Skessuhorn - 21.06.2001, Blaðsíða 5

^&cssunu^
FIMMTUDAGUR 21. J-ÚNÍ 2001
5
Borgarfjörður
Ekki sameinað að sinni
Eins og fram hefur komið í
Skessuhorni héldu sveitarstjórnir
Borgarbyggðar, Borgarfjarðarsveit-
ar, Hvítársíðuhrepps og Skorradals-
hrepps óformlegan fund í apríl sl.
þar sem rætt var um hugsanlega
sameiningu sveitarfélaganna.
Almennt var viðhorf fundar-
manna að frekari sameining yrði fyrr
eða síðar. Hreppsnefndarmenn úr
Hvítársíðu voru sammála um að vel
mætti hefja sameiningarviðræður án
tafar með sameiginlega kosningu
2002 fyrir augum. Hreppsnefndar-
menn úr Skorradalshreppi töldu að
gefa þyrfti málinu góðan tíma.
Meginþorri sveitarstjómarmanna
úr Borgarbyggð taldi réttast að heíja
viðræður án tafar en meirihluti
hreppsnefndar Borgarfjarðarsveitar
vildi bíða með að marka stefnu
þangað ril búið væri að halda íbúa-
fund um málið.
Niðurstaða fundarins var því sú að
grundvöllur væri fyrir sameiningu
Bogarfjarðarsveitar, Borgarbvggðar
og Hvítársíðuhrepps en að ffamhald
málsins hvíldi á Borgarfjarðarsveit.
I Borgarfjarðarsveit var efnt til í-
búafundar þann 7. júní sem um 20
manns sóttu. Sameiningarmálið var
síðan á dagskrá næsta hreppsnefnd-
arfundar. Þar lögðu fulltrúar meiri-
hlutans fram svohljóðandi bókun.
„Þar sem flestir þeirra sem tjáðu
sig á íbúafúndinum 7. júní sl. mæltu
gegn því að hafnar yrðu sameining-
arviðræður við önnur sveitarfélög í
Borgarfjarðarhéraði ofan Skarðs-
heiðar á þessu kjörtímabili þó trú-
legast kæmi að því síðar vill L-listinn
ekki efna til sameiningarviðræðna
sbr. 90. gr. sveitarstjórnarlaga, á
þessu kjörtímabili."
Ríkharð Brynjólfsson, oddviti
Borgarfjarðarsveitar, telur ekki að
fundarmenn hafi verið of fáir til þess
að sýna þverskurð af raunverulegri
skoðun íbúa. „Hvenær er niðurstaða
marktæk? Þama mættu um 5% íbúa
og fúndurinn var boðaður mjög
rækilega með þetta mál sem um-
ræðuefni. Það er kannski til lítils að
boða menn á fund ef maður ædar
svo ekki að taka mark á þeim sem
mæta. Auk þess vora allir fimm
hreppsnefndarmenn sammála um að
niðurstaða fundarins hefði verið
þessi og við fóram ekki út í neinar
atkvæðagreiðslur eða tillögugerð."
Hreppsnefnd Borgarfjarðarsveitar
hefur einnig hafnað því að gera
skoðanakönnun meðal íbúa um
hvort ganga eigi til sameiningar eða
ekki. „Borgarbyggð sendi hreppun-
um bréf þess efnis hvort þeir væru
tilbúnir til þess að efna til skoðana-
könnunar. Við ákváðum að gera það
ekki, meðal annars vegna þess að
okkur fannst að það væri að mörgu
leyti andstætt að spyrja um eitthvað
þar sem ekki væri vitað hvað lægi að
baki.“
Ríkharð virðist þó ekki hafa úti-
lokað sameiningu endanlega og
segir að jafnvel verði efnt til við-
ræðna síðar. „Það er aldrei hægt að
segja nei eða já sem á að standa fram
að heimsendi. En á þessari stundu
er þetta okkar afstaða, meðal annars
í ljósi niðurstaðna á þessum fundi.“
Eftir fundinn í apríl var dreifibréf
sent á öll heimili í hreppnum með
fúndargerð. Ríkharð segir að svo
verði einnig gert nú. „Stefán Kalm-
ansson skrifaði minnispunkta á
fundinum og mér finnst eðlilegt að
allir hafi tækifæri til þess að koma á
framfæri athugasemdum mn þá.“
Þá lagði fulltrúi minnihlutans,
Bjarki Már Karlsson, fram efrirfar-
andi bókun:
„íbúafundurinn í Brún 7. júní var
fámennur og gerði enga ályktun.
Þar komu ýmis ólík sjónarmið fram.
Mér þykir ómögulegt að byggja á-
kvörðun um jafri mikilvægt mál og
sameiningarviðræður á huglægu
mati á meginstraumum umræðna á
þessum fámenna fundi. Sveitarfé-
lögin í Borgarfirði norðan Skarðs-
heiðar eru eitt atvinnu-, þjónustu-
og menningarsvæði. Þau eiga í
harðri samkeppni við aðra lands-
hluta um búsetu fólks ásamt starf-
semi fyrirtækja og stofriana. Sam-
einuð geta þessi sveitarfélög staðið
enn betur að eflingu byggðar og
mannlífs í Borgarfirði en nú er gert.
Telji menn að sameining komi til á-
lita síðar hlýtur það að vera vegna
þess að menn telji að hún feli í sér á-
vinning þá. Eg sé engin rök til þess
að sá ávinningur sem síðar kann að
nást vegna sameiningar geti ekki
náðst strax og tel að með því að slá
sameiningarmálum á frest séu
Borgfirðingar beinlínis að fresta
framförum. Eg tel okkur ekki hafa
efrii á því.
Eg mun þó ekki leggja fram fyrir
hreppsnefrid formlega tillögu um
sameiningarviðræður enda sýnt í
ljósi fyrirliggjandi bókunar að slík
tillaga yrði ekki samþykkt að svo
komnu máli.“
Hreppsnefrid var hinsvegar sam-
niála um að áfram verði unnið að
samstarfi sveitarfélaganna um sam-
eiginleg hagsmunamál svæðisins og
reglubundnir samráðsfundir milli
þeirra væru mjög gagnlegir.
Sl. fimmtudag hittust fulltrúar
sveitarstjórnanna aftur þar sem af-
staða Borgarfjarðarsveitar var
kynnt. Þótt ljóst sé að þar með
verði ekki um sameiningu að ræða
fyrir næstu sveitarstjórnarkosningar
var ákveðið að sveitarfélögin fjögur
tilnefni einn fulltrúa hvert til að
koma saman í ágúst og ræða hvern-
ig efla megi enn frekar samstarf
þeirra Þá var kynnt tilaga Kolfinnu
Jóhannesdóttur úr Borgarbyggð um
að efria til málþings um stöðu Borg-
arfjarðar, horfur og tækifæri þar
dregnir væru fram kostir og sýn
heimamanna á framtíð héraðsins og
var samþykkt að sveitarfélögin fjög-
ur standi saman að því.
Nýbygging Grundaskóla
Fyrsta skóflustungan teldn
í síðustu viku tók Guðbjartur
Hannesson, skólastjóri Grunda-
skóla á Akranesi, fyrstu
skóflustunguna að nýbyggingu við
skólann að viðstaddri fram-
kvæmdanefnd og verktökum en
ætlunin er að byggingin verði til-
búin til notkunar haustið 2002. Er
þetta síðasti hluti Grundaskóla
sem byggður verður miðað við
einsetningu og rúmast þá á milli
500 og 600 nemendur í skólanum.
Byggingin verður tveggja hæða og
rúmlega þúsund fermetrar (1037)
en henni er fyrst og fremst ætlað
að vera kennsluálma fyrir miðstig
skólans, það er að segja 5.-7. bekk.
I henni eiga að vera tíu almennar
kennslustofur, tvær tónlistarstofur
þar sem Tónlistarskóli Akraness
mun sjá um kennslu, viðbót við
bókasafn Grundaskóla og inn-
gangur.
Byggingin er teiknuð af Magnúsi
Olafssyni arkitekt en það er
Loftorka í Borgarnesi sem kemur
til með að sjá um framkvæmdina
og á fyrirtækið að skila verkinu
fullunnu í ágúst á næsta ári.
Myndatexti: Grjótvömin ncerfrá Norðurtcmgafoygg/u að Olafsbraut og er 140 metra
löng.
Hafhar-
fram-
kvæmdir í
Snæfellsbæ
Töluverðar hafnarframkvæmdir
hafa átt sér stað að undanförnu á
vegum hafnarsjóðs Snæfellsbæjar. A
Rifi er lokið dýpkun innsiglingar og
einnig innanhafriar að hluta til, en
mun dýpkunin alls nema um 15
þúsund rúmmetrum. Þá er á Rifi
einnig lokið styrkingu og lengingu
Norðurgarðs um 290 metra. I O-
lafsvík er verið að ganga frá grjót-
vörn sem nær frá Norðurtanga-
bryggju og að Ólafsbraut og er um
140 metra löng, en það er fyrirtæk-
ið Stafnafell sem er framkvæmdar-
aðili verksins.
I Ólafvík er einnig fyrirhuguð
lenging fingurflotbryggjunnar svo-
kallaðrar um 20 metra og bætast þá
við átta flotbryggjupláss. Að auki er
síðan áætlað að taka tvær elstu flot-
bryggjurnar burt og byggja nýja 20
metra flotbryggju í staðinn.
smh
Húmæði nýja Bókasafiisins í Grundarfirði
Grundarfj örður
Bókasaftiið flutt
Myndarleg bygging er nú risin
að Borgarbraut 16 í Grundarfirði
ofan á húsnæði sem áður hýsti Vél-
smiðjuna Berg. Þann 28. maí flutti
bókasafriið starfsemi sína úr þröng-
um húsakosti sínum rétt ofan við
nýbygginguna og kom sér vel fyrir
í glæsilegum húsakynnum á annarri
hæð. Einnig hefur fjarnámi við
Fjölbrautaskóla Vesturlands á
Akranesi verið sköpuð aðstaða á
sömu hæð. A jarðhæðinni hefur á-
haldahús bæjarins komið sér fyrir
og innan skamms mun svo slökkvi-
lið bæjarins flytja inn í tómt hús-
næðið við hliðina. Aætlað er að
lóðaframkvæmdum verði lokið í
júlímánuði. Þá er smíði nýs
slökkviliðsbíls á lokastigi og því
ríkulegt tilefni til fagnaðar innan
slökkviliðs Grundarfjarðar, sem og
meðal bæjarbúa. smh
Swma Njálsdóttir, bókavörður, ogjúlíanna Friðjónsdóttir (við tölvuna) eru alsœlarmeð
nýja hiísmeði bókasafnsins í Grundarfirði.
Borgarbraut 61
310 Borgarnes
Simi: 437-1700
Fax: 437-1017
INGI TRYGG VASON hdl.
lögg. fasteigna- og skipasali
Nýtt á söluskrá
Bakkahvammur 6, Búðardal.
2ja herb. íbúð á neðri hæð í tvíbýlishúsi, 70 ferm. íbúðin
skiptist í þvottahús, dúklagt hol, dúklagt baðherb., dúklagða
stofu og eldhús samliggjandi og dúklagt svefnherb./skápar.
Verð: kr. 3.000.000
OSlO
D &
Óskum að ráða bifreiðastjóra til
sumarafleysinga.
XJpplýsingar í síma 437 2030
VÖRUFLUTNINGAR
tVESTURLANDS ehf