Skessuhorn - 26.07.2001, Blaðsíða 7
jivtaaLnui..
FLMMTUDAGUR 26.JULI 2001
7
Ég er mikill aðdáandi heimsbók-
menntanna, innlendra sem erlendra.
Mörgum hinna bestu stunda minna
hef ég varið í lestur góðra bóka og sé
ekki eftir því.
Anægjulegastur hefur mér reynst
lestur þeirra skáldverka - fornra sem
nýrra - sem almennt eru talin bók-
menntaleg stórvirki, rituð af valin-
kunnurn snillingum. En þótt ég
taki undir skilgreiningu fjöldans á
því hvað sé snilld og hverjir séu
snillingar þá greinir mig á við flesta
um eitt veigamikið atriði. Þannig er
að oftar enn ekki fjalla góðar bækur
um átök góðra karla og vondra
karla. Söguhetjan er að jafhaði góði
karlinn.
Hér vil ég gera hlé á frásögninni
til að taka það fram að hugtökin
„góði karlinn" og „vondi karlinn“
eru hér notuð í yfirfærðri merkingu
og í huga mínum getur góði karlinn
þess vegna verið kvenmaður, jafnvel
kvendýr. Þannig er Litla gula hæn-
an tvímælalaust góði karlinn í sam-
nefndri sögu þótt hvorki sé hún
karlmaður né karldýr. Þetta vildi ég
bara að kæmi fram svo ég verði ekki
að ósekju sakaður um kvenfyrirlitn-
ingu. Nú er hléið búið.
Þessi veigamikli ágreiningur minn
og fjöldans, sem ég var byrjaður að
segja frá áður fyrir hlé, snýst sem
sagt um það að oft hef ég enga sam-
úð með góða karlinum í sögunni.
Ég sé í gegnum þessar uppskafn-
ingshetjur. Ég er þess fullviss að
höfundar sagnanna hafi líka einmitt
ætlað lesendum sínum að sjá í gegn-
um háðið og skil ekkert í fólki að
deila ekki þessari snilligáfu með
Ég hef áður fjallað um hetjuna
Gunnar á Hlíðarenda. Mann sem
aldrei fór að góðum ráðum, mann
sem myrti átta manns á einu bretti
að yfirlögðu ráði fyrir þá sök eina að
einn þeirra hafði áður rispað hann á
kinninni með spora sínum, mann
sem hafði ekki í sér manndóm til að
afplána vægan dóm fýrir ítrekuð
fjöldamorð, mann sem barði konuna
sína. Gunnar var augljóslega lítil-
menni og ræfdl og á Hallgerður
kona hans samúð mína alla.
Annar velþekktur skíthæll heims-
bókmenntanna er Olafur Kárason
Ljósvíkingur. Hann þykist vera
skáld og hugsjónamaður. Höfundur
yrkir Maístjörnuna í orðastað hetj-
unnar og sjálfur leitar Ólafur sífellt
að þeim stað og þeirri stund „þar
sem fegurðin ríkir ein“. En í þessari
leit sinni smánar hann og niðurlæg-
ir eiginkonu sína sem þó hefur ít-
rekað reynst honum miklu betur en
hann á skilið. Framkoma hins dáða
Ólafs er öll á þá leið að mér er per-
sónulega í nöp við hann.
Það er þó í erlendum heimsbók-
menntum sem fyrirlitning mín á
meintri söguhetju rís hæst. Þar á ég
að sjáfsögðu við hugverk Valtýs frá
Djásney, leynilögguna Mikka Mús.
Mikki þessi er yfirleitt einkaspæj-
ari að atvinnu en sökum verkefna-
skorts grípur hann þó stundum í
önnur störf, einkum flutningabrans-
ann. Hann telur sig vera öllum öðr-
um betur gefinn, nokkurskonar
Skerjalákur Hólmur samtímans.
Hann er því sífellt að abbast upp á
lögregluna með því að veita henni
óumbeðna aðstoð sína. Þetta virð-
ast þeir hjá löggunni umbera, en
hafa að sjálfsögðu aldrei boðið
Mikka starf. Til þess er hann ekki
hæfur. Það er velþekkt að afskipta-
semi borgara af rannsóknarstörfum
lögreglu geta léitt til algjörrar
ringulreiðar. Hver man ekki eftir
tollararnum á Keflavíkurflugvelli
sem fór að leika íslenskan Mikka
Mús í Geirfmnsmálinu með skelfi-
legum afleiðingum?
Besti vinur Mikka heitir Guffi. Sá
hefur þroska á við 8 ára barn og á
erfitt með að fóta sig í samfélagi
fullorðinna. Undirmálsmenn, sem
vilja fmna til sín, velja sér gjarnan
slíka menn að vinum og það hefur
Mikki gert. Hann nýtir sér ein-
feldni Guffa til að virka klárari en
hann er auk þess sem hann getur
ráðskast með hann að vild eins og
hund. Guffi er þó ekki allur þar sem
hann er séður. Hann er þeirrar
náttúru að eti hann jarðhnetu úr
garði sínum breytist hann í ofur-
menni. Ofur-Guffi er alveg eins og
Guffi útlits, bara í náttfötum. Ofur-
Guffi og Guffi sjálst aldrei samtím-
is. Ofur-Guffi leysir gjarnan erfið
mál sem Mikki er með heimsku
sinni búinn að klúðra. A meðan
hverfur Guffi á dularfullan hátt.
Þetta plott hefur Mikki Mús enn
ekki séð í gegnum. Slíkt eftirtektar-
leysi einkaspæjara hlýtur að vera
honum til ævinlegrar háðungar.
Ef Valtýr heitinn sæi hvernig
frumburður hans, Mikki, hefur
breyst úr syngjandi glaðværum
sprelligosa á stuttbuxum í hroka-
fullt, heimskt merkikerti, er hætt við
að sá gamli myndi láta heldur ófrið-
lega í gröfinni.
Foreldrar, bannið börnum ykkar
að lesa um Mikka Mús og leyfið
þeim það eigi, því hann er vond fyr-
irmynd. Börn, þið skulið ekkert
halda með þessum Mikka Mús,
hann er gamalmenni. Haldið frekar
með Mikka Hákkinen, hann er
miklu svalari þótt hann keyri bara
hring eftir hring eftir hring. Eins
og geisladiskur.
Jf
Upplýsingar gefur sláturhússtjóri
í síma 455 4583
Kaupfélag Skagfirðinga
Starfsfóik óskast sumwdaqitm 29. júU kt. 20
Dvalarheimili og
íþróttamiðstöð
Dvalarheimilið í Stykkishólmi óskar eftir
starfsfólki í vaktavinnu og heimilishjálp.
Nánari upplýsingar gefur
Jóhanna Gudbrandsdóttirforstöðukona
í síma 438-1231■
Þá óskar íþróttamiðstöðin í Stykkishólmi eftir
starfsfólki frá og með 20. ágúst eða eftir
samkomulagi í 100% störf, vaktavinna.
Nánari upplýsingar gefur
Vignir Sveinsson, forstöðumaöur á
staðnum eða í síma 898-1260.
Heiðursgestir á leiknum verðafyrstu
Islandsmeistarar ÍAfrá 1951
Umsóknarfrestur er til 4. ágiíst nk.
... j0
siqurs