Skessuhorn - 01.11.2001, Blaðsíða 6
6
FIMMTUDAGUR 1. NOVEMBER 2001
Yfir þrjátíu störf hafa tapast
segir Gísli Gíslason trillusjómaður í Snæfellsbæ
firði en ekkert hér á Vesturlandið.
Þetta snýst um fleira en byggða-
kjarna og þar hlýtur að skipta máli
hvers konar útgerð er á svæðinu.
Staða smábátasjómanna er mjög
erfið hér þó svo að stærri útgerðir
standi nokkuð vel í kvóta. Eg er
heldur ekki viss um að þessi
byggðakvóti verði unninn í sjávar-
byggðunum eins og reynslan sýndi
síðast. Eg hefði heldur vilja sjá
flatan kvóta á línuna, og er reynd-
ar ósáttur við að þetta skuli vera
aðeins til eins árs.“ Róbert segir að
fyrst og fremst verði að taka tillit
til aðstæðna á hverjum stað. Hann
segir stöðu smábáta á Vestfjörðum
einna besta á landinu þegar litið er
til veiðireynslu og þó að ástæða sé
til að aðstoða hinar dreifðu byggð-
ir landsins verði að líta til fleiri
þátta.
Tekjuskerðing fyrir
bæjarfélagið
Pétur Jóhannsson, bæjarfulltrúi í
Snæfellsbæ sagði í samtali við
Skessuhorn að ljóst væri að svo
miklar takmarkanir á veiðiheimild-
um smábáta og annarra báta í Snæ-
fellsbæ hlytu að þýða tekjuskerð-
ingu fyrir bæjarfélagið.
„Þetta er auðvitað erfitt fyrir
sjómennina hérna á svæðinu en
það má ekki gleyma því að afleið-
ingarnar verða líka þær að tekjur
bæjarfélagsins skerðast. Hlutverk
okkar sveitarstjórnarmanna er að
verja hag bæjarfélagsins og mér
finnst að sveitarstjórnarmenn í
þeim bæjarfélögum sem helst
verða fyrir barðinu á þessari skerð-
ingu mættu vera duglegri að láta
heyra í sér vegna kvótamálsins.
Það er alltaf verið að reyna að
skæla út peninga vegna ýmissa
málaflokka og það verður einnig
að mótmæla því harðlega þegar
stjórnvöld skera heimildir svona
niður. Þetta er það sem við lifum
á,“ sagði Pétur Jóhannson.
Að sögn Kristins Jónassonar
bæjarstjóra í Snæfellsbæ hefur ekki
verið fjallað um málefni smábáta-
sjómanna í bæjarstjórn og því liggi
ekki fyrir afstaða hennar til þessa
máls. Kristinn sagði kvótastöðu
annarra útgerða á svæðinu sterka
sem gæti haft áhrif á væntanlega
úthlutun byggðakvóta.
KK
„Okkur telst til að yfir þrjátíu
störf hafi tapast hér á Nesinu í kjöl-
far kvótasetningarinnar og skerð-
ingar sem hún hafði í för með sér,“
segir Gísli Gíslason, trillusjómaður
í Olafsvík í samtali við Skessuhorn.
Gísli hefur ásamt Torfa Sigurðssyni
farið yfir áhrif skerðingarinnar á
hvern smábát í Snæfellsbæ og þeir
segja niðurstöðxma þessa.
„Eins og ég óttaðist komu þessar
breytingar hart niður á bæjarfélag-
inu enda breyttu margir róðrarlag-
inu í kjölfarið og hafa þurft að skera
niður. Bæði sjómenn og beitninga-
fólk í landi hafa misst vinnuna. Og
þegar maður horfir til aðgerða
stjórnvalda og þess sem boðað hef-
ur verið í sambandi við byggða-
kv7óta þá virðist sem við hér á Vest-
urlandi komum til með að sitja eft-
ir með sárt ennið. Það er vissulega
rétt að staða stórútgerðar hér á
svæðinu er nokkuð sterk en það
breytir ekki aðstöðu okkar sem ger-
um út smábáta. Margir hér eru í
virkilega slæmum málum. Nú hefur
verið rætt um að deila út ríflega
2000 tonna byggðakvóta sem mun
að öllum líkindum fara til þeirra
staða þar sem stórútgerð er ekki.
Eins og málin virðast ætla að þróast
eru hverfandi líkur á því að við
fáum einhvem byggðakvóta hingað
og það erum við skiljanlega ekki á-
nægðir með,“ sagði Gísli Gíslason.
Taka verður tillit til
aðstæðna
„Eg er mjög ósáttur þegar talið
berst að byggðakvótanum og
væntanlegri úthlutun hans,“ sagði
Róbert Óskarsson, trillusjómaður í
Ólafsvík þegar Skessuhorn ræddi
við hann í vikunni. „Eftir því sem
okkur skilst fer kvótinn líklega til
Vestfjarða, Grímseyinga og
Hríseyinga og eitthvað austur á
Dvalarheimili aldraðra
Borgarnesi
Hinn árlegi basar á Dvalarheimilinu verður haldinn
laugardaginn 3. nóvember 2001 kl. 17:00.
Munimir verðar til sýnis kl. 15:30 - 16:45.
Kaffisala verður á staðnum kl. 15:30 - 18:00.
Sala á basar hefst kl. 17:00
Agóði af kaffisölu rennur í ferðasjóð heimilisfólks.
Allir hjartanlega velkomnir.
EPSON DEILDIN I KORFUBOLTA
Sunnudaginn 4.nóvember kl. 20
Skallagrímur-Haukar
í íþróttamiðstöðinni Borgarnesi
Allir á völlinn