Skessuhorn - 05.04.2001, Blaðsíða 7
ducssuhuh.!
FIMMTUDAGUR 5. APRIL 2001
7
Heilir og sælir lesendur góðir
til sjávar og sveita
I Afganalandi ræður nú ríkjum
þjóðflokkur sá er Talibanar
kallast. Þetta er samfylking
geðvondra karla sem kúga kon-
ur og eyðileggja fornminjar.
Talibanar leggja ríka áherslu á
að vernda tungu sína og menn-
ingu fyrir erlendum mengunar-
völdum og svo grá er forneskja
þeirra að þeir halda enn úti rík-
isrekinni þjóðkirkju (nánar til-
tekið þjóðmosku).
Þótt það sé í sjálfu sér harð-
neskjulegt að kúga konur þá er
rík hefð fyrir því í Afganalandi
og því vilja Talibanar ekki hætta
því. Ekki fremur en við Islend-
ingar viljum láta af því að drepa
hvali eða spúa hættulegum efn-
um út í gufuhvolfið. Það er svo
rík hefð fyrir því hjá okkur.
Við Islendingar höfum alltaf
verið gallharðir Talibanar, allt
frá tímum Ingólfs Arnarsonar,
en hann var einmitt fyrsti Tali-
baninn. Þegar hann kastaði
öndvegissúlum sínum fyrir
borð stundaði hann í senn ó-
löglega losun farms í hafíð auk
þess sem hann stórskemmdi
með þessu merkar fornminjar.
Talibanar lifa ekki neinu mun-
aðarlífí og það gerði Ingóflur
ekki heldur. Hann gat valið um
grösugar sveitir, en kaus að
nema land á útskeri því er
Reykjavík heitir. Þar gat hann
þó valið um allar lausar bygg-
ingalóðir i bænum. Arnarhóll,
Höfði, já jafnvel Vatnsmýrin,
allt var þetta á lausu. En
Ingólfur reisti sér bústað í bak-
lóð í Skuggahverfinu. Aðal-
stræti 8b. Maðurinn var aug-
ljóslega meinlætamaður. Tali-
bani.
Gunnar á Hlíðarenda sýndi
ýmis Talibanaeinkenni. Hann
var öllum stundum úti um allar
sveitir að drepa menn og gamna
sér við vopnaskak að hætti af-
ganskra stríðsmanna. Dag
nokkru þegar þessi drullusokk-
ur, sem aldrei nennti að sinna
búi sínu, kom heim frétti hann
að frú hans hefði þurft að verða
heimilinu út um matvæli eftir
óhefðbundnum leiðum. Þá hik-
aði Gunnar ekki við að berja
konu sína sundur og saman.
Slíkt þykir hin besta skemmtan
meðal Talibana.
Þorgeir ljósvetningagoði er enn
einn Talibaninn. Hann kastaði
stórmerkum heiðnum skurð-
goðum í Goðafoss til að ganga í
augun á hinum Talibönunum.
Svo er verið að hnýta í Talibana
Afganalands fyrir að brjóta nið-
ur styttur af Búdda kallinum.
Eg veit ekki betur en að af engu
fyrirbæri; manni, guði, dýri eða
hlut, hafi verið framleiddar
jafnmargar styttur og af þessum
feita Kínakarli. Það munar
ekkert um það þótt nokkur
stykki af Bumbulíusi séu meitl-
uð niður hér og hvar. Hins
vegar er alvarlegur skortur á
frambærilegum styttum af nor-
rænum goðum á heimsmarkaði
og verk Þorgeirs því margfalt
svífyrðilegri en það sem Afgan-
ir eru tuktaðir fyrir nú.
Jón biskup Ogmundsson var þó
versti Talibani Islandssögunnar.
Hann eyðilagði fyrir okkur
rammþjóðleg dagaheiti eins og
Týsdag og Þórsdag og tróð upp
á okkur lágkúrunni þriðjudagur
og fímmtudagur. Oj bara. Auk
þess bannaði karlskömmin Is-
íendingum að dansa og enn
þann dag í dag eru þeir allsend-
is ófærir um það nema þá helst
sauðdrukknir.
Enn ríða Talibanar húsum á ís-
Iandi. þeir hafa alllengi mátt
halda sig til hlés en framrás
bræðra þeirra í Afganalandi
opnar þeim nú nýjar víddir og
ýmsir koma úr skápnum.
„Ef ég get ekki farið til fjallsins,
þá læt ég fjallið koma til mín“,
sagði Múhammeð spámaður, og
stóð við það því hann var Tali-
bani.
„Ef feitir Kínakarlar standa í
fjallinu og gretta sig framan í
mig, þá læt ég rífa f)allið“ segir
forsætisráðherra Afganalands.
Og stendur við það því hann er
Talibani.
„Ef ljótur forstjóri stendur í
Þjóðhagsstofnun, og grettir sig
framan í mig, þá læt ég rífa
Þjóðhagsstofnun,“ segir for-
sætisráðherra Islands. Og
stendur við það því hann er
Talibani.
Verið kært kvödd á þriðja Þórs-
degi í Einmánuði
Bjarki Már Karlsson
í tilefni af starfslokum Sigurðar Ólafssonar
framkvæmdastjóra
Sjúkrahússins og heilsugæslustöðvarinnar
i á Akranesi býður stjóm
stofnunarinnar til kveðjuhófs fyrir
núverandi og fyrrverandi
samstarfsmenn hans.
Hófið verður í sal Oddfellow að
Kirkjubraut 54, föstudaginn 6. apríl
frá kl. 20 til 22.
Stjórn Sjúkrahússins og
heilsugœslustöðvarinnar á Akranesi.
«*««t||| Snœfellsbœr
- þar sem jökulinn ber við loft
Atvinna
Efnalaug
) Þvottahús
• Hreinsum og þvoum allan
almennan fatnað
• 10% afsláttur af sængum,
koddum og yfirdýnum í apríl
• Leigjum út veisludúka
• Gerum tilboð í stærri verk
Pakkhússnefnd og atvinnu- og ferðamálanefnd
Snæfellsbæjar óska eftir starfsfólki í Pakkhúsið sumarið
2001. Um er að ræða tvö störf. Pakkhúsið opnar í lok
maí - byrjun júní og þurfa umsækjendur að geta byrjað
u.þ.b. viku fyrr til að koma húsinu í stand og undirbúa
sumarið.
Krafist er góðrar tungumálakunnáttu, góðrar þekkingar
á svæðinu og því sem það hefur að bjóða auk þægilegrar
framkomu.
Reynslu af samskonar störfum er einnig krafist.
Umsóknum skal skilað á skrifstofu Snæfellsbæjar á
eyðublöðum sem þar fást fyrir 20. apríl.
Borgarbraut 55
Borgarnesi
4371930
Öllum umsóknum verður svarað.