Skessuhorn - 26.04.2001, Blaðsíða 2
1
FIMMTUDAGUR 26. APRIL 2001
Skemmdi bíl
Aðfaranótt síðastliðins laugar-
dags, um klukkan hálfsex, varð ör-
yggisvörður Oryggisþjónustu Vest-
urlands var við áflog við umferðar-
ljósin á Akranesi. Þar hafði maður,
sem augljóslega var undir áhrifum
áfengis, ráðist á hóp ungra manna
sem voru á heimleið. Aður hafði
maðurinn verið með mikil læti fyr-
ir utan heimavist Fjölbrautaskóla
Vesturlands og verslunina Skagaver
og vöknuðu margir í húsunum í
kring við ólætin. Mennirnir leituðu
aðstoðar öryggisvarðarins og kall-
aði hann til Lögregluna á Akranesi.
Maðurinn komst hins vegar undan,
hljóp sem fætur toguðu inn í ná-
lægan garð við Vogabraut og létti á
sér á grilli sem þar var staðsett. Eft-
ir það klifraði hann upp á þak bíl-
skúrs í næsta húsi og stökk niður á
bifreið sem var lagt fyrir neðan.
Bifreiðin var nýleg og skemmdist
hún talsvert. Kalla varð til lögreglu
á bakvakt til að leita að manninum
auk þess sem áðumefndur öryggis-
vörður aðstoðaði við leitina. Er
hann loksins fannst á Vallholti
veitti hann harða mótspyrnu og reif
meðal annars einkennisbúning eins
lögregluþjóns. Samkvæmt heimild-
um Skessuhorns þurfti að beita gasi
á manninn og var hann færður á
lögreglustöðina eftir það. SÓK
Fótboltamenn á
Skagatorgi?
Drög að samningi um kaup á
listaverkinu Fótboltamenn eftir
Sigurjón Olafsson liggja nú fyrir og
að sögn Gísla Gíslasonar, bæjar-
stjóra Akraness, er vonast til að
gengið verði frá samningum innan
tíðar þannig að verkið verði komið
til bæjarins til uppsetningar í haust.
„Verkið á sér merkilega sögu og
það „týndist" m.a. í Danmörku í
mörg ár en fannst aftur fyrir
nokkrum árum síðan. Þá var það
selt á uppboði til velunnara Lista-
safns Sigurjóns Olafssonar sem
gáfu saíhinu það.“ Gísli segir að
ætlunin sé að láta steypa verkið í
brons og verður það 2,5 metrar á
hæð. „Eins og vitað er þá eru 50 ár
liðin frá því að Skagamenn urðu
fyrst Islandsmeistarar í knattspyrnu
í meistaraflokki karla og það er
m.a. í tilefhi þess sem áhugaefhi er
að koma verkinu upp.“ Gert er ráð
fyrir að staðsetja verkið á hring-
torginu við Garðabraut (Skaga-
torg). Endanlegur kostnaður liggur
ekki fyrir en nú þegar eru til um 3
milljónir króna upp í kostnað.
Landsbankinn, VIS og Landsbréf
hafa stutt dyggilega við verkefhið
auk þess sem menningarsjóður sem
lagður var niður á síðasta ári verð-
ur lagður í verkefnið. „Við vonumst
til þess að fleiri aðilar verði okkur
innan handar með að ljúka fjár-
mögnun, en verkið verður án nokk-
urs vafa veruleg bæjarprýði þegar
það verður sett upp,“ segir Gísli
Gíslason.
SÓK
Nýsköpunardagur
á Bifröst
Síðastliðinn mánudag kynntu
nemendur Vðskiptaháskólans að
Bifröst vikulangt starf sitt að
mótun viðskiptahugmyndar. AJls
komu fram 26 hugmyndir sem á-
ætlanir hafa verið unnar um.
Gerð viðskiptaáætlana var að
þessu sinni viðfangsefni samþætt-
ingarverkefnis sem stendur yfxr í
eina viku á hverju misseri hjá 1.
og 2. árs nemum. Þar er hinum
ýmsu námsgreinum blandað
saman á þverfaglegan hátt og
verkefnið jafnan unnið í hóp-
vinnu.
Þetta vikulanga verkefni nem-
enda var unnið í samvinnu við
Nýsköpunarsjóð og verða bestu
verkefnin send í keppnina Ný-
sköpun 2001. GE
Einn vinnuhópanna setur sig tstellingar til aS kynna viðskiptahugrnynd sínafyrir
dómnefnd. Mynd: GE
Óeðlilegt að ríkisvaldið
dragi lappimar
segir Tón Valgarðsson, oddviti Hvalfjarðarstrandahrepps
Stækkun álversins á Grundar-
tanga úr 90 þúsund tonna ársfram-
leiðslu í 180 þúsund tonn hefur
verið mikið í umræðunni undanfar-
ið og Valgerður Sverrisdóttir, við-
skiptaráðherra, hefur verið ásökuð
um að tefja málið. Jón Valgarðsson,
oddviti Hvalfjarðarstrandahrepps,
sagði í samtali við Skessuhorn að
hann væri því sammála. „A sínum
tíma var gert ráð fyrir því að álver-
ið yrði stækkað upp í 180 þúsund
tonn og umhverfismat og starfsleyfi
fyrirtækisins gerðu ráð fyrir því frá
upphafi og þess vegna ætti álverið
að vera stækkað upp í þetta sem
fyrst. Eg er mjög jákvæður fyrir því
og mér finnst óeðlilegt af ríkisvald-
inu að draga lappirnar í þessu máli
og tefja fyrir stækkuninni. Við eig-
um hins vegar eftir að taka afstöðu
til stækkunar umfram þessi 180
þúsund tonn, hvort sem það er í
200 eða 240 þúsund tonn, og
mörgu er ósvarað í því sambandi.
Þessa stækkun erum við hins vegar
búnir að samþykkja og við ætlum
að standa við þá ákvörðun."
Jón segir mikla hagsmuni vera í
húfi fyrir svæðið og Vesturland í
heild. „Þetta er varanlegasta upp-
bygging á atvinnufyrirtæki sem er á
svæðinu, það hefur sýnt sig. Burt-
séð frá gerð Hvalfjarðarganganna
er bygging álversins og stækkun
járnblendisins ótvírætt það sem
skipti sköpum varðandi uppbygg-
ingu á svæðinu. Atvinnutækifærum
hefur fjölgað til muna, íbúum og
byggingum á Akranesi einnig. Ibú-
um í hreppunum hér í kring hefur
einnig fjölgað og veruleg upplyft-
ing hefur orðið í Borgarnesi. Málið
nær töluvert lengra og ég myndi
segja að þetta hafi ótvírætt þýtt
uppbyggingu fyrir Vesturland í
heild.“ Jón segir mikilvægt að halda
þessari uppbyggingu áfram, ekki
hvað síst til þess að aðstandendur
álversins komist til að byggja upp í
þær stærðir sem þeim er hagkvæmt
að reka. „Eg tel að með stækkun at-
vinnusvæðisins séum við alveg til-
búin að mæta stækkun upp í 180
þúsund tonna ársframleiðslu til að
fjölga atvinnutækifærum. Þetta var
okkar skoðun á sínum tíma og hún
er óbreytt.“
Jón segir mikilvægt að grænt ljós
verði gefið á stækkunina sem fyrst.
„Alversmenn hafa sagt okkur frá
því að þeir hafi milli handanna á-
kveðið fjármagn sem þeir ætli að
fjárfesta fyrir. Ef þeir fá ekki að
gera það hér, gera þeir það annars
staðar. Mér finnst mikilvægt að
þeir geti þá nýtt það fjármagn í
Grundartanga sem þeir þurfa að
koma í lóg.“ SÓK
Settar verði reglur um brot á
vmveitingalögum
Bæjarráð Akraness samþykkti á
síðasta fundi sínum að fela bæjar-
ritara að leggja fram tillögu að
starfsreglum um viðbrögð við
brotum gegn reglum um vínveit-
ingaleyfi. Gísli Gíslason, bæjar-
stjóri, segir að eins og standi séu
ekki til sérstakar reglur um
hvernig skuli fara með mál þegar
reglur um vínveitingaleyfi séu
brotin. „Hingað til hefur ekki
komið til þess að grípa þurfi á
málum, en af gefnu tilefni er ljóst
að þessara reglna er þörf. Kemur
þá annars vegar til álita að á-
minna þá sem brjóta gegn regl-
unum og beita sviptingu leyfis ef
brot eru ítrekuð.“ Gísli segir að
almennt hafi ekki borið á því að
vínveitingareglur séu brotnar, én
að bæjaryfirvöldum hafi borist
skýrsla frá lögreglu þar sem útlit
sé fýrir að reglurnar kunni að
hafa verið brotnar. „Ef svo er þá
er ljóst að bregðast verður við
því.“
SÓK
Deildarstjórar í
gnmnskólana?
Skólastjórar og aðstoðarskóla-
stjórar Brekkubæjar- og Grunda-
skóla sendu bæjarráði Akraness
bréf á dögunum varðandi ráðn-
ingu deildarstjóra fyrir grunn-
skólana í bænum. Bæjarráð hefur
samþykkt að fela Helgu Gunnars-
dóttur, menningar- og skólafúll-
trúa að skoða málið en bæjarráð
ætlar í framhaldi af því að kalla
viðkomandi aðila til viðræðna.
Gísli Gíslason bæjarstjóri segir að
á þessu stigi sé verið að skoða
uppsetningu á skipuriti grunn-
skólanna og rökstuðning skóla-
stjóranna fyrir ráðningu deildar-
stjóra. „I nýgerðum kjarasamn-
ingum kennara er meðal annars
raðað inn í samninginn starfsheit-
um deildarstjóra, en á höfúðborg-
arsvæðinu hefur verið ráðist í
ráðningu slíkra starfsmanna. Nú
liggur ekki fyrir hvernig að þessu
verður staðið, en það ætti að skýr-
ast fljótlega."
SÓK
Grundaskóli
Vilja aðstöðu fyrir
hjúkrunarfiræðing
Guðbjartur Hannesson, skóla-
stjóri Grundaskóla, sendi bæjar-
ráði bréf fyrr í mánuðinum þar
sem hann óskaði heimildar til að
innrétta aðstöðu fyrir skólahjúkr-
unarfræðing og skólasálfræðing á
fyrstu hæð skólans. Bæjarráð
óskaði eftir umsögn fram-
kvæmdanefndar um einsetningu
grunnskólanna ásamt upplýsing-
um um áætlaðan kostnað. Núver-
andi aðstaða þarfnast lagfæringar
og ætlunin hefur verið að ráða þar
bót á í tengslum við einsetningu
skólans og þær framkvæmdir sem
af henni leiða. I sumar verður svo
hafist handa við framkvæmdir við
viðbyggingar við skólann og eru
ýmis verk sem tilheyra þeirri
framkvæmd sem vinna þarf, þar
með talið lagfæring á starfsað-
stöðu hjúkrunarfræðingsins og
skólasálfræðingsins.
SÓK
Bflívelta
Jeppabifreið valt á vegamótum
Borgarfjarðarbrautar og Uxa-
hryggjavegar í minni Lundar-
reykjadals að morgni sumardags-
ins fyrsta. Ökumaður og tveir
farþegar sem voru f bílnum voru
fluttir á heilsugæslustöðina í
Borgarnesi til aðhlynningar en
meiðsfi þeirra reyndust ekki al-
varleg.
GE
lokuð
Hvalþarðargöngin hafa verið
lokuð undanfarnar þrjár nætur
og verða einnig lokuð í nótt
vegna framkvæmda sem þar eiga
sér stað. Settir hafa verið upp
stálbitar við báða enda ganganna
til að koma í veg fyrir að flutn-
ingabílar með of háan farm kom-
ist þar í gegn, en nokkuð hefur
borið á því að það hafi gerst og
hafa þá viðvörunarskilti verið
brotin og göngin sjálf skemmd.
Tækifærið hefur einnig verið
nýtt til að þrífa göngin, hreinsa
ljós og endurnýja yfirborðsmerk-
ingar. Göngin hafa verið lokuð
frá miðnætti til klukkan sex að
morgni og verður svo einnig í
nótt.
SÓK