Skessuhorn - 14.06.2001, Blaðsíða 2
2
FIMMTUDAGUR 14. JÚNÍ 2001
aa£saunu..
Byggt við Langasand?
Skessuhorn sagði frá því nýverið
að Akurnesingurinn Gunnar Leifur
Stefánsson hefði keypt Langa-
sandshúsið af Ferðamálasjóði, en
húsið hafði þá verið til sölu í
nokkurn tíma. Um tíma var útlit
fyrir að Pizza '67 myndi flytja
reksmr sinn í húsið en af því varð
ekki. Nú hefur Gunnar Leifur látið
gera teikningar af 1500 fermetra
viðbyggingu við húsið, en til sam-
anburðar má nefha að eldri bygg-
ingin er samtals 800 fermetrar.
Gert er ráð fyrir að hin nýja
bygging verði þrjár hæðir, hver um
sig 500 fermetrar. Auk þeirra verð-
ur bílageymsla undir húsinu. Bíla-
stæði við húsið verða sextíu talsins
ef með eru talin þau sem eru í bíla-
geymslunni. Gunnar Leifur segir
að nú sé leit hafin að fjárfesmm og
hafa þegar nokkrir sýnt málinu á-
huga. „Þetta húsnæði gæti nýst
bæði sem hótel eða skrifstofuhús-
næði. Þarna gætu jafnvel verið
verslanir. Auk þess hefur Fjöl-
brautaskóla Vesmrlands lengi vant-
að rými sem gæti nýst sem heima-
vist.“
Skipulagsnefnd Akraness hefur
ekki gefið samþykki sitt fyrir bygg-
ingu hússins en Gunnar Leifur seg-
ir að samkvæmt sínum heimildum
ætti ekkert að vera því til fyrir-
stöðu. „Um leið og búið verður að
ganga frá samningum við fjárfesta
verður ráðist í byggingu hússins,
því fyrr því betra. Lóðin í kringum
Langasandshúsið er mjög dýrmæt
og mér finnst um að gera að reyna
að nýta hana sem best og fegra um-
hverfið í leiðinni.“ SÓK
Meðferðarheimilið á Staðarfelli
Lokað þrátt fyrir
aukið ijármagn
Einar Mathiesen, sveitarstjóri
Dalabyggðar, er óhress með að
stjórnendur S.A.A. skuli æda að
halda fast við fyrri ákvörðun sína
um að meðferðarstofnuninni á
Staðarfelli verði lokað í sumar. „Það
veldur vissulega vonbrigðum að
stjórnendur S.A.A. skuli ekki end-
urskoða afstöðu sína þrátt fyrir að
heilbrigðisráðherra hafi ákveðið að
auka fjárframlög til samtakanna.
Framkvæmdastjóri S.Á.Á. hefur
hinsvegar fullvissað okkur um að
hér sé um tímabundna ráðstöfún að
ræða og að starfsemi verði hafin á
nýjan leik í haust. Við höfum aftur á
mótí beint þeim tilmælum til sam-
takanna að þau endurskoði ákvörð-
un sína nú þegar,“ segir Einar.
Ekki náðist í Theodór Skúla
Halldórsson framkvæmdástjóra
S.Á.Á. vegna málsins. GE
Svæði Íslandssíma stækkað
Farsímasendir settur
upp á Akranesi
Íslandssími hefur nú sett upp og
tekið í notkun farsímasendi á Akra-
nesi og stækkar það heimasvæði
fyrirtækisins verulega. Svæðið nær
nú samfellt frá Reykjanesi í suðri til
Akraness í norðri auk þess sem Is-
Iandssími er með heimasvæði í
Eyjafirði og býður farsímaþjónustu
um dreifikerfi Landssímans á öðr-
um stöðum, þar með talið í Borgar-
nesi og á Snæfellsnesi. Viðskipta-
vinir Islandssíma geta því notað
farsíma sína um allt land. Islands-
sími hefur auk þess gert reikisamn-
inga við 292 farsímafyrirtæki í 128
—-----------+-----------------------
löndum og eru það fleiri lönd en
samkeppnisaðilar fyrirtækisins geta
boðið samanlagt.
Nú vill fyrirtækið bjóða Skaga-
mönnum og nærsveitungum að-
gang að farsímakerfi sínu en auk
þess er boðið upp á fastlínuþjón-
ustu eða að heimilissíminn sé
skráður hjá Islandssíma. Forsvars-
menn fyrirtækisins vilja vekja at-
hygli á því að Islandssími býður
lægsta mínútugjald á milli heimilis-
síma og farsíma svo framarlega sem
bæði númer séu skráð hjá Islands-
síma. SÓK
Góð veiði í
úthafskarfa
Skip Haraldar Böðvarssonar
hafa loksins fundið úthafskarfa í
talsverðu magni. Veiði hefur
verið góð undanfarið rétt fyrir
innan íslensku landhelgina á
Reykjaneshrygg. Frystiskip fyr-
irtækisins, Höfrungur III og
Helga María höfðu verið á grá-
lúðuveiðum en sneru sér að út-
hafskarfanum eftir að fréttir
fóru að berast af góðri veiði.
Skipin hættu veiðum á föstudag
og komu í land fyrir hádegi á
laugardag vegna sjómannadags-
ins. Talið var að aflaverðmæti
veiðiferðarinnar hjá Höfrungi
III hefði verið um 55 milljónir
króna og 50 milljónir króna hjá
Helgu Maríu. SÓK
Iþróttakennarar kvarta
Iþróttakennarar við Grunda- séraðstöðu sína og hávaða frá þeir vilja láta skipta salnum niður í
skóla á Akranesi hafa sent bæjar-
ráði bréf þar sem þeir kvarta und-
an vinnuaðstæðum sínum og var
Jóni Pálma Pálssyni falið að ræða
við bréfritara. Jón Pálmi segir að
kennararnir hafi fyrst og fremst
verið að gera athugasemdir við
tækjasal. „Tækjasalurinn er uppi a
palli fyrir ofan salinn og íþrótta-
kennurum finnst berast hávaði
niður frá tónlist sem spiluð er í
tækjasalnum. Einnig hafa þeir sett
út á aðstöðu sína sem þeim finnst
ekki nægilega vel úr garði gerð og
smærri hólf eins og mögulegt er að
gera í sal íþróttahússins við Vest-
urgötu.“ Jón Pálmi segir að málið
sé í skoðun. „Það er hægt að gera
ýmislegt en það kostar talsvert
mikla peninga.“
SÓK
SHA fær höfðinglega gjöf
Þorkell Guóbrandsson, yfirbeknir lyflœkningardeildar SHA, tekur við gjöfinni af
Arinbimi Kitld, fulltrúa Vesfíirlatidsdeilda RKI. Vió hlió Arinbjamar stendur fulltrúi
Félags hjartaskjiíklinga á Vesturlandi
Síðastliðinn þriðjudag gáfu Vest-
urlandsdeildir Rauða kross Islands
og Félag hjartasjúklinga á Vestur-
landi Sjúkrahúsi Akraness tækja-
búnað til gjörgæslu hjartasjúklinga.
Búnaðurinn samanstendur af
hjartahágæslutæki (monitor) og
fjargæslubúnaði (telemetriur). Bún-
aðurinn sem er af gerðinni Agilant
kostar yfir 4,2 milljónir króha og er
þetta rausnarlegasta einstaka gjöf
sem sjúkrahúsinu hefur borist frá
félagasamtökum.
Tækjabúnaðurinn sem fyrir var á
lyflækningadeild SLIA var orðinn
gamall og svo var komið að erfitt
reyndist að fá varahluti í hann. Lyf-
lækningadeildin hefur um áratuga
skeið veitt viðtöku bráðveikum
hjartasjúklingum og hafa þeir eink-
um komið af upptökusvæði sjúkra-
hússins. Á sumrin hafa þó einnig
komið sjúklingar úr sumarbústaða-
byggðum í nærliggjandi héruðum
og effir tilkomu Hvalfjarðarganga
hefur ekki dregið úr aðsókn þeirra á
sjúkrahúsið.
Að sögn Þorkels Guðbrandsson-
ar, yfirlæknis lyflækningadeildar
SHA, þarf nútímalegan tæknibúnað
til gjörgæslu hjartasjúklinga til þess
að nútíma þekking í hjartalækning-
um komi skjólstæðingum sjúkra-
hússins að fullu gagni. Auk Þorkels
starfar Sigurpáll Scheving sem
hjartasérfræðingur á sjúkrahúsinu
en á síðasta ári voru 209 sjúklingar
lagðir inn á sjúkrahúsið með hjarta-
sjúkdóm sem aðalsjúkdómsgrein-
ingu. Til samanburðar má nefna að
heildarfjöldi sjúklinga árið 2000 var
681 og hjartasjúklingar eru því rúm
30% af öllum þeim sem lagðir eru
inn á spítalann á ári.
Norðurál
Stækkunin tekin í gagnið
Á mánudag hófst framleiðsla í
öðrum áfanga Norðuráls með
formlegum hætti tveimur vikum á
undan áætlun þegar Valgerður
Sverrisdóttir, iðnaðarráðherra,
gangsetti fyrstu áltökuna. Ársfram-
leiðsla fyrirtækisins hefur því auk-
ist úr 60 þúsund tonnum í 90 þús-
und tonn. I ávarpi Valgerðar kom
fram að stjórnvöld myndu staðfast-
lega stefha að því að af frekari
stækkun yrði á næstu árum en
Norðurál hefur ítrekað óskað eftir
því og stjórnvöld hafa sætt ásökun-
um um að draga lappirnar í mál-
inu. Starfsleyfi fyrirtækisins er fyr-
ir 180 þúsund tonna ársfram-
leiðslu, eða helmingi meiri en nú
eftir að stækkunin hefur verið tek-
in í gagnið.
Eins og fram hefur komið í
Skessuhorni hófust framkvæmdir
við hinn nýja áfanga fyrir rúmu ári
síðan en alls kostaði stækkunin um
8,5 milljarða króna og er það minna
en lagt var af stað með í fyrstu. Fjár-
mögnunin er fjölþjóðleg en Lands-
banki Islands er stærstur einstakra
lánveitenda auk þess sem íslands-
banki hefur verið þátttakandi í fjár-
mögnun Norðuráls frá upphafi.
Utflutningstekjur Norðuráls
munu aukast um tæplega fimm
milljarða króna á ári vegna stækk-
unarinnar. 50 nýir starfsmenn verða
ráðnir til starfa en samtals unnu um
400 manns að framkvæmdunum.
Eftir stækkun starfa um 200 manns
hjá Norðuráli og koma langflestir
þeirra af Vesmrlandi. SÓK