Skessuhorn - 26.04.2001, Blaðsíða 7
FIMMTUDAGUR 26. APRIL 2001
7
jntsjunu...
Ferrmngarjjör eðafermingar
Einn af þeim atburðum sem setja mark
sitt á vorið fyrir utan hækkandi sól,
grænkandi tún og komu lóunnar eru
fermingarnar.
Þessi hefð að staðfesta skírn okkar
frammi fyrir Guði og mönnum er vissu-
lega orðin gömul, en með árunum virð-
ist sem þessi helgi atburður sé orðinn í
ríkari mæli leikvöllur markaðsmanna
með gróðra von að leiðarljósi. Almenn-
ingur hneykslast á þessum markaðs-
mönnum sem notfæra sér þennan helgi-
atburð til að ginna ungmennin og jafnvel
kalla fram gerviþarfir af ýmsum toga.
En flest virðumst við tilbúin til að láta
glepjast.
Fermingarbörnin eru allan veturinn full
tilhlökkunar yfir að verða fullgildir með-
limir meðal kristinna manna, foreldr-
arnir eru tilbúnir að sjá þeim fyrir dýru
dressi og flottri veislu og ekki síst er
spenningur fermingarbarnanna gífur-
legur vegna gjafanna.
Það eru að vísu tvö ár í að elsta barnið
mitt rnuni staðfesta skírn sína en vorið
2003 ætla ég að vera við öllu búin. Nú
ætla ég að setja alla fjölskylduna í ferm-
ingaraðlögun.
Það var eftir frúarleikfimina mína um
daginn, þar sem ég stóð í sturtunni mitt
á rneðal stallsystra minna sem eru líkt og
ég, eilíft að vandræðast með aukakílóin
og appelsínuhúðina, að nýtt málefni kom
upp um svelginn. Þær fóru að ræða mál
málanna sem er auðvitað ekki að þeirra
mati starfsemi Þjóðhagsstofnunar. Nei,
þær komast nú aldrei svo langt í
pólítískri umræðu þessar elskur. Ef þær
nálgast pólitíkina á einhvern hátt þá eru
það helst vangaveltur um megrunar-
kúrana hjá Ossuri Skarphéðinssyni og
Davíð Oddssyni.
Jæja en til baka að fermingunum. Þar
sem við stóðum þarna í sturtunum og
skrúbbuðum á okkur lærin virtust þær
allar hafa skoðanir á fermingum og und-
irbúningi þeirra. Þær virtust allar vera
að fara að láta ferma, börnin eða barna-
börnin og ef ekki, þá einfaldlega var það
náinn ættingi eða góður nágranni sem
var að fara ferma.
Eg lagði við hlustir enda taldi ég mig á
engan hátt þátttakanda í þessari umræðu
þar sem heil tvö ár eru í þennan atburð
hjá mér. En þar sem ég stóð þarna
rennvot í sturtunni þá fóru að renna á
mig tvær grímur. Mér fór að skiljast að
ef ég ætlaði að halda reisn þá þyrfti ég að
fara að setja allt í gang.
Þarna varð mér Ijóst að þetta er ekki bara
einhver veisla þetta er ferming og hana
skal halda eftir íslenskri forskrift.
Þú þarft einfaldlega að halda stóra veislu,
bjóða helst öllum, hvort sem þér líkar
betur eða verr. Engin undantekning skal
gerð á hvort fermingarbarnið þekki
veislugestina eða ekki. Bamið mun líka
gleðjast yfir öllurn þeim gjöfum sem
þetta fjarskylda ókunna fólk gefur því.
Ekki hafa áhyggjur af plássleysi það leys-
ir þú með því að halda veisluna úti í bæ.
Þú leigir sal. En þó að þú rjúkir í að
halda veisluna í einhverjum ópersónu-
legum sal eða safhaðarheimili þá getur
þú ekki skotið þér undan því að taka svo-
lítið í gegn heima hjá þér. Þú gætir t.d.
fengið þér nýja eldhúsinnréttingu og
málað stofuna. Þetta er bara íslensk
hefð og hana skal halda.
Þá er það fatnaðurinn, láttu alla skyn-
semi lönd og leið. Baminu þarf að líða
vel í fötunum og vill auðvitað vera eins
og hinir. Þannig að við athöfnina sjálfa
ekki vera velta því fyrir þér hvort þú sért
á röngum stað þegar þú sérð alla þessa
litlu karla og kerlingar tölta alvarleg inn
kirkjugólfið. Nei svona vilja þau vera,
þetta er nú einu sinni þeirra ferming og
þótt þau noti fötin aldrei aftur þá skipt-
ir það engu máli. Þú fermir barnið bara
emu sinm.
Svo væri nú ágætt að þið hjónin hresst-
uð svolítið upp á útlitið svona rétt fyrir
fjölskyldumyndatökuna sem er algjört
„must“ þótt fermingarbarnið sjálft rífi
myndirnar niður af veggjum einu ári
seinna og hóti því að strjúka að heiman
ef það sjái þennan hrylling oftar.
Þá er komið að því að ákveða það sem
þetta allt snýst um, en það er ferming-
argjöfin.
Ekki telja þér trú um að veislan, fötin,
hárgreiðslan og myndatakan sé nóg.
Nei það er óbeinn kostnaður vegna
fermingarinnar. Fastur kostnaður er
gjöfin sjálf sem getur þó verið breytileg-
ur eftir efnahag ykkar hjóna. En varastu
að sýna nísku og skynsemi í þeim málum
ef þú ætlar ekki að værða athiægi og láta
bamið þitt verða fyrir einelti allt ffam að
stúdentsveislunni. Ekki falla í þá gryfju
að hugsa um segulbandstækið, Braun
hárblásarann eða þriggja skúffu skatt-
holið úr tekki sem þú fékkst í ferming-
argjöf fyrir einhverjum 20 árum og varst
hæstánægð með. Nei nú er öldin önnur.
I dag em verslanir og ýmis fyrirtæki til-
búin í að leiða fermingarbörnin í gegn-
um allan sannleikann um hvað þau geta
ekki komist af án í nánustu ffamtíð.
Hvort sem það era tölvur, hljómtækja-
samstæður, sjónvörp, símar, rúm, utan-
landsferðir, o.s.ffv. Það er sko ferming-
arfjör og fermingartilboð út um allt land.
Eftir þessa stund með stallsystrum mín-
um í sturtunni, þar sem ég var leidd í
gegnum allan sannleikann hvað ferming-
ar varðar, þá varð mér ljóst að ég gæti
sjálfsagt ekkert annað gert en að taka
þátt í þessari vitleysu. Hvað með trúna
og tilgang fermingarinnar? Eg ákvað að
nú skyldi ég sýna sjálfstæði og byrja
strax á fermingaraðlögun hjá barninu
mínu. Eg ætlaði ekki að henda mér út
í þessa hringiðu fyrr en í fulla hnefana.
Þegar heim var komið settist ég því nið-
ur og horfði djúpt í blá augu tólf ára
sonar míns og ræddi þessi mál. Þar fór
ég um víðan völl og ræddi um bernsku
mína úti á landi, kristilegt uppeldi,
fermingardaginn minn þar sem ég var í
heimasaumaðri dragt með blómabeð í
hárinu, hæstánægð með segulbandstæk-
ið og fámenna fermingarveislu (á lands-
vísu).
Eg sýndi honum myndir til sönnunar
sem vöktu mikla kátínu hjá honum þar
sem móðirin var aðal hlátursefni fyrir
gelgjulegt útlit, kerlingalegan klæðnað
og með búnt af afskornum blómum í
hári. Eg reyndi að tala um tilgang
fermingarinnar og hversu mikil sóun á
fjármunum þetta væri, ef ekki væri hug-
að að þessum tilgangi. Við mættum
bara alls ekki gleyma trúnni. Hann
sýndi þessu mikinn skilning og mér
hlýnaði um hjartaræturnar. Auðvitað er
minn eigin sonur ekki græðgin ein holdi
klædd.
Daginn eftir kom litprentaður bækling-
ur inn um bréfalúguna hjá okkur. Þetta
ffábæra fermingartilboð á tölvum, og úr
forstofunni heyrði ég: Vá maður myndi
nú láta ferma sig fyrir svona.
Búrekstrardeild KB, Brákarey, Borgarnesi, óskar
eftir að ráða starfsmann sem fyrst.
Helst til framtíðarstarfa en þó kemur tímabundin
ráðning til greina.
Upplýsingar veitir Valdimar Björgvinsson
í síma 430 5542
BÚREKSTRARDEILD
BORGARNESI
Auglýsing
Ágætu vinir vísna og Ijóða.
Veikomna skai nú ykkur bjóða,
í sama mæli þá öldnu og ungu,
á yrkingakvöld í Brautartungu.
Þar skulum við finnast í fínu
standi
hinn 4. mai næstkomandi.
Hagyrðingar þar kvæði kyrja.
Klukkan 9 á þetta að byrja.
Birgir Hartmannsson hér verður
gestur
og Hjálmar Jónsson,
dómkirkjuprestur,
og Dagbjartur, Helgi og Dísa í
Hrísum,
sem drjúg eru að koma saman
vísum,
þau verða öllþarna saman á
sviði
svo við teflum fram einvalaliði.
Þessu mun stjórna, greindurog
glaður,
Gísli Einarsson, fréttamaður.
Einnig skulum við að því hyggja
að ekki er skáldin vert að styggja
því oft er skæð þeirra orðahefnd.
Umf. Dagrenning /
Tómstundanefnd.
Borgarbraut 61
310 Borgarnes
Sími: 437-1700
Fax: 437-1017
INGI TRYGG VASON hdl.
lögg. fasteigna- og skipasali
Nýtt á söluskrá
Borgarbraut 28, Borgarnesi.
Einbýlishús á 3. hæðum ásamt bílgeymslu, 178 ferm. Á
neðstu hæð er séríbúð, dúklagt eldhús, teppalögð stofa,
herb. dúklagt og baðherb. með máluðu gólfi.
Aðalíbúð á 2. og 3. hæð. Á 2. hæð er forstofa, eldhús og
borðstofa dúkl., máluð innr. í eldhúsi. Teppalögð stofa.
Baðherb. nýlega endumýjað, dúkur á gólfi, ljós innrétting,
kerlaug. Á 3. hæð (risi) em 3 herb. öll dúklögð og teppalagt
hol. Á húsinu er nýlegt þak, nýjar kaldavatnslagnir og
rafmagn að hluta endurnýjað.
Verð: kr. 12.000.000
Böðvarsgata 13, Borgarnesi.
Einbýlishús ásamt bflskúr og geymslu í garði, samtals 224
ferm. Forstofa dúklögð. Þvottahús og geymsla málað.
Stofa og borðstofa teppalagt, hol og gangur parketlagt.
Eldhús dúklagt, viðarinnr. Baðherb. flísalagt, kerlaug/sturta,
ljós viðarinnr. 4 herb. parketlögð, skápar í tveimur herb.
Sólstofa og stór geymsla (áður sundlaug).
Verð: kr. 15.400.000
Borgarbraut 1-3, Borgarnesi.
2 herb. íbúð á 2. hæð, 58 ferm. Stofa og gangur parketlagt.
Herb. dúklagt. Eldhús parketlagt, ljós nýleg viðarinnr.
Baðherb. dúklagt, sturta. Stigagangur teppalagður. Nýjar
raflagnir í eldhúsi.
Verð: kr. 4.000.000