfram. I stórum dráttum er þetta öll at-
burðarásin.
Ég gerði mér grein fyrir því í örvæntingu minni að nú yrði
ég að taka til minna ráða ef ekki átti illa að fara. Ég var líka
fljótur að sjá það út að ég gæti sjálfur gert betur. Því fór ég
með alla fjölskylduna inn í þvottahús og þar gámm við sam-
einast yfir spennandi keppni framan við þvottavélina og fylgst
með sokkum og brókum, viskustykkjum og handklæðum
þeytast hring eftir hring eftir hring eftir hring. Til að gera
þetta meira spennandi gat síðan hver fjölskyldumeðlimur
veðjað á sína flík.
Það er skemmst frá því að segja að hægrifótarsokkurinn
minn var fyrstur í mark á nýju þvottahúsmeti og það án þess
að taka viðgerðarhlé.
Gísli Einarsson, hundleiður
Þátttakendumir 12 íStóru upplestrarkeppninni sem fram fór á Akranesi í síðustu viku.
Lára las best
Stóra upplestrarkeppnin
á Akranesi 2001
í síðustu viku tóku nemendur í 7.
bekk grunnskólanna á Akranesi
þátt í Stóru upplestrarkeppninni í
þriðja sinn og var hún haldin í safn-
aðarheimilinu Vinaminni. Alls er
keppnin haldin á 26 stöðum á land-
inu í ár og er það nýtt met. Mark-
mið hennar er að leggja áherslu á
vandaðan upplestur bæði bundins
og óbundis máls en nemendur og
kennarar hófu undirbúning fyrir
hana þegar í haust. Þann 27. febrú-
ar síðastliðinn var svo haldin und-
ankeppni í skólunum þar sem vald-
ir voru 6 bestu upplesarar hvors
skóla úr 7. bekk. Þeir fengu texta
og ljóð til að æfa sig á fyrir keppn-
ina auk þess sem þeir völdu eitt ljóð
sjálfir.
I upphafi úrslitakeppninnar á-
varpaði Sigurbjörg Þrastardóttir
ljóðskáld og blaðamaður gestina í
upphafi. Hún talaði um mikilvægi
þess að takast á við feimnina og
bera virðingu fyrir henni. Keppnin
var mjög spennandi þar sem allir 12
keppendurnir stóðu sig með prýði.
Dómnefndarinnar beið því erfitt
hlutverk en að lokum var ákveðið
að Lára Hólm Heimisdóttir hefði
staðið sig best af öllum. Hanna
María Guðbjartsdóttir varð í öðru
sæti og Máni Elmarsson í því
þriðja. Allir þátttakendur fengu
bókagjöf í viðurkenningarskyni og
verðlaunahafarnir fengu auk þess
peningaverðlaun frá Sparisjóði
Mýrasýslu. I tengslum við keppn-
ina var efnt til samkeppni um
myndskreytingu á boðkort vegna
lokaathafnarinnar og urðu Eva Ei-
ríksdóttir og Vala M. Ingólfsdóttir
hlutskarpastar þar og hlutu þær
bókaverðlaun. SÓK
ADSL í Borgames
Bylting í gagnaflutningum
Nú á næstu dögum mun fara
fram könnun á vegum Þjónustu-
vers Islenskrar upplýsingatækni,
vegna fyrirhugaðra ADSL teng-
inga í Borgarnesi.
ADSL er heiti nýrrar gagna-
flutningsþjónustu sem nýtir hefð-
bundnar símalínur til háhraða
gagnaflutnings inn á t.d. Internet-
ið eða tölvunet fyrirtækja með allt
að 1,5 Mb/s gagnaflæði að not-
anda 384 kb/s frá notanda er
margfalt hraðvirkari samskipta-
máti heldur en yfir venjulegt
módem samband, án þess að teppa
venjuleg símtöl. Fyrir þessa teg-
und af gagnasambandi er ekki
greitt heðbundið skrefagjald eins
og tíðkast við ISDN og módem
sambönd heldur er notandi fast-
tengdur og greiðir aðeins fyrir
gagnamagnið sem hann sækir frá
útlöndum. Stofngjald fyrir ADSL
tengingu er 6.000 kr og fyrir
ADSL 256 er mánaðargjaldið
2.500 kr og að auki bætist við
kostnaður við kaup á ADSL
módemi og síu fyrir símtæki.
Áhugasamir um ADSL í Borg-
arnesi eru hvattir til að mæta í
þjónustuver Islenskrar upplýs-
ingatækni á næstu dögum og fylla
út áhugayfirlýsingu fyrir ADSL
auk þess að kynna sér þessa þjón-
ustu betur.
ÓHH
Stækhw Grmmskólam í Borgarvesi gengur vel og eru veggir nýju byggmgarinnar að
rísa. Stefnt er að því að taka viðbygginguna í gagnið í haust og getur skólinn þd orðið
einsetinn. Mynd: SÓK
Vímet kaupir
Aflrás
Vírnet Garðastál í Borgarnesi
hefur keypt hlut í Aflrás, en Aflrás
er fyrirtæki í. Reykjavík sem sér-
hæfir sig í flutningatækni ýmiss
konar.
Aflrás selur hina þekktu Norfrig
(í dag undir nafninu Krone-Wa-
bash) flutningakassa á vörubifreið-
ar, ásamt öðrum flutningakössum.
Kælivélar frá Carrier, malarvagna
og pallskúffur frá Carnehl, beislis-
og festivagna frá HFR í Dan-
mörku, iðnaðar- og bílskúrshurðir
og margt fleira.
Þessi starfsemi fellur vel að
þeirri starfsemi sem stunduð hefur
verið hjá Járnsmiðju Vírnet
Garðastáls, en þar hafa verið seld-
ar Zepro vörulyftur og smíðaðir
flutningakassar ásamt gámagrind-
um allt frá því að Bifreiða- og Tré-
smiðja Borgarness var keypt árið
1992, þó að heldur hafi dregið úr
þessari starfsemi síðustu ár.
Einnig eru smíðaðar iðnaðar-
hurðir hjá Járnsmiðjunni með
hliðaropnun, en þar verður einnig
boðið upp á upprennanlegar hurð-
ir í framtíðinni.
Vírnet Garðastál kemur til með
að sjá um sölu á vörum Aflrásar að
hluta, ásamt því að koma að mark-
aðsmálum fyrirtækisins.
(Fréttatilkynning)
Höfðabraut
14-16 til sölu
Bæjarráð Akraness hefur ákveðið
að auglýsa íbúðirnar í fjölbýlishús-
inu Höfðabraut 14-16 til sölu. Hús-
ið var byggt upp úr 1960 en flestar
íbúðirnar hafa í gegnum árin verið
félagslegar íbúðir. Gísli Gíslason,
bæjarstjóri, segir að ástand hússins
hafi verið til umfjöllunar hjá bæn-
um um langt skeið. “Ibúðimar hafa
í gegnum tíðina verið eign einstak-
linga, sem hafa keypt þær af hús-
næðisnefnd með þeim skilmálum
sem gilt hafa á hverjum tíma.
Innlausnarskylda hefur hvílt á hús-
næðisnefnd varðandi íbúðimar, en
fyrir allnokkrum árum, þegar ljóst
var að ástand hússins var bágborið
og kostnaðarsamt að fara í þær
endurbætur sem nauðsynlegar em,
þá var ákveðið að hætta að úthluta
þeim en reyna að finna leiðir til að
koma húsinu í sómasamlegt á-
stand.” Að sögn Gísla hefur það
reynst þrautin þyngri þar sem flók-
in lög og reglur hafa gilt um
íbúðimar. “Lögin tóku meðal ann-
ars ekki á þeim vanda sem við er að
glíma en úr því hefur að hluta verið
bætt. Nú hefur bærinn tvær leiðir
til að leysa málið, annars vegar að
láta framkvæma nauðsynlegar við-
gerðir og bæta lánum á eignina sem
nemur endurbótunum en hins veg-
ar að selja íbúðirnar. Fyrri leiðin
er óhagkvæm þar sem aukning á
lánum á íbúðirnar gera þær of dýr-
ar fyrir félagslega kerfið. Síðari
leiðin getur þýtt að söluverð íbúð-
anna verði lægra en áhvílandi
skuldir og þannig reynir á hvort
samkomulag náist við þá aðila sem
fara með félagslega íbúðakerfið hjá
ríkinu um skiptingu þess sem útaf
stendur.”
Eins og áður segir hefur bæjarráð
samþykkt þá tillögu að auglýsa til
sölu þær íbúðir sem em í eigu bæj-
arins í húsinu. “Ætlun okkar er að
sjá til hvaða boð koma. Skilyrði er
að utanhússlagfæringum verði lokið
innan eins árs frá því að viðkom-
andi kaupir. Gert er ráð fyrir að
bærinn hafi tvo mánuði til að taka
afstöðu til tilboða þannig að unnt
verði að láta til þrautar reyna á að
ná samkomulagi við ríkið. Komi
engin eða óviðunandi tilboð í íbúð-
irnar þá verður að taka málið til
endurskoðunar.” SÓK