Skessuhorn - 21.11.2001, Blaðsíða 22
22
MIÐVIKUDAGUR 21. NÓVEMBER 2001
aK£S3unu>.:
Gaman er að lifa
Dægurlagakeppni Borgarfjarðar haldin á laugardaginn var
Hinn árlegi Gleðifundur Ung-
4 mennafélags Reykdæla var haldinn
sl. laugardagskvöld í Logalandi. Sú
hefð hefur skapast að á Gleðifundi
er Dægurlagakeppni Borgarfjarðar
haldin sem hluti af skemmtidagskrá
kvöldsins. Að þessu sinni bárust 13
lög í keppnina og voru 8 þeirra val-
in til flutnings í henni. Gestir sam-
komunnar kusu síðan bestu lögin
og var þannig mynduð hin ágætasta
Eurovision stemning.
Sigurlagið í keppninni að þessu
sinni var lagið „Gaman er að lifa“,
% eftir Indriða Jósafatsson æskulýðs-
fulltrúa í Borgarnesi en textann átti
Bjartmar Hannesson skáld og
bóndi á Norðurreykjum. Það var
Kristín Magdalena Agústsdóttir
sem söng lagið við undirleik hljóm-
sveitarinnar Stuðbandalagsins og
þótti kraftmikill og góður flutning-
ur hennar á laginu eiga hvað stærst-
an þátt í sigri þess. A þriðja hund-
rað manns komu á Gleðifund en
aðsókn hefur undanfarin ár farið
vaxandi og er hann nú einn af best
sóttu menningarviðburðum í hér-
aðinu þrátt fyrir aldur, en þetta
mun vera 93. Gleðifundurinn sem
haldinn er.
MM
Kristín Magdalena Agástsdóttir í léttri sveiflu ásamt meðlimum Stuðbandalagsins.
*
^Penninn
Hvenær verðnr aðal-
fundur Verkalýðsfélags
Akraness haldinn?
Það eru um 7 mánuðir síðan að
haldin var kosning í verkalýðsfé-
lagi Akraness. Þar sigraði Hervar
Gunnarsson, fyrrverandi varafor-
setd ASÍ, og einn af forystumönn-
um í Verkamannasambandinu
með aðeins 23 atkvæða mun.
Ein helsta ástæðan fyrir þessu
mótframboði, var óánægja með
starfsemi félagsins, gerð lélegra
samninga, og óreiða í fjármálum
félagsins.
Ætla mætti að mótffamboðið,
gerði núverandi stjórn það
ánægjulega verkefni að rífa upp
félagið, og gera það að því bar-
áttutæki sem er svo nauðsynlegt
fyrir okkur launafólk.
En nú bregður svo við að það
eru haldnir sjaldan fundir í trún-
aðarráði, og það sem meira er að
ekki er búið að halda aðalfundi í
félaginu. En samkvæmt lögum fé-
lagsins ber að halda aðalfund í júní
og í lögum ASÍ segir að það eigi
að halda aðalfund í maí. Engar
skýringar hafa verið gefnar í trún-
aðarráði félagsins, enda trúnaðar-
ráðsfundir sjaldan haldnir.
Hvað veldur?? Er meiri óreiða í
reikningum félagsins heldur en
vítað er um? Er eitthvað í reikn-
ingum félagsins sem ekki er hægt
að skýra?
Hvers vegna hefur dregist svona
lengi að halda aðalfund? Spyr sá
sem ekki veit.
Sigurður H. Einarsson
A sæti í trúnaðarráði
Verkaljðsfélagsins.
v
BORGAR8YGGB
Auglýsing
Borgarbyggð óskar eftir tilboðum í
sorphreinsun í Borgarbyggð. Um er að ræða
losun á sorpi frá ríflega 600 heimilum í
Borgarnesi auk losana á sorpi úr gámum
sem staðsettir eru víðsvegar um
sveitarfélagið. Verktaki skal koma sorpi á
viðurkenndan urðunarstað sem er við
Fíflholt í Borgarbyggð.
fafhframt er óskað eftir tilboðum í
rekstur gámastöðvar í Borgarnesi en
þar fer fram sorpflokkun.
Útboðsgögn eru afhent á bæjarskrifstofu
Borgarbyggðar. Tilboð skulu hafa borist
| Tæknideild Borgarbyggðar Borgarbraut 11,
| 310 Borgarnesi, eigi síðar en föstudaginn
| 4.janúar 2002, kl 14.00 og verða þau þá
1 opnuð í viðurvist þeirra bjóðenda er
viðstaddir verða.
Borgamesi 20-11-2001
Bœjarverkfrceðingur Borgarbyggðar.
Eigendur og starflfólk Café 15 á Akranesi skreyttu húsið hátt og lágtfyrir síðustujól og vakti það mikla athygli. Morgunsjónvarp
Stöðvar 2 og timaritið "Séð og heyrt" komu t heimsókn auk þess sem greinar birtust ídagblöðum og auðvitað hér í Skessuhomi.
Innan um jjölbreyttar jólaskreytingar, jólailm ogjólalög undu gestirsér velfrá miðjum nóvember fram yfir áramót. Nú hefurverið
komið upp skreytingum og stemningin er lík og tfyrra og hefur aukist f eitthvað er. I gömlu húsi verða skreytingar að vera i anda
hússins jálfl þannig að þærfari vel og vel hefur tekist til. Boðið er upp ájóladisk, sem er einskonar sýnishom af íslemkum mat á
jólum auk þess sem jólakræsingar eru íboðifyrir hópa að ógleymdu heitu súkkulaði t kuldanum, smákókum og Hnallþórum að
íslenskum sið. Likt og ífyrra er atlunin að lesið verði úr jólahókunum og eftil vill ber óv<enta gesti að garði.
Yfirlýsing meirihluta stjómar
Verkalýðsfélags Akraness vegna les-
andabréfs Vilhjálms Birgissonar.
I Skessuhorni í síðustu viku birt-
ist lesandabréf frá Vilhjálmi Birgis-
syni, aðalmanni í stjórn félagsins,
sem var nokkuð sérstakt. Um var að
ræða fyrirvara og athugasemdir
sem hann hafði afhent félaginu
vegna ársreiknings þess. Það sem
gerir þetta sérstakt er að Vilhjálmur
ákveður að birta opinberlega erindi
sem er í raun til aðalfundar félags-
ins. Sá aðalfundur hefur ekki verið
haldinn en er nú ákveðin 4. desem-
ber n.k. og þ.a.l. hafa félagsmenn
ekki fengið tækifæri til að fjalla um
þessar athugasemdir Vilhjálms. Það
hefur hinsvegar verið venja að birta
ekki slík erindi fyrr en að umfjöllun
lokinni. En í þessu tilfelli eins og
öllum öðrum „veldur hver á held-
ur“.
f athugasemdum þeim sem Vil-
hjálmur Birgisson setur þarna á
prent og dagsettar eru 26.10.2001
eru efnisatriði sem þarfnast ítar-
legra skýringa.
Við undirrituð, sem öll höfum
undirritað ársreikninginn athuga-
semdalaust, gerum okkur fulla
grein fyrir því að ekki er unnt að
svara þessum atriðum í stuttu máli
þannig að vel sé.
Því veljum við þá aðferð að svara
þessum atriðum almennt hér en
munum gera aðalfundi félagsins
sem og félagsmönnum öllum
gleggri grein íyrir málinu síðar.
Flest þessara atriða eru þess eðlis
að þeim hefur þegar verið svarað þó
svo að Vilhjálmur hafi kosið að
hlusta ekki á þau svör. Þessi atriði
eru;
* Málefni Stéttarfélaganna -
Vinnumiðlunar.
* Meintur skortur á fylgiskjölum
sem Vilhjálmur tekur til.
* Kaup félagsins á símum þeim
sem formaður félagsins hafði skaff-
að félaginu til afnota árum saman.
* Asökun um að formaður félags-
ins hafi „tekið sér“ aukalega 27 or-
lofsdaga.
Fyrst talda atriðið hefur raunar
áður verið til umfjöllunar á aðal-
fundi félagsins.
Hvað varðar önnur atriði sem
Vilhjálmur tilgreinir í athugasemd-
um sínum viljum við taka ffam;
1. Vilhjálmur segir formann hafa
leynt stjórn félagsins fyrirvara lög-
gilts endurskoðanda félagsins. Hið
sanna er að endurskoðandinn gerði
sjálfur grein fyrir þessum eina fyrir-
vara sínum á fundi stjómar þann
28.06.2001. Á þeim fundi var Vil-
hjálmur mættur.
2. Varðandi auglýsingatekjur á
félagsskírteinum þá er það rétt að
þær er ekki að finna í bókhaldi fé-
lagsins þrátt fyrir að formanni og
löggiltum endurskoðanda félagsins
hafi verið sagt til skamms tíma, af
hálfu skuldarans, að hann hefði
þegar greitt þessar auglýsingar.
3. Hvað varðar athugasemdir
Vilhjálms um ávöxtun fjármuna fé-
lagsins er það okkar skoðun að að-
alfundur á árinu 2000 hafi afgreitt
það mál og í því máli hefur ekkert
nýtt komið fram.
4. Að endingu verður að segja
það að niðurlag þessara athuga-
semda Vilhjálms, ásamt efnisinni-
haldi, ber þess merki að hann hefur
tekið þá ákvörðun að nota aðstöðu
sína sem stjórnarmaður til að van-
virða formann félagsins, stjóm og
starfsmenn auk endurskoðanda og
skoðunarmanna. Sú niðurstaða
hans að stefna stjóm félagsins (sem
raunar hefur ekki verið gert þegar
þetta er ritað) hlýtur að vekja upp
þá spurningu hvernig hann sjálfur
getur setið í þeirri sömu stjórn.
Akranesi 20. nóvember 2001
I stjóm Verkalýðsfélags Akraness:
Hervar Gunnarsson
Elín Hanna Kjartansdóttir
Elínbjörg Magnúsdóttir
Astríður Andrésdóttir
Þórunn Amadóttir
Jón Jónsson
Jóhann Öm Matthíassson
Bjöm Guðmundsson
Sonja F. Jónsson
Hulda Sigurðardóttir