Skessuhorn - 23.08.2001, Blaðsíða 6
6
FIMMTUDAGUR 23. AGUST 2001
5KOL BLAD
Vatn, jörð, líf og leikur
í Heiðarskóla
Skólastarf í Heiðarskóla hófst á
þriðjudag. í ár munu 120 nemendur
sækja skólann og er það 6-7% fjölg-
un frá síðasta skólaári. Þar er full-
mannað og að sögn Haraldar Har-
aldssonar, skólastjóra, hafa kennara-
ráðningar í ár gengið vonum framar.
„Við erum með tvo nýútskrifaða í-
þróttakennara og búum óvenjulega
vel að menntuðum kennurum. Hér
er aðeins einn leiðbeinandi en sá er
menntaður félagsráðgjafi. í skólan-
um eru þrír menntaðir hannyrða-
kennarar, menntaðir heimilisfræði-,
smíða- og sérkennarar auk tónlist-
arkennara.Við erum að taka í notk-
un nýtt listahús og leggjum sérstaka
áherslu á list- og verkgreinar auk í-
þrótta hér í Heiðarskóla.Við höfum
verið með sérkennslu og stuðning í
almennu bóknámi eins og gengur en
í ár verður boðið upp á það í íþrótt-
um.tónlist og handverki."
Fyrsta kennsluvikan í Heiðarskóla
hefst á þemaviku en þemað er vatn,
jörð, líf og leikur. Nemendur hafa
farið í vettvangsferðir og fóru þeir
yngstu að Hvaleyri í Kjós til þess að
skoða fjöru og safna steinum sem
ætlunin er að nýta. Nemendur á
miðstigi fóru í Skorradal og elstu
nemarnir fóru í golf og renndu fýrir
fisk við Þórisstaði, en golf er nú
orðið hluti af aðalnámsskrá grunn-
skólanna.
A miðvikudag lögðu elstu nem-
endurnir upp í ævintýraferð í
Skorradal. „Þar verða þau í tvo daga
og eina nótt og fá úthlutað pappa-
kassa með ótilreiddum matföngum,
kolum, hníf og snæri. I raun allt sem
þau þurfa en þau eiga að sjá um að
bjarga sér sjálf.Auk þess búa þau til
dæmis til mjög skemmtilega
göngustafi sem þau munu nota í
gönguferðum um svæðið. Þetta er
svona nýting á fjórðu árstíðinni sem
við fáum inn í skólaárið.Við höfum
haft haustið,veturinn og vorið og nú
fáum við síðsumarið líka.“ SOK
Skólastjórinn ásamt Bjarka Degi Óskarssyni og Ragnari Olsen, en þeir hefja skólagöngu sina
á morgun.
Tilhlökkun á Hellissandi
Fimm nýir kennarar verða í starfs-
liði Grunnskólans á Hellissandi á
næsta skólaári og tveir snúa aftur til
starfa, en skólinn verður formlega
settur föstudaginn 24. ágúst. Að sögn
Huldu Skúladóttur, skólastjóra, er
hlutfall kennara með réttindi lægra
en oft áður en á móti kemur að
reynslumiklir kennarar koma aftur til
starfa. Segir hún að fjöldi nemenda sé
svipaður og í fýrra en þó sé lítil fækk-
un á milli ára.
Hulda segir að á næsta skólaári
verði unnið í auknum mæli með svo-
kallað innra mat á skólastarfinu, en
það er umbótamiðað og ætlað skila
betra skólastarfi. Þá hefst með nýju
skólaári vinna að Staðardagskrá 21
þar sem unnið verður að því að gera
skólann vistvænan. Nýtt hljóðkerfi
verður vígt á haustdögum sem er
keypt fyrir fé úr sjóði sem nemenda-
ráð og starfsfólk skólans höfðu sam-
vinnu um að stofna. Segir Hulda að
nýja hljóðkerfið muni lífga verulega
upp á félagslíf krakkanna og séu
kennarar fullir tilhlökkunar að hefja
skólaárið. smh
Litlar breytingar á
kennaraliði
Skólastjóri Grunnskólans í Stykkis-
hólmi, Gunnar Svanlaugsson, segir að
litlar breytingar verði á kennaraliði
skólans frá því í fyrra, en skólinn
verður settur formlega á morgun.
Kennarar eru 23 við skólann og af
þeim eru aðeins fjórir nýir. Segir
Gunnar að það sé í raun óvenju há
tala og aldrei hafi svo margir nýir
kennarar verið ráðnir í einu. „Ráðn-
ingamálin gegnið ágætlega en hefðu
kannski mátt ganga betur. Vonir
manns stóðu til þess að með nýjum
samningum mætti gera betur og að
það yrði mun auðveldara að ráða fyr-
ir skólaárið," sagði Gunnar.
Það stefnir í að töluverð fjölgun
verði á nemendum Grunnskólans í
Stykkishólmi. Gunnar segir að á síð-
ustu tveimur vikum hafi t.a.m. 14 ný-
nemar verið skráðir í skólann og það
sé mjög mikið. Segir hann að líklegt sé
að fjöldinn fari á endanum yfir 230.
Miklar breytingar hafa orðið á
skipulagsstarfi í Grunnskólanum í
Stykkishólmi sem annars staðar í
kjölfar kjarasamninganna nýju. Gunn-
Gunnar Svanlaugsson, skólastjóri Grunnskól-
ans í Stykkishólmi.
ar segir að nú mæði mun meira á
stjórnendum grunnskóla við skipu-
lagningu á nýtingu tíma kennara. „Hef-
ur miklum tíma verið varið í að út-
færa hvernig þessi nýja skipan mála
geti orðið skólanum hérna í Stykkis-
hólmi sem mest til framdráttar og
Ijóst er að þar verði allir að leggjast á
eitt til að árangur náist.“
Þriðji vetur símenntunarmiðstöðvarinnar að hefjast
stöðugum vexti
Atvinnuleit
Nám í
„Tölvunámskeiðin eru vinsælust
hjá okkur enda er það yfirlýst stefna
Símenntunarmiðstöðvarinnar að
tölvuvæða Vestlendinga," segir Inga
Sigurðardóttir forstöðumaður Sí-
menntunarmiðstöðvar Vesturlands.
„Tölvuþekking er grundvöllur fýrir
því að fólk geti stundað frekara nám
og því er lögð sérstök áhersla á það.
Við tökum inn tvo nýja kennslustaði í
vetur í tölvunámi, þ.e. Ólafsvík og
Kleppjárnsreyki en auk þess verður
kennt á Akranesi, í Borgarnesi, Búð-
ardal, Reykhólum, Stykkishólmi,
Grundafirði og á Varmalandi."
Aðspurð um nýbreytni segir Inga
að í tilefni af Evrópsku ári tungumála
verði lögð aukin áhersla á tungumál
og verður það kynnt sérstaklega á
viku símenntunar dagana 3. - 9. sept-
ember n.k. Á haustönn verður boðið
upp á námskeið í ensku og þýsku á
Akranesi og spænsku í Borgarnesi,
Stykkishólmi og Grundarfirð.
Af öðrum námskeiðum nefnir Inga
sérstaklega námskeið í skrautkransa-
gerð. „Þar fáum við til liðs við okkur
þekkta konu frá Egilsstöðum sem
Guðrún heitir en hún sérhæfir sig í
að gera skrautkransa úr rusli og ís-
lenskum birkigreinum. Þetta nám-
skeið verður á Akranesi, Borgarnesi,
Grundarfirði og Ólafsvík og er styrkt
af handverkshópnum Hnokka í Borg-
arnesi og hugsanlega öðrum hand-
verksfélögum. Þá má nefna námskeið
í silfursmíði sem hefur verið mjög
vinsælt og ýmis námskeið tengd
starfsmenntun, m.a. sem höfða til
fólks í uppeldisstörfum s.s mál, mál-
Inga Sigurðardóttir
þroska og táknmál. Þá er ætlunin að
bjóða upp á pungapróf fyrir stýri-
menn í Ólafsvík og á vorönn er stefnt
að vélavarðanámi í Stykkishólmi
vegna fjölda áskorana," segir Inga.
Þá segir Inga að í fýrsta sinn verði
á vegum Símenntunarmiðstöðvarinn-
ar boðið upp á námskeið í atvinnuleit
en það sé ætlað fólki sem hafi áhuga
á að hreyfa sig á vinnumarkaði. Það
er Helgi Baldursson sérkennslustjóri
á Bifröst sem sér um námskeiðið.
Einnig verður boðið upp á rekstrar-
námskeið sem kennt verður í gegn-
um veraldarvefinn og segir Inga að
fyrirhugað sé að bjóða upp á fleiri
námskeið með þeim hætti í framtíð-
inni.
Námskeið í íslensku fýrir útlend-
inga hafa verið vinsæl hjá Símenntun-
armiðstöðinni og þeim verður haldið
áfram í vetur. „Við tökum upp þá ný-
breytni, í samvinnu við fýrirtækið
Fjölmenningu, að bjóða upp á
starfstengd íslenskunámskeið. Þá er
námsefnið sérstaklega sniðið fyrir á-
kveðna vinnustaði og snýst kennslan
um að gera sig skiljanlegan í sínu
vinnuumhverfi. Þá verður einnig farið
í réttindi og kennslur vinnustaðanna.
Þessi námskeið verða á vinnustöðun-
um og það eru Bylgjan í Ólafsvík og
Guðmundur Runólfsson hf. í Grund-
arfirði sem ríða á vaðið og vonandi
fylgja fleiri í kjölfarið."
Rúmlega sexhundruð nemendur í FVA
Um 600 nemendur hafa fengið
skólavist í haust í Fjölbrautaskóla
Vesturlands á Akranesi (FVA) í dag-
skóla. f framhaldsdeildum skólans á
Snæfellsnesi eru samtals um 35 nem-
endur;20 í Stykkishólmi og 15 í Snæ-
fellsbæ. Að sögn Harðar Ó. Helga-
sonar, skólameistara, eru auk þessa
einhverjar umsóknir óafgreiddar þar
sem þær bárust of seint.
I sumar hafa verið í gangi miklar
viðhaldsframkvæmdir í skólanum
auk þess sem stækkun bókasafnsins
er í fullum gangi. Hörður segir að
stefnt sé á að nýtt bókasafn verði
tekið í notkun fljótlega á næsta ári.
„Gamla bókasafnið er í notkun eins
og er. Það flyst væntanlega um ára-
mótin yfir í það nýja og þetta verður
klárt sem heild fljótlega eftir það.“
Eins og Skessuhorn hefur áður
greint frá hefur verið unnið að því að
setja upp þráðlaust tölvunet í skól-
anum síðan á síðasta ári. Stefnt var
að því að sem flestir nemendur ættu
fartölvu og var þeim boðið að kaupa
eða leigja slíkar vélar. Hörður segir
að enn sé ekki komið í Ijós hversu
stór hluti nemenda verði með far-
tölvu. „Það voru heldur færri sem
tóku tilboðinu í vor en við áttum
von á. Það kemur nýtt tilboð í sept-
ember og við verðum bara að sjá til
hversu margir taka því. Þetta tekur
allt sinn tíma.“
SÓK
Fjölgun í kennaraliði
Anna Bergsdóttir fyrir framan anddyri
Grunnskólans í Grundarflrði.
I gær var Grunnskóli Grundar-
fjarðar settur. Nokkrar breytingar
eru á kennaraliði, bæði er verið að
bæta við stöðugildum og svo hafa
fimm kennarar farið frá skólanum,
ýmist í nám eða leyfi.Að sögn Önnu
Bergsdóttur, skólastjóra, gengu
mannaráðningar þokkalega og verða
nú tólf réttindakennarar af tuttugu
starfandi við skólann. Um 220 nem-
endur eru nú skráðir í skólann en
svipaður fjöldi hefur verið undanfarin
ár.
í sumar hefur verið unnið að hellu-
lögn á lóð skólans en næsta sumar er
gert ráð fyrir að lokið verði við
þriðja og síðasta áfangann á fram-
kvæmdum skólalóðarinnar. Anna
segir að helstu áherslubreytingarnar
á skólastarfinu felist í að efldar verði
náttúrufræði- og samfélagsfræði-
greinar. „Með nýjum lögum er nem-
endum nú gert mögulegt að taka
náttúrufræði sem valfag á neðstu
stigum. Þeim nemendum sem áhuga
hafa á að leggja fyrir sig raungreinar í
framtíðinni hefur þannig verið gert
kleift að vera betur í stakk búnir þeg-
ar samræmdum prófum lýkur. Á
næsta ári koma svo samfélagsgrein-
arnar inn með sama hætti,“ segir
Anna.