Skessuhorn - 13.09.2001, Blaðsíða 10
10
£tíVÍM*fÚDÁGÚk 13. SÉPTEMBER 2001
jataatnu...
Elísabet Lára Björgvinsdóttir (t.v.), leikskólakennari, og Sigrún Þorsteinsdóttir, leik-
skólastýra, hafa meðal annarra unnið að skólasamvhmunni í Stykkishólmi.
Frumlegt skólasamstarf
í Stykldshólmi
Nú hefur verið bryddað upp á
þeirri nýbreytni í skólamálum í
Stykkishólmi að samstarfi hefur
verið komið á milli leik-, grunn- og
tónlistarskóla í Stykkishólmi. Hug-
myndina að samstarfinu má rekja
til Elísabetar Láru Björgvinsdóttur,
leikskólakennara í Stykkishólmi.
Spannst hugmyndin út frá lokarit-
gerð hennar við leikskólaskor
Kennaraháskóla Islands sem íjall-
aði um það hvernig tvinna mætti
saman tónlist og aðra námsþætti
leikskólans, jafnvel án þess að til
kæmi sérfræðiþekking kennarans í
tónlist. Þannig gengur hugmyndin
út frá því að allir geti unnið víðtækt
með tónlist, með leikskólabörnum,
ef áhuginn er nægur.
Að sögn Elísabetar hafði oft
komið til tals meðal kennara fyrr-
greindra þriggja skóla í Stykkis-
hólmi hversu sterk tengsl eru á
milli góðs gengis barna í lestrar- og
stærðfræðinámi við tónlistarnám.
Hún segir að eftir því hafi verið
tekið að oft séu það tónlistarnem-
endumir sem séu að fá hæstu ein-
kunnirnar á prófum í grunnskólan-
um. „Við sem höfum unnið með
þessum börnum trúum á þá kenn-
ingu að áhrifin, þekkingin og hæfn-
in sem börnin öðlast í tónlistarupp-
eldinu færist yfir á grunnskólanám-
ið. Allmargar rannsóknir styðja
kenninguna, en að auki hentar tón-
list vel fyrir öll börn, gerir þau m.a.
ömggari með sjálf sig, þjálfar ein-
beitingu þeirra og félagsþroska.
Allir eru þannig með - á sínum for-
sendum,“ segir Elísabet. „Sam-
starf skólanna í Stykkishólmi er
einnig liður í því að brúa bilið á
milli skólastiganna og ná samfellu í
tónlistaruppeldi barnanna, frá leik-
skóla og áfram í grunnskóla," bætir
hún við.
I vor var sett á fót nefhd sem
skipuð er, auk Elísabetar, fulltrúa
frá tónlistarskólanum og gmnn-
skólanum. Hefur sú nefnd komið af
stað námskeiðum fyrir kennara sem
munu nýtast vel við eflingu á tón-
listarvinnu með ungum börnum.
Elísabet útskrifaðist eftir fjög-
urra ára fjarnám þann 9. júní s.l. og
hlaut við það tækifæri viðurkenn-
ingu úr minningarsjóði Ásgeirs S.
Björnssonar fyrir ritgerðina. Sjóð-
urinn var stofnaður til minningar
um Ásgeir S. Bjömsson, lektor við
KHI, sem lést fyrir aldur fram árið
1989. Markmið sjóðsins er að efla
vandaða ritgerðarsmíð við Kenn-
araháskólann með því að veita við-
urkenningu fyrir framúrskarandi
B.Ed. ritgerðir og koma þeim á
framfæri. Stjórn minningarsjóðsins
valdi ritgerð Elísabetar úr 9 til-
nefningum sem henni bárust frá
kennurum og prófdómurum.
smh
ÍÞRÓTTIR - ÍÞRÓTTIR - íÞRÓTTIR - ÍÞRÓTTIR
Uppskeruhátíð yngrí flokka IA
Síðasttiðinn sunnudag var haldin upp-
skeruhátíð yngri flokka ÍA í knatt-
spyrnu. Hátíðin var haidin í Fjölbrauta-
skóia Vesturlands og voru á bilinu 350-
400 manns viðstaddir herlegheitin. Að
vanda fengu fjölmargir leikmenn verð-
laun og viðurkenningar. Tilnefndir voru
bestu leikmenn hvers flokks auk þess
sem einstaklingar fengu verðlaun fyrir
mestu framfarir í hverjum flokki. Annar
og fimmti flokkur karla fengu sérstakar
viðurkenningar fyrir að hafa unnið is-
landsmeistaratitil í sumar og það fékk
fjórði flokkur einnig en þeir strákar urðu
íslandsmeistarar innanhúss. Að lokinni
verðlaunaafhendingu grilluðu leikmenn
meistarafiokks fyrir mannskapinn. Eft-
irfarandi fengu verðlaun fyrir góðan ár-
angur á uppskeruhátíðinni:
3. flokkur karla. Besti leikmaður: Ágúst
Örlygur Magnússon en hann vareinnig
valinn besti leikmaður yngri flokka ÍA.
Mesta framför: Kristinn Júlíus Halldórs-
son
3. flokkur kvenna. Besti leikmaður:
Hallbera Guðný Gísladóttir. Mesta
framför: Helga Ingibjörg Guðjónsdóttir
4. flokkur karla. Besti leikmaður: Heim-
ir Einarsson. Mesta framför: Bjarki
Guðjónsson
4. flokkur kvenna. Besti leikmaður:
Lára Hólm Heimisdóttir. Mesta framför:
Valdfs Þóra Jónsdóttir
5. flokkur karla. Besti leikmaður: Björn
Jónsson. Mesta framför: Guðjón Þór
Ólafsson
5. flokkur kvenna. Besti leikmaður:
Hulda Halldórsdóttir. Mesta framför:
Daisy Heimisdóttir
6. flokkur karla. Efnilegustu leikmenn:
Svanberg Björnsson og Gunnar Þór
Þorsteinsson
SÓK
Símenntun á Vesturlandi
Dagana 3.-9. september var vika
símenntunar á Islandi. Af því tilefni
var Inga Sigurðardóttir, fram-
kvæmdastjóri Símenntunarmið-
stöðvar Vesturlands, á ferð um
Vesturland og hitti fólk á bókasöfh-
unum í Olafsvík, Grundarfirði og
Stykkishólmi á fimmtudaginn sl.
Hún var síðan í Hyrnunni í Borgar-
nesi daginn eftir ásamt Birni
Bjarnasyni, menntamálaráðherra,
sem hvatti fólk til að kynna sér kosti
símenntunar.
Símenntun er hugtak sem byggir
á þeirri gamalgrónu hugmynd að
svo lærir sem lifir, að menn verði í
raun aldrei fullnuma. Símenntun-
arstofnanir eru sjálfseignastofnanir
sem reka sig sjálfar en hafa verið
styrktar af ríkinu. Inga segir að
starfsemi símenntunarmiðstöðv-
anna felist bæði í eigin námskeiða-
haldi og einnig í að miðla nám-
skeiðum á milli fyrirtækja og stofn-
anna og annarra námskeiðahaldara.
Hún segir að símenntunarmið-
stöðvarnar hafi í raun leyst gömlu
farskólanna af hólmi, enda hefur
fjarkennslutæknin gjörbreytt að-
stæðum fullorðinsffæðslu. svih
Fyrsta útlilutun úr Blikastaðasjóði
A þriðjudaginn sl. var í fyrsta
sinn úthiutað úr Blikastaðasjóði
og fór úthlutunin fram í matsal
Landbúnaðarháskólans á Hvann-
eyri. Tveir íslenskir námsmenn í
háskólanámi í búvísindum hljóta
að þessu sinni styrki úr sjóðnum,
samtals að upphæð kr. 750.000.
Ingvar Björnsson hlaut styrk að
upphæð kr. 600.000 til framhalds-
náms (MSc) í búvísindum við
University of Guelph í Ontario í
Kanada. Styrkurinn mun m.a.
nýtast við verkefni Ingvars á sviði
plöntukynbóta og plöntuerfða-
fræði.
Björn H. Barkarson fékk styrk
að upphæð kr. 150.000 vegna
rannsóknarvinnu við Montana
State University í tengslum við
meistaranám (MSc) í umhverfis-
fræði við Háskóla Islands. Verk-
efni Björns er aðallega á sviði beit-
arnýtingar og auðlindanýtingar,
svo og sjálfbærrar þróunar.
Blikastaðasjóðurinn var stofn-
aður árið 1999 af Sigsteini Páls-
syni, fyrrverandi bónda á Blika-
stöðum og fjölskyldu hans, til
minningar um Helgu Jónínu
Magnúsdóttur, fyrrverandi húsfrú
á Blikastöðum og hjónin Þ. Magn-
ús Þorláksson og Kristínu Jón-
atansdóttur fyrrum ábúendur á
Blikastöðum. Heimili sjóðsins er
á Hvanneyri og er rektor Land-
búnaðarháskólans formaður
stjórnar.
Hlutverk sjóðsins er að styrkja
nemendur sem lokið hafa háskóla-
námi frá Landbúnaðarháskólanum
á Hvanneyri til framhaldsnáms er-
lendis eða til rannsókna í landbún-
aðarvísindum eftir því sem stjórn
sjóðsins ákveður. Einnig er heimilt
að verðlauna nemendur Landbún-
aðarháskólans fyrir framúrskar-
andi árangur á burtfararprófi.
ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR -
2.flokkur ÍA
Tvöfaldir meistarar!
-tveir titlar á Skagann á fimm dögum
sonar
Leikmenn í öðrum flokki ÍA sýndu
það svo ekki varð um villst að þeir
eru með sterkasta liðið á íslandi í
dag í sínum aldursflokki þegar þeir
tryggðu sér bikarmeistaratitilinn á
mánudaginn. Skagamenn mættu
sterku liði Keflvíkinga á upplýstum
Laugardalsvellinum. Öll umgjörð
var hin glæsilegasta, völlurinn frá-
bær, veðrið stillt með smá rigningu
og fjölmargir stuðningsmenn
beggja liða sem létu vel í sér
heyra. Skagamenn byrjuðu leikinn
miklu betur þrátt fyrir að í liðið vant-
aði fjóra sterka leikmenn, þ.m.t.
Grétar Rafn Steinsson og Jóhann-
es Gíslason, en sá síðarnefndi
hefur verið frá í nánast allt sumar
vegna meiðsla og munar um
minna. Eftir 18 mínútur komust
Skagamenn yfir. Aukaspyrna var
dæmd rétt fyrir utan teig Keflvík-
inga eftir að brotið var á Kristjáni
Hagalín eftir glæsilegan einleik.
Flestir áttu von á því að Hjálmur
Dór Hjálmsson myndi senda bolt-
ann fyrir en Hjálmur var ekki á
þeim buxunum og spyrnti knettin-
um glæsilega rakleitt framhjá varn-
arveggnum í nærhornið. Aðeins
þremur mínútum síðar kom annað
mark Skagamanna. Ellert Jón
Björnsson gaf glæsilega sendingu
frá vinstri á fjærstöngina og þar var
að sjálfsögðu markahrókurinn
Garðar Bergmann Gunnlaugsson
mættur og skoraði auðveldlega úr
þröngu færi. Eftir annað markið
sóttu bæði lið af miklum krafti og
var geysilegur hraði í leiknum.
Staðan hélst þó óbreytt allt fram á
68. mínútu þegar glæsilegasta
mark leiksins kom. Skagamenn
sendu langa sendingu fram völlinn
þar sem tók Ellert við honum, Ellert
var ekkert að tvínóna við hlutina
heldur þrumaði boltanum af 35
metra færi í bláhornið. Glæsilegt
mark. Þrátt fyrir að Keflvíkingar
skoruðu tvö mörk undir lok leiksins
var sigurinn aldrei í hættu. Leikur-
inn var flautaður af um leið og
Skagamenn tóku miðjuna eftir
seinna markið. Annar titillinn á
fimm dögum staðreynd og mikill
fögnuður braust út í herbúðum
Skagamanna.
íslandsmeistar
Leikmenn 2.flokks karla í knatt-
spyrnu tryggðu sér íslandsmeist-
aratitilinn fyrir viku síðan með sigri
á ÍBV á Akranesvelli. Það var Ijóst
fyrir leikinn að leikmönnum ÍA
nægði jafntefli til að enda í efsta
sætinu en það var greinilegt að
drengirnir spiluðu til sigurs strax frá
fyrstu mínútu. Það tók Skagamenn
aðeins fyrstu 15 mínúturnar að
gera út um leikinn, því á þeim kafla
gerðu Skagamenn þrjú mörk og
eftir það var sigurinn aldrei í hættu.
Skagamenn bættu við fjórða mark-
inu en Vestmannaeyingar skoruðu
tvö mörk seint í leiknum. Marka-
skorarar ÍA í leiknum voru þeir,
Garðar B. Gunnlaugsson, Hilmir
Njálsson, Ellert Jón Björnsson og
Elínbergur Sveinsson.
Að leik loknum afhenti Jakob
Skúlason fyrrum formaður knatt-
spyrnudeildar Skallagríms og nú-
verandi stjórnarmaður hjá KSÍ,
Þáli Gísla Jónssyni, fyrirliða ÍA,
íslandsbikarinn.
HJH